After You Dessert Café (已結業)

🍽️ After You Dessert Café 📍銅鑼灣登龍街52號景隆商業大廈地舖-四個朋友仔食飽飯，決定搵甜品舖嚟坐吓傾吓計，見到After You竟然仲未截龍，即刻去排隊試吓！💫泰式奶茶刨冰（$138）超香濃泰式奶茶味道，面頭嘅奶蓋濃郁，夾埋香脆嘅杏仁片，成件事好有口感！🫶🏻🫶🏻食到底仲有麵包，倒少少泰式奶茶汁落去就啱啱好😍😍😍-🌟店內提供冰茶，食完刨冰、吐司飲一啖就舒服晒🌟店內冇最低消費，最啱一班朋友仔一邊食甜品一邊傾吓計🫶🏻🌟夜晚8:30左右去到，最熱賣嘅芒果糯米飯味同埋士多啤梨味刨冰已經賣晒🥲🥲想試嘅朋友要早少少去🌟雖然不停咁讚佢，但係唔係試食嚟㗎🥲🥲自己同朋友真金白銀俾錢出去食㗎🤣🤣🤣好想有機會試埋芒果糯米飯味推薦指數：4/5抵食指數：3/5#foodloverin852 #852 #foodie #hongkong #CausewayBay #銅鑼灣 #afteryou

🇭🇰泰色奶茶刨冰$138 因為芒果糯米飯賣曬 先晏晝🤣🍧完全係飲緊泰式奶茶咁！好夠味 d冰超綿密！配埋上面嘅奶蓋 鹹甜鹹甜但係下面d麵包粒/仙草好難食❌甜到呢🤨浸淋曬🇭🇰鹹蛋黃蜜糖吐司$128 推⭕️呢個一定要share 因為好食但好漏個🍞外皮勁脆 裏面軟熟夾埋鹹蛋黃醬 好好食同雪糕一齊食 冰火兩重天😋食完泰國嘅 真係唔會再食香港 太貴啦 🇹🇭兩樣野先$105 🇭🇰兩樣野$266 蜜糖🍞都要$108💸🍧🍞都要share食 如果唔係太漏！我應該會揀芒果冰 因為奶茶下面太難食 飲泰奶算🤭總結：有得泰國食嘅 就唔會喺香港食 味道其實好還原 係💸 同埋一樣用咁細嘅碗裝 一樣會跌晒落街啲冰🤣香港可能食一次/唔食

位於銅鑼灣登龍街既泰國過江龍甜品🍮每次經過都見到有人排隊 星期六日特別多不過呢排小左去泰國既時候無試到係香港試下啦 呢日平日五點半去試唔洗排隊直入 叫左個咸蛋黃蜜糖吐司 $128有點小貴等左15-20分鐘左右 有自助茶機比人斟茶我地兩個人食剛好咸蛋唔會太咸 香香的吐司中間有蜜糖 有點太多太甜吐司好脆 配埋雪糕一流🍨下次還想試佢個芒果糯米飯吐司鐘意食吐司 除左蜜糖太多之外 還是不錯的⭐️CP值;3.5👩🏻回頭指數;4📸打卡比分;4

泰國人氣刨冰店🔥🍧打卡好選擇不過味道就令人失望😢.▪️芒果糯米飯刨冰 ($148)🥭只有淡淡嘅芒果味嘅刨冰🫥上面係咸咸甜甜嘅椰汁 加上少少脆米入面有糯米飯 雪凍左嘅芒果粒 但食落似冰多啲🥹本身以為有好多真芒果粒！會配埋椰汁&芒果汁(但芒果味有啲假😢)▪️鹹蛋黃蜜糖吐司($128)🍞本身以為似蛋黃薯片嗰隻咸香味🤔但呢個夾吐司有怪味🫥而兩球雲呢拿雪糕&忌廉放上去係靚啲 但味道都係唔夾😥同埋好膩(._.)樽仔配埋鹹蛋黃醬試左一啖就算~最後成份食唔晒😵‍💫▪️泰式蜜糖檸檬茶 ($42)🍹正常唔會太甜嘅凍檸茶.✍🏻整體:又貴又唔好食得個樣😵‍💫唔知泰國食會唔會好食啲呢🤔

