Black Sugar Coffee & Lifestyle

营业中

休息中

環境舒適，光線適中。 手沖咖啡，手沖咖啡是用日本清酒式杯來Steve，不太酸帶有少少甜味。 Waffle 夠熱份量足，由於本人不太喜歡雪糕， 雖然waffle 配搭雪糕是一流享受， 但我都是選擇只配忌廉。

今日打完波 約左女朋友去試下呢間聽講有柴犬既coffee shop 係尖東P2出口行3分鐘就到 好可惜今日柴犬不在 成間餐廳都有柴犬既裝飾 仲有souvenior 買我地叫左 iced matcha latte iced fruits tea ham pasta rasberry cake matcha latte 用左日本既matcha 好飲ham pasta 既腸仔幾好食 茄汁味好重 意粉質感岩岩好 仲有少少cheese 味道非常夾rasberry cake 唔係非常甜 好有質感整體幾好 岩晒傾計 total 250$

第1次黎,果陣有D HUNGRY,叫左LOBSTER SOUP跟SOUR DOUGH,好好味。特別係今日咁大風,飲完成個人暖左。個SOUR DOUGH DIP SOUP剛剛好。湯好濃味,如果有少少LOBSTER MEAT就更好了。呢間既裝修好CREATIVE,好中意D NEON LIGHTS。想飲水要自己SERVE自己,果度有好多MAGAZINES,唔錯。TABLE有唔同大小,岩一班人或一兩個人的。

一直都好鐘意呢間柴犬咖啡室，身為cafe控，試過超過一百間咖啡店，喺我心目中呢間絕對係我最愛嘅頭十名之前太平道果間已經覺得好似世外桃源一樣，今日黎到尖東海傍嘅呢間感覺份外relax！🌬🌬勁舒服嘅環境，裝修勁開揚，門外係行人路，唔會有太多人同車，感覺好寧靜，而且每次都試佢嘅maple syrup waffle同第一次試rosemary pound cake，佢嘅waffle真係屬於高質，不過幾次都見唔到柴犬店長

二月十四日情人節大部分情侶都一早訂了枱來個浪漫晚餐，我地就無咁嘅情趣，只係walk in入去一間無客嘅cafe, 只要勝在有位！餐廳日間有隻柴犬做店長，今晚唔見佢，可能約咗girlfriend！店員告知我們仲有40分鐘就關門，所以我們來個龍蝦湯及卡邦里意粉就擋一餐！龍蝦湯夠哂熱！意粉軟硬度適中！I like it!

🍰Raspberry cake($45)▪️這件是這裡的signature cake🍰磅蛋糕體 緊緻紮實但又不會過硬，叉落去不掉很多碎屑，可見蛋糕體蘊藏了一定的油脂，吃起來不乾口濕潤的帶點牛油香，加上夾雜住一些桑莓，增添點酸度解膩，很喜歡紅桑子一粒粒籽的口感🤤表面還有一點糖霜吃起來有點甜，如吃上一整件都有點甜滯~配上一杯咖啡就剛好~另外還點了一杯🍵Matcha dirty($58)轉了Oat milk(+$5)喝起來順口，{標明是用日本丸久小山園🍃}但抹茶粉是用原本混有糖的即溶沖粉，所以味道有點偏甜，配上咖啡底甜度有稍降，但不是我杯茶~🍝卡邦尼煙肉意粉($118)◾️首先個份量有點少😬真係會唔夠飽~仲要唔係set，飲品另計😶幼意粉麵條煮得夠硬，幾有咬口😌我幾鐘意，麵條都沾滿左卡邦尼芝士醬汁，看似乾身少汁，但食落都夠味，但個醬汁有d滯膩🤔加上煙肉粒粒好過硬🥓-不過這裡環境很舒服，木系好靚👍傾計都一流~但食物質素好普普👋🏻眾表姐都一致咁認為👩‍👩‍👧‍👧

At a distance I thought this was a Taiwanese bubble tea joint because of the Wolf but it turns out to be a coffee shop and there is another branch in homantin.As I was having afternoon tea nearby I only ordered a Jasmine tea.The Jasmine tea was floral and fragrant, a good choice before having some food.This place is a great place to chill out for a while in the East End of TST.

