Ben哥米線

营业中

休息中

叫咗個公仔麵早餐，配腸仔同炒蛋，加$2轉多士。.個炒蛋一上枱，已明顯見到有條頭髮喺中間。Suppose腸仔同多士應該無事，咁就諗住拎起晒其他嘢食淨係換返隻蛋啦，一拎起件多士嚇死人，條頭髮仲長過塊多士！多士啱啱好遮住咗！實在太驚嚇！即刻叫咗個姐姐嚟換，無影到條頭髮全相添！阿姐姐見到碟嘢都「嘩！」咗一聲！.頭髮喺炒蛋入面+多士掂到條頭髮，我要求換返炒蛋同多士兩樣嘢。.然後又俾返同一件多士俾我？隻蛋疑似只係整走條頭髮再炒熟晒隻蛋？下？？？咁樣叫做換咩？？？.以後唔會再幫襯呢間！嚟食嘅朋友自己睇路！

早餐在10點10分落單，落了D1雞扒餐，那時店裡只有4枱客，大部分已上了早餐。等了20分鐘，只來了1杯熱檸水，其他新客的早餐也遲多先上。之後幫手侍應問廚房才說沒有雞扒要轉其他。侍應對應良好，但不知是溝通還是廚房的問題。極度無奈，不會再幫襯。

喱間Ben 哥吾算好就腳，但真係比一般米線店較特色好味，所以放假都黎幫襯下新菜單，比之前多左d set好左既米線，一碗碗都算幾貴，$50-$70碗米線🥶出面食到碗過橋呢叫左碗麻辣特辣，豬紅豆卜米線，今日無五穀米線，有d可惜，因為五穀米線真係好食好多，會彈口好多特辣都吾夠辣，湯底味道不錯，但不算正宗，不夠辣，豬紅好滑好正，但分量得5粒同埋好細粒，豆卜就細細粒切半，加埋得3-4粒，都係分量較少，感覺就吾太抵食啦仲叫左碗牛魔王$57，沙嗲湯底加$2，可以見到餸既分量都係少得可憐，吾值喱個價錢囉同埋沙嗲湯底唔夾米線，食落怪怪地堂食like 和分享社文平台 加$5可以叫個皮蛋/雞翼尖小食，係抵既喱個優惠，小食係凍食，雞翼尖唔入味，較硬身，一般我係2:30下午茶入座，有叫2個餸送一杯飲品既優惠（凍熱飲都得），但叫牛魔王個碗甘貴竟然都無得送飲品就奇怪左D，但跟餐加杯凍野飲都只係$2，就抵既總結：款式選擇多，職員好態度，加$5小食抵食，加$2有凍飲抵味道一般，湯底不夠味，餸既分量少，價錢偏貴，性價比低

又到左健康野既時間😝😝今次介紹既係係觀塘既芫荽菠菜湯米線 (+$5 仲會有芫荽山🍀tim😋😋)------------------------------雖然芫荽味唔重, 不過我點左芫荽山, 同埋湯底都多菠菜蓉~ 所以好正🤣米線份量可以揀1/2米線 或者 1/3米線湯底唔油膩 好清甜 我飲曬成碗湯tim😋減肥人士只要揀岩餸, 而餐絕對可以當健康餐食👍🏻評分: 🍀🍀🍀🍀🍀

今次的體驗，其一來自看到某公司同事正在吃的外賣午餐，正是Ben哥米線的公司Logo，然後在觀塘亂逛遇到這家位於宏利金融中心的食肆商場。其二是看到這個橫額。芫茜菠菜，仔細想想好像是不錯的配搭，於是衝著這個原因去試試了。芫茜菠菜湯米線（＄３２）少許失望，因湯底不似預期，不是一種類似羹的形式，只是把菠菜蓉倒入上湯，但是又沒法混和的形態，使得看起來菠菜蓉跟湯水各自分開。莞茜數量很多，滿意。以這個價錢我認為可以一試。五式雞翼（＄３８）從上而下分別是：五味粉雞翼（可能是麻辣雞翼）—普通的五味粉灑上雞翼，很普通Ben哥烤雞翼（應該是）—吃起來感覺很普通，沒特別好吃亦不難吃的雞翼黑糖薑母雞翼—這個配搭有趣，吃的很高興，滿意柚子雞翼—柚子味道突出，滿意蜜糖黑椒雞翼—如同蜜糖黑椒薯仔牛柳粒，只是變了雞翼版本，滿意自家糖心蛋（＄１０）＆熱檸蜜（跟餐＄７）＂糖＂心蛋偏甜，流心效果不錯，似糖漿效果，可以一試熱檸蜜正常發揮

南記譚仔就食得多，今日就有機會試下新野鍾意芫荽嘅朋友唔好錯過，其實唔鍾意食芫荽嘅人就真係好唔鍾意食魚姐但係鍾意食芫荽嘅人就真係覺得芫荽好加分好正。本來正常佢哋嘅面都有唔少延世大家二世真係成碗都係芫荽

