Beard Papa's (德福廣場1期)

营业中

休息中

Beard papa’s真係由細食到大，暫時未揾到一間好食過佢嘅日系泡芙連鎖店🤣見到佢最近新出咗蜜糖牛油泡芙，忍唔住要買嚟食下🤭🍴 蜜糖牛油泡芙 原味(蛋奶沙司味) $23 (優惠43/2件)蜜糖牛油泡芙比起平時食嘅酥皮係脆啲，個皮係好香甜嘅蜜糖味，好食過酥皮嗰隻！個cream就唔使講，好香濃嘅cream，好重奶香，濃得嚟又唔會太甜，個cream都好足，啖啖都食到cream，一樣都係咁好食🤤推薦指數: 9/10原味世一！

因為德福廣場就係我屋企附近，我就成日都會專登落街買嚟食，因為我真係好鍾意食呢一間嘅泡芙。😋😋------------------------------佢嘅泡芙皮係整得好重牛油味，而且夠晒酥脆，通常都係我哋落咗單之後店員先至會將啲忌廉吱落去個泡芙入邊，咁就可以確保個泡芙皮唔會淋左。🥰🥰------------------------------佢哋嘅吉士醬亦都做得好好好，口感好綿密，唔會太甜😚😚除咗食佢哋嘅原味泡芙之外有陣時我仲會食埋脆皮泡芙，不過脆皮泡芙就有啲甜，間中食一兩次就夠喇😋😋。佢仲每隔一段時間就會推出一啲嘅新口味，暫時我最鍾意嘅係抹茶味，好重抹茶味，好正！😍😍

興之所至，看日劇裏的主角吃泡芙吃得津津有味，決定上班前去吃一個泡芙。對上一次吃泡芙已是很多年前了，今次特意選了原味酥皮泡芙，價錢已經由很多年前第一次吃的$10 ，到現在是$19。可想言之我已有很多年沒有吃泡芙了，哈哈！落單後，店員馬上拿出酥皮泡芙，然之後往裏面擠原味吉士達醬，似乎擠了不少☺️☺️。回到公司，馬上打開泡芙來大快朵頤，一咬，滿嘴都是冷吉士達醬，沒有很甜，醬真的多，差不多擠滿整個泡芙。可惜酥皮最外層稍嫌硬。其實今次吃已沒有第一次吃泡芙般的驚喜，真的沒有美味到想再吃，只是滿足了我想吃泡芙的心情罷了。

今日行過九龍灣呢一間beard papa ,其實呢間嘢我都知開咗好耐, 一直都未試過 ,咁我就order咗個草莓朱古力泡芙， 其實個皮畀我就感覺唔到有太多草莓味，不過佢個涵就真係唔係話太甜。 同埋入面凍冰冰真係幾好味。 下次我都會試下個原味睇下係咪好啲。

今日同事突然想食泡芙，在食lunch 時見到呢間店有一些迷你泡芙，價錢又唔係好貴，所以就買了一些回公司食。迷你泡芙$33就有6個，我地買了18個，全部都係朱古力迷你泡芙，我們在下午茶時食用。朱古力迷你泡芙一入口外面有少少脆，入面仲用左朱古力忌廉，朱古力忌廉都好有朱古力味，但唔算濃，都算幾滑，泡芙焗得鬆軟得黎面頭脆，一口一個，其實大的泡芙有時都會覺得太大，而迷你泡芙就可以滿足一些又想食泡芙，又怕肥的女士，又可以過口癮，又唔會因為食得太大個而肥，真係不錯選！

今日咁啱經過九龍灣，見到呢間beard papa。 之前有同事請過我食散水餅係原味。 今次我就貪新鮮就買咗個哈密瓜味， 哈密瓜味係好香濃， 而且唔係太sweet， 啱曬我呢啲唔鍾意食太甜嘅人。 如果下次再幫襯呢間嘅朋友 可以買原味或者哈密瓜味。

行商場行到攰就會買Bread Papa’s泡芙食下，好味又唔會太飽搞到食唔落飯，做小食/飯後甜點好唔錯。呢款原味最經典同最好食，個皮好脆，入面係吉士醬，擠得好滿好豐富，一咬就漏晒出嚟，唔係好甜，凍凍地，但又唔會好似夾雪糕咁咬咁冰凍，好啱敏感牙齒食～平時食開原味，第一次食朱古力脆皮，都好好食！（個人偏好朱古力脆皮）個味係麥X勞朱古力脆皮雪糕嘅味道，加上泡芙到都好好食，I like it!!!

