80后冰室

营业中

休息中

80后冰室葵涌和宜合道158號地下12號舖葵涌近工廠區有好多小店，不過成日食黎食去都係茶餐廳多，之前同事發現到呢間食西餐既，今日lunch就過黎試下餐廳係正和宜合道大街，鋪入面積唔算大，lunch time都幾多人架，有機會要加檯坐到出門口，而家仲算係冬天，涼涼地都ok既Lunch Meun入面都有成10款選擇，最後我地叫左一份豬一份牛，望落賣相都唔錯，肉質鮮味，食得出係即叫即整既，唔似同區其他餐廳咁為左快D做多兩檯客整定晒，而且最欣賞呢到叫薯菜，唔係炸薯條或者薯蓉，而家原個焗薯仔，真係好驚喜，以後一定會多D黎幫襯

公司附近既小餐廳，選擇唔算好多，但係價格算抵食，而且上菜好快趣。lunch 多數40幾50蚊就有，包埋飲品。我就叫左個煙三文魚沙律黎試試佢，有麵包粒，芝士片，芝士粉，沙律醬。菜好新鮮甜甜地，三文魚亦好味。不過份量就偏少，女仔食完不飽。同事叫左西冷牛扒，跟薯菜，呢度比較特別既係佢跟焗薯，感覺好有誠意，茄子同 d 伴菜都 ok不過塊牛排就韌 d 難咬爛，比較多筋，但係熟度就岩岩好，切開 d 肉粉粉地色。飲品都正常發揮，我飲熱檸水，有4片檸檬，同埋唔會好澀，唔錯。店員服務態度都 ok, 唔會黑面。平日食個 lunch 都係個好選擇！整體係個值得畀個好評既平民餐廳

如果唔想食茶記的話，係呢頭又好難搵到d好野食。點知突然俾我發現左呢間80后冰室！我一開頭真係以為又係食茶記、冰室的d常餐午餐，點知好有驚喜，佢係以西式為主，配少少日式元素。平日我通常會叫佢肉眼扒配薯菜肉眼扒好軟，薯茶唔係薯條黎！係薯仔黎嫁！沙律醬仲可以添加。但我今日想試下新口味，最後叫左雞扒配金菇肥牛卷配薯菜。另外佢每個餐都有茄子同翠玉瓜嫁，配埋d汁好好食飲品方面，佢有得加錢轉珍珠奶茶同其他特色飲品，食日就健康d食熱檸水

E間位於葵涌和宜合道既西式餐廳，係西餐黎講佢個價錢都算係平民價，一個肉眼扒配飯或者意粉都係＄58蚊，肉眼扒夠曬腍,份量都大份（有三分一隻碟咁大塊），不過每次去食都要再問店員扲配汁，不過坐位唔算太多，中午時段都多數要等位，但整體黎講都可以試試。

葵涌嘅一間小店，地方唔大不過可以坐出邊鮮茄蓉焗豬扒飯$48: 賣相一般，配菜得幾片菠蘿，而且個汁好甜，完全食唔出蕃茄嘅酸香，豬扒偏乾，炒飯底就正正常常，整體一般肉燥汁蔥油豬扒飯$48: 肉燥汁甜甜地，有d香料味，唔錯不過好油，豬扒比頭先個焗豬扒飯仲差，睇相就知，非常粗鞋，食咗一半就放棄肉眼扒配薯菜$58: 肉眼扒都幾大塊，煎得夠香，牛扒略經化學處理，當然呢個價錢唔會預期好有牛味，薯菜係坊間比較少有嘅原個焗薯，呢度加番啲誠意分，配埋酸忌廉汁食係唔錯之前試過佢個雞扒都麻麻哋，以後就算再嚟呢度都只係會食牛扒

哩間叫80后，唔知係咪都係由幾位80后年青人開既呢！?店內主要食西餐格局，裝修幾靚，言歸正傳，我點左個羊架黎食，價錢略貴，但份量都幾大而且幾好味，有羊既羊羶味。

假期梗係出街食架啦！試左間響和宜合道嘅80后冰室。晚餐黎講超抵食，唔使100蚊就有牛扒食。雖然係平，但估唔到都有質數。豬手大大隻，外皮仲好脆，脆到卜卜聲嘅，一試就知道唔係翻焗，而係即叫即整。羊鞍冇雪味，又唔算太so，我唔太好羊都覺好味，加埋面頭嘅黃芥辣同焗過嘅蒜泥，真係好香。肉眼好腍，又唔肥，冇出面嗰啲一條條肥膏，所以係成塊食晒。最開心係佢個薯菜係成個焗薯，我係焗薯人，所以非常高興！男仔食都會覺得飽。餐飲叫左柚子蜜、桂圓茶同珍珠奶茶，一般出面溶左冰都會淡到爆，依間野加左錢飲特飲冇蝕，冰溶左都係咁濃味，冇得頂！上餐係要等，但都好值得，因為係即叫即整，即係唔會比隔野野你食，一班人吹住水食都唔覺唔覺時間就會過架啦！總結：去食啦！

真係要大讚呢間八十後冰室👍👍係葵涌都會有一啲比較好食嘅西餐廳，但係價錢亦相對較貴，而且午飯時段坐得唔耐，每次都比人善意勸退，但價錢都要80至百多元。而呢到呢，set lunch 40多元起 ，加埋凍飲即50多既價錢就可以享用到一啲近似八、九十蚊甚至100蚊嘅食物，認真唔錯呀! 睇下我呢一個餐係溫泉蛋卡邦尼意粉，連埋飲品係51蚊。 溫泉蛋質哋做得剛好，內裏半熟質哋好滑流，卡邦尼醬汁嘅味道都正，有奶油味同蛋香，配料亦做到足，有becon 同 mushroom。 不過今次個汁就浠咗少少，但較平民化價錢痳，所以都可以。這樣的餐廳值得支持💪💪

呢個鋪位轉過幾次手，今次呢間卻令人有驚喜有次夜晚食過焗豬扒飯，因為我本身唔太鐘意食茄汁，但真係無咩胃口試d酸既飯，點知有驚喜，大家樂都要行埋一邊，性價比高👍🏻👍🏻👍🏻👍🏻我屋企本身都開餐廳，所以好明白到搵食艱難，但呢間餐廳既出品真係唔錯，種類多，扒餐七十令蚊有杯野飲，質素仲好過你俾百令蚊去椰林閣食，而且佢既份量好多，男仔食都一定飽一開頭有個問題係堂食d衫會有好多既油煙味，但依家改善埋，值得再幫襯

間舖子细细，中午經過見到好多食lunch, 擺到出門口，今天放假去一趟試下，俾我想像中幾好，價錢合理，看得出廚師有心机去煮美味午餐，我叫左天便面及蜂蜜红茶加珍珠。好味，不太油，但蜂蜜红茶有點兒甜。下次我會去試西冷牛扒，因為好大件。

同老婆行過間野，好香的牛肉味，一於入去試下，間鋪地方唔大，但勝在坐得舒服，有懷舊80後音樂聽，食物唔貴，但質素高，推薦。食西餐羊架牛扒餐，兩位唔洗兩百蚊賣單，真係超值呀！