328美食

营业中

休息中

今日出紅磡做野，經過一開名叫328美食舖頭！發出一陣的油香味，嗅覺醒來，感覺有點餓。買了一隻炸雞脾($15隻)，老闆翻炸給我，熱辣辣！嘩！一咬落口，香脆、夠味，雞肉的汁都噴了出來。好耐都未食過咁好味ga雞脾啦！真係值得一讚。

我本身是很喜歡食水尤魚的，所以今天放假，專登和男朋友出去紅磡試試，之前其實已經有幾個朋友介紹過這間328美食！店舖有很多小食選擇，包括：(生菜魚肉、煎釀三寶、燒賣、咖喱魚旦等等.....)我第一時間去到，一定要試下炸尤魚，雖然$5件好似有點貴，但一食入口到，覺得值得的。真的很好味，好耐無試過這種味道了！爽口，就算不用落其他醬汁也夠味道！忍唔住口，係嗰到食左4件。之後再買左$6有4件的三寶(青椒、矮瓜、魚旦、豆付)各一件。三寶都ok，不過不失，好食過旺角嗰d。之後買左2隻炸雞脾($15隻)，和男朋友一人一隻！點知原來炸雞脾也是超好食，香脆，夠味！老闆還會在雞脾上，灑小許話鹽，令雞脾食落更加香口。最後我也忍不住要買多些三寶及炸尤魚回家給屋企人食！

喺飽餃店食完小籠包，個胃仲有位，於是行過隔離篤野食。買了4件煎釀3寶 ($6)，加2件魷魚 ($6)。煎釀3寶要了炸魚旦同茄子。味道也就是不過不失，未算好出色；魚肉質地幾黏糯，不會腥也沒有碎骨。茄子都係平時食嗰d咁啦，都預咗oily 。魷魚..雖然好多人話好味，但其實唔好味，因為嗱得太勁，嗱到無晒味不單止，食落仲有少少嗱。呢d煎炸肥膩之物都係久唔久食一次好喇。

2010-5 (weekend)晚餐食唔落, 走去明安街的328美食, 望住諗吓, 煎釀三寶就要了茄瓜+青椒+魚丸; 炸水發魷魚就兩件, 炸脾就留待下次吧.本想回家才吃, 實在忍不住在巴士上就ko晒喇, 三寶其實一般啦, 不過魷魚就真係好彈牙勁大塊, 成隻手掌咁長呀, 好少見架, 正呀,

近排又去紅磡做 job...行經這條紅磡出名的食街..口痕痕就試左黎個街邊小食.. 都幾多野炸物.唔知要點個好.見阿老板剛剛出了個魷魚..熱喇喇...就黎個喇喔...好有咬口哦,好重膠質,味道鮮..咀嚼時更會塑塑聲 tim...唔錯.

2009-1-13(星期五)$12雞脾有分大隻小隻價錢–『$12一隻是細Size價錢–敬意留意！』$6有四粒炸魚蛋，有時大粒有時細粒，我覺得此舖既炸魚蛋嫩口，吾似其他舖頭既硬既。淨魚肉–覺得內含很高鈉質，碗仔翅OK啦！

呢間328最出名應該係煎釀三寶啦, 炸雞脾都好多人買家! 我多數都買$30, 佢會用個盒盛住, 攞番家慢慢食, 不過企喺到等既時候就超大油煙啦, 佢地啲炸魚蛋有時會有骨喺裡面, 應該係啲魚肉問題!

第一次寫食評,揀左呢間,因為前晚剛剛食左串燒賣,燒賣我家姐最愛食呢間。住左附近10幾年,炸雞脾由$9開始食,上個月食既時候已經變左$12(定$11,唔記得左),雖然貴左但依然好好味,好脆好夠味。

四處尋找好味的煎釀三寶，每每經過小吃攤擋都會買來試食。餃子店旁邊就有一檔，老伯正開大油鑊炸青椒，行近一點，也被熏得一身油煙味，匆匆選了四件就快步離開。炸魚蛋膠質重了些，紅腸則平平無奇；炸豆腐較為討好，魚肉填滿了整塊豆腐，不像有些鋪頭只會抹上一丁點。倒要一提，是店會反炸所選食物，所以定必熱辣辣，而且可以淮鹽代替豉油，味道上算是有些特色。

剛又吃過了蛋牛治，心想怎樣也再吃不到任何食物了吧。不過真是"世事無絕對......"跟女友沿著必嘉街行著，忽然聞到了一陣非常非常香的油炸味。一般的煎釀三寶是絕對不會有如此強勁的油香味的，心想這小店有點不簡單。 = =+細看一下，原來是由一位伯伯負責主理所有油炸食物的，照推斷來說，這位伯伯對製作煎釀三寶有不少經驗。既然單是這個氣味便令我"回復戰鬥力"，這個三寶也不會差了吧﹖然後，便要了釀豆腐兩件、紅腸兩件、炸彈(魚蛋)兩件、茄子兩件和土魷魚兩件。這位伯伯怎樣也不說用上了那一種油來炸食物，從氣味上像極是花生油，但吃下去時又有點不盡相似。另一個想不到的地方，就是放在三寶上的豉油。一般的豉油都是死咸死濃的。但這裡的醬汁明顯經過調味，所以味道不至於太咸但保留了豉油的香味。所有的三寶中，最特別的是土魷魚，這個本該在小時候才有的三寶材料，今天重視"江湖"，看來我的推斷沒有錯，這位伯伯是一位經驗豐富的老手。吃著三寶，又被它的味道刺激了本來已呆滯了的食慾~ 呵呵呵

食完飽餃店未夠喉，過隔離328小食整返2串野食~ 燒3寶感覺幾好，老婆仔愛吃茄子，選了2塊茄子+燒青椒配肉+魚丸~ 另外要了串燒賣+墨魚3寶夠曬新鮮，熱辣辣的~ 茄子好好味~ 咬落去D汁必曬出離，感覺1流~ 青椒也不錯~燒賣6蚊1串有6只~~ 好抵食不過晤好味~~ 墨魚則非常爽口，即叫即煮~ 落jor甜醬後味道很搭配~ 墨魚細串jor些少，還是肥姐的好