Bugis@叻沙・海南雞飯

营业中

休息中

自從去過新加坡，新加坡菜就成為咗我嘅至愛。可惜最地道嘅新加坡菜，仍然係好難喺香港食到。所以就屢敗屢試，見親新嘅新加坡餐廳都會試吓。今日嚟到荷里活廣場，見到bugis，心裏面好想食但係價錢係令我有啲卻步，要知道喺新加坡hawker centre食，幾乎係一半嘅價錢。兩個人最後點左一個餐一個散叫，前菜有酸辣鳳爪，有喇沙，飲品叫咗薏米水，另外用＄10加配咗一容肉骨茶。朋友就叫咗福建蝦湯麵。埋單$193已加一。酸辣鳳爪係出色嘅，鳳爪夠多肉，份量亦都好夠多，兩個人分享都一人食咗四舊。食落首先係酸味，辣味慢慢先滲出，食到停唔到口。至於肉骨茶，藥材味夠。本身覺得唔夠辣，後來放埋指天椒入去先覺得辣味出。肉骨茶裏面嘅肉都係得一舊，煮得夠林。美中不足係，雖然係一客啫，油炸鬼可以整細啲，或者比多幾粒囉。呢杯薏米水係我飲過最難飲嘅，薏米味唔出，好似飲水咁，仲要啲薏米一嚿嚿。有啲鋪頭嘅薏米水會落埋腐竹，但係佢咁嘅質素就算啦。最後食晒啲薏米，都冇飲杯水。喇沙算係唔錯嘅，可惜仍然都係冇餣蜆仔。算係足料嘅一碗喇沙，豆卜魚片豬頸肉雞蛋青口海蝦芽菜都有。個面係油麵夾米粉，係好典型嘅新加坡食法。個人接受到再辣啲嘅湯底，所以

叫左個午市套餐+小食。揀左豬頸肉乾拌麵, 豬頸肉太咸!!! 乾拌麵有D 似乾燒伊麵, 我地揀左扁麵, 應該用甜豉油炒的, 因為帶少少甜味, 都OK。小食叫左3串雞串燒, 雞肉滑, 有香茅味, 好食, 沙爹醬再多D就好餐飲係斑蘭檸檬意米水, 無斑蘭味, 意米味就幾濃, 但加埋D檸檬味怪怪的, 就咁意米水加糖會比較對胃口。'BTW, 呢度性價比唔算高

荷里活廣場 - Bugis@叻沙・海南雞飯, 身為店長- 服務態度極差今天 25 Feb 2018,  中午 12:44 我們三人去這間餐廳午膳，食到一肚氣，果位所謂店長,  簡直就係趕客，同倒公司米, 我們午膳到大約 14:00,  一個務態度極差店員行過來,  她一路行一路大大聲話你們已經坐左兩個鐘啦!  無停留,  無禮貌的講, 其實我們已經準備結帳,  但其中一位去洗手間未回來,最後埋單結帳時才知道,  她是店長,  結帳時間是14:05,   請問用了 1:16 (76分鐘) 午膳,   何來已經係餐廳坐左兩個鐘呢?最後果位所謂店長/劉小姐連道歉 Sorry 也沒有一句,   別府集團Beppu Group都係大集團呀! 請埋呢D倒米店長, 十分不幸囉!

荷里活廣場呢個地方真係呢... 咁多年都冇乜開過邊間好食嘅餐廳 依家仲要連foodcourt都執埋 講真住附近係有少少灰😷 呢間開咗唔太耐嘅Bugis 講真係不過不失 只不過係性價比來講呢 就唔算太出眾🧐 介乎想俾好評同中評之間 為咗要比較老實咁評價 唔好意思要俾個中評先😂 dinner set包一份小食一杯餐飲同一份主菜加埋一大約＄100到👀 小食同埋主菜都有五六款選擇 飲品就兩款一行五人 大家不約而同都係揀喇沙同埋海南雞飯 來來去去都係嗰啲㗎喇🤣 小食我揀咗酸辣鳳爪 一份有五隻 一嚟鍾意食鳳爪 二嚟覺得好似抵啲咁😂😂 因為其他小食 (e.g.雞翼) 都寫明得兩件 但係味道呢就原來一般 酸咗啲 搶過咗辣味 同平時食到嗰啲有啲唔一樣🙊海南雞飯睇落個賣相都OK嘅 但係想到應該忙得出個黃油飯唔夠香 跟飯個湯都比較清 無乜味(我承認我衰衰咁 心裏面將呢個飯同左我平時lunchtime會買到嘅$40 ‘柏檔’外賣海南雞飯比較🧐 而我覺得‘柏檔’個雞飯仲正啲😂🙊）影埋朋友個喇沙俾大家參考下 有兩種粉麵 類似粗麵同埋米粉 味道我冇食就唔知嚕最後飲品叫咗杯檸檬薏米水 反而唔錯 咁我覺得幾足料 飲落

