Bamboo Thai (朗豪坊)

营业中

休息中

🕖時段-星期六下午之前係荃灣食過呢間 今次係旺角行街同朋友見呢間唔洗排 決定去再試下佢其他野食😌_▫️泰式蛋咖喱炒原隻肉蟹 $438上次試左火山排骨 今次試埋另一款廚師推介👍🏻無咩期待反而有驚喜！個蛋咖喱醬好香濃 幾creamy😚 撈飯食同用油酥餅點都好正😍我係少少飯/餅撈勁多咖喱咁食🤪 原隻蟹都幾大份 建議3人以上先好嗌 (除非你係蟹控🦀) 餐廳會提供鉗 我地都有用膠手套拎住食 蟹肉幾鮮甜 點唔點咖喱醬食都好食😋但拆蟹真係好麻煩...如果可以大啖大啖蟹食就好😌_⚠️要落手食同埋頗狼狽 建議大家睇下同咩人食再決定嗌唔嗌😂😂_▫️油酥餅 $30又係嗌咖喱必備既油酥餅😆一份有2大塊 我地用餐廳提供既較剪分4份好方便又衛生 唔洗mit來mit去 幾細心👍🏻_精選拼盤 $188春卷同炸魚餅都好香口 佢有配埋生菜包住春卷食 無咁油膩😗但雞串燒同個沙嗲都比較普通 _▫️泰式生蝦刺身 (8隻) $148因為我唔食生野所以就咁分享張相比大家😂_🍽環境舒適環境 上次夜晚來食有點趕 今次下午就可以慢慢食同慢慢傾😄

開返晚市，真係忍唔住喇！報復式出街食嘢🤣今晚即興同朋友去咗食泰嘢😍😍又又又係食咗當去咗泰國囉🥹叫咗碟金邊粉，木瓜沙律，燒豬頸肉，雞翼😍😍正呀！金邊粉炒得幾有鑊氣！唔錯，撈埋啲花生碎，好味🤤沙律都唔錯，酸酸哋好開胃😍碟雞翼同豬頸肉我覺得係必食👍🏻👍🏻雞翼用咗冬陰功醬料炸😍🤤個味剛剛好又唔太辣，仲食到入面啲皮好脆🤤豬頸肉都好Juice🤤點埋個醬，好味👍🏻飲品就一般，朋友嗰杯Mojito 甜到要加水飲😆我嗰杯係椰汁沙冰，但我覺得佢加咗啲啲菠蘿汁咁🤣最最後，真係飽到爆炸都要叫埋個芒果糯米飯先圓滿🤣芒果好甜，個糯米飯都幾軟熟，啲椰汁幾香！唔錯🤤-泰式大蝦炒金邊粉 $118-泰式燒豬頸肉 $98-招牌冬陰功雞翼 $72-青木瓜沙律 $78-泰式Mojito $40-椰林飄香 $44-芒果糯米飯 $72

前排見朋友食火山排骨好正咁，所以約埋屋企人黎試試😋😋🔹火山排骨 （S)一上黎嚇親好大份😱😱店員都準備手套比我地食，d肉煮得好淋但就咁食既會冇咩味，一定要點上下面個汁黎食，酸酸辣辣幾開胃🔹 泰式燒豬頸肉🔹蒜香炒泰國椰菜苗燒豬頸肉一般般，冇任何既燒香既味道！！伴碟既沙律都冇咩味道🤷🏻‍♀️而且個醬汁都偏鹹咗少少🤏🏻椰菜苗比較老，冇咩蒜蓉味🔹脆皮牛油雞翼🔹青檸荔枝沙冰牛油雞翼唔錯有牛油味，外皮仲脆入面雞肉嫩滑！！青檸荔枝沙冰有d似牙膏既味道🤣🙈

