Amaroni's New York Italian Restaurant & Café (MOKO新世紀廣場)

营业中

休息中

原本是慶祝生日，滿心歡喜，沙律菜都黃了⋯⋯還可送給客人吃的嗎？看到都有點尷尬⋯墨汁意粉全部是碎的，根本不能上枱的⋯單價$188完全不能接受，你要知道，你們不是茶餐廳，所有東西⋯都是是但但，求求其其，水準一直在下降⋯⋯⋯從前在老店又一城吃很有水準。如果繼續維持這種方式營運，不正視問題⋯我認為只有結業收場⋯⋯有點難過⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

下單後不久，發現女服務員落錯單，更正返佢，點知佢行開咗幾米之後聽到佢細細聲話「痴線」。算啦，當自己聽錯。食咗先算。叫咗個lasagne，我成世冇食過一個咁酸嘅意粉，係咪倒咗半支醋落去？叫咗杯peach ice tea，一飲就知道中伏。又係勁酸！杯嘢應該係檸檬茶，仲要將檸檬篤碎晒嗰隻，再加兩粒1cm大嘅罐頭桃，咁就呃到人。仲有個cream of mushroom soup冇味嘅。唯一正常少少係個pepperoni pineapple mushroom pizza，不過以呢個價錢就唔係好值得。真係「大開眼界」嘅一次午餐。

因有商場現金券，所以揀咗呢間餐廳，環境都唔錯。為慶祝生日訂咗坐窗邊梳化位，不過張枱唔平不停搖晃！侍應小姐都好有禮貌貼心咁介紹晚餐每人叫超過$108可另加$90任食意粉同Pizza(每位計)，最後我點咗牛扒同加錢任食，不過我唔建議大家加錢任食，用同等價錢叫其他嘢食好過！任食意粉比茶餐廳更一般，Pizza邊位太硬、餅底太厚、無配料，似麵包舖嘅蕃茄腸仔薄餅麵包咁，只有飲品同甜品可以算係正常啲，咁嘅價錢，可以有更好嘅選擇！

部分食物自取6折，仲平過open rice 訂？訂之前問清楚門口帶位態度麻麻，睇完我open rice 訂單號碼後去廚房望，之後無返返出黎交代就去執枱另外有外賣客等外賣時將自己個袋放喺枱上嘅餐具上面，職員是否應提醒下客人？

首先一去到門口等左好耐都無人理，個個侍應都係行過望你一眼就走左去，叫左2次都無人應，直到我地直頭行入餐廳先有位不耐煩嘅侍應接待。。。叫左2人Tribeca Set, 第一碟放低係parma ham. 我地見到隔離堆rocket都嚇一嚇，好似係另一碟度搬過黎咁，賣相真係好唔討好。另外Balsamic落得太多，舊哈密瓜又好甜，另到塊火腿變左超級配角唔起眼，感覺怪怪第二碟上係青口，放低聞到陣陣蒜香味，即刻有返食欲。個汁忌廉味好出，整體其實好好味，不過有3隻唔開口，有啲可惜。黎到主菜牛扒，落單時為免誤會，已經係 "3成Medium Rare" 咁講，點知切開。。。呢個仲唔係傳說中嘅Welldone牛扒？？？ 口感味道都唔使多過，總之就完全浪費食材嘅感覺啦。另一主菜Ravioli偏咸，無乜記憶點。甜品Tiramisu有啲甜，2人share一件都覺得太漏喇。去到杯餐飲，加左10 蚊要Latte... 杯咖啡似係有一排無洗咖啡機，有陣味(明嘅就明，好難形容嗰陣味), 真係飲水仲好。其實Amaroni's去過唔少次，本身都幾鐘意，先襯假期突登出黎食。。。可惜，可惜！

今天特登來到旺角新世紀吃意大利菜。這家餐廳內在環境好，座位寬闊，天花上有美的水晶燈。這裡的雜菜湯味道不過不失，有著菜的料。肉醬炒通粉就覺得好油，與茶餐廳的質數還要差，完全不收貨。巧克力焦糖棉花奶昔，飲落幾creamy，奶昔味道較純。黑松露蘑菇Pizza，黑松露不多而且Pizza口感不算突出，所以一般貨色。今次在這裡消費已加一要$173，價錢算一般抵食，在這裡飲飮品好過吃這裡平價食物，其他散叫食物未品嚐所以今次簡單略評。

