B‧B 海景餐廳

营业中

休息中

今天與朋友去到南丫島, 行完風車,行完洪聖爺灣沙灘 到了晚上時間, 預備找家餐廳欣賞海景 剛巧碰到這家餐廳就被那個門口侍應很有禮貌地招乎我們進店了～店有室內和室外由於室外很熱同多蚊，所以選擇了坐室內和點餐, 侍應很禮貌地服務我們和介紹菜式點餐. 點了的食物1. 海鮮炒飯2. 乾番茄菠菜意粉3. 菠蘿汁全部都有送湯和麵包餐牌大部分都是套餐的～乾番茄菠菜意粉意粉較為正中夠硬，番茄汁都打得還算可以的～海鮮炒飯炒出來夠火鍋味以及海鮮絕不偷工減料侍應服務很好,多檯客人要求拍照絕不拒絕. 價錢很公道, 這頓飯才約3佰多. 對於我來說, 這餐都是較為便宜份量夠足！

這是位於海邊的一間西餐廳  , 我在人流不多的時間來到搶了最佳看海位置  , 一定要等到黃昏的最佳拍攝時間 。 但沒理由淨坐 , 隨便叫了個芝士蛋糕 , 這個芝士很合我心意 , 既軟滑又不太濃 , 不太膩 , 有剛剛好的芝士香味。 但本人覺得芝士蛋糕還是純芝士最好 , 下次可以不加朱古力 ( 個人認為 ) 。 然後坐到差不多黃昏 , 點了黑松露海鮮意粉 , 送飲品 , 凍飲不加錢。 意粉的黑松露真的很多, 很驚喜 ! 海鮮的熟度剛剛好, 很新鮮彈牙沒腥味 。 意粉是偏意大利風的那種微硬質地 , 如果吃慣軟身的要事先告訴待應。 檸茶的糖漿是分開讓客人自己調配的 , 正因此 , 我才發覺往常街外的檸茶原來加了這麼多糖 。 XDDDD 等待黃昏的過程中 , 還意外地有小貓經過 , 拍了很滿意的照片 。 我覺得下一次來南丫島 , 還會再來這餐廳的。 

今天自己特意想請一天假, , 決定出走南丫島一趟。很久沒有來過南丫島了。南丫島依舊四周充斥歐陸氣色, 本想一下船便四圍逛逛, 但因為我還都未曾吃午餐, 所以去返之前去過個間餐廳醫肚餐廳很有歐陸風格 , 有室內有室外 我選擇了室內了，如果晚上的話我會選擇陽台位置, 應該不錯的, 3張海景檯的中間那張就是可以看見無敵大海景的其中一張，我下次跟女朋友來的話會選擇的一張枱了☺️ 拿著餐牌, 我選了黑松露海鮮意粉, 以及一杯橙汁最後我覺得還是可以的送一個湯以及一杯東西喝～

是日生日，帶埋隻狗去南丫島慶生。南丫島好多餐廳都俾狗狗內進，由於只有我同男友二人，想去間人少啲靜啲嘅餐廳傾下計，就入咗依間。講少少有關寵物嘅資訊：依間餐廳見到我哋有狗(沙皮狗-中型犬 20kg)，會主動歡迎我哋，作為狗主，見到有餐廳歡迎我哋其實好開心，，都明白唔係間間餐廳鍾意狗狗，因為可能嫌招待寵物麻煩餐廳有室外同內，有狗狗嘅當然被安排到室外，而餐廳面海，即使冇狗狗嘅食客，我相信都會選擇露天雅座侍應安排我哋喺角落嘅位置，一來唔想影響其他食客，二來狗狗會有更多活動空間，本人表示相當滿意是次安排講番食物方面，實質嘅菜名唔太記得，份量都幾大份餐湯粟米忌廉湯- 唔係金寶罐頭湯，入到口好濃嘅奶香味，口感除咗有粟米，仲有一粒粒菇蓉加埋超脆蒜蓉包，最加分嘅包係成個包面都搽滿牛油，唔會見到有白色嘅面包，佢就做到依樣嘢啦!烤雞沙律烤雞好多汁，食得出個雞有用心做，唔係求其整熟切開俾你塞入口果啲，我最驚啲雞有雪味，但依個雞醃得好入味，烤得好香，好好食，，另外沙律配黑醋，好多火箭菜，好大兜，正焗芝士生蠔除咗本身嘅芝士外，仲有加咗芝士粉，兩種唔同嘅芝士口感一齊入口，的確好食，而且主要成份係芝士同波菜，有菜夾住食

