agnès b. Café LPG (太古城中心)

营业中

休息中

來到agnès b.大部分人都係食甜品或者飲杯咖啡。但係其實呢度都有三文治食，可以做一個正餐。今日午餐唔想食得咁飽，又想坐得舒服D，自己諗下嘢，就嚟嗌咗一杯熱的latte，搭多咗一份烤牛肉三文治。latte好飲，不過攞咗幾支熱飲飲管都係爛嘅，攞到第三支先冇問題，希望餐廳留意下供應商飲管的問題。估唔到烤牛肉三文治都幾大份，入邊仲有新鮮嘅蕃茄同埋菜，今日呢個午餐覺得好清新。而且好鍾意呢度枱和枱之間嘅距離好闊，坐得舒服之餘，在疫情期間亦覺得比較安全。

✨環境唔錯嘅cafe［agnes b.cafe］飲杯咖啡食件蛋糕，見到蛋糕可愛又吸睛，忙裏偷閑，真係賞心樂事✨⋯⋯‼️..💬芒果香草奶油蛋糕 依個蛋糕每次經過都見到，因為顏色都幾搶眼，但從來無食過，本來諗住個樣咁得意，諗住唔好食，點知又唔差喎！切開中間原來係流心有啲驚喜，整體味道唔算甜，微微酸甜咁都ok既！唔係得個樣😆！. 💬熱帶水果小熊蛋糕依個蛋糕真係好鬼可愛❤️，我都睇多陣先至切開佢黎食，不過依個蛋糕整體黎講無咩特別，味道一般，都係以外觀可愛優勝。..📍 agnès b. Café LPG ..

突然想食甜品，呢間甜點望落幾得意，買左黎試。價錢屬中高價，around$50一件小蛋糕。.🔸Eda 無糖朱古力慕絲($44)⭐️分數: (7.5/10)朱古力味香濃，面層有啲朱古力碎，佢既朱古力mousse冇落糖，所以唔會太甜，底下有層薄薄既海綿蛋糕。.🔸Carla 芒果香草奶油蛋糕($48)分數: (6/10)好甜，好稔，口感不討好，一pat野咁。厚厚既雲呢拿味蛋奶凍，有少少芒果，底下薄薄一層雲呢拿味海棉蛋糕。.🔸Marthe伯爵茶朱古力蛋糕 ($48)⭐️分數: (7/10)細細件蛋糕入面有好多層次，幾層朱古力mousse，朱古力餅碎，底下係伯爵茶海棉蛋糕，好香earl grey 味。朱古力加伯爵茶味令蛋糕唔會太甜。.🔸Mélanie 松露朱古力紅莓蛋糕($58)分數: (6.5/10)紅莓味香，但真係太甜，口感較乾。有朱古力海綿蛋糕，松露朱古力，紅莓果泥。

約咗兩個朋友喺太古城中心聊聊天，因為呢間店一出地鐵站行幾步，非常方便，而且遠看有清新嘅花材，坐得挺舒適呢！最適合行得攰搵個地方歇一歇！我哋點咗咖啡、牛油果無花果奶昔，就喺度輕輕鬆鬆Hea左兩個鐘啦

Talking about dessert this kind of caffè it’s quite perfect to try. We had espresso & Americano plus choux e la creme & Petit four! They come in 6 pcs each one version with creme and one with fruit. Choux le creme: very tasty and good. 6 different version with base creme with selection of chocolate creme and whipped cream. That’s was amazing.Petit four: 6 kind selection of fruit with creme base. Fresh fruit selection l, strawberry, mango, pineapple melted with creme base. Delicious if u love fru

Caesar salad with chicken 雞肉凱撒沙律 $55沙律菜新鮮，鷄肉大塊，但有啲榎口，份量算多Bacon onion cheese Quiche 煙肉洋蔥芝士餡餅$45煙肉和洋蔥非常惹味，口感鬆軟，但無乜芝士味Spaghetti with Truffle & Forest mushroom 黑松露野菌意粉$108黑松露味濃，意粉口感Al dente，好味Spinach & Mushroom omelette 菠菜奄列$78奄列好厚，啖啖蛋香Aimee 紅莓蛋白霜蛋糕 $42外貌似迷你火焰雪山，蛋白霜包著一層紅莓丶海綿蛋糕丶蛋白餅，好有層次嘅口感Fleur 野莓鮮奶落香草蛋糕 $44粉紅色外層好靚，雲尼拿mousse包著士多啤梨果凍戚風蛋糕，有少少茉莉花清香味Rose Flavored Cafe Latte $46Passion Fruit & Pineapple Flavored Fizz $49

聽到Agnes B， 便自然聯想到手袋、皮鞋，但當然現今服務業興起一條龍服務，Agnes B又提供了餐飲服務。上次幫襯已經是多年前了，是IFC那一間； 相比太古城中心這一間，IFC那間像餐廳，太古城這間就比較open，relaxed，就是一間café。今次叫了一客牛油果蟹肉貝殼沙津； 牛油果切大大粒，配略帶鹹味的蟹肉，味道不錯。牛油果本身沒有味，所以一定要夾其他食物一起吃。但神奇地，牛油果似乎是百搭，加上它就會增加食物的香滑度。貝殼粉提供澱粉質，增加飽滿感。個Beetroot，Carrot and Berry smoothie，雖然沒有太濃的味道，只有少少酸味，但也幾好飲。最重要就是營養價值高嘛！

