A8's Cafe (已結業)

經過見到餐廳《A8‘s Cafe》標誌以紅綠色為主，遠處都見到閃閃發光嘅招牌，而且係新開張，四個人就入去試吓。店員服務周到，隨即安排坐窗口卡位位置，而且座位舒適、非常闊落，更有暖水同埋餐湯-羅宋湯比我哋即刻飲，即時可以暖暖胃。店員推介之下，漢堡包比較馳名，所以分別叫咗脆雞巨漢堡配炸薯條同埋安格斯牛肉巨漢堡包炸薯條配雜菜沙律。漢堡包非常大件，中間夾著厚厚嘅安格斯牛肉，食落去牛肉汁滲透晒出嚟，非常新鮮嘅味道。薯條即叫即炸，點埋茄汁食更加滋味。見到炸魚賣相咁吸引，叫咗一份英式炸魚南瓜燴飯，份量都比較多，而且面頭佈滿南瓜蓉，食落去米飯嘅硬度適中，非常Creamy。除此之外，再叫咗全日早餐、雞中翼配蜜糖芥末醬、招牌蜜糖芥末焗德國鹹豬手等等嘅食物，同樣非常美味。餐飲就叫咗凍巨峰提子特飲，杯嘅外型好得意，飲落去唔算好甜，好舒暢。總括而言，價錢算便宜，而且位於鬧市地區，非常當眼嘅位置，值得推介同埋一試嘅餐廳。

今日同男朋友嚟到大埔行山 行完山就經過呢間a8 cafe 係食大大份嘅美國餐 心唸行完山食得呢啲都唔怕 呢間cafe啲氣氛都幾好 叫咗個巴馬臣火腿pizza 分量唔大 但係上面嘅芝士都幾多 而且味濃 再加上淡淡嘅醬汁 唔會搶咗返馬臣火腿嘅鮮甜肉味 恰到好處 香草燒春雞 燒春雞份量唔大 但勝在香草味同雞肉味互相配合 而且整得好嫩滑 入味 跟住仲有個大嘅小食拼盤 有炸蝦炸雞翼薯角同埋炸魷魚圈 非常熱氣 全部嘢都炸得夠乾身脆卜卜 當中值得一讚嘅係炸雞翼 雖然外皮係深啡色 但完全唔係過火 係醃料嘅顏色 食落非常入味 連入面嘅肉都充滿醃料嘅味道好惹味 招牌蜜糖芥末焗德國咸豬手 咸豬手望落個樣似炸咗 外皮好脆 而且充滿骨膠原入面嘅肉好鬆化 有淡淡嘅鹹味 加埋啲皮一齊食超正 一啖一啖脂肪食落口 真係有啲內疚 同埋鹹豬手係原隻上 非常之大份 夠三個人食 不過我哋呢啲餓鬼緊係食得曬啦

昨天下午去買了外賣自取比爸爸媽咪食，當中有2⃣️個係焗豬柳飯，回家後咬唔開，望一望，內裏完全唔熟，結果成$56得一個白飯食，仲要2盒打孖上！！！又唔係忙，又無吹佢，都唔駛咁吖，豬肉咼！

Happy Friday放工同男友係大埔搵食，近太和個邊有好多餐廳，日式西式泰式乜都有。行過呢間有陣好香既扒味，加上落地玻璃窗好有聖誕氣氛，重點係見到餐牌既價錢好吸引。最後行咗成個圈都係揀返呢間。9點幾有2,3台客，老闆招呼我地坐再介紹食招牌牛扒同豬手，話第一次泥既可以試下，果然冇介紹錯！牛扒配帶子，本身男友想叫7成熟，但老闆話牛肉質地靚，太熟反而會un，我中意食較生，所以最後揀咗5成熟，果然肉好嫩，冇黏牙。薯角好脆不熱氣德國豬手，皮外層好脆好有骨膠原，肉質有汁不過份量好多，建議3至4人share食會較好2個餐湯，2個main，2杯飲品，全單325呢間性價比真係好高，絕對係有質素既西餐廳，如果按呢個質素出去食，5,6百蚊一定走唔甩。

