BABA海南雞喇沙專門店

营业中

休息中

要特別讚下椰子湯，好好飲！海南雞味道淡但冇雪藏味，好有良心的份量，醬料正常發揮，油飯淡咗啲，不過唔緊要啦食健康啲~😂熱檸茶要+$2，茶味淡但有得飲就得啦不能要求太多。一律建議外賣，街市入面雖然有冷氣有檯for堂食但仲有幾隻烏蠅唔能夠專心食飯。小店生意，雖忙但態度都nice，第一次入嚟街市食唔知邊度還盤，問姨姨佢直接幫我處理咗。講真喺香港五十幾蚊有呢個份量，味道仲要ok，已經足夠令人返轉頭幫襯，再加埋個湯👍🏻👍🏻祝長做長有，keep住水準🥺（下次試埋粉麵😋）

雞肉爽滑嫩彈，而且份量超足！個椰子雞湯肯定好用心煲，因為真的超級超級好飲，以$52的價格來講，簡直是物超所值！個老板娘好友善，我飲完個湯想再飲多碗，準備再去買多個湯，沒想到個老板娘盡然主動幫我加湯！女女點了一個豬頸肉紫菜飯，意外的好食，呢個豬頸肉好有特色，同出邊的餐廳整塊煎不同，是切絲炸的，所以會更加入味，廚師火候掌握的很好，食落去外脆內軟，又不會油膩，超正！呢D又好食又抵食又服務週到的餐廳在香港並不多見，希望越做越好,一定有下次

我係某平台叫外賣食呢間份量足（圖已食兩舊雞同兩啖湯）肉嫩好味，仲有啲酸菜調味好食仲要係椰子雞湯，好正小店係要支持，我特登黎openrice留言可以一試😆😆😆

（圖中已經食咗兩件雞同飲咗兩啖湯）我喺某平台叫佢哋嘅外賣$60份量足料，仲要係椰子雞湯呢啲咁有heart嘅小店我都專登嚟OpenRice留言支持吓😂真心推介丫

間唔時都會嗌呢間海南雞飯嚟食價錢，同份量都夠，最重要佢有送個椰子湯超好飲，我一黎就飲晒所以冇影相😂炭燒雞串都幾好食蝦餅都係必叫。趁有優惠券嘅時候就用咗佢啦。佢仲有個豬頸肉飯都出名好好食㗎。

回頭度🍪8/10｜人均消費💰~$50-60-其實屏欣街市有好多高質小店上次介紹完pizza今次就介紹呢間海南雞🥳每次去幫襯 老闆娘都會熱情招待而且食物抵食大份又好食🤩-👍🏻招牌去骨海南雞粉面 $52海南雞好滑 本身都醃得入味加埋辣醬同葱油都好食🐣粉面可揀米線/油麵/摻摻湯底就有清雞湯/喇沙等等咁我今次就揀咗清雞湯米線🍜清雞湯帶有少少椰香🥥仲有芽菜、豆卜、魚條 認真足料😍😍😍味道🌕🌕🌕🌕🌑-👌🏻金湯肥牛粉面 $52金湯酸酸辣辣幾不錯😋不過肥牛就有啲韌😢仲有大量嘅娃娃菜🥬味道🌕🌕🌕🌗🌑-👍🏻椰子雞湯（+$3）飲落好香椰子味🤤而且飲落唔口渴 應該冇咩味精仲好暖胃🥰味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌕🌑

平時好少係呢頭食野， 今日時間要趕西鐵，入咗i黎屏欣苑個街市揾食，估唔到呢間食店d野好食之餘， 老闆好熱情服務，而家個個都彈香港食物同服務價錢都輸俾國內的時候， 其實香港仲有好用心的小食店，食物好， 服務好， 呢種温暖都係香港獨有，希望呢間小店多d人幫襯！兩個小朋友食 海南雞油飯 豬頸肉紫菜飯（呢個不得不讚，係小朋友至愛的紫菜飯😆）雞好滑，好食過好多間海南雞，炸豬頸肉碎上，方便食， 又好香口！ 仲有送左個椰子湯，好滋潤好好味， 飲到底見到粒紅棗👍🏻用心煲小插曲：我幫小朋友叫左杯少冰少甜的檸茶，但小朋友覺得好苦飲唔到， 我厚顏無恥地問一問老闆吾唔吾以加返少少糖漿， 估唔到佢好細心倒左少少茶先再加返糖漿！ 👍🏻 好有人情味！