放假天氣好，心情更佳，即與好友到南丫島輕鬆逛逛~ 😎 落船後走了一圈，還是覺得BB海景餐廳最對口味，便進去吃Brunch~🌤陽光微微透入，感覺輕鬆閒逸~一如以往，一坐下即有笑容可恭的侍應奉上清水。羅宋湯配蒜蓉多士，口感滑順，加入番茄/洋蔥/紅蘿蔔等，嚐到食材的原汁原味，酸中帶甜，十分醒胃~ 伴上香脆蒜蓉多士，份外味美~🍅煙三文魚香菌忌廉汁天使麵，大大塊的煙三文魚富香濃煙燻味，鹹香帶鮮，天使麵柔韌掛汁，充滿菇菌忌廉香味~😍洋蔥汁燒豬扒意粉，燒豬扒有咬口，不會過韌，肉香多汁，油而不膩，意粉柔韌有勁，再淋上洋蔥汁更香口惹味，吃到最後一口也不乾身，滿口肉香洋蔥香~🍝😋凍奶茶，茶味香醇，自由添加糖漿分量，甜而不膩~🍹✨美景佳餚， 侍應有禮，樂意幫顧客們拍照📸，又設有乾淨廁所，與好友在這裏度過了稱心滿意的美好時光~🤗

每次到南丫島遊覽總不忘要到B·B吃個飯，這間西餐廳分室內及室外，室內我覺得較侷促，所以我每次也會選擇坐到室外，若在天色好的黃昏更可以看到美麗的日落伴美食，令胃口大開。光顧這間餐廳已十多年，其實也曾經有嘗試到別家餐廳吃飯，但最後都是覺得B·B的出品水準較穩定，總沒令我失望。其中美式醬燒豬仔骨及日式海鲜芥末忌廉汁燴墨魚汁麵更是我每次必吃豬仔骨肉質又林又入味醬汁酸甜適中，配合得天衣無逢而海鲜芥末忌廉汁燴墨魚汁麵的配料很豐富，有蝦、魚、青口……等醬汁又特別濃濃的芥末汁沾滿每條面極惹味最後來一客我最愛的tiramisu作終結為一頓豐富的晚餐畫上完美的句號。

今日去左南丫鳥呢度小旅行，行行山。發現到呢間餐廳。通常去南丫島都係食海鮮多。但感覺想有點做遊客生意，價錢會好高。所以俾呢間小餐廳吸引到！😁😁呢間環境唔錯。有得坐室外，望住個海食飯。但我怕多蚊，同熱。所以都係揀左室內。有set dinner, 但卻俾佢其他野吸引左！😍😍芝士焗生蠔。賣相幾靚。同價錢唔貴。食落去好多醬料，好濃既芝士味。同都好有蠔味！😃😃正！仲叫左 鵝肝！一上菜，哇”左聲，估佢唔到咁大件。仲有塊多士係下面，食落去好夾。好好味！😍叫左成抬都係野！😂😂另外仲叫左 芥末墨魚汁海鮮意粉！食落去，個味好特別。估唔到個芥末同墨魚汁可以咁襯。一路吃一路係度讚😂😂食完好滿足！估唔到一間小小既餐廳，可以都有高水準既味道！😁去南丫島的話，值得一食呀！😃

