agnès b. Café LPG

营业中

休息中

🍫Mélanie🎂Chocolate Truffle, Raspberry Purée, Chocolate Sponge對於朱古力大愛者.....呢個蛋糕係超超超好味到懷疑人生🥰簡直係上天恩賜😇當然會‘’溜‘’ 但都好鍾意呀🖤

本人一直都支持這餐廳的咖啡，雖然價錢並不便宜，剛剛今日(8/12/2019)又來到這間餐廳點算了一杯Rose Latte，在收銀處已等了一會兒，付款之後取那杯沒心機弄的Rose Latte，我的心情真的受影響！看到整咖啡的店員不單把奶弄到杯外，而且那杯咖啡並沒有拉花，除了溫度是合格之外，我覺得茶X的Rose Latte的質素比Agnes b 還要好得多，但茶X那杯Rose Latte相比之下便宜得多，到底是餐廳質素下降，還是員工陪訓不足，希望餐廳可以作出改善，真令人失望

同事派散水餅揀左e間餅店。我地打開一睇好精美。水果撻細細，唔會覺得太飽，做下午茶岩岩好😍水果都好多選擇有芒果，木瓜，士多啤梨，奇異果同藍莓☺️我揀左芒果🥭黎食🤓芒果好甜😌撻皮脆脆，仲有朱古力味🤤

見到 opera 蛋糕，仲要係 Agnes B. Cafe 諗住好食，結果…Opera 蛋糕應該有咖啡味、杏仁味、朱古力味。但呢件 Opera 只有吉百利之類嘅普通朱古力味外就食唔出其他味。咖啡，其他連鎖咖啡店咖啡比 Agnes B.仲好。

熊仔朱古力芒果mousse蛋糕仔: (好似係$50)有朱古力熊仔點綴真好cute令我一見就想食，裏面仲有流心芒果肉添，好好味呀，睇下熊仔好似跌咗落沼澤叫救命。另外佢有多個size 任君選購。雜莓棉花糖朱古力: ($48) 雜苺乾...咬落去酸咪咪甜甜地好有口感，加上棉花糖大大粒浸咁耐都唔溶，朱古力夠晒濃郁。賣相真係好吸引，環境當然好，人唔太多..同朋友傾左幾個鐘頭計。

去開pop corn 行街，行到攰想搵杯咖啡飲下、歇下，就揀咗Agnes b cafe試下，因為想試下佢個杯玫瑰咖啡，點知真係有幾塊真的玫瑰花瓣係杯咖啡上面，個玫瑰味同咖啡好夾，沖得好好飲，雖然好似要坐左係個商場路中心咁，但其實都幾舒服。

和同事午膳後，經過Agnes b cafe,就忍唔住走去睇下。望住咁精緻既蛋糕，我地好快就失守了，每人叫左一款蛋糕。我係熊仔控，當然係揀新出既熊仔頭蛋糕，同事就點左超人氣既栗子蛋糕。熊仔蛋糕係熱情果味，食落有布甸滑滑既質感，不過又無布甸咁水感，幾特別。蛋糕底部係個硬餅底，我估係用黎托住個熊仔頭，而餅底上有一層薄薄既熱情果蓉，熱情果蓉唔酸仲好清新添！啱晒我呢d不嗜甜既人呀～同事既栗子蛋糕我淺嘗一口，栗子香滑軟綿，蛋糕裡面仲加有栗子碎粒，豐富了整個口感，同事讚不住口。雖然我唔特別好甜品，但每次食到一個好正既飯後甜品，幸福既感覺都會湧上心頭！

約左去朋友屋企但時間未夠既關係就諗住行陣,但諗深一層不如坐低食d野打發下時間👀一出地鐵站入商場就見到agnes b....caғe望兩望都幾大幾舒服係商場中央好似好grand!咁就揀呢度啦👅.以前諗過點解做做下時裝突然做埋飲食品牌既？個陣就一直覺得佢既野食唔方好食😂😂.叫野食個陣收到朋友電話話一齊食少少咁我就叫左Petit Four🤩,又靚又唔洗諗散叫咩💁🏻‍♀️好快有得食，一共六件，每件賣相美美的✨基本上可以用好豐富來形容！大有奇異果🥝、芒果、士多啤梨、藍莓、柚子、同吉士！有幾款水果就少少酸, 都係睇當唔當造吧最愛就係芒果同吉士 好食好食😍😍

食午餐飲返杯☕️先夠滿足，揀左一出地鐵站就見到既agnes b....我其實都係因為見佢drink menu有rose coffee 先揀坐呢間，因為上次去坑口個間crostini， pop corn都有， 今次試下其實品質既rose coffee 先.蛋糕都好吸引，🍰🍰主角要出現了，我杯rose coffee, 呢杯比crostini 貴少少，味道都幾好，我直頭愛上rose coffee. 再努力搵邊度有先！我老公就叫左cappaucino

