影片
相关文章
K11分店都就嚟租约期满所以同学仔都纷纷讲上尾班车想book到多啲堂～今次呢堂Cooking系史上最难报嘅一堂好好彩半夜扎醒咗，再好有恒心咁揿一揿入个网先见到有位！点知去到上堂当日竟然有一个空位只有三个同学一齐上～今次报嘅系［新加坡海南鸡饭＆喇沙虾汤］虽然整出嚟个外貌冇出街买嘅海南鸡咁上色～但系都系色香味俱全～鸡髀肉好滑而且饭都系好入味嘅姜蓉同埋啲酱料令到成件事升华！冇想像中咁难整亦都有信心可以喺屋企再煮多几次！P.S.唔知系咪啲堂太full嘅关系～阿Sir都好攰中间有几次落调味料睇错份量 同埋一啲唔需要加嘅加咗落去个喇沙汤度不过好彩都冇影响个味道辛苦晒咁多位导师～
继续阅读
又黎到ABC Cooking Studio上堂喇，今堂嘅作品系：Chocolate Noel特浓朱古力蛋糕💁♀️🎂，老师话呢个蛋糕喺外国系个圣诞节蛋糕黎嘅。蛋糕堂大概2小时，今次只有我同另一个同学仔再加导师，3个人一枱，原本已经系小班教学，而家少人上堂更加似私人授课咁🤩。成个制作过程都有导师指引，佢会根据我地嘅制作速度黎讲解下一个步骤，主要都系我自己动手整，唔明嘅地方，可以请导师落手示范。而食材全部都系导师上堂前准备好，用完嘅煮食工具亦有职员帮手清洗，真系啱哂我呢啲唔钟意洗碗嘅懒人😎
继续阅读
比朋友邀请，一齐试吓一齐整嘢食一早有四个人，全程又有导师指导，所以系非常顺利同埋觉得好简单🤣🤣今次整咗呢一个叫玫瑰开心果牛奶挞，味道唔会太甜，有少少玫瑰味，如果可以再落多啲开心果就更加好了！我整完带咗返屋企同屋企人一齐食，但系谂谂吓，批类嘅嘢，都系一焗起即刻食先可以食到佢最好味嘅部份！！试堂一堂要$280 ，但如果可以，我好希望下次试吓煮嘢食！今次觉得有啲简单🤣🤣
继续阅读
ABC Cooking Studio🍞👩🏻🍳………. 今次同朋友一齐初次尝试ABC cooking studio嘅体验班试整下面包。当日我同朋友系平日二至四点到尖沙咀分店，去到每枱最多有四个人(不计导师)一齐上堂。由于体验班嘅关系，所以上堂过程都唔可以摄影拍片，但都可以影下制成品，仲有打卡位置比大家放置制成品影相，整个体验都很好🫶🏻……….🍞火腿沙律包 & 肉桂卷 (体验班) $280•用一个大面团整成3个火腿沙律包同肉桂卷。全部材料由ABC cooking studio提供。面包外观吸引，食落有好香面包味！火腿加蛋黄酱夹埋好香脆可口，面头仲有干燥蕃茜点缀下，令到整个外观加了分。肉桂卷系用咗肉桂砂糖同冧酒浸过嘅葡萄干而成，面头仲有杏仁片作装饰，增加口感之余，味道也不错😆……….💰人均 $280/per person (2人)
继续阅读
一直以来身边好多朋友都系ABC上堂，个个都赞不绝口，但因为课堂价钱真系有啲太贵我一直都唔系好舍得报名直到上次我家姐叫我一齐参加trail，成品真系太好食同靓，我就忍唔住入咗坑正式开始上regular class，我报咗名整Rice Flour Pizza。佢系比较难整嘅面包，但因为之前我都整过吓面包所以胆粗粗试吓。老师教学态度超认真细心，讲得好清楚，上堂嘅气氛好好。一张枱四个人，四个人都系整紧唔同嘅面包 (因为自己book时间嘅)，所以可以顺便睇埋有冇其他面包吸引下次可以试吓整✨Rice Flour Pizza：口感松软，一个字，超级好食！！！！！！好开心呀！！！！
继续阅读