呢間刨冰店book mark左好耐，以為人潮已經減退，今日到訪都仲有條人龍。排左約半小時終於入到去啦刨冰有大同細size揀，細size只有拳頭咁大，排左咁耐隊一定揀大size😂芒果糯米飯刨冰，面層淋上厚厚的奶蓋，旁邊仲有椰漿同芒果汁，可自行加入😊刨冰口感好似沙一樣幼細，筆入d仲有芒果糯米飯🥰食到底都仲好夠味。整體上對我來講太甜同太滯，兩個人分享一個大size或叫一個細size再加其他野會比較好😅一場來到緊係叫多個多士-鹹蛋黃蜜糖多士💗估唔到比刨冰更值得一試😮鹹蛋黃配上雪糕同蜜糖，鹹鹹甜甜，令食指大動😋多士外脆裏面非常軟熟，仲暖暖地，同冰凍雪糕🍦一齊食好鬼正呀😛最正係雪糕都可以揀味道，揀左綠茶同雲呢拿總括來講，可能我對刨冰期望太高，我覺得冇人地講到好食得咁誇張，而且價錢都幾貴🥺要比較的話，我個人喜歡Shari shari 的刨冰🍧其實呢度的多士比刨冰更出色，如果唔使點排隊的話可以一試😉

同fd 子食完晚飯，佢竟然話唔夠飽~~ 時間尚早，咁我地唯有再去搵食啦，提議去登龍街度搵下有冇糖水舖，一行入登龍街，我雙眼發光，見到”After You” 即刻心心眼，原來”After You” 開咗係登龍街，二不話說，即刻排隊啦….都等咗差唔多半個鐘先有得入坐，仲要係LAST ORDER 前有位，真係好好彩 我地即刻叫咗泰式奶茶刨冰同埋特濃朱古力布朗尼，甜品上枱已經嘩嘩聲…..賣相好靚想食好耐嘅刨冰終於食到……刨冰唔太甜，但食落唔似刨冰，因為佢刨到好細滑，有啲似雪糕嘅口感，加上頂頭嘅CREAM 好好味 特濃朱古力布朗尼上面有CREAM 同雪糕球，朱古力布朗尼好甜好冧，熱熱地….幾好食….連埋雪糕一齊食好有冰火感覺…..正呀~~~ 以後可以唔使去泰泰都食得到, yeah!

承接上一篇係灣仔食完三文治，就行左過嚟e間過江龍，初時諗平日應該唔駛排隊，但2:00到都要排十幾分鐘，到我地食緊過陣仲越來越多人，都有6-7個🙊芒果糯米飯刨冰$148講真size比起另一間刨冰店真係細左又貴左，不過成日都賣晒嘅芒果糯米飯刨冰，一場嚟到點都要試下嘅，結果都幾滿意喎～刨冰磨到好綿滑，完全冇冰粒，海鹽奶蓋夠潔身，芒果jam都唔甜，撈埋一齊食幾夾，食到最底會有芒果粒同糯米飯，糯米非常煙靭而且米味突出，芒果亦甜，e個組合相當獨特，重要係都好味原味蜜糖吐司 $108E個真心好食！麵包烤得外脆內軟，牛油蜜糖味相當特出，就咁食都好味，當然點埋cream同雪糕冰火交融係另一類口感，不過雪糕好快溶，而且吐司都係趁熱食最好味，要找緊時間！總結：其他同事都有試過e間餐廳，不過個陣芒果糯米飯刨冰賣晒，佢就試左美祿味覺得普通；個人試完就覺得芒果糯米飯刨冰值得來試下，但其他味道就可以去另一間，toast 質素都幾好有驚喜，係要有心理準備假日要排隊😂地址：銅鑼灣登龍街52號景隆商業大廈地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

唔想排長龍，最好食完甜品再食dinner！ 去咗泰國幾次，都無突登去食After You，但朋友試完後一致好平。今次試咗好多人都推介嘅芒果糯米飯刨冰，造型非常吸引，碎冰偏綿滑的質感。由頂食到底，會先食到好重芒果同椰汁味嘅刨冰，中間就有大家好期待芒果肉同椰汁糯米飯，連刨冰一齊食，口感好豐富，超級滿足，絕對係芒果糯米飯嘅昇華版。重口味人士，可以配附送嘅椰汁同芒果醬一齊食。有兩個size選擇，因為想試埋個多士，所以揀咗baby size。另外仲叫咗好受大家歡迎嘅多士系列。今次叫咗朱古力蜜糖配吐司加香蕉，吐司外脆內軟，好貼心已經切好一格格，每啖都好香蜜糖味，配朱古力雪糕同忌廉一齊食，完美嘅配搭。有人會拎佢同shari shari比較，但係我覺得兩間都好食，且各有千秋。🍧 芒果糯米飯刨冰 ($148) baby size: $92 👅:96.38 分 🍞 朱古力蜜糖配吐司加香蕉 ($128) 👅:85.26分❗️無最低消費，不會強迫叫飲品環境: 👍👍 👍 👍 回頭率: 👍👍👍👍👍 訂座: ❎等候位置時間: 平日6:30pm到不用排隊