如題，而且叫左個凱撒沙律同意大利粉，係過酸過咸，好難食，每一淡入口都好似食緊啲汁咁，材料又唔足料，個侍應見人入門口全部一律扮睇唔到唔招呼，心諗如果係情侶入去幫襯一定會比佢破壞氣氛。只有一樣野係好，就係上菜好快，但心諗百几蚊一個午餐，佢上得咁快又咁難食，其實係咪是但整？定係廚藝差？仲之就唔會再幫襯，真係食到想嘔仲要對住啲咁架侍應

两个大人两个仔点了四份饭和面，好大量。事先也没说套餐有饮料，我们还点了sppke juice.浪费了。还好食物味道不错，补偿了我的不满。猪扒饭好大两块猪扒！服务还不错！

終於等到天朗氣清的星期日(感動!)二話不說立刻拉豬男友出去戶外走走我們決定去中環碼頭隨便搭一個船到離島誤打誤撞下坐上了往南丫島的船*憶起對上一次去南丫島應該也有兩、三年那次好像是秋天來的很舒服*這次來我們也是漫無目的地散散步 走到亞婆豆腐花的時候一般是繼續直走往洪聖爺灣泳灘但豬男友發現向右直走一小段路有個神秘沙灘*你看多美! 水是有點Tiffany Blue的後來才知道這叫「發電廠沙灘」右邊便是南丫發電廠!我們拍了一堆照片後便折返繼續走繼續漫步到洪聖爺灣泳灘後便折返回到了碼頭的餐廳吃下午茶*這間B‧B 海景餐廳我已來過數次基本上是每來南丫島也必去喜歡它的環境和食物的味道*餐廳有室內冷氣房也有室外的我問店員外面會不會很曬他說:「年輕人就是要曬曬才健康呀!」*這是我們的海景就像去了國外的海邊餐廳一樣*一坐下便點了兩個下午茶餐在炎熱的天氣下 凍檸茶是必點的!*喜歡它的檸檬很新鮮檸檬清新的味道很濃很香*炸魚薯條 $68重點來了 炸魚薯條!!我本身以為這裡的炸魚是一大塊的那種就是在美式餐廳可以吃到的那種殊不知是「魚手指」! 當下是有點小失望的*正當我吃薯角的時候豬男友搶先一步吃了「魚手指」然後眼

今日中午同女朋友一齊到南丫島玩聽聞呢間海景不錯所以入內用餐點知個阿伯侍應招呼態度差劣語氣極不耐煩，佢咬字唔清楚我問一問佢就一臉唔情願之後點左個墨魚汁意粉同雞扒薯菜我同女朋友想話影張相留念想話個景都唔錯點知個阿伯侍應敷衍影相了事間餐廳當時明明只係得兩三個人但係個阿伯侍應就係咁摧我地叫餐飲一D都唔忙就扮到好似好忙咁服務態度極差，野食又普普通通以後貼錢比我我都唔食啦！大家千奇唔好比個餐廳樣扼到搞到成餐心情差，食慾不振

今日補祝友人生日，去左南丫島周圍行下， 我地買左個蛋糕，夜晚諗住搵間有海景既餐廳食飯。係openrice 見到呢間餐廳食評唔錯， 所以就黎試下。 一去到侍應哥哥就幫我地雪左個蛋糕先，跟住佢就帶我地去室外坐， 十分有驚喜， 個位對住個大海， d海風吹埋黎， 又舒服又寫意。 未食野，先比個景滿分！ 睇完menu 後，我地叫左半打芝士波菜焗生蠔、黑松露海鮮意粉、白酒。個焗生蠔真係意外地好食😋😋，我本來唔鐘意生蠔，焗生蠔出面好多地方都焗到好乾身硬掘掘，但呢間個焗蠔可以做到外脆內軟， 食落去仲補留到生蠔既juicy 感👍🏻👍🏻 仲有少許天然海水鮮味。 另外個白酒都唔錯， 原本menu 上個白酒買曬，waiter offer左另一款冇咁酸清清地既白酒比我地。呢個白酒好順喉，易入口， 配生蠔一流！ 最後，個意粉就還可以， 有點乾。但其實都唔差， 海鮮料足，有青口，魚柳肉，魷魚，蜆肉。意粉又唔會煮得太爛，有口感。 但生蠔表現太突出了，食完生蠔再食意粉， 令意粉失色了。🙈之後食埋個生日蛋糕，太滿足！總括而然， 呢間餐廳性價比幾高， 浪漫舒服既環境， 高質素食物，貼心服務。又唔加一又唔收切餅費👍🏻👍🏻👍🏻

