Bove (已結業)

元朗真係越來越多美食呀！呢頭食完個石燒話好滿足，有人話見到間雞蛋仔新開又話要試。好啦好啦！其實呢間鋪附近都有間賣雞蛋仔，嗰間試過幾次，今日就試下新嘢先門口見有好幾款係推介之選，我其實有好多都想試，芝士、蜂蜜、斑蘭、抹茶..........特別見佢個流心蜂蜜好吸引，但細妹話想食宇治金時，咁就食宇治金時啦！細妹話平時放工時間都會有好多人排，今日中午時分只有兩三個人，唔算多，等左差不多十分鐘白噴噴嘅雞蛋仔出世嘞，我鍾意佢即叫即整熱辣辣，外面小小脆口入面好香軟，驚喜嘅係佢仲有粒粒紅豆，紅豆好林，帶少少甜，唔錯。但我就覺得抹茶味唔夠濃，無咗一陣甘香味。二十五元唔算平，但還可以接受，整體都有七分，下次要試糖蜜

數天前傍晚經過想試，可以芝士雞蛋仔已估清...今天跟媽媽一起經過，她跟我一樣偏好咸味的東西，所以就拉她一起去試。點了一底芝士雞蛋仔，等了10分鐘，看著店員放了一大杯芝士碎下去，非常足料。新鮮食的確非常香脆，很香濃的芝士味，而且油份很足，手指滿是油，真的非常邪惡。雞蛋仔的蛋味亦好，跟芝士味真的非常匹配，媽媽亦非常喜歡!!!還跟我說要找一天來再試肉鬆跟羅宋湯味雞蛋仔!!! 

作為香港本地小食黎講，雞蛋仔應該都係燒賣丶魚旦之後，最多港人愛食的小食三甲之一。Modos一向主打創意味道的雞蛋仔，咁岩行過元朗見到有新鋪開張，所以試試！元朗又新街開嘅新鋪，店面連招牌都未除紅紙就開張做生意。香濃羅宋湯雞蛋仔($23)好少可食咸味嘅雞蛋仔，羅宋湯嘅味道偏酸，隱約有種史雲生嘅味道。雞蛋仔烘得比較軟身，表面並不脆身，口感麻麻地....整體味道幾新奇，但下次寧願試其他味覺得蜂蜜味道同埋肉鬆蝦乾應該會幾好食。

聽朋友講元朗新B仔 7仔附近開左間雞蛋仔好多款式 極力推介 當日去到已經有6-7人排隊等緊試左肉鬆蝦乾雞蛋仔 $23 (辣/勁辣)好足料，啖啖肉鬆，辣辣地好惹味另友人試過鳳梨酥同金蘋果夾餅都話超正