180 POPCORN (K11購物藝術館)

营业中

休息中

新年我去拜年嗰時經過K11 ，地鐵上一層見到爆谷店門口排緊隊，又聞到浸爆谷香味，所以就買咗一包試吓。我見佢嗰陣時有焦糖味，朱古力味同哈密瓜味。但係第一次食唔敢博新味道，所以就揀咗焦糖味嚟食啦。本身諗住要等一段時間，因為買咗嘅人都唔少。但係原來佢一路整一路排到幾快，仲因為咁可以食到新鮮啲嘅爆谷！大約等咗5分鐘到就已經排到我。我一拎上手就已經感覺到個爆谷趣嘅質感，因為撳落去嘅時候仲係硬梆梆，唔會淋左嗰種手感！同埋我拎每一粒嘅時候啲焦糖都係好平均咁樣分到滿晒喺每一粒度

今日我同男朋友一齊去行街，突然之間聞到陣好香嘅味道。我地跟住個香味行到呢間鋪頭，因為我知道我男朋友好鐘意食甜食，所以買咗一大包，一路行街一路食。嗰時咁啱我地想要個隻哈密瓜味，有店員整緊新，所以決定等一下要啲剛出爐！等個時個店員話我地知，佢地啲爆谷係全天然材料製造，話一陣試下就知隻味有幾正。我地收到之後一打開個包裝，就聞到勁香哈密瓜味，有少少清甜但又唔會好似密瓜奶咁死甜嗰種。仲要粒粒都有味，唔係好似睇戲個種有d白色冇味道！爆谷口感都勁脆，完全食唔停口一粒接一粒，好彩揀咗買大包，如果唔係兩條友要爭。

放工經過聞到好香，買咗包試勁好食。高質過戲院嗰啲好多最抵讚啲焦糖分佈剛剛好，又夠平均。食落粒粒都好足味。但又唔係死甜嗰種。見咁好食我留咗啲返屋企比個仔試，佢食完都話好食！佢又唔油，唔會食到隻手指好油，平時食其他有時會隻手好油好唔鐘意同埋明明我搭車過咗成半個鐘，但係仲係好脆，少少氣都冇漏。佢包裝個封袋設計都做得幾好。如果下次再去打算試埋其他味，返工當零食又得，拎返屋企睇netflix食又得。勁方便。呢個價錢食到呢種質素爆谷好值！！！