今日約人去將軍澳地鐵站交收，順便到Popcorn商場行下，一入去商場就見到Agnes b cafe，佢裝修得很靚，而且在商場中央，感覺很寬敞，旁邊又有很巨型的聖誕樹，餐廳是自助形式，看餐牌點了飲品和蛋糕，就自助找位置坐，飲品當然少不了手調咖啡及西茶，他們還有朱古力飲品和特色凍飲，例如香蕉豆奶冰沙和西瓜波蘿梳打。小食方面有各式三文治和沙律，也有餡餅，我至愛煙肉洋蔥芝士餡餅，他們亦有自家製鬆餅、丹麥酥和片裝蛋糕，片裝蛋糕顏色豐富又精緻，一見就很想食令人開心。

行街行到口痕，咁岩前面又有間Agnes b ，一直都想去試下，擇日不如撞日啦😂👉🏿✨iced rose chocolate Hkd 49💸📌本身都怕伏伏到，因為自己好驚啲花味會好膠，好假，不過，好彩，係超好飲架！🔥飲落超濃郁既朱古力，玫瑰香味夾在其中，入口比例係超剛好！絕對唔會話冇玫瑰味👍🏿重點係成杯既比例都調得好好，唔會甜到流✨抵佢咁貴啦！👉🏿✨iced tiramisu chocolate Hkd 49💸📌比起中伏，其實我仲驚呢個味😂點之前都有問過店員，佢就話會偏甜小小🤔但又唔想飲啲出面都有既，都照叫左呢個😆不過，都好飲既，面真係有層粉係到，甜我覺得甜多啲啲咁多，整體都好飲👍🏿個人都係中意玫瑰🌹多啲🤣

係將軍澳港鐵站一出就會見到呢間Agnes'B Cafe。今日要等人，所以選擇最近地鐵站嘅位置飲咗一杯 ginger coffee ，四十三元。Agnes 'b 專做時裝，基本上我覺得唔係做開飲食嘅品牌，就算開Cafe 都只係因為賣品牌嘅魅力，本身並沒有相對嘅實力， agnes'B 就係其中一員。三四年前 Agnes'B 薑味咖啡剛出品，我曾經係佢哋嘅捧場客。新鮮即磨嘅生薑，撞入咖啡，係冬天飲特別暖胃。相隔一兩年期間，我到經常係不同 cafe 飲薑味咖啡，今日再飲 Agnes 'b 嘅薑味咖啡，已經失去當年嘅魅力。薑依然係生磨既，咖啡味淡，比牛奶蓋過晒咖啡本身嘅香味。除咗天然嘅薑之外，佢哋仲加入左糖漿，成杯咖啡過甜，好港式，飲嘅再也不是咖啡，是甜點。環境當然好，因為裝修靚。咖啡質素非常一般，賣＄43，如果係為咗飲靚咖啡黎，一啲都唔值了。

其實 agnes b ge 餐廳食物同甜品都 ok ga同平時 d 餐廳差不多水準, 都唔係食牌子 ga今次約 o左朋友 afternoon tea, 就 o黎依度 hea 下我本身唔係好飲咖啡, 所以唔識評論 不過兩杯都好冰凍, 夠哂解渴我 o地揀 o左個 petit four, 望落好豐富~有 d 水果就少少酸, 不過整體 d fruit tart 味道都 ok另外仲揀 o左 d 蛋糕 share~依個可愛 ge 熊仔蛋糕係 coffee mousse咖啡味唔會太重, 我都食到 右邊係 vanille, 個 custard 甜度適中個皮都好鬆脆

原本只打算買杯咖啡，卻被雪櫃內的可愛熊仔蛋糕吸引了視線，結果忍不住一口氣買下所有款式，和大皇的良朋共享。蛋糕造型可愛精緻，味道亦各有特色。沒有過份的甜味，質感亦相當輕巧。多款蛋糕均有不同尺寸，絕對能満足喜歡獨吃及分享的嗜甜品食家。

Agnes b cafe At popcorn 週六中午的簡餐這cafe 在商場正中，裝修挺有品味，桌椅式樣討人喜歡，花花地磚更是本人非常欣賞的，平日只有小貓幾隻光顧，今天來試一下。挑了菠菜磨菇批，對店員說了在店裏吃，然後看drink list, 因喜歡花草茶，看了幾遍沒看到，店員表現有少許不耐煩，最後挑了個薑茶。菠菜磨菇批挺香的，味道不錯，茶是加入切碎的薑配茶包冲泡而成，夠薑夠味，配上精致的餐具整體非常滿意。最大的敗筆是伴碟的沙律菜有一大半是不新鮮的😁😁😁本人在家夏天常弄沙律，有時沙律菜在雪櫃一晚後，因菜裡的水份會令其成殘變樣，其實只需徹底去除水份，用廚房紙包好再入膠盒放入雪櫃，翌日再檢查一下，撿走不新鮮的即可，能讓客人吃到沙律菜也不浪費食材。這方面希望店員能調整一下，讓這cafe 的食物能配上品牌的優雅形象喔。