估唔到無嚟大埔一排，大埔又多咗好多好嘢食啦！都話大埔真係一個會令人著迷嘅地方㗎啦未入到餐廳，已經比佢門口啲聖誕燈飾吸引住睇得出老闆對餐廳嘅用心入面座位唔算好多，但環境舒服！又無時間限制，可以同朋友慢慢傾計！先叫咗個煙三文魚田園沙律$56，份量都幾多！佢有別於一般嘅餐廳用沙律醬做sauce, 呢到用咗芝麻醬，感覺好日式餐湯係忌廉湯，口感濃滑，飲落唔會好水，唔錯！之後就到今晚主角德國咸豬手啦$138！豬手皮脆肉嫩，食落略帶一點咸香，味道超讚如果可以加埋杯啤酒，咁就真係綿上添花啦！跟住係香草蒜蓉扒大蝦$98，蝦大大隻，食落爽口彈牙，配埋佢個香草蒜蓉一齊食，好惹味！最後再叫杯熱蜂蜜特飲，其實即係紅茶+蜂蜜！蜂蜜味超濃郁，但飲落又唔會好甜，滋潤得嚟又養生我見佢地有做埋早餐添，下次可以試埋！哈哈

去完大埔一田shopping ，行過「A8's Cafe」 我被佢嘅聖誕裝飾吸引咗，所以我就入去試一試。 地方乾淨舒適，掛上別緻嘅聖誕裝飾， 好有Holiday Mood， 餐廳以木色為主色，好舒適呀！ 《F03 炸薯條， 炸中雞翼 4 隻 $48》， 最受歡迎嘅小食就梗係炸雞翼薯條，老少咸宜，香脆可口嘅炸薯條，食完一條又一條，停唔到口啊！雞翼點滿炸漿同炸得好乾身，食落卜卜脆， 多數人食炸雞翼都會點茄汁，但今次係點蜜糖芥末醬一齊食，好醒胃，大家可以試一試呀！《SA 01 煙三文魚田園沙津 $56》我好鍾意食沙律，平時都會食一個沙律當午餐，又健康又可以減肥。有驚喜喎！賣相唔錯，用煙三文魚卷成花型， 靚靚！ 份量十足，大大份三文魚，CP值超高。我個人覺得三文魚配羅馬生菜是絕配，因為煙三文魚本身帶鹹味，可以提升沙律菜嘅鮮味，加埋碎芝士同沙律醬，咁就最佳配搭， 好正！再叫咗個《 M03 香草蒜蓉醬燒西班牙朱肋骨配雜某沙律 $98》，加$15仲可以升級轉套餐，有餐湯同餐飲， 相當抵食！ 加上特製嘅醬汁， 西班牙牛肋骨變得非常惹味，醃料十分入味，火候亦控制得好好， 好有肉汁亦唔會太乾， 肋骨肉質嫩

為左就住大埔附近既朋友，住九龍區既我搭好遠車入黎同佢食好西。A8's cafe位置有少少偏，但作為吃貨既我地，幾偏都好，好食就會搵到餐廳內部裝修得幾靚，播埋音樂好有feel。店員推介左漢堡包同豬手，2隻餓鬼諗住吃到撐先走，所以乜都食羅宋湯+牛角包有圖有真相，好足料架 亦都好甜。牛角包就勁香牛油味同埋外脆內軟。拼盤炸粉唔多同炸得好實，唔易散開。薯條外面脆，入面就似薯蓉甘既口感，唔會有一粒粒薯粒。德國鹹豬手份量好多！有我手掌甘大。勁香同脆，肉就好嫩，識食一定係皮加肉同一時間食但因為份量多，如果2個人食就唔好嗌太多其他野，如果多人食可以3個人share。漢堡一咬落去好juicy，一路食d汁一路流出黎包皮唔會太乾身。有少少美中不足既係，2杯特飲如果可以甜番少少就完美啦總括好彩呢餐飯食得好滿足，無浪費到時間

今日同朋友嚟試大埔小店A8 Cafe，朋友住大埔，佢話依頭唔似沙田咁，咁多連鎖食肆，而且啲小店餐廳有好高質素，所以就比佢氹咗入大埔！睇A8啲嘢食嘅價錢就已經知道係食街坊生意，非常貼地合理親民，可以話係平過「大xx」啲連鎖快餐店。因為餓，加上啲嘢食抵叫，所以就叫咗幾樣野食！首先就有個魚柳南瓜意大利飯，跟餐仲有個好飲冇味精嘅餐湯同餐包。個意大利飯煮得剛剛好，飯嘅口感唔會太硬或太軟，而且南瓜味好夾，加上我地肚餓，覺得超好食！之後有個煙三文魚沙律同小食煎大蝦。依兩個前菜都有菜，啱晒我地依啲成日出街又冇機會食菜嘅人，最重要係抵食！跟住有個牛扒配帶子。雖然依度唔係專門食扒，不過個牛扒都煎得好香，啱啱好七成，好有牛香味，而跟埋嘅帶子都好鬼好食，哈哈！最後我地仲叫咗個燒春雞，半隻雞由雞脾到雞胸都唔會太油油肥，啖啖肉啱晒我胃口！估唔到入到嚟大埔都有好東西食！而且真心平民價錢皇帝口味！抵我山長水遠入嚟試試佢！