適逢屋企人生日,帶左佢去南丫島度玩下食下,下午時份經過依間B.B海景餐廳,見menu都唔錯, 就抱住一試究竟既心態入黎試試 餐廳有海景位, 坐出邊可以好chill咁望下海聽下海浪聲,不過因為時值下午2~3點, 太陽太曬,就冇同屋企人坐到海景位,坐返係餐廳入面,依個時間有下午茶餐, order完大約10分鐘食物就送上  意式香草醬海鮮意粉 ($98)意粉先送上枱, 估唔到係南丫島食到咁好味既意粉!香草醬同海鮮,意粉既味道好夾,雖然食唔出係咩香草, 但香草比出面餐廳一般食到既唔同, 好香好有驚喜,而且小小一碟意粉入面好足料,有好多海鮮, 有蝦,魚,青口, 入面仲有少少菇類,想不到咁好味 芝士菠菜焗生蠔 (4pcs) ($148)跟住order左似乎係依間店既招牌 --- 焗生蠔,一送上枱已經覺得好吸引, 一大陣芝士味瀰漫空氣中,急不及待拎一隻試試,隻蠔好大粒, 芝士汁唔會話好稀, 焗到啱啱好漿住隻蠔,食落口更加不得了! 蠔好新鮮, 加埋芝士既味道十分match, 大大粒好有滿足感,食完隻蠔底部仲有d菠菜, 菠菜索晒芝士汁既味, 好正 好鍾意依間餐廳既焗生蠔唔會好似出面餐廳咁, 見係焗蠔就用

第一次同女友去南丫島慶祝生日,希望揀一間好食而又有少少浪漫嘅餐廳,見有咁多好評,不虞有詐...一坐低,可能我同女友睇menu睇咗5分鐘可能叫耐la,到order嘅時候,感受到侍應嗰種催促同唔友善...上餐先來兩客菜湯同蒜蓉多士,湯幾濃,多士亦脆夠蒜味,之後等咗10分鐘先再上個個讚好嘅半打芝士菠菜焗蠔($188),我同女友都期待,可惜...芝士味係有嘅,但唔太多,但係D蠔,熟與唔熟之間,一陣腥臭味,我仲食到有沙添,連我平時嗜蠔如命的女友都係食咗兩隻,我梗係一隻就放棄...之後未夠三分鐘,牛仔柳拼大蝦($238)同蕃茄乾伴意粉($108)一齊上,一塊又乾又硬又冇味嘅牛仔柳,一隻普普通通5吋長嘅乾大蝦,咁嘅價錢...唯一入到口係個意粉,但係唔好太開心,我肯肯定某大型快餐店都好食過佢,只係一個茄汁意粉而已...最後來兩杯比少甜更加少甜又苦嘅凍檸茶,留意番,我order正常嘅...埋單$599...我凸!後話,賣相係幾好,絕對呃到like,海景係幾靚ge,但係值唔值得再去大家自己諗,但我唔會比機會自己再去lo!

周末与朋友去南丫岛玩，到了岛上之后已经是中午11点了，在OpenRice上看了一下，发现了这家餐厅，商量以后决定进去试一下。我们进去以后直接走到了外面的露天桌子，风景很好很安静，店里当时并没有其他食客。我点了一份白汁海鲜焗生蚝饭，很好吃，分量很足，喜欢焗饭的可以试一下。另外老板还送了两杯冻柠茶。