味道好食但唔值，偶然一次算，留返去泰國食更好😗～・・・・・・・・・・・・・・・・・・・・🍧芒果糯米飯刨冰 $148・味道：刨冰、芒果粒同冰旁芒果鮮榨糖漿全部香甜，0酸。未去到鮮榨甜㗎喇，奶香甜味啦～芒果唔當造食一樣冇酸味。椰奶奶蓋濃味，更附冰附多杯椰奶仔調味。・口感：幾surprise入面啲糯米飯被冰雪凍都唔會硬哂，依然煙韌，幼滑冰身0冰粒。✋可試：泰國平一倍有一樣質素嘅真係唔使喺香港食。同埋飯太多(足料?)⋯都唔知好事定壞事，肚波想食甜嘢多啲～・・・・・・・・・・・・・・・・・・・・🤰性價比：中～🤰9衝度：可試～🤰結論：想豪一次可以一戰，價錢唔值但起碼唔會中伏先。・・・・・・・・・・・・・・・・・・・・環境：正常餐廳size，枱比較細但淨係食甜品都OK

🍰After You Dessert Cafe​📍銅鑼灣登龍街52號景隆商業大廈地舖​📢星期六日晚預左要排隊先食到📢同泰國分店一樣，要出去收銀order同比錢📢上網見到芒果糯米飯刨冰好多時都sold out🥲​👉🏻👉🏻menu（今次有當年泰國食既menu😂)​圖1️⃣朱古力溶岩蛋糕（$76）aka心太軟，呢個要推，太～好～味，出面食過太多失敗心太軟，有d焗過龍太硬甚至燶埋，有d太淋/太甜，呢個心太軟真係達到完美水平，唔太甜之餘，個心真係軟綿綿，好似棉花咁🫶🏻唔會太濕，同埋甜度剛剛好🥹💕真係好鐘意​🍓整圖加左咁多士多啤梨去表揚佢，就知道有幾好食💕​圖2️⃣士多啤梨芝士蛋糕刨冰（$138）（芒果sold out🥲)刨冰整得好綿密，食到牛奶香味，正，食到最底，刨冰中間有蛋糕​（評分：5杯☕️最高分）食物：☕️☕️☕️☕☕環境：☕️☕️☕☕CP值：☕️☕️☕️☕️好食，雖然唔平但值服務：☕️☕️☕️​✨會再幫襯? 會，心太軟太出色，刨冰都好食（睇返泰國menu，香港貴好多）

今天我來到了登龍街的afteryou，環境和泰國afteryou的一樣，非常舒適，讓人放鬆。我點了兩道招牌甜點：芒果糯米飯刨冰和美祿火山刨冰。兩個都是泰國有的baby size，很適合一個人一份。首先，讓我試試芒果糯米飯刨冰。這道甜點非常有趣，因為它將糯米飯和芒果冰結合在一起。糯米飯非常軟糯，與芒果冰非常配搭。芒果冰非常棉，口感很好，而且有很強的鮮味。此外，還有一些芒果汁，很有鮮果味，使整個甜點更加豐富。而美祿火山刨冰。這道甜點內有原粒朱古力，還有美祿朱古力醬，和一點點牛奶味的冰。朱古力非常豐富，而冰的質地非常柔軟，非常好吃。這道甜點的特色在於它的層次感，讓我每一口都能感受到𥰶奶冰與美祿朱古力醬的配搭，讓人口感愉悅。總的來說，afteryou給我留下了非常好的印象，每個甜點都有自己獨特的特色和味道。