這間餐廳一直想試, 結果都幾失望.. 我地點了晚餐過左$108 加每人$90可任食意粉及pizza, 其實任食款式唔多, 意粉有三款, PIZZA 有三款. 結果所謂任食的都是伏, 因為唔好食, 茶餐廳仲好食過佢先來餐前包, 味道一般主菜叫了牛扒$238, 等左成半個鐘先到, 牛扒好鞋口, 點解咁靭加$90 任食PIZZA, 好似食緊個無味麵包咁再到任食意粉, 點解哩個清炒蝦意粉咁辣, 蝦肉得個2 隻,  辣得來又唔香, 茶記仲好食過佢再來快餐式通粉及意粉, 食完唔會再有下次唯一佢D飲品都可以, 我地叫了Sangria $68, Mojito $62 最後埋單價$600, 食D咁樣食物真是很不值, MOKO 樓下URBAN CAFE 仲好食過佢. 食完見到枱面有個公仔, 真係食到懷疑人生...

前日放工後，相約同事係公司附近食飯，最後我地選了amaroni's,由於我地唔知選擇食セ野好，見到dinner set 2-3人set 包括意大利火腿蜜瓜， 忌廉汁紐西蘭鮮青口， 蘑菇燒汁肉眼扒 意大利芝士菠菜餛飩 ， 意大利雪糕 ，三杯飲品 $788 ，另加了沙律加。主菜我哋選左肉眼扒有少許失望，其他都ok嘅, 餐廳環境唔錯幾靚，但要一提員工態度有待改善。

總結1. 半價時段可以一試2. 適合肚餓人士3. 份量大 適合多人聚餐見到有App上午時段半價所以嚟試下兩個人叫左四份正常份量 結果食唔晒部份Menu可選正常/加大份量免費蒜蓉麵包條配黑醋橄欖油 趁熱食不錯薯條一開鋪即炸 加埋Sour cream好味但黑松露只算點綴多芝多睇Pizza睇名以為全芝士 點知有梨一般味道焗鮮蝦雞肉意粉尚可 味道頗鹹 雞肉唔多但蝦爽口青醬意粉有驚喜 帶子蝦肉都好食 意粉硬度適中Waitress態度親切 樂於助人

晴天，意粉屋餐廳的食物吃過了所以今天來這間紐約意大利餐廳吃午餐，這裡環境與服務也不錯。這裡有點驚喜是點一様菜式（蘑菇湯）加52元就可以任食當日的指定意粉和Pizza. 不過覺得晚餐抵一點，菜式多選擇。蘑菇湯我覺得味濃可算可口，物有所值。經典紐約Pizza味道OK，不過多吃易悶，我吃了六少塊已滿足。香草意大利扁粉就味道一般，不算難吃。飲品西伯利亞甜酒奶昔🍶，味道cream不算很甜所以味美值得再飲。🙂今次埋單連加一只是$173下次會再光臨食！

今次同朋友慶祝生日揀選左喺新世紀旺角嘅呢間餐廳因為我朋友喜歡食pizza呢間Pizza做得幾好 脆同埋芝士夠多而且坐位仲有卡位可以同朋友一邊傾偈一邊享受晚餐另外我仲叫咗個意大利雲吞如果喜歡食意大利菜一定要你試吓❤️❤️訂左位講係慶祝生日餐廳仲送咗個蘋果批都整得好好食，可以睇得到間餐廳好有心思好注重客人嘅感受評分：4/5（5分滿分）環境：4/5（5分滿分）味道：4/5（5分滿分）我朋友都好滿意今日嘅晚餐過咗一個好愉快嘅晚上

