影片
港铁朗屏站 F 出口, 步行约5分钟
继续阅读
开饭介绍
新式点心店，主力提供传统港式点心及中式糖水，招牌菜为雪山叉烧包。
继续阅读
营业时间
星期一至日
08:00 - 21:00
公众假期
08:00 - 21:00
公众假期前夕
08:00 - 21:00
以上资料只供参考，请与餐厅确认详情
🛍莎莉终于出现啦！熊妹有几耐冇见过好朋友莎莉呀？咁耐冇见莎莉，梗系同佢去远啲地方玩吓啦！元朗够远啦挂！同佢饮个茶🍵食个点心🍘，然后再去附近嘅千色汇行吓倾吓偈抖下🗣，绝对系同好朋友一齐的赏心乐事！📌先去咗朗屏行吓，知道有间叫《8号茶居》的点心专门店，价钱几便宜，一于试吓！📌店舖都几大，有四人梳化坐卡位🛋，有二人同四人坐嘅木凳位🪑，餐厅感觉好光线，以木系同埋蓝色色调为主，感觉好柔和。📌食物都好多款选择，大路的点心、蒸饭都有齐，有啲款式一蒸两笼，啱晒二人份量，最特别系有个流心西多士，呢个一定要必试喇。雪山叉烧包， $25熊妹钟意食叉烧包，因为钟意食浓味嘅酱汁。雪山叉烧包好大一个，比传统叉烧包就多一层口感，墨西哥外皮甜甜地好松脆，馅料都几多，甜甜地嘅叉烧酱汁，有粒粒叉烧冇肥肉位。蟹籽烧卖皇， $19烧卖皇后熊妹食点心点会唔点烧卖呀？一笼烧卖有两大粒，真系超大粒，啖啖肉冇肥猪肉渣，点豉油辣椒油一定一流。鲜虾菜苗饺， $20比起虾饺嚟讲熊妹更加钟意食菜苗饺，因为有虾之余，仲有一啲菜，好似感觉上清新啲，健康啲。菜苗饺真系超大一只，好似粉果咁大，入面虾肉🦐好弹牙，调味好足够，带出虾肉嘅鲜味又能盖过菜苗嘅草青味🌱，水晶皮超薄，惊夹大力啲都会夹烂，真系皮薄馅靓。老干妈蒸凤爪， $27莎莉想食凤爪，《8号茶居》用咗老干妈酱汁调味，味道非常浓郁，凤爪大大只，蒸得好淋，酱汁好入味，入口即溶，仲可以咄返骨出嚟，呢个就系食凤爪嘅滋味。鸳鸯鲜虾米网肠， $36鸳鸯虾米网肠几特别，颜色非常鲜艳，系鲜灯同鲜绿色，表皮肠粉够薄又嫩滑，内里网肠好脆口，仲有粒粒虾米粒，点豉油辣椒油又系味道一流，一碟八件，份量都几多下。瀑布流心西多士， $31到熊妹最期待嘅点心啦！熊妹不嬲都好好奶黄流心的，钟意奶黄的奶香同甜味。唔好睇外表平平无奇，哗！一切开，瀑布嘅奶黄流心真系涌晒出嚟，流心效果做得非常之好，奶黄嘅味道重奶香🥛又唔会好甜，流心嘅质地渗入晒面包入边🍞，食落去真系好滋味！呢个咁高卡路里嘅邪恶食物，熊妹都忍唔住食咗大半件。到熊常之好，奶黄嘅味道重奶香🥛又唔会好甜，流心嘅质地渗入晒面包入边🍞，食落去真系好滋味！呢个咁高卡路里嘅邪恶食物，熊妹都忍唔住食咗大半件。擂沙煎堆仔， $27食咗咁多咸嘢，食多个甜品煎堆仔真系圆满结束啦！一叠有三粒，外皮炸得好干身粒粒芝麻好香，咬落去，外皮够厚身又软糯，入边有黑芝麻酱，同软糯嘅外皮一齐食，份量刚刚好，映衬返外皮白芝麻粒嘅芝麻香味，呢个煎堆仔都做得几出色。📌两个人七款点心，想食嘅全部都试匀晒，真系顶住个大肚腩离开。价钱亲民，连茶介每位$6，埋单都唔使$200，环境又阔落，自成一角，最开心可以大声讲大声笑，就系同好朋友饮茶食点心的乐趣。
继续阅读
又来呢到饮茶！呢间小店食物一向高质，中午就系要饮茶叹点心🥰.几款每次必点！蟹籽烧卖皇和8号虾饺皇大大粒非常弹牙，黑松露野菌粉果皮做得烟韧出色香浓黑松露口味，豉椒排骨饭砵仔碗上好有特色，饭系劲有咬口真系一粒粒软硬适中每次一定点！排骨加上辣椒甜豉油，港式风味👍🏻 香滑鲜虾肠三大条皮做得滑身，啖啖虾肉相当足料😋.今次新试左雪山叉烧包，雪山酥皮甜甜地，入面叉烧大粒有咬口无谂过咁好食🤩红枣糕也相当不错，热辣辣口感烟韧q弹，养颜又好味😋
