Big John (已結業)

今日公司叫外賣速遞老闆介紹,送到公司時我們有兩層樓,叫佢地兩個外賣人送上樓上時,有一個趕時間走先都算啦!我同另一個搬上去到比錢時態度惡劣,因為找錢問題期間仲爆粗,佢個口仲臭過公司個廁所,總括黎講:格仔餅夠鬆軟、飛碟十分好食,如果堂食仲好味,不過態度麻麻!果日幾款食物有藍莓之士餅味道同西餅店有得比,同時飛碟食果時雖然凍左但仲好翠,不過炸雞翼唔熟,總括黎講款式新奇,不過下次叫外賣時真係唔想再見到果個四眼高高瘦瘦口臭外賣佬送貨黎我地公司、

3人dinner,yan推介去big john,個名好特別,門面都幾靚,but其實係食似茶餐廳既野.估佢唔到呀,仲要係幾平喱~!小小的一間店,好多特別既擺設,店主一定係好like dog,好多狗仔相,因為我地有3人,坐了自成一各的好位置~!要了薑蔥豉油撈丁套餐,$45麵+飲品+小食,幾低呀~!燒汁雞排撈丁+熱奶茶+格仔餅,個格仔餅可以後上~!件雞扒好大塊,個皮好香脆,肉質都幾滑,真係估佢唔到幾好味,個撈丁普通~!格仔餅,,夠軟身同熱,好味呀~!熱奶茶太淡了~!綜合來講幾好味又抵食,態度都好好呀,不過收8點實在太早了~~~!

我地星期六下午6時左右去食, 所以人流唔多, 我最鍾意佢室內擺設全部都係狗仔. 食物係好味既, 而且好多款選擇, 下午茶時間直至晚上8:00pm最啱我呢的鍾意食飽既人.佢出名既撈丁又真係幾好食 !

總有啲食物、食肆，耐唔耐就會想起，今日想起呢度...一個人食，所以揀咗最想食o既豬扒撈丁餐，飲熱奶茶，小食當然係格仔餅。豬扒一定係主角之一，記憶中比較薄身同脆口，今日較厚及肥，幸好仍然夠入味。撈丁有啲硬，又冇乜味道，麻麻地。奶茶唔夠茶味唔夠滑，不過，冇祈望冇失望。格仔餅幾香口，可能自己貪心啲，總覺得花生醬同煉奶唔夠多...

今日星期六，叫左個薄牛扒包餐同炸豬扒麵餐。<有關食物的味道或賣相等的描述>牛扒包上錯，變豬扒包，仲要唔好食，炸豬扒麵叫的是拉麵，但似上海麵！<或其他內容，例如服務﹑環境>仲要有個短髮女店員計錯數，仲要勁妙咀妙舌，大聲夾惡！態度極差! 還要從我手上自行找贖, 好冇禮貌!只此一次！食物味道冇特別，一般貨色，但有個短髮燥底店員，就算好食都冇用！我都想登下佢既上海麵相..但受到咁冇禮對待...影都唔想影呀!

最近到尖沙咀開始新的工作，所有環境都要重新適應，包括午飯的地點@v@~~係樂道看到這一間外表不太起眼的食肆剛好有撈丁的食品，就決定於這裏開餐^^~這裏屬於小型的快餐店，要自己到櫃位落單~然後會有人送餐俾你~睇左個餐牌一陣，最後選左黑椒汁雞排撈丁~係薑蔥撈既~~等左5~10分鐘左右就送到~~看雞排傳來陣陣香氣~而且幾香脆~薑蔥味亦好濃(<~~~好鍾意食蔥= v =)拿拿聲影完張相就開動了>v<~~好餓~~哈哈撈撈撈連蔥連薑絲夾起一小撮麵嘗第一口~!嘩@o@~~真係好特別!!好好味@v@~!食得出薑蔥係自家製~薑絲唔會好辣~易入口(<~~~本身不太喜歡薑，都覺得好食^V^~)雞排亦炸得香脆唔會過火!加埋黑椒汁更加惹味!如果同蘭芳園的雞排撈丁相比~我會覺得呢間價錢相宜得黎又會更有特式同好食@v@!只能說真的好好味>v<~!遲d要再去食呢>v<~~~~唯一不太喜歡環境較為逼=P~~其他都很好^^~!