今日同女朋友行街本身都冇諗住食啲乜嘢 路過見到呢間餐廳就入咗去 其實好耐之前已經食過一次㗎啦 但係上次對佢嘅印象都唔係咁好 因為上次碌卡佢唔知點解佢碌咗我兩次 咁當然都搞咗一大輪先攞得返個啲錢 本身都冇諗住寫食評亦都冇呢個習慣但真係太難食 本身嬲嬲地撕咗張單都拼返埋做返個記錄 以下入正題 今次就叫咗一人一個午市套餐 一個金邊粉同一個青咖喱雞肉飯 個金邊粉尚算正常既 有啲鑊氣 食落去都幾香口 只可以話風格係走乾身路線 都幾特別既 至少女朋友食飽咗但係個青咖喱飯就真係唔得 我記得上次叫嘅時候係覺得個青咖喱雞肉飯既青咖喱好似唔錯 諗住俾多次機會佢 但今次再食個雞肉都係又乾又硬 然之後咖喱入邊嘅配菜都腥腥地（唔係好知可以用啲乜嘢字去形容 總之就唔係咁新鮮怪怪地）然之後個青咖喱汁都係水水地奇奇怪怪咁 講起水嘅時候就要睇吓杯奶茶個樣 呢個係佢跟餐比嘅一般凍奶茶少冰 攞上嚟嘅時候我仲以為佢整錯咗 一般來講泰式奶茶比較甜 咁飲一般嘅奶茶淡番啲都正常嘅 但係呢杯已經唔係淡咗少少咁簡單飲落去就好似你平時飲杯凍水唔小心滴左幾滴奶落去咁樣 再加上佢前面正餐嘅表現 基本上兩百幾蚊就倒左落鹹水海 或者大家下次去呢

在人來人往的旺角區，想找間坐得舒適，價錢大眾化的泰國菜館？我推薦你來這裡試試。今日出黎開會，不如就試吓啦！午餐好抵食$98+1，今日就試左個青咖喱再追加牛油雞翼（但唔記影相🤪）牛油雞翼～正! 炸至超脆的牛油雞翼，一共三隻，很抵食呀! 雞翼飽滿又肉厚，而且有豐富肉汁。青咖喱雞飯～好味！起初見到賣相係有啲擔心，因為真係營光青bb，同以前或其他泰國餐廳顏色好唔同。試落口味好好，同埋有陣陣的既斑斕味，雞肉無雪味有加少少配菜，唯美中不足的是唔夠辣。

今日我地去朗豪坊食泰菜，叫Bamboo Thai，味道唔錯。這間店雖然係朗豪坊裡面，但環境安靜，又好乾淨，服務員態度好，感覺舒服。我地入到店內，服務員立即上來给我地餐牌，又為我地倒水，不用叫。我地叫左泰式生蝦刺身、椰香青咖哩雞、生菜包及排骨，排骨是朋友指定要叫，因為好好食，特別推薦给我同老公。無幾耐，餸菜送來，樣樣都好食，尤其是排骨，好入味，我地全部食曬。我地仲吃左3杯飲品，都好好味，朋友果然無介紹錯。

【小火山排骨】係泰國曾經食過類似的火山排骨，超級好食！呢個就唔算好好食，肉質較乾和咸，肉不多，不會吃到很軟很入味的肉，湯汁是酸的，但就是沒有在到泰國吃的那種清爽。也算容易吃膩！（二人吃）【牛肉撈檬】一上菜果陣就聞到牛肉同牛肉汁的香味，幾驚喜。食落都好好食，肉質較腍，醬汁不會太咸而搶走撈檬汁的味。個人來說幾喜歡。【飲品 - 芒果沙冰】～$44除左芒果之外，應該仲有d菠蘿，有芒果的香甜，也有小小微酸，相當開胃。【飲品 - 荔枝青檸梳打】～$40選擇了小甜，不知是不是這個原因，荔枝味不出，似是青檸梳打而已。回頭指數：🐒🐒（max =5）抵食指數：🌕🌕🌗🌑🌑

今次黎到朗豪坊呢間無因為有個朋友好想試⋯⋯同埋呢度有呢期好興(?)嘅火山排骨！！我終於有機會試到喇😍其實講真我都係第一次見😂之前去泰國都好似未見過😌所以唔知佢應該係咩味道同埋咩質地呢度嘅火山排骨肉質軟腍 佢配上大量蔥同蒜混合嘅酸汁都幾開胃開頭食覺得個酸汁嘅味好奇怪🤔 但係食落咗就開始慢慢接受🤣係形容唔到嘅味🧐下次都會想去其他餐廳試吓火山排骨嘅…試吓味道會唔會有啲咩唔同再同大家share❤️仲有個小食拼盤就普通食材啦～