继续阅读
朋友屋企刚装修好,今日老公放假一齐去参观下,坐西铁系朗屏站落车。因为好耐无见面,朋友话揾间茶楼饮茶,可以慢慢倾偈。行经虹坊见到有间8号茶居。店舖干净企理够光猛,冷气足够,座得舒适,啲姐姐经常问我哋要唔要加水,服务好又有礼貌。创意款式选择多元化,主打系精致点心和中式料理。茶钱每位6元,没有加一,平靓正。8号虾饺皇$19虾饺皮烟烟韧韧,虾肉鲜甜,每粒都好饱满。蟹籽烧卖皇$19烧卖皮好薄,肉质爽口,顶部加咗蟹籽,口感十足。鲜虾菜苗饺$20虾肉鲜嫩多汁,菜苗新鲜,爽口好食。雪茄春卷$15雪茄造型够创新,春卷内馅有白汁虾肉,加埋沙律酱,味道唔错。鸳鸯鲜虾米网肠$36颜色鲜艳,米网香脆,肠粉嫩滑,真正手工点心。雪山叉烧包$25上枱热辣辣,个皮松化,叉烧包内满满叉烧浓郁香甜。豉汁黄鳝饭$59米饭粒粒分明,黄鳝爽口,配上三色椒,口感丰富,值得推介。
继续阅读
其实呢一间点心铺已经黎过好多次 好多时夜晚想饮茶都会搭一个站黎到呢到 因为餐厅地点真系好方便 朗屏西铁站一落黎行两分钟就去到 我咁常去系因为我觉得呢一间点心铺做得最好就系佢餐具同埋枱凳都唔会油淋淋 呢一样真系好重要可以令到食客食得好安心👍🏻♡雪山叉烧包 $25外皮好脆又够热 松脆得黎有d甜甜地 叉烧馅都算多 呢个我觉得系必点之选♡蟹籽烧卖皇 $19呢个烧卖系用白色烧卖皮 烧卖比一般坊间既较为大粒 咬落去虾肉都几爽口♡山竹牛肉球 $27山竹+牛肉+马蹄呢个组合真系点样都咁夹 咬落去有肉感得黎马蹄又比到个爽口既感觉 加埋喼汁小小酸酸地就更开胃♡老干妈蒸凤爪 $27真系估唔到咁传统既蒸凤爪都可以做到d特别 佢既有一贯蒸凤爪既酱香味 仲有一股系老干妈独有既辛香味 原本以为落左老干妈会比较辣 但食落去就唔系好觉好辣♡五柳炸云吞 $28炸云吞可以讲系我饮茶既最爱 由细细个每次去酒楼饮茶都必点 到大个去饮茶都会叫 呢到个炸云吞炸得够脆 亦唔会太油 配埋酸酸甜甜既五柳汁 食完真系超开胃 又可以食多几个点心♡鸳鸯鲜虾米网肠 $36呢一个网米肠橙橙绿绿 睇落已经好好卖相 我自己认为呢个可以话系炸两既升级版 炸既米网系超级松脆包住只虾 外软内脆再内软 就算点唔点豉油都都一样咁好食♡养颜红枣糕 $26原本谂紧叫姜汁糕定红枣糕好 心大心细 最后拣左红枣糕 因为佢比姜汁糕多一旧 总共有4旧两个人分就岩岩好 红枣味都好出 但又唔会太甜 口感黏黏糯糯传统中式糕点既感觉♡茶位🫖茶 $9/位我地拣左菊花茶 其他茶就只需$6/位另外仲有d优惠套餐都好抵食 仲有炖汤饮 都几正架💕而且仲有印花卡储 储够可以减钱
继续阅读
呢一晚嚟咗8号茶居饮茶好正～几好feel🤓🫖☕️我叫咗以下食饭💕😋❤️香滑鲜虾肠$30香滑鲜虾肠，口感滑嫩，虾肉都几多，鲜甜可口。❤️宫廷桂花糕$23呢个桂花糕有3件糕点口感绵密，桂花香气浓郁，食落心情好好🥰🥰❤️鲜虾菜苗饺$20呢个菜苗饺有两件,皮薄馅多，里面嘅虾肉鲜嫩多汁，好好食。而菜苗增添咗口感嘅层次，非常开胃。❤️咖喱蒸鱿鱼$32咖喱蒸鱿鱼拥有浓郁的咖喱香味，鱿鱼肉质鲜嫩，非常美味，好弹牙。❤️蒜蓉粉丝蒸排骨$29排骨肉质鲜嫩，搭配蒜蓉和粉丝，味道香浓，蒜蓉味好香，蒜蓉粉丝都好好食！❤️8号虾饺皇$19虾饺有2件，皮薄馅靓，虾肉又多又大大粒。❤️姜葱牛柏叶$32姜葱牛柏叶鲜嫩多汁，加埋姜葱的香气，口感丰富。
继续阅读