今日有同事出去德福買泡芙請我哋食Beard papa’s 嘅泡芙一向都有保證，質素相當唔錯。盒入面每個泡芙都有張紙包住，方便你用手拎住黎食我揀咗嗰個係原味酥皮泡芙，每個泡芙大概有手掌咁大，上面曬咗甜甜嘅糖粉，微脆嘅酥皮入面係又creamy又香甜既custard 泡芙食落口感凍凍的，酥皮香脆，一啖咬開，見到一層層嘅酥皮，層次分明，酥皮做得相當唔錯，另外Custard口感又順滑，我一啖接一啖，食唔停口，一整個泡芙好快就比我食哂了，真係太好味呀！好中意食beard papa’s 泡芙

喺德福廣場度行下就聞到好香嘅忌廉味原來係bread papa泡芙店，即刻狗衝過去睇下有啲咩食啦， 呢間泡芙喺日本同香港都有食過 一直對佢印像都唔錯，見佢出咗新口味 好似幾吸引咁就要試下啦我叫咗個朱古力外脆嘅雜莓味泡芙，外面鋪咗層朱古力，個泡芙好cripsey佢個cream好香好滑，除咗士多啤梨之外應該仲溝咗raspberry係入面，連埋外層嘅朱古力皮溝埋個味係甜甜地酸酸地咁，都幾好食 但個人會鐘意原味多啲，呢隻牛奶味冇咁香

飲完茶行下街，行行下見到bread papa, 細佬即刻好興奮咁話要食！諗左一陣就去買喇！服務員態度唔算熱情，有少少冷漠，唔係好好態度好啦，橫掂都係買走，唔理佢啦！佢係一去到就見到入面整緊嘅泡芙，都係好整齊同非常乾淨嘅！我地都係揀咗酥皮雲呢拿泡芙，個酥皮非常之脆口，混合埋雲呢拿嘅醬，就10分配合。仲要咗個朱古力泡芙，但係略嫌朱古力酥皮會有啲太甜，食落就會變得好膩，好難食哂一個！不過如果想試多啲味，又唔想食到濟，可以揀迷尼泡芙，就無問題喇，鐘意泡芙嘅人都可以一試！

話說去咗德福同阿媽行街買嘢，咁係買完野走之前就去咗買泡芙食，因為而家呢間唔係咁多分店，所以通常去親德福都會買來食！咁為食嘅我一個人就買咗兩個嚟食，分別係原味嘅同草莓曲奇皮朱古力餡嘅！咁我返到去呢就食咗個草莓曲奇皮先，個皮其實我食唔到有草莓味嘅咁但係呢就幾脆身，係好味嘅，而個朱古力餡好香，而且唔會太甜同個皮好夾，成件事係十分正嘅！咁同一日其實我就真係食唔到第二個嘅，所以我放左落雪櫃等第日先食，咁第日食嗰個呢就係原味嘅，雖然放咗一日但係其實個餡味道我都覺得無變，係個皮軟身咗少少，個餡真係超級好味！

今天去德福廣場睇戲，見尚有時間便四圍逛逛，在商場一角，見有數十人在排隊，原來此店泡芙有特價 ，一律賣16元1個， 說真我不太喜歡甜點，但朋友想嚐一嚐，又見未夠鐘入場，所以陪她一起排隊，約25分鐘左右，終於買到啦，我們買了一個原味和一個朱古力味，因剛剛焗起，外皮鬆脆熱辣辣，內裏餡料蛋味香濃 ，又不太甜，朱古力外脆內滑，真的不錯，下次會試吓芒果味，因為見有很多人購買，味道應該也不錯吧!

又係我OT嘅時候當我O到天昏地暗嘅時候有個為食舊同事仔話想來探我班，應該都係知道我心情不佳，所以帶咗個甜品上嚟俾我我呢個為食舊同事推介呢間泡芙好好味好，咁我就試吓佢啦🤣🤣其實齋睇個樣都真係好吸引，個泡芙面有啲白色粉狀，疑似得力素嘅物體👍🏻入邊嗰浸唔係cream嘅物體，應該係奶油，呢個奶油加埋泡芙皮嘅質感，又真係幾好味喎😋不過應該都真係幾肥🙊🙈我諗呢個係應該最Basic嘅味道等我下次又買返D唔同嘅餡味道試吓先下次試下綠茶味😋

今日同事LAST DAY派散水餅呢個我覺得好好食, 平時我食開原味, 今次就試下佢個朱古力味.都唔算細舊入面朱古力CREAM 夠凍,而且都多 CREAM 味道唔會太甜, 而個層皮有少少酥皮的口感, 好好食!!!下次再試下其他味先

抹茶味酥皮泡芙.HK $22.泡芙面頭有抹茶粉。可以揀酥皮、朱古力外脆或一口外脆。我就試左酥皮款，外脆內軟，入面嘅餡抹茶味濃。.Beard Papa's