話說早排去左曼谷食紅大x 水門雞 啲雞鞋過我婆塊面， 仲竟然咁多人讚好食！ 好食個位既邊請問😩😩😩 返黎屋企附近呢間Baba海南雞 仲正過十倍！ 雞嫩滑爽彈 係個飯差少少 ，但個湯都好有heart ! 係椰子雞湯🤩 性價比冇得輸！放工返屋企食到佢都夠晒滿足！想寫好多次， 但次次一打開個飯 已經忍唔住食晒😄😄😄 好耐冇寫OpenRice 食評， 原因佢而家好麻煩， 要過左200字先比得評分， 眼見越來越多打手，自己又成日比啲所謂KOL /foodie 搵笨，嘢食呢啲嘢都係自己食過先知岩唔岩自己口味！

無骨海南雞飯（$47）個雞唔錯，份量好多，睇相睇唔出係有兩層，一半係髀一半係胸，都係無骨，冇雪味、幾嫩滑又方便食。醬汁有兩款：一款係蔥油、另一款係辣辣地既汁，其實啲雞就咁食都有啲咸味，唔點汁都唔錯。個油飯值得一讚，乾身唔太油，仲帶一啲椰香，份量超大，男士一定夠飽。成個餐仲有碗例湯送，有啲紅蘿蔔同蘿白當食多啲菜，全部夾埋$47，就份量同味道黎講，價錢合理。其實成個飯都唔錯，唔算話超好食必食，不過見個店員又超有禮貌，我買嗰時又冇咩人幫襯，如果經過都可以支持下。

第一次幫襯，試一試佢哋白胡椒肉骨茶，因香港主要是葯材味。 打開外賣雖然有香味但飲落没有胡椒味反而感覺好重味精， 另一敗筆是浸到漲哂油炸鬼。 我諗佢哋應該google 下人哋正宗新加坡食法。 喇沙，有香味，但食落一點椰汁味都食唔到，椰汁加熱好快流失味道，但要做外賣這個也要留意一下，其實佢種類不少，但其實這小店不能handle， 如我在日本 他們雖然一店可能只有5款，但好味有自己特式，自然有回頭客。在香港味道不正宗不是問題，但要好食。

海南雞好食，雞肉嫩滑之餘，啲醬汁又好好味😋😋，加$8轉批先係最好嘅配搭，👍🏻👍🏻👍🏻不過油飯可以再做好少少就好，有時嫌佢太濕。最欣賞是佢嘅喇沙，個湯底一流，可以配唔同嘅餸，（個人就最鐘意雞扒同豬頸肉）都幾足料，又有油麵同米線可選擇，個人就比較喜歡米線，仲有其他唔同嘅小食可供選擇，而家仲有肉骨茶都唔錯，$50幾一碗但係入面都幾足料，近排天氣凍，叫番碗都唔錯嫁，而家係我叫外賣必叫嘅食店，加油💪🏻💪🏻💪🏻

海南雞好味，啲醬汁好正，本人鐘意轉雞髀，油飯更加唔洗講，估唔到有椰香味！家中長老必點之選！喇沙更加唔洗講，食過最啱自己口味，之前食過其他喇沙，但都唔夠呢個咁好味，最重要係連小朋友都食到，有椰香但又唔辣，好正，味道夠濃郁！開業至今，已經食左無數次，啲食物都仲keep到水準，好難得！無耐前仲試左新產品-肉骨茶，食左好暖胃，睇得出好足料，因為真係見到個湯好多料，又係必點之選嚟㗎！！！！希望可以繼續保持水準啦可惜次次食得太快，影唔切相

天水圍西鐵站旁的屏欣街市雖然細，但是有好多食店選擇，但唔知點解就係聚唔到人流， 首先講baba旁邊的大排檔愈賣愈貴趕客，疫情期間一蚊唔減，一個餐價錢可以再在旁邊一間小店買兩個餐了，講返海南baba近呢個幾月新開的小店，味道價錢同態度都一直唔錯，水吧飲品正常，最鍾意就係食佢地海南雞同咖哩，豬手都唔錯，但最近啲雞扒同豬扒肉質*孩*口左硬左好多，好明顯好瘦肉的感覺，同之前好大分別，唔知係來貨問題定點，希望店方會有改善，保持之前的水準。