Aroma

营业中

休息中

不嬲都知東涌多印度餐廳🇮🇳附近又多一見當然要試試！係由外籍員工打理 見到酒櫃好多收藏員工好高大，相當有禮貌，服務周到！魷魚圈最近戒口好耐冇食炸嘢，見到魷魚圈感覺炸海鮮比較健康就過過口癮～即叫即炸，炸皮唔厚炸至黃金色！魷魚食落好新鮮塔塔醬應該係自家制，唔會死鹹牛肉千層麵芝士真係多到好似十重奏咁！牛肉粒好香濃，千層麵麵質軟硬適中番茄做底，正到我一個人好快食晒下次同屋企人朋友人一齊，一定要試試pizza！

今天到東涌優閒遊途經這店,便一行四人到來享用午餐,因公眾假期,所以無午餐套餐,所以散點。咖哩角(新鮮炸出來,又香又脆,好味)、羊肉烤餅(因四人,廚房幫我們切開四件,相片是其中一件,羊肉不肥,有羊肉香味,味道不錯)、芝士pizza(有拉絲有芝士味但未算很重芝士味)、印度酸奶(不太甜,味道不錯,芒果再濃些就仲正)、印度芝士咖喱(點來配烤餅,同港式咖喱不同不辣的)、蒜蓉烤餅(即烤的有口感,若再加重D蒜蓉和加些少鹽會仲好味)啤酒一支。合共$468。整體好味!行過可試試

今日入東涌shopping 順便揾好嘢食，聽啲friend講在逸東邨裏面有啲隱世餐廳都唔錯，咁我咪抱住好奇心去睇睇。 點知比我揾到間印度餐廳“Aroma”, 入都去餐廳的裝修簡單但舒適，座位都好寬敞！一坐低二話不説緊係要叫杯嘢飲解解喝先我就叫左杯Mango Lassi ，而我老公就當然要啤啤佢Mango Lassi： 即是芒果酸乳酪，芒果味濃，酸酸甜甜真係幾好飲！食物方面， 我哋叫咗餸就必備的洋蔥圈和印度烤雞薯條，整體來説味道也不錯！餐廳還有午市套餐供應，價錢公道平民化，值得去試試！

今日放假，去左東涌探朋友。朋友住果度附近，有條村叫馬灣涌村嘅村屋。佢話果條村有一間新開嘅印度餐廳，佢好想食。既然一場黎到，咁就陪佢去食個晏啦。呢條村真係比較隱世，估唔到會有一間由印度人打理嘅印度餐廳。餐廳門面同裡面光猛，裝修簡約，環境乾淨，坐得都幾舒服。下午有set lunch，另外餐牌仲有好多唔同種類嘅嘢食。朋友樣樣都想食，當然由佢揀啦。咖喱角(4件)︰係印度人嘅前菜，size夠大舊，剛剛炸起，熱辣辣。裡面有薯蓉同青豆mix埋，佢哋都夾架，入口咖喱味好香，配埋旁邊配醬仲好食。卡邦尼意大利寬麵︰估唔到印度人煮嘅卡邦尼都唔錯喎，裡面有煙肉同芝士等配料，但又唔會太鹹，D醬汁又唔會好結。食落洋蔥味重，甜甜地，整體OK。雞肉咖喱配印度烤餅︰雞肉整得幾入味，好香咖喱味道，印度烤餅係我至愛，夠大塊又香，配埋咖喱一齊食無咁dry，我最鐘意。芒果酸奶︰味道酸酸甜甜，帶淡淡芒果味，夠凍，啱晒今日咁熱天氣，cool，估唔到都幾好飲。

今日同朋友入左大澳行下，出黎果陣同朋友入左逸東邨覓食行過一條小巷子，比一間印度餐廳吸引到，餐廳環境清幽，好乾淨，播放緊印度跳舞短片，聽住歌食野好chill最後兩個人叫左一份意大利馬蘇裡拉芝士條，一個12”MARGHERITA PIZZA同埋新鮮青檸蘇打成個配搭都好重芝士味，但唔會太膩。成餐飯我最欣賞係個pizza，佢應該係用炭火爐烤，個邊脆脆地，但中間既蕃茄汁又唔會好乾芝士條炸到脆脆地，上枱時配上甜酸醬，又係另一種風味。芝士仲可以拉絲，有驚喜食既過埋一邊飲埋杯清爽解膩既青檸蘇打，大滿足太飽食唔落甜品，本來都好想試下食非常有印度特色既甜奶球晚市堂食加一，價錢合理，性價比高，推薦

第一次從OpenRice知道東涌馬灣涌村有新餐廳，於是Book位過來試試，本身喜愛吃印度菜，東涌其他印度菜也吃過，想試試這一間，餐廳環境非常舒適，午餐價錢約為$62-$78，正常印度午餐價錢，但這裏午餐有餐湯。本來以為餐通只是普通例湯那一種，但餐湯是蕃茄未濃湯加香草，非常好喝，實在是驚喜，我們叫了香油雞加薄餅，咖喱汁香濃而不辣，平時吃的印度咖喱雞，肉質通常都係比較「鞋」，但這裏的雞肉很漱滑，配上熱騰騰烤餅，風味十足。雞肉卷內裏餡料十足，非常夠份量，男士食也夠飽肚。如果用性價比來說，這一間真是非常高