BAKA BURGER

营业中

休息中

朋友介紹話幾好食，睇評價都唔錯 所以去試。首先 下單後計 整一份意粉 加 小食 需時40分鐘先可以整完 等咁耐唔緊要 最大問題係 食物本身質素。圖中可見 32蚊 三隻炸雞 三隻都好似食緊碳咁 炸到咁即質素真係好失望 M記都不如… 下次唔會再點呢個第二 佢炸魚 明顯翻炸 食落好乾 唔太好食係得海膽汁扁意粉 好小小，但係味道偏鹹 整體好失望，等咁耐之餘 食物質素咁差 下次不會再去 本人未試過佢地啲漢堡，但係下次都唔該通知聲需要等40分鐘 lunch 食飯時間有限…

雖然佢系街唔係好起眼嘅位置，但係沒有隱藏佢攝人嘅魅力（我係個漢堡包控😎），一入到去我見到menu有好多burgers 可以選擇，我自己揀咗個雙層芝士漢堡,跟左個黑松露薯條同蝦忌廉湯（佢地嘅湯係每日唔同）。等左十分到，野食嚟到，所有嘢都熱辣辣，好大份，好香，睇到流晒口水🤤🤤，我先飲個湯，淡淡蝦香味，好似去左酒店飲龍蝦湯咁，薯條炸到岩岩好，金黃色，外脆內軟，同埋佢沈左啲黑松露粉系薯條上邊，加上黑松露醬，正！漢堡包好大個，d肉汁流曬出嚟，好香牛肉味，漢堡排煎得好好，食落下去有bbq嘅感覺，加上特製醬汁，一個字絕！!!我下次一定會返再食💪🏻👍👍，同試下佢地其他漢堡！！

🍔🌭🌮🌯🥙🥗🍟🍖🍗🥓小店主打Burger同炸小食，如果你係大胃王我就推介你食Super Baka Burger（78$），兩塊超juicy足料到爆嘅手打牛肉漢堡，塊包仲煎得好香好脆，食完包你滿足🤩🤩，加多16$仲有得變套餐，有湯/汽水同埋薯條/薯格（配千島醬），抵抵抵！店雖小但五臟俱全，設計充滿日本動畫風，好適合約埋朋友一齊嚟打卡啊！.🌸等入座時間: 平日晚上時間，可以即刻安排入座🌸環境舒適度: 空間小，但快餐黎講可以接受🌸好味道: 值得一試🌸食物份量 : 正常🐶🐱寵物友善 : 可以坐門外位置👑總評分 : 8.5/10

驚喜！喺附剪頭髮問髪型師有冇好介紹⋯ 跟住佢就介紹咗呢度⋯ 入到去見到餐牌有意粉⋯ 即管試吓⋯ 嘩！ 一上枱比佢驚喜咗一吓⋯ 冇諗過幾十蚊都有個咁靚嘅賣相⋯ 相都未影得切已經比另一半食咗幾啖⋯ 叫咗兩個意粉一個炸魚薯條⋯ 全部都好好味 😋一定會再唻 ❤️

每年都會去工展會，今年都唔例外😌 以前只會向CWB方向覓食，今年試下向天后方向，比較多平民小店。最終嚟到街市附近一間唔起眼嘅漢堡店，當日星期日12點9嚟到，我成為左第一位客人🙊笨蛋漢堡 $58 + 套餐+$18 有薯條、餐湯餐湯係較稀嘅忌廉湯，內有洋蔥同磨菇，飲湯似自己煲，唔會好味精、好鹹。睇得出小店有誠意，粗薯條新鮮炸出嚟，均勻咁撈上Paprika粉調味，唔點個酸酸地嘅千島醬食已經好好味。漢堡幾大個，麵包烘到脆口，食落甜甜地；漢堡扒雖然稱唔上juicy，但大大塊、又厚身、淡淡嘅牛同黑椒味，夾埋生菜、蕃茄、酸甜醬汁，成個包入口唔會乾爭爭。配料仲有我最唔中意嘅生紫洋蔥，平時我會挑走先食，但呢度將紫洋蔥切成細絲，份量又放得啱啱好，唔辣之餘又有調味作用😏。其實整體味道都唔錯，不過小店嘅地理位置真係麻麻，加上對面有間人流幾多嘅CAFÉ，客人好易被帶走。

吃了笨蛋漢堡幾次，每次總來不及拍照，就迫不及待把咬下漢堡，然後下一秒就後悔忘記留影之後寫食記用。強烈推薦店家的漢堡，比麥當勞、五兄弟甚至是Shakeshake的性價比來的高出許多。手打漢堡肉配上豐盛的配料，好吃的漢堡包外層，還有新鮮沙拉（絕不是只有青菜兩三根的配菜），怎麼吃都不會有罪惡感，因為樣樣營養均衡啊！另外店家最近新推出日式串烤菜單，我應該是第一批的客人吧😆只能說，完全不讓人失望啊！每樣都好吃的令人回味再三。推薦這間店是讓我既期待又怕受傷害，希望多一點人認識支持小店，但又怕生意太好以後沒位子坐😂😂😂但我還是希望眾樂樂！大家一起支持好店😍