知道Ben哥好巴閉，吾做晚市星期六日又吾開，唯有平日lunch time早d出門排隊試下啦12點45分黎到大概等左10分鐘左右可以入去，叫左沙嗲豬骨湯五穀米線，配左花枝卷同韓國魚蛋，飲熱奶茶，再加左ben哥烤雞翼。上菜較慢要等10幾分鐘。。。個湯底係好正，但配料好少，只有少量芫茜同蔥花，冇腐皮肉碎。然後花枝卷原來得一條。。。想同人share餸都吾得。韓國魚蛋就一大塊但幫手剪2下會好d囉Ben哥雞翼好細隻，入面都吾入味，譚仔土匪好好多。熱奶茶真係好難飲好難飲好難飲，冇奶味冇茶味，仲有陣我吾識形容ge味，飲左2啖就放棄左總括黎講性價比吾高。。。

🍴藥膳麻辣湯米線 🍜看到外賣紙有Wahtsapp預約訂餐服務，午市時分先用whatsapp 預先訂餐，再到餐廳取餐，方便快捷又不用和上班一族迫餐廳。📍藥膳麻辣湯·中小辣·五穀米線（加底）豬軟骨·墨魚頭 $68 （已包外賣盒$2價格）外賣是分湯上的，因為筆者加米線底與同事分享，所以米線餸菜形成一座小山丘。📍豬軟骨👍🏻肉筋相間，炆煮時間剛好，入味好吃。📍墨魚頭 $12 👍🏻肥嘟嘟的墨魚鬚爽口易咬，配合辣湯食用，十分滋味。🔸小總結：注意外賣加$2，分湯上。餸菜份量足，物有所值，乾淨企理，味道好，會再回訪。👅 味道：4.7/5💰CP值：4.8/5👀回頭率：4.7/5🍽 餐廳：Ben哥米線🌐地址: 觀塘鴻圖道78號1樓3號舖

在觀塘其實都好多野食，中午食午飯既選擇都吾少，不過啲朋友食黎食去都係x仔米線，真係食到悶架。Ben哥既米線有別於其他既米線店舖，服務貼心、地道，選擇多，真係可以試下。而且地點舒適，在甲級寫字樓內，方便又抵食。

小妹十分之中意食芫茜+米線。有日喺ig發現左呢間餐廳，就bookmark左佢下決心要黎食一次！觀塘呢間位置不算方便，離地鐵站都要行一段路…10分鐘左右😪星期六下午lunch去食，終於坐低左喇！我諗都唔諗就要呢個芫茜菠菜湯底，對佢好大期望！由於個湯底係有菠菜，所以其實都唔係話好重好重芫茜味（可能我太大期望🤤） ！不過個湯底依然有芫茜味的 放心😂 啲配菜同米線都相對地比較淋..小妹係中意食淋啲多過硬身，所以我整體都幾滿意成碗麵我同男友仲嗌左兩個小食，麻辣雞翼同皮蛋！呢個皮蛋係有優惠的（like 左佢fb專頁收$5） 都無咩好comment,正正常常，個雞翼係完全唔麻辣的😂

- Ben 哥米線係男朋友日日夜夜極力推薦後, 終於都山長水又遠咁特登去拜訪一下!呢間米線位置 距離地鐵站好偏遠, 真係係附近番工既人去食會方便D.呢到係自己寫紙落單, 佢提供既選擇都好多, 由基本揀湯底, 配料, 要走既野去到連三分一既米線, 米線種類都有得揀. 方便各有唔同訴求既客人!(咁就可以唔洗浪費食物, 值得一讚!)/黑糖薑母雞翼平時黑糖薑母都係應用係甜點多, 但放做鹹點上都真係第一次同出乎意料地好味. 而家外皮都煎得脆卜卜, 都幾入味/ 時令藥膳麻辣湯底五穀米線 (少辣)+墨魚咀+魚皮餃米線薯粉都食得多, 但係藥膳麻辣湯底都係第一次食, 幾香藥材味同多杞子!唔知點解我係少辣都多紅油過男朋友既多麻辣湯, 對平時係三哥飲開糊辣既我, 覺得好辣!五穀米線都係第一次食, 其實食落就同米線差唔多, 只係有少少口感唔同墨魚咀既份量比較多, 而且彈牙/ 麻辣五穀米線 +墨魚咀+雞肉+蘿蔔男朋友表示麻辣湯底十分麻.  而且份量十足.佢最愛係墨魚咀, 新鮮同有口感~呢間米線都算唔錯, 難怪男朋友成日係度日講夜講~

呢間位於觀塘既BEN哥米線, 好耐之前已經聽過, 去左食先知原來係咁抵食又好味!!呢度既米線除左有一般既口味之外, 仲有一D特別又健康既湯底可以揀, 岩哂而家鐘意健康生活既我!!我點左既係藥膳麻辣湯底, 帶點藥膳香味之餘仲有點麻辣既味道點綴, 真係出面都食唔到!!餸方面我揀左有蘿蔔, 金錢𦟌, 鴨血三樣餸每樣都大約有2-3塊, 中間仲有好多既杞子, 藥膳味道十足最正都係呢個鴨血, 比起豬紅更加滑而且口感係有少少不同, 大大的一塊, 成碗總共有2大塊麻辣雞翼小食我點左既係麻辣雞翼, 呢度既雞翼有好多種不同既味道, 呢個都不錯, 燒得幾JUICY!!