國慶日同男友去尖沙咀,想食下午茶,就去呢間小店,因為食評係勁讚,就叫左兩個TEA,各$25.牛扒漢扒加凍檸茶.鐘意個飽軟的,好似M記的豬柳漢堡但唔太油膩,如果熱D就好.格仔餅加熱菊蜜.格仔餅有好多奶油同花生漿,食落去都OK.

Big John我又來喇!!!我鍾愛Big John的程度令到我要比佢十個讚!!!今日同老公去食晚飯,其實一黎我地就已經好快諗好左食咩了一點都不用看menu heee 先黎一個雞排撈丁，Yummy!不得不讚係雞排的皮炸到好薄,一點肥膏都冇!最岩女仔食!而且好滑好嫩! 另外再黎多個滑蛋豬排飯滑蛋滑蛋 蛋真係好滑而且豬排也好有香味,而易咬!最後我地都忍唔住黎多個招牌的格仔餅果然係名不虛傳啊!!我同老公一定會再黎多好多次食架p.s.:如果好似我咁好鍾意飲啊華田的人, 就一定要黎試返一杯喇!!因為我未試過飲一杯咁濃咁滑的華田,味道而且剛剛好,完全不用落糖! 大家在試大餐廳之餘,都不妨試下依d小型餐廳! 一定會比到好多驚喜你的!

今次同朋友嘆下午茶,叫了兩個套餐1)格仔餅+凍咖啡 $25 + 2格仔餅正如其他會員所講,真係一流,又熱又「趣」,大量花生醬+花奶,一級水準!凍咖啡似係「雀巢」味道,亦可以!(2)豬扒鬆餅+凍咖啡 $25 + 2這個餐並非係豬扒一件加英式鬆餅,而係一個狀似豬扒包既物體外層係一個很鬆「趣」的包底,係我第一次吃到最出色的第二層係番茄片、生菜和沙律醬中間係一大片豬扒,最好之處係無落味精,但雞精味當然少不了不過,此店地方很細,大隻D都好難坐下,外賣係最佳選擇!

小妹早前團購了建國xx的電影票, 只因影星陣容龐大, 沒有想過豬和自己是否有興趣... 跟豬約好打算當晚去睇那套戲(其實只是想把coupon用掉)... 事前跟豬說想去big john吃格仔餅, 在小妹極差的時間觀念下, 沒有想到其實不夠時間又看電影又吃big john... 民以食為天, 我倆寧吃格仔餅, 不去被洗腦 大約715到達, 店內都8-9成入率, 小妹心中已經打算吃格仔餅餐, 而豬就來個雞扒薑䓤撈丁餐, 基本上兩樣樣都是各位食家所推介的食物這個疑似waffle的格仔餅第一個到達, 一客四件, 厚厚的, 差不多每一個格仔都充滿了花生醬和煉奶! 真令經常想減肥的女士(包括小妹)又愛又恨! 以刀义去吃港式小食也是第一次~ 每吃一格都有醬奶是多麼滿足, 而且是小妹最愛的粗花生醬!! 豬也說不錯, 不過我倆都覺得格仔餅不夠脆, 有時用刀切有點吃力, 如果可以再脆一點(即再似waffle一點) 就完美了這個雞扒撈丁跟蘭香園的其中一個不同之處就是前者用薑䓤撈, 後者用薑"容"撈.. 而且這裡跟一款汁分開上, 我倆揀了燒汁~ 雞扒有四五件, 大大件的煎得很香... 小妹嫌那薑䓤太鹹, 不過

第一次來這間, 沒有四人二人座位, 只有BAR枱的小店, 店名和早餐名都叫BIG JOHN, 叫了一個 BIG JOHN二號, 十分豐富, 司華力腸, 皮脆肉彈牙, 煎太陽蛋, 有脆邊的, 可以再熟少少更好, 還有兩塊火腿, 多士少燶, 已茶上果占的, 非常好, 另外一款是格仔餅, 則略為硬和實, 不夠鬆軟, 又不夠熱, 咖啡不是機沖的, 味道也算不錯, 加多杯橙汁, 當然是新奇士果汁先生, 收閣下廿八元, 算唔錯啦.

