影片
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
時令藥膳麻辣湯底：麻辣味適中，不會過麻且味道正宗。唯一不足係個人口味覺得枸杞既藥膳同酒味太濃，唔小心食到會味蕾難受。芫荽菠菜湯底：賣相影響食慾，但味道正常，湯底會有菜青味全部有卡位，坐得都舒服，清潔可以做得再好d
继续阅读
聽人講呢一間米線舖嘅自家製湯底好出色都聽咗好耐一直都未有機會試，今日終於試到。我揀咗芫荽湯底嘅米線，至於餸方面我就叫咗推介嘅豬皮同埋墨魚頭，另外就仲有豬大腸同埋豬耳。咁多樣餸之中墨魚頭最出色，新鮮彈牙而且份量都幾足，比想像中多，至於推介嘅豬皮就冇想像中咁好，佢係同平時車仔麵店食到嘅唔同嘅，佢嘅豬皮好大塊而且都爽脆，佢個豬大腸都幾好，因為感覺上洗得好乾淨同埋冇乜脂肪，豬耳仔就難得唔係麻辣，所以見到即刻嗌。芫荽湯底其實芫荽味唔算重，不過味道真係好正，值得encore。碗米線都幾大碗，雖然$82食碗米線係有啲貴嘅，不過我覺得物有所值。
继续阅读
今日趁着午餐時間，有套餐優惠，叫咗個二餸米線，配料份量頗多！蘿蔔10分清甜，韓國魚糕足足有兩大塊！今次揀咗酸辣湯底，唔太辣，酸度同辣度配合得好好👍🏻令到湯底10分惹味！下次經過會再食
继续阅读
#20230617 🤍📍 Ben哥米線 @bengor_noodles 大埔翠怡街3號翠怡花園A座地下35號舖 🍽️觀塘｜美孚｜九龍灣｜將軍澳均有分店➖➖➖➖➖➖➖➖➖➖➖➖➖➖➖➖➖➖#4重優惠 #午餐 $45 🥢 #芫茜菠菜湯米線 #原味米線 🫧 #秘製腩肉 +$5 🫧 #啫喱豬軟骨 #招牌蝦餅 +$7 🥢 #茉莉花檸檬茶 #熱 💭 有個午餐優惠包碗3個$7餸既米線，貴餸就補錢，仲有杯野飲，幾抵🤭芫荽菠菜湯味道濃烈，係芫荽愛好者唔可以錯過既😏蝦餅食落似蝦丸既味道，但好似無落鹽咁淡得有點兒太健康😅腩肉辣辣地好香口，不過配芫荽湯有啲互相污染左😂豬軟骨食落有酸味仲以為係平時啲落左黑醋咁，聽到隔離枱問樓面姐姐先知原來係壞左，但係🐷已經食晒喇🥶撇除變壞左，口感都幾好食既，見廚房知道左都即刻換個餸仲送小食，雖然🐷無份受惠，不過都想讚下佢地處理手法，唔會就咁cancel單就算🫂.#4重優惠 #午餐 $45 🥢 #酸辣米線 #小辣 #原味米線 🫧 #冰糖蘿蔔 🫧 #蒜香豬紅 +$1 🫧 #鮮味墨魚頭 +$7 🥢 #白桃茉莉花茶 #凍 +$2💭 講酸辣🐷始終都係鐘意有酸菜肉碎既酸辣，佢啲米線都比較爽口👍🏼蘿蔔雖然有少少根，但真係好甜，突然覺得個酸辣湯有啲玷污左佢😅豬紅唔會一夾就散有質感，墨魚頭爽口，不過佢啲餸既價錢range都幾大，一個最貴玷以等於兩個最平，似乎叫平餸性價比比較高，呢度啲野飲都有啲特別，唔知係唔係間間分店有啲唔同呢🤔.#大埔美食 #🐷在大埔 #觀塘美食 #🐷在觀塘 #美孚美食 #🐷在美孚 #九龍灣美食 #🐷在九龍灣 #將軍澳美食 #🐷在將軍澳 #🐷_食
继续阅读
附近新開左間新米線 今日放工買外賣返屋企食。一打開蓋真係O哂咀 我叫左2個餸 一個係魚腐 一個係花枝卷。個魚腐剪半都唔緊要 拼返埋得1粒半 仲要細舊 勁似食淨帶飯咁！$10得一粒半會唔會太過份？呢間有食過其他分店都唔係咁 係岀面食都至少有2舊完整。衰啲咁講攝牙罅都唔夠 我忍唔住打去問 個呀姐仲好肯定答我有3舊 我話你嗰3舊係剪半 佢話係呀！佢處變不驚 我覺得應該我都唔係第一個客有呢個反應。我食過咁多間米線都未見過咁精緻嘅魚腐 真係好矜貴！
继续阅读