呢間cafe係高分架wor，我連續兩個weekend都黎左，上星期同朋友gathering第一次黎，可以坐一張大圓枱，暢談了一個下午，今個星期自己黎，可以靜靜地坐係角落嘆下，思考下人生，事關Black Sugar 坐落係尖東，呢個位置唔太多人，但係好容易去到，人流唔多，洽到好處。另一個吸引我的地方係杯咖啡，都幾好飲，同老闆聊了一會兒，他說咖啡的味道是他們用不同的咖啡粉調出來的，不太苦又不太酸，為了適合較多人的口味，所以應該不會在別處找到呢間coffee的味道。仲有還買了一包咖啡豆試試，味道好特別，有grapefruit 同埋green grape....還有以柴犬為主既小物品角落可以俾客人找點樂趣。

black sugaravocado toast 佢嘅avocado toast同出面其他coffee shop有啲吾同 佢系用炒蛋 不過我尼個牛油果控就覺得麻麻地啦 雖然我好欣賞佢塊toast吾會太硬又好脆👍🏼 但吾知系咪因爲佢上面啲牛油果打碎左要放入雪櫃所以搞到成個toast都凍 雖然平時個啲都系常溫但尼個我覺得佢系系個雪櫃到攞出尼 雖然佢上面有炒蛋但吾知系咪因爲個牛油果真系有啲凍所以完全食吾到系常溫 😕pesto chicken penne我就覺得好一般無乜特別 不過啲雞就真系有啲’鞋’ 我仲叫左兩杯嘢飲latte同jasmine tea 我就覺得做得嘅好 jasmine tea系好香茶香味但又完全吾會澀 個latte 就好香咖啡豆味亦都好滑總括如果系去飲杯咖啡 茶系ok嘅但食嘢嘅話我就未必

陪男朋友食lunch，我又唔係好肚餓，淨係想飲咖啡，於是乎就提議去呢一間！ 其實之前都去過佢另外一間位於太平道，見過隻可愛柴犬幫手睇舖㗎 呢邊呢間雖然冇柴犬坐陣，不過真係好似有部份item果邊我唔見有嘅，就係iced dirty Mocha latte 同龍蝦湯（不過咁耐冇去可能嗰邊都有）🤣我哋分別叫咗香草雞肉長通粉、龍蝦湯、flat white 同piccolo ! 先講個雞肉通粉先：似乎冇乜味同埋好多油 ，男朋友話個雞肉幾好味喎，我就一半半啦 🙃反而之後叫嗰個龍蝦🦞湯就有啲喜出望外，上枱嗰陣非常熱辣辣㗎 ，雖然個湯入面無龍蝦肉，不過都好重龍蝦味 ，旁邊嗰塊多士都係熱辣辣嘅 兩杯咖啡中規中矩啦，係個奶泡可以厚少少😇

上星期日諗住行下尖東，因為比出面較小人，非常舒服，行到有點攰以前多數去Starbucks，但係見好多內地遊客坐係度，有D 無消費嘅，其實好唔鐘意。之後發現轉角位有間型格的Black Sugar Coffee，諗住去試下先。見menu set up price 其實有點貴，Coffee種類都比較多，問店員有什麼推介，佢叫我試Coffee Tonic, 我見出面不是間間coffee shop都有就試試咩嚟。哇一飲落去帶酸的，感覺好怪，店員拎呢杯野比我，見到都無咩特別，飲落去又怪，其實佢可唔可以好好地介紹下飲慣嘅Coffee 被我呢？起碼見到個拉花開心D, 仲要成HKD 50蚊杯. 🤨🤨🤨

咁啱經過尖沙嘴，見到有間Cafe有隻幾得意嘅柴犬，就入咗去。入到去叫咗杯Flat White,味度不錯；環境都幾舒服，加埋隻柴犬，的確唔想咁快飲完就走；員工服務態度都幾好，有禮貌同幾主動。

最中意小店而又浦開尖沙咀嘅我，覺得呢間cafe唔錯! 位於富豪酒店對面 weekend人流都不俗!入去搵位坐低12點半，拿起餐牌讀了讀沒什麼食欲，於是去蛋糕櫃睇下，見有士多啤梨cake就點了flat white配佢。同行男士很高興因為店内不停播muse嘅歌。Flat white ($43)個人覺得有點淡口 很滑 夠熱士多啤梨蛋糕 ($45)都幾大件 濕潤 少少太甜 自家制誠意搭夠食食下主人同隻柴犬都返咗嚟 好得意！其實如果唔係佢返咗嚟都唔記得咗呢間cafe係柴犬做主題

第2次0黎此店, 上一次無柴犬店長, 今次見倒佢好開心, 佢0的毛好靚好可愛。同行0既係將會做媽媽0既朋友仔, 所以只可食全熟野, 好多野都唔食得, 如Egg Benedict, 煙三文魚…., 小店好好,幫我地將蛋改為全熟, 三文魚轉火腿, 0係繁忙0既午市中好難得。

Had a hot chocolate and late It was so good and one of the best had in HKLoved itCouldn’t try a meal or a dessert as we were just after the lunchGood service with a friendly smile 2 dogs outside the cafe made the place more attractive and pet friendly I recommend this place