行得耐攰見到呢間burger冇咩人就入左去，order左個大啡菇笨蛋漢堡（$76），廚房得1個人即叫即整，等既過程見到廚師用手拋肉，第一次親眼見手打牛肉都幾surprise下，等左20分鐘左右就有得食。大啡菇笨蛋漢堡（$76)呢個飽係好食到離曬譜，大啡菇係超多汁，個手打牛肉係好juicy，食果時熱到辣口仲有芝士拉絲，係港島區食過甘多間最好食既漢堡，加$18就有餐湯同薯條，南瓜湯係平時西餐廳既三倍分量，薯條灑滿黑松露粉，再加埋黑松露醬係冇得輸。

遠嘅唔敢講，天后/炮台山一帶一定係呢間最好食。即叫即整，漢堡相當足料、肉煎得剛剛好、配料洋蔥圈係我至愛！成日話後生仔做餐廳淨係識搞綽頭，呢間就係例外，連我帶過來的鬼佬朋友都讚不絕口，呢間野值得更多關注。

夜晚9點鬆啲仲有得叫野食主打burger 但仲有意粉同埋日式丼飯試左兩款比較有興趣嘅burger笨蛋&韓式脆雞漢堡居然都只係5X左右 好抵其中一個跟set +$18 要左汽水薯格等左陣就上碟 賣相十分吸引隻碟夠晒大 唔會跌晒落格面個包係行鬆軟路線 唔會乾 掂肉 蔬菜 醬汁 比例十分剛好 調味都係啱啱好牛肉唔會太細塊 基乎每啖都咬到牛味夠 有肉汁 每啖都有幸福感韓式脆雞 好脆 夠大塊 肉好滑而且醬汁甜甜微辣 又係啱啱好 另外薯格好脆 份量夠兩個人食完都好飽又滿足🤤實在有驚喜 店主十分友善！埋單$13X下次想試試日式咖哩 但我怕都係會食番Burger 😂😂

而家都係年青人嘅世界！個乖囡話帶我哋去一間隱世小店食burger！🍔🍔Baka burger🍔🍔📍天后水星街27號地下C號舖佢朋友大讚漢堡超🍔美味！食材又新鮮！咁佢就帶埋我哋一齊去試吓囉🙆‍♀️⋯⋯明太子蝦堡強烈建議大家一定要加大啡菇，味道真係好juicy😋 完美烤製的麵包充滿牛油香氣！麵包外層脆脆地！炸得非常鬆脆嘅蝦堡，配以爽脆新鮮的蔬菜絲，加上脆卜卜的明太子粒！秘製醬汁加上半溶嘅芝士😘超水準👍黑松露薯條🍟即炸薯條外脆內軟，配以自家製嘅黑松露醬汁，灑上自家製的味粉！平平無奇嘅薯條咁樣就升grade了！👍洋蔥圈非常鬆脆，內裏好香甜👍韓風甜辣雞翼估唔到炸雞雞翼都咁有水準！非常香脆！內裏保留肉汁！味道唔錯！炸雞粒我老公就最鍾意啦⋯⋯因為方便又好味😋香脆又juicy👍點少得冰凍嘅啤酒呢😬 Hoegaarden 爽🥰呢個就係我鍾意幫襯小店，每樣都即製😋食物水準高！不過要耐心等待😏因為每樣嘢都係新鮮製作！

The shop’s name sound cute, Baka in Japanese means idiots it’s meant for us … … As I am searching for a burger place around our neighbourhood, this shop caught my eyes with their creative menus - burger with a touch of Japanese style. We went there on weekdays during dinner. We ordered its signature “Baka Burger” and “Fish cheese burger”. Both are sumptuous Their price is a bargain, given their qualityTheir shop is directly opposite to NOC coffee shop. Gambatte

呢度嘅漢堡包非常之抵食🤑招牌超級笨蛋漢堡勁厚身🍔有雙層手打牛肉漢堡扒🥩煎到好香脆又有肉汁 再加埋雙層芝士🧀煙肉🥓番茄🍅酸瓜🥒生菜🥬洋蔥🧅口感好豐富 漢堡包好濃嘅牛油香🧈再加埋個芥末醬 真係好出色😍

好有心的小店，羅宋湯好多材料，不多的茄醬，清清的好好味，沙律份量十足，尤其個沙律汁，恰到好處，不太酸。苯蛋漢堡的牛肉好juicy, 平時的青瓜我一定唔食的，但這店用上的青瓜唔太酸，還有少許甜味，好有驚喜。知道是兩兄弟經營的小店，更覺親切，會再來的。

係附近返工，自從呢間餐廳開業後已經幫襯不下5次，質素高，味道好，價錢抵，無論漢堡定pasta都一樣好食。2位店主細心有禮，即叫即煮，新鮮熱辣，最中意食超級笨蛋漢堡。

疫情之下吃晚餐只能外賣選擇要買一個質素唔錯嘅外賣在呢個時期都有些少難度最主要因為好多時候拎到返屋企都已經凍哂今日咁啱行過見到呢間小店聞到啲香味走過去試試落單之後在旁邊睇住佢哋製作嘅過程都幾用心去做不過由於件肉都幾厚所以需時去製作件肉煎好咗之後放上其他配料然後就放埋個包最後用牙籤吉住劈入盒10分鐘後返到屋企個漢堡包都仲係熱嘅有驚喜就係件肉同埋個包都算唔錯值得一試