看到標題也許會感到有點慨嘆...然而,我卻認為也稱得上是好事...為了一嘗堂食格仔餅的滋味,特地來到這裡,這也是第一次來這裡大約12時點了一份格仔餅,旁邊的女性店員說:如果想附飲品的話,可以當作下午餐賣((也許是老闆娘我卻堅持單點,免得擠滿胃袋,對不起下一個目的地但非常佩服此店為客人著想的態度,即使沒有要求也主動附上清水主角終於出場反應一:Too many!反應二:Is this waffles?雖然曾經在這裡的食評一睹Big John的'格仔餅',但是......真的太像窩夫了((先看圖驚訝過後,切一小块放進口裡......略脆而頗柔韌的餅加上甜滑煉奶,帶粒粒花生的花生醬,甜甜的牛油無疑是小時候家人總以不健康為由不肯買給我吃的格仔餅由出生至此之前吃格仔餅也不超過5次,因此印象特別深刻與傳統格仔餅差異在於蛋香,傳統格仔餅蛋香較重雖然甚少吃格仔餅,但是常有機會吃窩夫因此不難接受這個格仔餅風味的窩夫而且港式與西式小吃交融也甚得我心環境方面,座位不會讓屁股感不適之餘,還頗舒服中午有很多人來此用膳,想要細味品嘗也要快點的細味品嘗

是日早上我休息覆診，老婆則是下午見醫生，兩口子同一天多一天半日假期，正好二人世界，在中午偷得浮生。先吃過星座冰室（詳見另一食評），老婆話唔夠飽 + 口痕，想食ｄ小食，腦中即閃過這間Big John格仔餅。中午時間人幾多，第一次在這時間只叫一客格仔餅，心想會唔會在中午時間唔做呢ｄ單呢？答案是可以的。單點格仔餅要$20，下單時靚女問我要唔要餐，一問之下餐加杯熱飲只是$25，熱檸蜜都唔駛加錢那當然轉餐了。單點格仔餅感覺比較貴，但轉成餐後就合理了。正價的格仔餅是兩大件，對比起上次我叫餐是只得一件，來得也比旁邊的比較快，原因應該是因為餐格仔餅都是叫才起吧。格仔餅整得香，皮帶點脆，內裡的蛋漿則咬落帶點黐身，依舊是有水準；呢度的格仔餅以花生醬為主，咬下去有粒粒花生，再配少少類似煉奶醬，的確是令人食過翻尋味。熱檸蜜則比較古怪，無乜蜜味，似熱檸茶多過熱檸蜜，雖然佢拎黎時係話熱檸蜜，但我是認為佢俾錯的，不過老婆都話係熱檸蜜。點都好，檸檬幾靚，所以不覺酸，不錯的。兩個人食件格仔餅都無特別趕我地走，慢慢食，在悠閒的假期倍覺寫意。走時由ISQUARE轉出去地鐵，第一次偶遇「美男時計」街頭拍攝，原來，攝影師也是美

AGS的最後一天，在會展影完相後，因時間尚早，放棄了在Pacific Coffee飲咖啡的想法，決定前往早前摸門釘的Big John。在門外駐足看了一會，見薑蔥雞扒撈丁餐收$41元，心想鄰近新港中心Pepper Lunch的黑椒牛肉飯才$38元，好像不太抵。但我又好想試下他們的格仔餅，所以最後也進去了。假日的晚市時間店內也只有數名客人，不過有好多返工人士來買外帶。在店裡的水吧位點了菜後，就在一旁找了位子等他們送過來。雞扒撈丁和飲品先上，另外他們會附上一個牌仔，在吃完撈丁後可以憑牌仔換領格仔餅。丁麵煮得剛好不太淋，尚保持一點硬度。雞扒外層炸得很香脆，邊緣部份有點乾硬，我算是喜歡這種程度的，但其他人未必能接受。黑椒汁不算辣，因此可以嘗到香濃的黑椒味。吃完撈丁後就用牌仔去換格仔餅，格仔餅即時就送上，相信是和撈丁同一時間整的，整好後再焗住保溫，到要時才加上花生醬和煉奶等，這樣令我這種吃得比較慢的人也可以享用溫暖的格仔餅，感覺貼心。格仔餅外硬內軟，面上有不少花生醬和煉奶，可借好像沒有牛油香味，雖未至於很好但是合格有餘。熱鬧的尖沙咀假日晚上，在此寧靜的小店用膳，耳中傳來的是志方あきこ的迷夢，在這空

第二次食big john唔係話佢好食，而係當你食豬扒+豬扒+野飲既麵時會覺得佢抵。我就選左炸鯪魚球+格仔餅+野飲麵。其實麵係最一般，單食麵的話不好吃。而好在是配料小食，能令整餐更美。算是ok。格仔餅我第2次食..覺得無第一次好食,但就不過不失~