A Fun Store (已結業)

想不到，香港也可以食到三個濃度的抹茶可以揀！！！係 The One五樓，開放式店舖，好有韓風Feel~~~仲有啲好特別topping 的多士。三個Level的綠茶：1. 15%綠茶2. 25%綠茶3. 40%綠茶大家點的時候，可以先試一試味。我揀咗一個雪糕球，加錢可以揀topping，好似食乳酪咁。今次揀咗士多啤莉，朱古力米花同埋開心果果仁。而我揀的是40%的濃度抹茶。很香濃，食落口有點抹茶的苦苦地，抹茶控一定會喜歡。奶味在40%黎講，不會過份地濃，抹茶味相對較出。有在京都食抹茶的感覺。雪糕質量偏高，不會易溶，無溝過啲水。濃度高，而且都夠香滑。大家食開的抹茶雪糕嫌唔夠味？可以試一試這間，聞說遲啲會出50%濃度呢！！A Fun Store尖沙咀彌敦道100號The ONE 5樓5A號舖

呢間佢有好幾樣綠茶既口味 店員都好細心比我逐樣試 最尾我簡左50%綠茶同薰衣草綠茶 50%綠茶係偏苦味 好綠茶 好香 好好食 佢既雪糕好實 食落去都會好飽肚 再加上薰衣草綠茶會花香同甜味重小小 可以互相中和返 不錯

The rainbow icecream selection has driven us crazy at A Fun Store at The One Shopping Mall in Tsim Sha Tsui. As a macha lover, I have also ordered few scoops of ice-cream among that rainbow selection without any doubt- Macha at different intensity- 15%, 25%, 40%, and now it's 50%! Strong in the astringent macha flavor, so dense and silky smooth; flavor stayed at palette without If you are not the ultimate macha fans, I would recommend ordering 25% or even less.We also ordered the Chamomile Sweet

🍦50% 特濃抹茶雪糕($28/1,$45/2)-A Fun Store繼早前推出的40%抹茶雪糕, 再推出最強50%特濃抹茶雪糕🍦 口感幼滑細緻,一入口感覺跟其他抹茶雪糕差不多,🍵香濃茶味慢慢回甘, 苦澀味停留於口中久久不散, 正是我在淺草吃的味道😍但感覺味道跟40%近似,沒見苦澀味加強很多, 只是甘味重了點! 🤔rating:7/10

見到呢間有多種綠茶味 即刻沖黎試下 佢真係好多口味 好多都想試 不過都好多人一齊睇緊 唔好意思話要試食 所以就當機立斷即刻簡左兩個球 我一望已經唔理 緊係先黎個50%既綠茶啦 跟住再試左個薰衣草綠茶 佢做緊$46蚊兩個球 單要一個50%綠茶就$18蚊 賣單個陣見佢話like facebook 或者ig有爆谷送 即刻like左先😂😂 佢既爆谷小小暖 都好好食 唔係好甜 好脆 好似好好焦糖配海鹽咁 唔會好甜之餘幾特別 因為佢送左爆谷 所以佢本身加十蚊可以加4款topping 我都冇加到🙈🙈 佢本身有位坐 不過太多人 我就邊行邊食🚶🏿🚶🏿🚶🏿 佢既綠茶真係好濃 濃到有小小苦 本身因為唔係好奶 所以佢既雪糕唔係滑身 係好實既感覺 不過可能真係太濃 我咁鍾意食綠茶都覺得愈食愈苦 之後個口苦到冇左綠茶味既香而佢既薰衣草綠茶好正 好香既薰衣草味 不過完全冇綠茶味 但係我當佢淨係薰衣草雪糕黎睇佢係好香好好味 佢一d都唔甜 同埋食耐左個口唔會有種結味 佢呢隻都係唔係滑身個種 不過用匙巾一啖一啖咁筆黎食就好好味 好清香 呢個會再食 綠茶方面下次想試返冇咁濃既口味睇下會唔會易入口d

綠茶控又有新潮聖地方, 呢間雪糕店嘅賣點就係佢地嘅綠茶雪糕有分四個濃度, 但我當日去嘅時候只係有三種, 分別係15%, 25% 同40%, 我本身比較鍾意奶味重嘅, 所以唔敢揀40%, 就揀咗25%加薰衣草綠茶, 雙球$45。望住店員 "不" 一球雪糕都好似好難咁, 雪糕狀態比較硬, 份量比想像中少。等咗十分鐘左右, 因為店入面座位好少, 當時滿座, 唯有行埋一邊食, 第一啖25%綠茶入口已經食到好濃綠茶味, 不過唔係我杯茶, 再試埋薰衣草綠茶, 咦~ 有驚喜喎, 兩隻味溝埋個味道好新鮮, 未食過呢個味嘅雪糕, 而且佢顏色係薰衣草紫色, 個人覺得好特別, 如果加D TOPPINGS應該賣相會更好。不過售價要$28/單球 或$45/雙球 得出嚟係呢個份量同質數, 試一次就夠!