到旺角亂逛, 隨便找個地方食....估唔到呢間泰菜都幾OK喎! 地方都開揚 modern. 位於商場一角落, 不會人來人往太嘈雜.叫左個蟹膏炒蜆, 蟹膏幾濃, 送飯一流. 蜆肉鮮甜，都唔細隻架！伴菜夾住醬汁食, 好香好味. 但係個餐茶....真係唔係好掂... 又唔俾加錢轉紅豆冰. 是敗筆之處。佢其實可以加錢轉其他特飲, 只係我無興趣囉.....真係好掛住泰國, 幾時先可以 fly.....

1️⃣泰式肉碎生菜包🥬 $88 (8.5/10)🔅炒肉碎有油香 微辣🌶生菜似係有洗過 好抵讚🤣2️⃣招牌🔥火山排骨🌋 $208 (5/10)🔅巨型脊椎骨好啱打卡🌋Large Size有6-8嚿骨 但肉量唔多🙈味道一般 調味太咸太酸🥲對招牌菜有啲失望 見到好多食評都話好味 可能係一時失手3️⃣新鮮椰青🥥 $64 (8.5/10)🔅椰青水清甜 非常解渴🧉椰肉好易刮 我連‘天靈蓋’都刮埋🤣4️⃣冰川咖啡☕️ $50 (8.5/10) 🔅Cappuccino甜度適中 層Cream勁厚勁好味😋仲有少量咖啡粉點綴 賣相都好啱打卡📸5️⃣青檸荔枝🍹 $44 (8/10)🔅薄荷綠色沙冰有淡淡青檸味🍋唔會死甜 同樣非常解渴 不過荔枝味唔太突出6️⃣泰式大蝦炒金邊粉🦐 $118 (7.5/10) 🔅有3-4隻蝦🦐乾炒金邊粉正常發揮😋7️⃣泰式燒豬頸肉 $98🍖 (8/10)🔅豬頸肉肥瘦適中 燒得幾香口 配泰式醬汁食一流😋🎐總結: 朗豪坊店地點方便 適合聚餐 飲品好出色🍹

［Bamboo Thai (朗豪坊) (旺角)］地址：旺角亞皆老街8號朗豪坊8樓02-03號舖推薦度（10👍🏻滿）：8👍🏻衞生（10⭐️滿）：8⭐️環境（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐️又到Happy Friday，約咗朋友喺落旺角朗豪坊，有啲朋友因為放工遲，我哋就嗌左啲小食同沙律自私食住先😝（有留番俾佢架）柚子蝦沙律 （$78）柚子好清新，一啲都冇柚子平時嘅果種苦澀味，非常甜，連埋醬汁同彈牙既蝦肉。正👍🏻黃金蝦餅 （$88）蝦肉炸得幾好，都足夠彈牙，係用蝦肉打成，食到有啲蝦肉粒粒。小食拼盤 （$188）可以一次過食到唔同款嘅泰國小食，而每一樣都有一定嘅水準，份人都幾足幾大碟。蟹肉炒飯 （$138）炒飯係好嘢味嘅，但係唔食辣嘅朋友要注意，真係幾辣，唔小心食到佢啲辣椒，即刻辣到鼻尖都出汗。Massaman 豬骨 加蒜蓉包 （$168+$38）呢舊豬骨，超推介，甜甜地再有啲花生味，非常香口，再將佢點蒜蓉包，非常好食。而且蒜蓉包亦非常香口。㊙️：$768/4人，仲喺OpenRice買咗每$200九折嘅coupon，可以即買即用

食完午飯趕去旺角揾朋友，因為朋友未食飯，所以幫佢揀間係朗豪坊嘅餐廳，方便啲嘛。泰國菜永遠都係諗唔到食咩時嘅其中一個最佳選擇。朋友揀咗Pad Thai，食完午飯嘅我就簡單食個甜品。芒果糯米飯作為泰式甜品來講，唔會差得去邊，可惜我個碟嘅芒果偏硬，帶點酸。如果未食飯以呢個芒果作前菜的話，係幾開胃，但以甜品來講，首先佢已經唔甜，芒果仲要偏硬身爽口嘅話，的確會對佢有點兒失望。但幸運地，佢嘅糯米飯同椰子雪葩幫佢加返分。

