影片
港铁炮台山站 B 出口, 步行约5分钟
继续阅读
电话号码
53093660
营业时间
今日营业
11:00 - 21:00
星期一
全日休息
星期二至日
11:00 - 21:00
以上资料只供参考，请与餐厅确认详情
🏝 #北角 #BaliBowl去开炮台山想买个外卖食，就嚟到呢间「Freshlane」，呢度有多间食店任君选择，仲可以提早落单再过嚟自取，超方便～ 我就拣咗呢度嘅「Bali Bowl」食印尼嘢～😋🐣 Indonesian Fried Rice with Chicken and Seafood ($88)印尼炒饭好香好惹味😝！ 有少少辣，饭粒粒粒分明，仲有好多鸡肉粒同海鲜添！份量都几多，仲配有一块虾片、太阳蛋、蕃茄、青瓜💓🐷 Crispy Pork Rice Bowl with Sambal Matah ($64)香脆猪肉粒有好多，亦都同炒饭一样有太阳蛋、蕃茄同青瓜😋 猪肉粒香脆肉嫩，白饭系偏干身嘅，适合钟意食硬饭嘅人😚🍘 Potato Fritters ($38)薯饼好松化好好味😋 每旧都超大块，里面仲有啲蔬菜😍 油唔会太多，抵赞👍🏻！
继续阅读
Freshlane愈开愈多～上网订定去到即拎快靓正今日就帮衬下印尼菜啦点咗两个rice bowl一个snacks系㶶边嘅蛋呀～～超好味Thousands herbs fried chicken rice bowl啲鸡粒炸到脆卜卜～重点推介隔离嘅洋葱指天椒酱真心惹味够晒辣我大爱印尼炒饭～～有鸡粒、椰菜丝、葱粒简简单单唔知仲落咗啲咩嚟调味好香口惹味块虾片仲要分开袋劲细心印尼薯饼佢好有质感嘅～薯蓉再捞埋啲薯仔粒搓埋再落咗啲独特嘅香料真系好惹味啲外卖就喺locker度拎
继续阅读
💖Freshlane系港岛有多间分店嘅外卖平台，只要系app📱度落单，然后去佢地智能柜自取、或者外卖速递🛵都可以。佢地同30几点餐厅都有合作，我今日想食东南亚菜，嗌左Bali Bowl试下佢地嘅印尼🇮🇩菜！1️⃣印尼炒面配鸡肉🐔 $64💖印尼炒面食极都唔腻，香口过公仔面多多声！鸡肉份量几多，切成细块，口感几软同唔干。另外有太阳蛋、青瓜🥒、番茄🍅同炸蒜粒🧄。仲送左块虾饼🦐！2️⃣香炸猪肉粒🐖 $64💖除左白饭同靓靓嘅太阳蛋🍳之外，另外配balinese salad，系一啲爽脆咸香嘅菜，食落有种榨菜嘅感觉。香炸猪肉粒外脆内嫩，炸皮唔会松厚湿润，keep到嘅脆口感，油腻感都唔会好重！3⃣️印尼薯饼🥔 $38💖推荐！外皮好脆又香口，油香味邪恶😈。入面好足料，薯仔口感绵密，仲有葱等其他配菜。💖点餐同攞餐都好方便快捷，推荐比赶唔切煮饭🔥、想加𩠌或者附近返工💼嘅朋友仔，嚟呢度买方便又好味～
继续阅读
Bali Bowl @Freshlane 城市中心 北角炮台山电气道233号城市花园商场地舖Bali是印尼一个阳光海滩的地方,水上活动如冲浪吸引了很多外国人来渡假。去过一次旅行, 物价低廉以港元一千多就住到有私人泳池的独立VILLA,真是人生乐事。最挂住就是BALI的串烧同炒饭, 富东南亚风味,今日食LUNCH 叫外卖, 一边食一边工作, 在紧张时候食到印尼野, 脑海中浮起去旅行的开心回忆, 忙里让脑中轻松一下。落ORDER 自取好方便, 唔怕外卖仔迟送来。在好似LOCKER 架食物箱拿取食物,很快捷又卫生。印尼炒饭，有鸡肉的，饭粒粒都有香料味，加煎蛋仲美味脆皮猪饭 叁巴酱(Sambal)去炒五花腩，猪肉加了酱口感更好, 唔怕干柴。Potato fritters,薯饼，一丝丝薯仔肉，混了香料，表面香口只做外卖店，好吃方便。落单15mins 有得拎
继续阅读
疫情期间好多人都叫多咗外卖，而买外卖亦逐渐变成我嘅习惯😂 有日喺北角俾我发现Freshlane呢个美食基地，佢系主打外卖嘅餐厅平台🥡 睇嚟随著外卖嘅兴起，餐饮业界都因而衍生出全新嘅经营模式呢～ Freshlane暂时喺西营盘、湾仔同北角都有分店，提供30多间餐厅品牌任客人选择，佢哋最近仲喺荃湾新丰工业大厦开设新店⛳️ 我今次就去咗北角城市花园分店去买外卖😏当日去到北角Freshlane就见到门口位置有部自助点餐机，界面好user-friendly，入到去点餐页面就见到有多款菜式可以拣，有日式、台式、港式都有，好多元化，我今次就拣咗我至爱嘅印尼菜「Bali Bowl」试吓😛 一order完等大约15分钟就可以上1楼取餐智能柜拎外卖，呢种取餐模式真系好新奇，成个过程都系自助唔会接触到任何人，够哂安全衞生😆 ❤️ 印尼香辣鸡饭 Spicy Chicken Rica Bowl $118相信呢个系全店最辣嘅一道印尼菜，有标明两个辣椒仔，而菜名Rica系有辣嘅意思🌶🌶 一个bowl有两大嚿鸡，鸡肉用rica sauce去腌，餐厅用上8种唔同香草及香辛料混合而成，第一啖觉得辣度还好，点知后劲惊人🔥辣度真系唔惹少🥵 不过辣酱无抢哂味，鸡肉依然鲜滑，相当惹味😋 配埋太阳蛋、青瓜、生菜及蕃茄，分量好够好饱啊🤰🏻❤️ 巴东牛肉饭 Beef Rendang Bowl $118呢碗同样有太阳蛋、青瓜、生菜及蕃茄🍅 佢哋嘅巴东牛肉椰香十足，炖得香浓入味🥥 辣度比香辣鸡温和得多，落得唔算重手，酱汁浓且干身，唔会水汪汪咁，好重香料味，香料味充斥成个口腔，送饭一流👅❤️ 沙嗲鸡肉串 Chicken Satay with Peanut Sauce 3pcs (跟餐+$38)食印尼嘢必叫沙嗲😽 沙嗲连皮烧，鸡肉烧得好香口，肉质唔嚡👌🏻 附上秘制酱汁，可按喜好蘸点或直接淋上沙嗲上，有浓郁香甜花生香，咸中带甜好滋味～餐厅推荐度：⭐️⭐️⭐️⭐️ (4/5)点餐同取餐过程都好顺利同方便快捷，可以喺短时间内享受热辣辣高质外卖😎 对我嚟讲系全新嘅体验呢～
继续阅读
您可能会有兴趣的...