又到聖誕 周圍都開始有聖誕節既氣氛好多餐廳食店都唔例外  而今晚食既呢間亦都唔例外   由門口擺設  到室內佈置 都非常聖誕  而室內既設計都好花心思  坐低之後會有去左外地cafe 食飯咁講返正題。食望一望餐牌   前菜小食同主食既選擇都幾多  總有一款岩你心水   睇下今晚我地兩個人叫左d咩喇小食。 滋味併盤(細) 。仲記得個晚其實唔太肚餓   但係口痕痕想食d香口野   而呢個併盤就正正滿足倒我地  併盤有 雞中翼，蝦，魷魚，薯條  雖要係油咋 但係食落感覺唔油膩  雞翼脆口得黎又夠味   相當好食小食。煙肉芝士焗薯。老細好貼心 見我地掛住影相 埋黎提我地要襯熱食最緊要撈埋d汁食 睇真d 個焗薯幾方便點解！？ 家因廚房幫個薯仔批埋皮嫁咁我地食落就更方便喇主食。香蒜大蝦燴飯。基本上有Risotto既食店我都會叫一個黎試今都唔例外 大蝦整得好香好好味飯有一定水平 非常creamy 同朋友食下食下就清哂主食。黑松露野菌比薩薄餅。餅底焗到脆扑扑 非常足料兩個人食 份量岩岩好 一個清清地冇肉既pizza岩哂我地口味呀食完仲慢慢坐左陣傾下計 舒舒服服坐左陣值得推介既一間食店呀！

聽講佢新開三個月 有risotto 食 咪諗住試試點知大失所望睇住個menu 串燒帶子飯係紅底 似茄汁 或者濃味汁煮叫到黎 竟然係白雪雪ge一pat野 隻帶子連燒嘅痕跡都無咩 叫waiter黎 佢睇完話要換個一個飯點知拎番黎 係同一個飯 只係加左五味粉落帶子度 同加埋熱算啦 諗住照食試下一啖食落去 咩味都無 得d汁嘅物體張住個口同埋一粒粒生生地嘅洋蔥 唉 我心情就係咁好低落了佢話佢個menu d圖因為色差先睇落似紅 但佢上面個白飯又真係show到白架wo張相係換左嘅飯因為燈光先變到紅

朋友話呢間新開既西餐幾好食，所以今日帶左媽媽黎試下，店舖內外都佈滿聖誕裝飾，美觀又有氣氛。🥄餐湯羅宋湯材料豐富，但飲落較稀，美中不足。🦐香草蒜茸扒大蝦 $98 帶著濃惹既香草、蒜茸味道，香味十足，蝦肉爽甜。炸薯角一口咬落去，热氣噴薄而出，随之而來係香口軟糯既口感，好耐無食過甘好食既薯角啦，真係超好味。🐓炸雞中翼配蜜糖芥末醬 $38炸雞夠脆，肉算嫩滑，個蜜糖芥末醬甜甜酸酸好好味，配合雞翼十分開胃。🐑香草燒澳洲羊鞍 $138為左就媽媽，叫咗九成熟，平時自己食會食生一點，我一度擔心會過熟會唔好食。但竟然唔硬之餘，配香草烤燒甘香無比，帶有肉汁，媽媽食得十分滋味，如果叫七成應該會更好味。🐟英式炸魚配南瓜燴飯 $78炸魚大條肥美，炸得好香脆，食落肉質嫩滑，實在好食。南瓜飯味道香甜濃郁，唯一不足係太多洋蔥粒影響口感，如拎走哂會更加好味。熱蜂蜜特飲 +$12特飲都幾大杯，飲落有濃郁既蜜糖香氣。成餐飯媽媽都讚好不絶，食得好開心，大埔區黎講好食西餐之選。