今日到太古城買東西，買完東西後感到有點累，所以想找個地方坐下來歇一歇。想起太古城內有一間Agnes b cafe，便決定到那兒。看到餅櫃內擺滿了各式各樣的甜點，便感到有點選擇困難，最後還是決定要一件草莓香草奶油蛋糕及一杯熱棉花糖朱古力補充體力。蛋糕外層有的甜甜草莓味奶油，內裏還有草莓果醬，吃過之後令人內心感到甜滋滋。熱騰騰的棉花糖朱古力，味道濃郁，一喝下去，喉嚨間便充滿了香噴噴的朱古力，令人頓時感到精神起來。坐在這裡享受一個舒服的午後時光，令人感到十分悠閒自得。

一直以黎我都唔係好捨得俾咁多錢食西餅因為真係覺得好貴有d鋪頭仲會賣得貴之餘件餅細細件完全只係可以long下胃有時候有得食全靠屋企人買翻翻黎食先有機會食下咁個日食完lunch就幾想食d甜品太古城中心有得食甜品既地方真係冇乜咁啱經過見到都幾吸引就決定試下啦不過就係外帶拎走食要咗呢個(個名已經唔記得咗了-_-)個拿破侖做得好鬆脆 要重覆多次係好鬆脆!!!!!平時去連鎖式個d餅店賣既有時候有d係lum哂既根本唔好食中間既cream啱啱好所以唔會太甜亦都襯托得個拿破侖幾好不過最近再行去睇已經冇咗呢款但係都有其他既拿破侖所以下次有機會都會試下

Alisa: 踏入秋冬季節，我認為最能代表秋冬的味道，莫過於甘香清甜的栗子...味道濃郁的栗子蛋糕係我近期最like嘅甜點呢...^^Sweetybabies@Agnes b.CafeValerieIced LatteWe ❤️ Cake & CoffeeBarbara: 除左栗子蛋糕之外，仲有尼一款..六小件嘅 fruit tart set 都非常吸引我眼球👀......（嘻嘻...唔知我可以hold倒幾耐呢！）Sweetybabies@Agnes b.CafePetit fourWe ❤️ Cake & Coffee

經過太古城中心2樓嘅Agnes B餅店買咗件栗子海綿蛋糕。蛋糕有層次感：外面脹脹嘅栗子茸幼滑，栗子味重。中間嘅忌廉同海綿蛋糕香甜鬆軟，薄薄嘅朱古力醬香滑中帶點點苦。餅底保持脆脆嘅口感，但略為甜咗少少。

次次去呢間agnes B cafe都係因為覺得坐得舒服雖然佢係open area但係又唔會太嘈而且佢有啲花喺側邊做裝飾同埋有人喺度包花都好靚好似係個花園咁可以淨係嗌少少嘢食然後就坐喺度慢慢歎慢慢吹水買咗個煙三文魚法式三文治同埋一個迷你紅莓蛋白霜蛋糕嘢飲買咗一杯mocha同一杯拿鐵煙三文魚法式三文治都幾好味不過就覺得個紅莓蛋白霜蛋糕雖然個外貌好靚但係有少少太甜麻麻地鍾意 杯mocha都正常然後就好舒服咁樣坐咗三個鐘一間唔錯嘅café

I was in Taikoo looking for a place for breakfast. Had wanted to try another shop but it was just opened and not yet prepared to serve. So I walked pass agnes b cafe and decided to give it a go just becoz I can't see other choices.Ordered the classics of all time - ham and cheeseThe portion looked generous. However you then see it was just a cheese sandwiches, ham nearly unseen. It was quite disappointing as it costed $60 yet with so little ham I think I wouldn't take it again. 

午餐想食西餐，聽聞呢間吾錯，同幾個朋友去試下。喺太古城入面，交通都好方便，食完仲可以行下shopping，幾好見有位，坐喇。要自己去counter買飛，之後會俾舊野你返坐等。等十分鐘到舊野就著燈，有得食喇朋友話仲一定試佢哋嘅朱古力喎。個意粉幾彈牙，吾會太軟身。個汁我就希望可以濃返啲，依家對我嚟講太淡份量亦細咗啲，睇嚟要tea喇杯熱朱古力呢…… 好好味香濃，滑溜。我本身想飲咖啡，好彩改咗咋。地方就好開陽，坐就一般喇……

帶左飯一星期，今日難得同朋友仔撐枱腳，梗係要食好西！朋友帶左我去呢間cafe食，貪佢唔洗等位，地方闊落，仲有靚靚蛋糕做甜品！朋友叫左個沙律餐同蘑菇湯，個沙律菜好新鮮，仲有藜麥，好健康！ 朋友話佢話夠飽，我咁大食，都係食番意粉算！ 嗌左個肉醬意粉同薄荷朱古力！肉醬意粉係即制的關係，夠晒熱辣辣，意粉煮得啱啱好唔會太硬同太淋！係個醬汁咸左d,薄荷朱古力好creamy, 有陣淡淡薄荷香味，飲完暖笠笠，冬天飲啱晒！最後食我至愛的粟子蛋糕，好好味呀！栗子蓉唔會太甜，餅底鬆脆！係今餐最出色的一樣食物！