616燒肉酒場 (已結業)

616打邊爐就試過幾次，但係燒肉就第一次試。本身佢會有啲二人餐，不過由於大家都有部份嘢食係冇興趣，所以叫咗個特上盛宴，另外加多份牛舌，當然燒肉嘅話一定唔少得啤酒la佢呢個set入面都幾多嘢食，有魚有雞有豬有牛，平均每樣都有4件，另外仲有兩塊好大塊嘅西冷。佢仲會俾埋生雞蛋你沾黎食。坐嘅環境幾舒服，幾有日本餐廳feel，雖然得一個服務員，但係佢都幾細心，每上一款肉佢都會講解吓個食法。最後食食吓落大雨，由於趕住返屋企所以我哋都keep住7成飽咁走人。

星期六的返工lunch節奏，想食一直都冇食過的616燒肉酒場，見到佢menu 午餐又唔算貴，所以就去食下。牛前胸燒鳥定食$98有四嚿雞加三嚿牛同埋啲蔬菜，加碗白飯，正常味道，還好。壽司盛配烏冬定食$88有六件壽司同個腐皮烏冬，壽司略嫌比較細，蝦個件壽司幾好食，幾新鮮，整體黎講份量就唔多，味道正常。加$10就可以變做餐，有麵豉湯，蒸蛋，沙律，仲有飲品，飲品係四揀一，我揀左桃味嘅乳酸，仲有甜品，甜品係柚子雪芭。

616火鍋之前都食過幾次，今次試吓去佢哋嘅燒肉酒場，呢度裝修好有日本feel 🇯🇵同埋服務都好好，坐得好舒服！前菜推介大家一定要食佢哋嘅自家製冰話梅小蕃茄，食落去酸酸甜甜，好開胃呀！除咗燒肉之外，佢哋仲有刺身、壽司同主食嫁！「獅子王飯卷」上面嗰層係鰻魚，裏面包住牛肉，呢個配搭之前未試過🤭今次食佢哋呢個特上盛宴（$398），裡面有薄燒西冷、鯖魚、日本雞腿肉、鹿兒島黑豚五花肉、牛肋條、牛腹心、牛前胸同蔬菜！佢哋嘅肉全部都好高質，一定唔會令你哋失望！薄燒西冷加埋蛋汁一齊食，唔會太油膩，真係冇得輸👍🏻👍🏻

美味2人套餐🍽，抵食值回票價👍🏽，超滿足食到飽飽😋，太后無投訴😁兩個人四百幾蚊埋單食到飽飽，抵食過乜乜放題大x屋嗰啲。啲肉全部都係靚嘢，啲牛肉質素非常之高，唔會冇味唔知自己食緊乜！同老人家食飯最怕就係啲肉太韌咬唔到，但係太后今次冇投訴，食到津津有味👍🏽👍🏽👍🏽而且仲有職員招呼態度非常殷勤，每一樣食材都細心解釋令你食得滿意。疫情前都曾經去過呢間616酒場度食過飯，但係當時係屬於中高價錢 ，而家價錢調整過做咗啲特惠套餐，所以非常之抵食。

日式居酒屋裝修幾靚，入到去有一刻真係好似去左日本咁。店員態度唔錯，會主動介紹餐牌，亦會細心地為客人添熱茶，預再點菜/查單問題好快就幫忙解答。價格有一點貴，但勝在食物質素有保証同店員服務好。

有日我和朋友經過見到呢間野，個裝修好靚，所以決定入去食，入面個環境仲靚，啲聖誕裝飾，令到間店好有氣氛😍，啲日本牛肉好好食，好多汁，服務員，好有耐性介紹個拼盤，最緊要係，我同朋友都唔係好識燒肉🥲，個店員仲會主動問我哋需唔需要幫我哋燒，店員真係燒得好好食😋😋👍🏻👍🏻👍🏻，真心讚👍🏻👍🏻💖，一定會再幫襯👍🏻👍🏻👍🏻👍🏻，肉既嘅款式，都有好多， 建議可以搵埋多啲朋友一齊食，可以試多啲肉類，呢間店係一間可以和朋友，傾偈嘅好地方☺️，我認為價錢，都合理，至於衛生，我自己就好滿意，因為其他燒肉店多數都係油煙好勁，枱和椅子都會有少少🤏🏻油，但係呢一間店舖，完全沒有油，仲好乾淨，呢個超級讚👍🏻👍🏻👍🏻👍🏻👍🏻最後仲會送埋一個甜品俾我哋食，個甜品好好食😋😋👍🏻👍🏻好清新

最近我同朋友去咗食燒肉，我搵路搵左一陣先搵到，原來大圍有幾多間都叫 616。首先，我地叫左「楓。和牛盛宴」~入面有好多肉肉，例如：鹿兒島黑豚肉、牛肋條、三角肩肉、肉眼上蓋、牛舌、牛腹肉同牛小排。全部嘅肉質都好鮮嫩！每一款肉都係燒之前已經好吸引，一食落 D肉香出曬黎，每一口都好滿足。其中我最中意係牛小排，個質地好細緻，入口酥化，真係令人巧巧食！而肉眼上蓋同牛腹肉都係有油花，入口嘅時候牛香四溢，回味無窮。除咗「和牛燒烤餐」之外，我仲試咗佢哋嘅「黑毛和牛牛柳」。即使係單點嘅肉都好出色，仲要送個小拼盤！黑毛和牛牛柳係屬於比較嫩嘅部位，佢嘅質地好有咬口，咬落去真係好嫩好滑，真係令人口齒留香。而且，服務員都好友善，環境又舒適。不過要留意一下，呢度嘅價錢相對較高，所以如果係預算緊張嘅朋友，就要諗清楚喇。