身為綠茶怪，無可能唔食40%綠茶雪糕啊！佢有好多好特別既味道。金莎同40%綠茶係不錯既選擇，可能我同綠茶怪二號妟就去，無乜人，姐姐都好好人，俾你試5同既味^_^

晚飯後去了最近大熱的雪糕店，不同level的抹茶雪糕在ig上十分引人注目。分別有15%, 25% 和40%。網上見好多人都說15%只是綠色的雪糕，所以一打就梗係要打個大佬!見到五彩繽紛的雪糕，未到夏天已經好想食。有好多款，已經仲有好特別的茶類雪糕，仲可以先試下味！經過一番考慮後點了40%抹茶和玫瑰烏龍，40%是十分濃的抹茶，好回甘，基本上抹茶味大過一切，稱為足本之作，在香港未食過回甘味咁強的雪糕。而玫瑰烏龍相對較甜，烏龍清香加上玫瑰的甜，不造作，一甘一甜，是完美的配搭。價錢定價不高，$28/單球 $45/雙球，絕對抵試，因為個球都唔細，兩個女仔食兩球剛好。也欣賞小店的敢創！期待50%抹茶出，再去朝聖！

我係一名綠魔，城中大大小小綠茶甜品我一定會試，我買左40%抹茶雙球雪糕來試，當日店鋪有四位工作人員，電糕係雪櫃拎唔係即整，輪候只有三位客人，但等了十分鐘，店才緩緩開始"畢"雪糕，雪糕抹茶味夠，但有點硬，只可以用有硬感形容，個人認為大眾都係鍾意濃郁幼滑口感。另外，有感定價比市面上其他著名抹茶雪糕takeaway: Via Tokyo, 御前上茶、Check in Tokyo要貴，失望！

抹茶雪糕真係開極都有😂有濃度揀嘅抹茶雪糕就真係第一次試。其實佢唔只抹茶雪糕，仲有好多款不算大眾得黎，又好似幾吸引嘅雪糕🍦雪糕當中我諗大家最有興趣都係抹茶嫁喇🌱有10%, 25%, 40%嘅濃度比大家揀😁兩球💰HKD45, 四個人Share左兩球，如圖中所示，上為25%,下為40%抺茶雪糕🍦雪糕一球唔算大，比乒乓波大少少 味道🌱Um.....抹茶囉，質感唔算好滑，可以做得更好😤先食25%嘅，第一啖😂exactly就係元氣綠茶粉，未融得晒嘅味。40%就係更濃嘅綠茶粉😕不過都幾好食嘅，但係食完40你就會發現25係冇味🙊不過的確綠茶味係好濃嘅，值得試👍🏻題外話 : 好傷心，我見之前啲人有個靚靚雪糕紙杯，可能今日太好賣😒搞到得返白色杯🍨影相冇咁靚sosad聽講之後會有更高濃度抹茶雪糕，有機會再試！亦可以試下其他味

最近大熱既雪糕站一定係呢間分左 4個濃度既綠茶雪糕!!!佢地用既都係京都抹茶粉去製作"*可說係綠茶控必試既雪糕店~~宜家分別有 3種濃度可以揀：10%、25%、40% (50% 要 3月尾先推出呀")價錢不太貴, HK$28/ 球及 HK$45/ 2 球；加 HK$10 就可以ONTOP 加上 4款配料, 佢地都有成幾十款配料可揀架!!!星期4 既晚上 9點多, 已經有好多人排隊買啦''*大家可以試岩左邊隻味既雪糕, 先再去 ORDER~~比左錢之後等叫飛就得!!!我就揀左 1球 40% 綠茶雪糕；加左朱古力條, 藍梅, 石榴, OREO 曲奇!!!層次非常豐富丫"*綠茶味濃但仍點少許奶味, 不過都幾滑；雖然未算最濃郁, 但味道一點都唔假, 已經好貼近日本京都是味道啦!!!配上其他配料, 食落口感更豐富"*其實 40% 濃度已經可以滿足一下綠茶控~~但我更期待 50% 的綠茶雪糕!!!

洋甘菊桂花烏龍 $28/單球 $45/雙球 雪糕是我必需品系列🍦🍦 新店推介🎊🎊🎊 主打茶味雪糕，試了幾種味後，小編大愛這個❣ 首先味道少有，其次無論菊花味、桂花味、烏龍茶味，都很突出，但又很夾，非常有層次😋😋😋 質感有點像意大利雪糕現時只要like Facebook page，便享用免費popcorn的優惠 註：抹茶味💚雪糕更有40%/25%/10%三種濃度，茶味濃郁，充滿回甘味，月尾將推出濃度更高的，令人期待當然也可以加$加toppings，還有博多的士多啤梨！

相比芝士撻，抹茶雪糕的郵更加是集得沒完沒了，尖沙咀又有一家新店；在她家云云小食、茶飲中，三種濃度的抹茶雪糕絕對是吸引茶迷之作。不是虛有玩味的外表，抹茶雪糕是交足貨，回甘超強！我快要弄個尖沙咀抹茶雪糕地圖，幾乎像七仔般「梗有一間係左近」。海港城有 i-cremaria 和 Sweet House Cha Cha，星光行有御前上茶和天仁茗茶，金馬倫道有Via Tokyo，The One 有中村藤吉 (美麗華即將有中村藤吉的分店了)和宏，還未計老字號 Haagen Dazs，幾乎走到哪裡都會碰到上述的其中一家。身邊不乏志同道合的抹茶迷，主要分兩派，喜歡茶味較濃和奶味較濃的；我是前者，而這家的40% 抹茶雪糕，正中下懷。集concept store 和小食店一身的小店，開在The One 5樓的宏對面；不是正面的競爭對手，不過其抹茶雪糕真的可以較量一下。和樓下的 Harlan's Cake Shop 一樣，店面有一半是help yourself 的堂食座位，另一半便是開放式廚房，最多人圍著的，莫過於色彩繽紛、跟colour tone 排列的雪糕了。身為本地茶藝品牌 Ms. Tea 的第一間實體