自問係一個米線控，三日唔埋兩日就會想食米線。自從睇咗一個Foodie收集大家嘅意見之後整合出嚟嘅必食米線list，就bookmark咗呢一間。觀塘店只開星期一至五，去到16:30就會收鋪，同返工嘅時間Perfect match。所以，要夾時間去試都唔容易。今日餓到就嚟要變喪屍，腦海閃過呢間米線就即刻9秒9衝咗去。下午茶時段2點開始，食米線送兩個$7嘅餸。小鍋米線（配：五殼米線、金錢𦟌、炸醬）😀小鍋米線嘅湯底夠惹味，係會令人心思思想一再回味。金錢𦟌超級入味，滷水味足。五殼米線有創意，食落同平時食開嘅米線冇分別。😬米線煮太耐，太淋，唔夠爽。原本以為炸醬係譚仔嗰類嘅肉醬，但原來係一小碗肉碎乾，同米線湯底嘅肉碎係一樣。如果你食小鍋米線就不必叫呢個炸醬了。芫茜菠菜米線（配：豬耳、魚蛋）😀芫茜味好濃，不過就唔太食到菠菜味。豬耳夠爽口。😬都係一樣，米線太淋。Ben哥烤雞翼😀雞肉夠嫩滑。😬烤雞翼冇燒烤味，感覺似焗多啲。雞翼鎖唔住肉汁，加上灑上嘅調味粉較多，令到整體比較乾。Ben哥嘅小鍋湯底我係十分欣賞嘅。但米線就比較一般喇。觀塘區嘅朋友，如果好掛住小鍋米線嘅都可以去食吓止吓癮。畢竟最好味嘅米線都係喺荃

平時喺屋企叫熊貓外賣就試得多，今次就同細妹嚟舖頭試吓，因為我好鍾意呢度嘅沙嗲湯底🤤而我妹就好喜歡呢嘅雞翼尖😆但係嗰日我哋撞正lunch時間🙈堂食同外賣都幾多人，我哋等咗陣都好快有位，餐廳位於寫字樓嘅一樓，一上扶手電梯就見到，係一個半開陽嘅位置。我當然叫咗我最鍾意嘅沙嗲湯底，超濃沙嗲味又唔會太咸，我仲叫咗肥牛，索哂沙嗲湯底嘅味😋豬紅同豬腸都好入味，而且豬腸唔會好肥好多肥膏嗰隻！我細妹就叫左酸辣湯底，酸辣嘅比例啱啱好，唔會太過酸或者太辣，鴨肉好滑冇腥味，墨魚條好彈牙，米線嘅份量都唔少，溏心蛋$10又幾抵喎😆

麻辣米線呢又係會令人食上癮既，我今日又好掛住佢la~~ 😆 即刻去搵Ben哥先！係~ 係Ben哥米線呀！唔係教廣東話個Ben Sir😂 唔好搞錯咗～近近地觀塘就有分店，位於商業大廈內，上一層電梯就見到，方便附近返工既朋友仔～呢度既湯底都好多選擇、除左傳統既酸辣麻辣唔辣，仲有一系列自家特色湯底，例如藥膳麻辣、辣蕃茄湯、沙嗲豬骨湯等～無辣不歡既我就梗係試下咁特別既藥膳麻辣（中小辣） la！米線方面亦大走健康風格，多一個五穀米線可選擇！毫不猶豫就✅la！配菜就點咗墨魚頭、響鈴卷同腩肉，另加了一客糖心蛋～先上枱的糖心蛋好有驚喜！夠曬入味兼略帶微微酒香！👏🏻米線到la～ 唔好睇佢紅卜卜好似好辣咁樣喎～ 以我食辣嘅程度、下次我應該可以嗌大辣😆 湯底帶微微嘅藥膳味道，入邊仲有d杞子～ 五穀米線食落就同普通米線差唔多啦，不過見到啲顏色有深紫、淺紫咁，食落都開心啲😜 響鈴索曬啲麻辣湯好正，墨魚頭夠爽，腩肉肥瘦分明、好甘香呀～另外叫左杯熱檸蜜～ 其實我真係好想試埋 Ben哥嘅招牌雞翼~ 今次一個人真係食唔到咁多野啊🤪下次要叫埋啲朋友一齊嚟試！