Bubble Bu Cakery

营业中

休息中

上個月Manager last day派既散水餅, 所有同事都好鍾意食所以今次到我last day就詢眾要求買返Bubble Bu Cakery我買既係5cm芝士撻禮盒裝, 1盒有12隻味, 同12件自選款同事全部都食得好開心令我都好開心XD將來再轉工都應該會買返呢一間!可能屋企人生日都會買呢間生日蛋糕好想試下佢個皇牌蛋糕開心果味蛋糕!表姐係醫院返工成日要訂蛋糕我都介紹佢食Bubble Bu 間野有得揀送貨或者工作室自取見佢送到公司門口當然係揀送貨啦買夠千幾蚊已經有優惠very nice

買散水餅時朋友介紹左呢間比我一開頭都係抱住求其派比同事講句bye bye就算😂點知打開又靚，仲要個個同事大讚！我一向都鍾意食芝士甜品，佢啲撻食得出係靚料👍🏻我覺得開心果味最有驚喜，原本以為芝士同開心果夾埋應該唔夠開心果味，點知食落兩隻味都出到，又好夾😋另外個撻皮都好好味！佢唔係一般啲撻既軟大身，而係曲奇皮既鬆脆！因為個餡係軟滑既質地，食起上黎口感好好👍🏻總括而言有驚喜，冇諗過last day都有咁好印象比同事😂😂😂今次買齊12隻味，都冇聽到有人話邊隻唔好食果然信朋友介紹係無錯🥰下次會試下佢生日蛋糕！

好靚嘅網店，專賣散水餅同派對甜品，分別有瑪德蓮，巴斯克，岩燒芝士蜂蜜蛋糕同半熟芝士撻極邪惡岩燒芝士蜂蜜蛋糕，面加上鹹芝士，外層燒至金黃色，蛋糕質感鬆軟有彈性，但極邪惡部份略嫌唔夠邪惡欣賞這份用心設計同理念，由每張相片到出品都係目不暇給，不錯嘅禮物選擇！

岩岩上星期last day 諗住揀一間出名既散水餅派比同事 有好幾個朋友都話呢間唔錯 咁就試下訂網站訂購都幾方便 價錢同訂購需知都好清晰 係差在冇得比信用卡 但可以PayMe/FPS/銀行轉賬送貨當日司機到達前半小時已經聯絡我 落到公司樓下取貨個陣唔使等司機已經到左 黎到既時候都見到D芝士撻有保溫袋袋住 今次我訂左60件5cm芝士撻 結果一攤出黎10分鐘內已經比同事攞晒😂 個個同事都大讚好好食賣相靚唔會太甜 可惜太搶手搞到我都食唔到 下次生日蛋糕會再訂呢間既大芝士撻試試

依間芝士撻分5cm同7cm，有超過12款口味選擇，會食到個底有淡淡芝士味，但主要都係本身個款口味，所以唔洗擔心唔鍾意食芝士嘅人會卻步😝
訂左經典三重芝士、Oreo、伯爵茶麻糬、三重朱古力脆脆麻糬、檸檬柚子、咖啡朱古力、特濃開心果、焙茶生朱古力麻糬、抹茶生朱古力紅豆、藍莓、抹茶士多啤梨等。每件撻四十幾蚊，算係中高價散水餅之選，但個樣好靚好得體，味道方面亦獲同事一致好評！我食左特濃開心果同焙茶生朱古力麻糬，兩款都好好食🤤另一個吸引嘅地方係間舖可以官網下單，超方便！



同事派GE散水餅！本來都冇抱希望但估唔到咁好食！一打開已經全個OFFICE都好香！連平時唔食甜品架同事都忍唔住攞左舊食🤣伯爵茶同抹茶味都好好食！茶味好香！入面舊麻薯都有驚喜！聽講開心果味好好食但可惜我搶唔到😫難得地全公司一致好評唯一架缺點就係要預訂先有..我本身想請屋企人食但居然唔可以現場買話要上網預訂先有如果間蛋糕店可以即買即有會更好！相信一定可以大排長龍！希望蛋糕店可以考慮下咁有HEART架甜品店買少見少！支持！