一排冇黎食Amaroni’s 😝突然超掛住個Tiramisu 🍰記得以前每逢有朋友生日都會黎到呢度慶祝🤗每次侍應仲會走埋嚟同生日嘅朋友唱生日歌感覺真係好親切🥰今日都唔例外🤓呢間分店裝修好靚😍食物選擇亦非常多🤔但咩都想試下既我地就Join左新推出左ALL YOU CAN EAT意粉🍝及pizza🍕 只要點選一個主菜「午餐+ $70」「晚餐+ $90」就可以喺每日精選口味當中任點任食🙌總有一款啱我哋嘅口味👍🙌前菜我最鍾意嘅白酒汁焗青口🥰 $158 呢度前菜可算是我既西餐首選🤣意大利白酒配上西蘭花🥦紅椒煮出來更有層次😬青口海水味直入味蕾🙆‍♀️送酒一流🤗🍽 主菜石榴陳醋烤豬排骨 $208食肉獸表示大滿足的厚肉超juicy烤豬排骨🤗排骨用上果醬醃製過肉質仲keep到好嫩滑😉唔會好似別家弄到太乾👍石榴陳醋酸尾尾完全中和左豬肉既肥膩感覺🥰任食方面我地都嗌左兩Round😂白汁意大利芝士煙肉意粉🍝大大碟以濃烈既芝士🤤包住左啲意粉以中間熱力令芝士溶入每條意粉當中🧀 滿碟的煙肉碎及芝士完全包住d意大利粉真係芝香味十足😜濃汁🐂肉粒意大利通粉中間超多芝士醉下面有特濃蕃茄汁鮮牛肉碎醃到幾入味🤤意大利坑紋通心粉軟

今日係旺角做完嘢已經是中午時分，又到醫肚嘅時候，客人介紹我上5樓的一間意大利餐廳食，說是坐得舒適，食得招積，於是便去試下。依足程序入座後，店員遞給餐牌，午餐由$98 至$200不等，豐儉由人。我很快便叫了一個野莓雞肉沙律，跟餐送忌廉湯和一杯飲品，我加$10升級了一杯泡沫咖啡。雖然沒有美麗的拉花，但也不影響杯咖啡的味道，香濃順滑。呢碗忌廉湯的忌廉奶味過重，飲多兩啖就會好溜滯。反而我覺得這湯做沙律醬啱啲。到了主角野苺汁雞肉沙律，除了有大量的雜菜之外，有雞肉、啤梨、士多啤梨和核桃肉，再淋上大量的野莓汁、清新開胃，食多啲都唔覺得有負擔。

咁啱黎左 Moko 的Amaroni’s 店內環境舒適，裝修幾靚，牆上有不少壁畫，十分有風格。我地兩人點左三份食物加湯，兩個女仔食完都好飽，食物不錯，服務良好，上菜比中午快，感覺來這慢慢吃晚餐比較開心😆店內提供免費麵包🥯有香草和原味兩種，還付上橄欖油和意大利黑醋前菜：檸檬香草炸軟殻蟹🦀熱辣辣，金黃色，外脆內軟，沾埋醬食，正😋湯：雜菜湯、牛肉湯🍲味道一般，不過不失。可惜今天沒有最喜歡的忌廉湯😔沙律：美國小意大利沙律🥗有神秘的亞支竹，份量多，酸酸甜甜的，很好味，吃完已經有少少飽意大利粉：忌廉香草意大利幼麵🍝上菜時由於很綠色，還以為變了菠菜意大利麵🤣有帶子和蝦，食起來有香草味，比較有忌廉有點膩，喜歡忌廉意粉的應該會喜歡😍最後，吃完意粉已經吃不下甜品🍮，下次有機會再試甜品☺️

今晚同朋友生日聚餐，念住搵間好啲的意大利餐廳，訂了晚上8:00，我哋坐低一陣即刻order ，過了一陣大約8:30pm, 職員過來同我哋講last order, 我哋大家都好愕然，然後念住叫咖啡，職員話咖啡機已清洗了，只可以叫齊啡，咁惟有叫齊啡，誰不知職員攞咗一壹咖啡過來，我將咖啡倒出來，試飲一啖跟水沒有分別，冇幾耐職員又過嚟想收我哋枱面上嘅碟，但係我哋跟本見唔到邊隻碟係食完嘅，於是我好唔客氣地話我哋都未食完點收啊（ 9:00 前）所以總結係服務態度差，食物麻麻，不會再光顧。