Are U Kholic

营业中

休息中

環境精緻有特色設計有心思，進食座位除了室內還有户外選擇，知己好友邊吃邊聊很輕鬆，酒精飲品類優良配合優質食材口味亦有新意，價格合理，整體感覺良好，是有熱誠的食店，非常滿意

早晨，支持小店。無咗私家車的生活又可享受另一反體驗。Go with the flow，送完小朋友返學，順道試下地道食店。今次試下新食店。Are U Kholic.舖店裝修好有新潮韓風食店型格路線，入到店中等待食物時，彷彿去了一小時的韓國之旅，坐位寬鬆整潔，早上人流不多，放著K-POP情歌，尤如跟早餐談一場戀情，甜蜜滿足。早餐選擇多款，任君選擇嚐試多次也不會發悶嫌膩。價錢中上由45-98元，最可取是杯可口咖啡，今次試咗1號早餐，其實很滿意其性價比甚高之水平，只是杯咖啡已經相當滿意，再加埋碗靚烏冬精緻好食，分量唔算多反而剛剛好唔會太飽，感覺唔錯。#勝利道 #Areukholic #smartmediahk #綝導遊#食UP風

如果有睇開我嘅食評, lunch我都係圍繞喺勝利道同埋旺角區, 依排好耐冇行勝利道了，見到一間新開嘅韓國嘅咁試吓…我見到食晏都吸引到嗰區嘅學生、寫字樓人過去食，裝修無可否認係勝利道完勝，又新又靚一定吸引. 出邊有兩張戶外枱，內𥚃就正常枱量，叫咗個午餐烏冬清清地有三條燒雞串，有兩隻餃子同一杯菠蘿芒果soda雜飲。不過佢標明韓國嘢食，但我見餐牌上又唔係全部韓國嘢食，有啲都混雜左港式食品和西餐，咁冇乜所謂嘅，食飽就得和食物質素OK就得啦不過暫時依個九月出出邊坐都比較熱😂😂😂建議坐返入邊先🤣午餐正常嘅👌我會試埋其他….

星期六到何文田「搵食」叫個2人餐有兩款小食，兩個主食，兩杯飲品。水煮蛋蕃茄紅菜頭沙律沙律菜好新鮮，柚子汁清新👍👍和牛牛頸脊水煮蛋烏冬因為係小朋友吃，所以轉了熟牛熟蛋。阿女話「好好味！」除了沙律，另一個小食我揀了燒雞軟骨😋😋我嘅主食係煎蛋五花肉炸醬公仔麵😋😋😋好耐無吃公仔細麵啦😍希望下次再嚟試埋個「鐵板套餐」。餐廳係開放式廚房，一啲油煙味都冇，讚👍👍美味一餐，以靚靚甜品結束。阿女話「好好味！」

試咗佢個二人套餐。叫咗醬燒雞軟骨、大醬湯、薄切和牛水煮蛋烏冬同泡菜西班牙豬肉煎蛋炒飯，另外叫咗兩杯梳打特飲。每樣菜都在水平上，用料都唔錯（佢韓式用嘅芝士係意大利芝士）。同隔籬街are u labeller非常好食的西餐cafe係姊妹店，但labeller好少開晚市，宜家有呢間，以後晚餐有著落喇，yeah。韓式嘅菜式，通常都比較濃味，同日式淡味嘅烏冬配埋一齊去比較合適唔會太漏嘅配搭。下次會嚟試吓佢嘅韓燒，仲有蟹膏燒。非常期待。

見佢新開都要試一試。今日試咗下午茶。一個正常size嘅韓式牛肉煎蛋炒飯加一杯嘢飲要$88 再加一服務費。下午茶你呢個價錢唔算平。因為已經係下午四點，餐廳裏面基本上冇人。我一入門口個女侍應就喺收銀嗰度叫我行埋去睇菜單，順便喺嗰度落單，咁似乎係冇table Service。 其實都冇所謂，照落單。落完單求其搵張枱坐。發現張枱面冇抹過有啲油漬同污漬。都算數啦。 食物嚟咗之後味道同埋份量都OK嘅。咁我食唔晒，就去返收銀同個女侍應講話要買個外賣盒，點知外賣盒佢哋係收$3 😑呢個價錢完全冇服務，仲要有啲不合理嘅收費（雖然係外賣盒）。相信短期內都唔會再去幫襯成個感覺不太好。

搬咗嚟何文田就幫襯梭椏道we are labeler兩年 星期六都幫襯佢嗰個靚咖啡早餐 分店嚟咗呢邊 食物引入韓式style 咖啡就一樣咁靚 地方又四正 仲做埋平日早餐 會多多支持