今日約咗朋友傾下計，係佢屋企附近搵咗間佈置得好靚既餐廳，超級有聖誕氣氛🎄野食選擇都幾多元化，有漢堡包，牛排，意粉等等安格斯牛肉巨漢堡包配炸薯條&雜菜沙律 $88個牛肉好大份而且好多肉汁，肉質嫩滑，不過得小小牛味，沙律份量唔算多，如果想食既話可以另外叫，薯條配蜜糖芥末醬，味道唔錯，不過唔夠熱香草燒澳洲羊鞍 $138羊味好重加上香草等配料，味道十分香，共有三支骨不過都有啲根，唔會太林有咬口，薯角夠熱夠香脆熱蜜桃特飲 & 熱薄荷朱古力兩款野飲既味道都好濃郁又唔會太甜薄荷朱古力個薄荷味好重

入到A8's Cafe，未食先比店入面既裝飾吸引。依加係12月初，不過Cafe入面已經好有聖誕氣氛。平安夜同屋企人食大餐又多一個好選擇。跟餐既迷你牛角包，好香又鬆軟，沾一點香草食味道一流。同樣跟餐既廚師湯，配料好多，帶點微辣相當開胃。蝦汁海鮮意大利粉，帶子同其他海鮮都好大粒。意大利粉好多汁，帶濃郁的鮮味，而且相當creamy。配菜蘑菇同蝦汁好夾，七十幾蚊跟本超值。香草燒澳洲羊鞍，香草味濃郁，一D都唔膻。薯角配燒汁相當惹味。主菜蜜糖芥未焗德國咸豬手，好大的一隻。豬手外皮燒的卜卜脆，內裡嫩滑多汁。豬手既濃郁油香響口入面久久不散，令人欲擺不能。蜜糖芥未醬不論沾豬手定係薯角都好夾。加上新鮮酸甜的菠蘿沙拉中和油膩，跟本係完美既配合!餐飲薄荷朱古力，味道幾得意，帶甜，隻杯好靚。總括嚟講呢間鋪頭性價比好高，Xmas 會同屋企人再食過。

今日約咗住2個住大埔既朋友，其中一個話佢住既附近開咗間新既餐廳，就睇下啦，見到價錢都幾扺喎，野食又幾吸引，，一於入去試下入到去d佈置都幾有特式，又加左d聖誕裝飾，充滿住聖誕氣氛喇我地每人嗌咗個套餐，包左餐湯牛角包同飲品，最中意味道唔辣又甜甜地既紅湯加多個沙律share食海鮮飯有2隻大大隻既青口，同兩隻蝦，飲既忌廉汁重牛奶味，好岩口味，如果d海鮮多d配搭就更好喇香草燒羊鞍。，燒得唔怕太熟，好軟，唔錯唔錯，再加d薯角，炸得好香口雞扒沙律，沙律生菜夠新鮮，最怕食到d又唔新鮮又苦既菜蜜糖芥末焗德國咸豬手，原隻豬手咁上，係好有份量，外皮烤得脆好香口。不過自己切到真係有d攰haha埋單4百幾，3個人每人百幾蚊，食到飽晒咁走，依個價錢食到唔錯既羊鞍同豬手，係抵既

陪完朋友睇中醫後，肚餓想係附近食一餐，見呢間新開既cafe 比較靜，可以傾下計，就入去食個lunchSet lunch價錢都可以接受，學生仲可以平啲添！做學生真係幸福。餐廳以卡位為多，坐得舒服，私隱度亦高。除左set lunch, 主食menu都好多選擇。同朋友商量過後決定叫一個set lunch再 散叫其他食物Lunch set 既白湯唔似平時飲到果啲唔足料，好稀。呢個餐湯好濃好creamy, 入面亦好足料，食到好多磨菇同煙肉。味道岩岩好，唔咸，而且好有飽肚感。什菜南瓜汁意粉意粉煮得夠淋，南瓜汁都好濃，重奶油味。加埋西蘭花，翠玉瓜等什菜，雖然個汁好濃好夠味，但又唔會太滯清清地。而且我地另外order左肉食，呢個意粉清清地岩岩好。如果有green Monday 習慣的話呢個意粉真係岩晒！煙三文魚沙律呢個沙律有少少fusion。因為用上凱薩沙律既材料，但沙律醬就用胡麻醬，夾左啲日式既風味。本身我好鐘意食胡麻醬，胡麻醬係必定唔會錯的，同三文魚，生菜都好夾。另外抵讚既係三文魚份量都好多，而且大大片，值回票價！煙肉焗薯抵讚係薯仔焗得好淋，一切即開，份入口即溶。好鐘意呢個焗薯汁，係蜜糖芥辣醬。少