之前食過呢間嘅外賣覺得不錯，諗住同朋友試下堂食順便推介俾大家，點知今次真係幾失望🥲-👀冇立場資訊-🥘冬陰公湯 ($68)份量適中，啱啱好分到4碗，不過口味偏淡，算係順口同埋夠酸，可惜唔夠辣🤨入面渣都幾多，好多香茅碎同辣椒皮，飲嘅時候隔渣都幾麻煩🥲-🍱精選拼盤 ($168)炸魚餅都算彈牙，不過春卷食落少少油，凍凍地，口味偏甜🫔啲炸魷魚就真係好韌，好似咬橡筋咁…至於沙嗲燒雞，雞肉唔嫩食落好老，調味係夠嘅🤔蝦米紙卷就羅勒味好重，食唔到蝦味，甚至蝦肉都唔係好食到😅-🥬泰式飛天通菜 ($72)一樣味道偏淡，食落唔係好夠鑊氣，唔太入味，好彩啲菜唔會太老，口感都ok😗-🥗泰式肉碎生菜包 ($88)食落偏酸，肉碎份量唔多，生菜亦唔夠，大家睇圖都見到😅瘦肉偏多，可以多返少少肥肉會香好多，同埋羅勒葉勁大塊，作為擺碟都幾雞肋🤫-🥭芒果沙冰 ($42)變咗菠蘿沙冰…-因為食過外賣覺得唔錯所以先再嚟食，點知味道比想像中差，同埋服務麻麻，餐廳人手唔夠，啲餸上到嚟都有少少凍凍地，搞到本身想加個餸最後都冇加到☹️

雖已仲秋，但暑氣似乎未消；近來依然熱得胃口普普，數次會友也自然而然選擇醒胃泰國菜不過此行目的地不再是泰菜集中地九龍城，而是平日熙來攘往的旺角朗豪坊主打新派泰菜，裝潢似乎帶些美式感，每次路經位處戲院旁的Bamboo Thai都見其客似雲來多得友人安排，以及大家風雨不改日子，只改時間，在八號波前夕如期赴約，終得嘗鮮面對一系列前菜及沙律款式，首先揀定甚具代表性的泰式生蝦刺身（8隻）　$148生蝦刺身並無失場，肉厚透亮，細嫩爽口不帶腥，沾醬另上，酸辣程度可自行斟酌只是清爽不過一分鐘，我們又開始放肆起來，點了份香口的軟殼蟹米紙卷　$92至於黃金蝦餅　$88炸至表脆而不泛油，厚身彈牙不乾韌，調味亦沒有過份重手招牌冬蔭公雞翼　$72亦是冶味之選，辣度點到即止，乾濕亦剛好，不易致膩泰式蛋咖喱炒原隻肉蟹　$438（約600克）無疑是這晚的重頭戲，熱氣騰騰，令人食指大動剝開硬殼就是滿滿白蜇蟹肉，保持自然清甜又不失水份及彈性，蘸咖喱與否都夠滋味香甜不膩的蛋花咖喱汁底亦毫不失色，稠度恰到好處，加點蒜蓉包或是油酥餅蘸著吃更佳火山排骨　$208物如其名，以酸辣冶味的肉骨疊砌而成，大堆頭上桌，教我們嘩聲四起排骨肉主

🌋廚師推介：火山排骨(小)第一次食泰菜嘅哩樣野，估唔到幾鐘意，個湯好開胃，酸酸辣辣咁，肉多又腍，嗌細份都好夠食，雖然有啲鹹得濟。🦀招牌蟹肉臘腸炒飯哩碟飯就令人有啲失望，蟹肉少同碎，似食緊普通臘腸炒飯。隻辣係入口幾辣，但好快過嗰種。🥓泰式燒豬頸肉豬頸肉皮同脂肪+厚薄比例剛好，仲有蘿蔔絲去膩，個醬世界級。🥬鹹肉炒芥蘭炒得好入味好食～