見到門口好靚好似有棵櫻花樹咁樣，跟住之後呢其實期待咗嚟呢間試好耐㗎喇咁啱今日有位就過咗嚟嚟到嘅時候呢嗰個店員服務態度都好好㗎，set台介紹餐牌，笑容都ok! 但係唔知點解叫晒嘢食之後開始食到一半小朋友開始啲筷子問佢攞對筷子個店員又黑面，跟住之後佢哋用啲小朋友餐具喺膠嚟嘅，加咗熱水，咁我哋就同佢講唔係幾好之類嘅說話，我哋都未講完佢又黑面！果下真係覺得服務態度好差！野食下次有機會先再評啦

The environment is japanese style and clean. The price is reasonable. The meat is fresh and nicely seasoned. But the two waitresses kept giving people uncomfortable looks so we might not return next time.兩個一肥一瘦女侍應全程黑面，令我哋感覺太唔舒服，下次未必再去。

本人第一次預訂餐廳為小朋友慶生 用openrice apps預訂夜晚7點半入閘。該餐廳主打日本燒肉 櫻花佈置作為主題 氣氛音樂加上由門外至內部裝修也看出很有心思；假櫻花做天花配搭後生女員工服飾絕配！ 服務方面招呼週到！侍應不時看看我們有什麼需要隨時候命，亦有定時更換炭網 有禮貌值得讚揚！食物方面以$888二人餐加上 promotion點like+follow既推廣餐牌最抵 包酒水 前菜及甜品 小朋友也食得津津有味 可以有下次 臨走仲有$100 coupon下次用 讚！

牛肉很多肉汁又香噴噴。鱔的肉爽口鮮甜，非常有驚喜。茶碗蒸又滑又香，又有海鮮在上，十分好吃。有詳細的指導牛肉吃法及窩心的紙條說明牛肉種類，職員有建議該怎樣吃的次序，十分細心。

細細一間舖頭，充滿日本街頭小店嘅感覺🎏普通燒肉、澳洲和牛大概 $70 至 $100 一碟，唔平但質素都唔錯🐂成個氣氛幾適合幾個朋友嚟燒下肉、飲下酒、食下刺身🌃今次叫埋佢個燒鰻魚，加埋鰻魚汁去燒，食落口外皮香脆香脆，正👍🏻、味道 😋：🔸🔸🔸🔸CP值 💸：🔸🔸🔸環境🌸：🔸🔸🔸🔸、【616燒肉酒場】📍 大圍積福街60-62號好時洋樓地下4-5號舖🌤️12:00-15:00；17:30-22:30、

難得入大圍，梗係食餐好嘅先走，所以去咗「616燒肉酒場」食燒肉🤭.黑毛和牛特選牛小排🐂油花比例均勻😍油香突出😉質感柔軟，入口即溶🤤.澳洲和牛牛肋條🐄牛肋條預先醃製👨🏻‍🍳肉味幾重，甜甜哋😝脂肪部分比較有咬口，用生菜包住食無咁膩🥬🫑.燒鳥盛盒🐓有雞頸肉、雞腎同雞腿肉🍗雞頸肉結實，雞腎有咬口，少少爽脆😆雞腿肉嫩滑👍🏻.黑豚腩西京燒🐖西京燒汁鹹甜😲黑豚腩燒至焦香🔥肉質軟腍鬆化，好香口😋.自家製冰話梅小蕃茄🍅酸酸甜甜，幾開胃😗.野菌蟹肉茶碗蒸🥣蛋非常嫩滑🥚加入好多蟹肉🦀瑤柱同野菌🍄令茶碗蒸增添了一份鮮甜☺️

見網上好多人都推薦呢間燒肉唔錯，所以同朋友決定去試下，d牛又真係好高質，新鮮得嚟紋理又靚，員工仲會教我哋點樣燒肉先會令個肉嘅口感更好！食下自家製冰話梅小番茄真係好開胃！

616第一間燒肉店😍啲肉好靚好新鮮～·～·～·～·～·～·～·～·～·～·～💁🏽‍♀️和牛舌三點盛 $168汁燒牛舌片燒嘅時候比較難控制火喉太過就燒到唔好食我都係覺得牛舌芯啖啖肉比較好🤓💁🏽‍♀️日本和牛三角肉 $178💁🏽‍♀️俄羅斯牛側胸肉 $88💁🏽‍♀️澳洲朱古力和牛肩肉 $88有驚喜😍脂肪分布好平均口感一啲都唔靭，好濃嘅牛香💁🏽‍♀️澳洲和牛肋條 $98醃製好嘅牛肋條好大條我估應該係燒汁嚟掛😜甜甜地幾好味💁🏽‍♀️鹿兒島薩摩地雞💁🏽‍♀️特上壽司盛合 $138💁🏽‍♀️冰話梅小蕃茄 $28開胃小菜🤪食太肥膩嘅野配呢啲小菜係必須的甜甜酸酸咁好好味食完之後我番屋企成日整