泰國過江龍After You Dessert Café開業一段時間都係好多人排隊，當日下午去到，有一半座位都係空，但店員冇安排客人入座，結果等左25分鐘先入到去，依家都冇限室內入座率，唔通係餐廳想營造效果🤔🔅芒果糯米飯刨冰｜$148｜9/10有baby同original size，baby真係for 1人食用，好彩叫左original兩個人分，刨冰附上芒果醬同椰奶醬🥥唔加就咁食都夠味，表面有一層忌廉奶醬同炒綠豆，冰底好綿密完全唔硬，重點唔會好快溶👍🏻食到一半就發現入面有芒果肉同椰汁糯米飯，軟糯得黎又有咬口，雖然價錢比較貴，但真係好食😋🔅特濃朱古力布朗尼｜$68｜6/10分左三層，最頂係忌廉加朱古力醬，中間係雲拿尼雪糕，最底係微熱既布朗尼，口感似係濃郁朱古力蛋糕🍰食唔到有堅果，唔扎實，偏鬆軟濕潤，同埋溶得超快，同時間競賽咁食，不試也可🤪🔅鹹蛋黃麵包脆粒｜$6x｜6.5/10除左甜品，仲推出自家品牌零食，麵包脆粒有原味、鹹蛋黃同酸洋蔥，鹹蛋黃同我想像中好大出入🙈以為係黃金炸魚皮咁，但食落香茅同九層塔超濃，以為係緊冬陰公😂每粒多士都幾脆口，只係味道同想像中唔同🔅朱古力曲奇｜$6x｜7.5/1

係泰國食左無限次係香港開實在太開心喇一定要黎朝聖•美祿火山刨冰🍧一見到美祿 就一定係必點黎到賣相都係好吸引 再淋埋佢比既美祿醬食到中間入面有美祿粒粒同麵包粒冰底以牛奶做底 整體唔太甜美祿濃度都可以可以俾你落而且唔會好甜 食到中間有粒粒芝士蛋糕 整體上都唔錯•金莎朱古力蜜糖吐司吐司麵包外層脆內層軟 金莎加花生碎連埋榛子醬 配埋雲呢拿雪糕 整體中規中矩而且份量都幾大兩個人食都未必食得晒•士多啤梨芝士蛋糕刨冰🍧一見到佢賣相即刻少女心返哂黎💗面頭佈滿咗粒粒士多啤梨刨冰好棉密 仲有一小杯士多啤梨醬中間有粒粒芝士蛋糕 芝士味好香濃 同個士多啤梨醬夾晒•粉紅檸檬梳打清新檸檬味 清甜解渴

呢間泰國過江龍刨冰係香港開咗兩年，每次經過都見到大排長龍，起碼都要排成個鐘先有得入去食；但早排係銅鑼灣食完晚飯，經過見到After You 只係得兩三個人排隊，排咗唔洗五分鐘就有得入去~泰式奶茶刨冰 baby size $82上次已經試過佢嘅招牌芒果糯米刨冰，印象幾好，今次就試下佢其他嘅熱門甜品-泰式奶茶刨冰；軟綿綿嘅刨冰帶有泰式奶茶咪，上面嘅cream同杏仁片都幾加分，食到最底仲有麪包粒同涼粉，感覺好似有啲唔係好夾，可能配麻糬會更加好食~士多啤梨芝士蛋糕刨冰 baby size HK$82呢個士多啤梨芝士蛋糕刨冰外形好吸引，幾surprise 佢粒士多啤梨幾甜幾大粒；旁邊仲有附送一小盒唔太甜嘅士多啤梨醬，覺得唔夠士多啤梨醬嘅時候就可以加落去刨冰到一齊食；刨冰食到入面仲有蛋糕架，但唔係芝士蛋糕味；如果有多啲芝士蛋糕味就perfert池啦~整體感覺上次食完之後除咗刨冰幾好食之外，其他感覺都好一般；但今次再訪，排隊時間少咗好多，而且仲有得揀mini size，比百幾蚊試到兩款口味感覺抵食好多~

鹹蛋黃蜜糖吐司 salted egg toast好少見甜品店會有鹹蛋黃吐司見佢咁特別所以就決定來試下完全無失望吐司即叫即整大概等20分鐘吐司一上，未食已經聞到好香嘅鹹蛋黃味吐司旁邊既小杯裝住鹹蛋黃醬，好濃稠好香吐司上既鹹蛋黃粒咸香味亦好出將鹹蛋黃醬淋上吐司食令口感更有層次鹹蛋黃嗰 part ，味道好高分但！美中不足嘅係吐司中間 略嫌落得太多牛油 🥺幾乎浸滿麵包食到一半時會覺得吐司有啲膩同 heavy如果下次再點 一定會叫 “少牛油”或者“走牛油”咁一定更完美 ～