一行四人，聚首一堂，大家各自都係想食唔同既野，呢度好在可以叫個人餐，自己想食咩就食咩，唔洗就人，個人餐有好多選擇，唔洗驚冇野好揀一個主食加一個小食加杯野飲，每人都係100蚊唔洗，晚市黎講算差唔多價錢，又豐富，味道又唔差。極力推介海南雞飯同喇沙湯個湯真心好飲D料亦相當足夠小食方面，酸辣鳳爪同南乳雞翼最正最後，仲送埋健康檸檬意米水熱飲。整體黎講唔錯唔錯，可以再嘗試，無論環境，服務，食物質素都還好。😋

同朋友搵食，今次去到荷里活廣場既bugis, 意想唔到咁新加坡! 而且仲好抵食! 我同朋友都叫了一人餐$88，個餐有一份小食，一份主食，同一杯飲品，只需$12就可加配肉骨茶，真係不得了。我地點了雞肉串燒，魚餅，海南雞飯，叻沙，斑蘭檸檬薏米水同肉骨茶。大大份，未食到主食已經飽左🙈個叻沙入面係有米粉同油麵，好足料，辣度適中。肉骨茶好濃郁，豬軟骨好軟身，夠補補啲膠原bb😎下次一定要帶多啲人黎試埋個辣椒蟹同黑椒炒蝦粉絲煲! 睇見就想食!😻🙌

五個人費時睇，咪叫四人餐，冇想過咁大份，放到全張枱都滿哂⋯怕浪費食物，即刻call多個人來救嫁先來肉骨茶，味道比較清. 跟住主角海南雞，又幾好。柚子沙律肉厚虾又大隻，四式小食併盤，比想像大件。還有咖哩牛，沙煲飯，飲品和甜品。甜品勁like,係流心榴槤，外脆內䁔

假期跟孩子們看完早场電影便打算醫完肚子才回家。逛了幾家後，女兒拍板選了這家。12點半到達時还有幾張空桌子。我們吃到1點時就已經要排隊了。點了一個海南雞飯，一個海鮮喇沙，一份豬頸肉，一份魚餅，送了2杯檸檬薏米水。雞飯的雞肉很滑，就算是雞胸部分也不會柴皮。喇沙的配料份量十足，味道也很濃郁，並不會太辣。豬頸肉則有些韌，有點失分。薏米水微甜，加了片檸檬後略帶一點酸味，很可口。

Bugis話明係叻沙專門店，果然無令我失望，不枉我專程過來再幫趁光看賣相已經超豐富！有豆卜，片頭，蝦仲有蜆。片頭爽口彈牙，蝦和蜆都各有2隻，鮮味無沙，豆卜吸盡滿滿的湯汁精華湯底好多濃惹味，啖啖海鮮精華，淨係飲湯都已經係賞心樂事摻摻有油麵和米粉做底，油麵唔算油淋淋，口質不錯。另外米粉都唔錯，幼幼的可以掛到湯汁。另外用左20蚊加左3隻南乳雞翼。雞翼外皮煎得香脆乾爽，南乳味夠晒惹味，內裡的肉肉很嫩滑。隨餐送薏米水，檸檬味比班蘭味重很多，清清地幾好飲100蚊鬆d埋單，唔平但好食，久不久食下都ok！

有時候自己一個都可以食得好今次去左BUGIS食個假日lunch呢間出名食海南雞飯 但我就..叫左海鮮叻沙摻摻 ($76)海鮮有蝦有蜆仔 啲材料都幾豐富至於個湯底都好濃麵質都不錯 索哂啲湯👍🏼至於餐飲有班蘭檸檬薏米水夠哂健康 調和濃味嘅叻沙_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

去荷里活睇戲，睇完戲黎到呢間野，因為之前夜晚見過好多人食，咁今日見有假日午市套餐，咁又唔駛等位，就入去食啦！坐位都舒服，有卡位，以為枱面個壺係水，點知原來係茶黎嘅諗左陣，叫1個海南雞飯餐同一個新加坡茄汁紅飯，配香茅豬扒另外送野飲，可以揀熱或凍嘅斑蘭薏米水另外仲可以加錢叫小食，但都唔算平，所以無加小食個海南雞飯黎到，賣相都幾好，雞油飯都好香，雞滑無骨，幾好但個新加坡茄汁紅飯就好一般，其實即係西炒飯，個香茅豬扒又細份，又乾又無味，呢個價錢唔值斑蘭薏米水，都幾多薏米，但唔覺有斑蘭味，味道不錯總括黎講，價錢頗貴，質素好一般

今日同老婆去荷里活睇主題展，我早到咗又有小小肚餓唯有食住等。睇水牌見到依間Buugis 專食新加坡嘢，一於就試下佢啦！！但系入到去發現有個叫福建雞湯麵都好似不錯，所以改變主意叫依個，另外用廿四蚊加左豬頸肉。雞麵先到。嘩，真係嚇親，有隻小雞脾同半邊雞胸，份量超乎意料！！有圖有真相，雞嘅分量的確不小！！雞肉結實得來依然滑，而且唔肥麵係普通油麵但唔算油淋淋，口感都不錯。但湯底就一般，有點像芽菜湯的味道。另外用24蚊加嘅豬頸肉質素亦都幾好。燒得幾乾身，而且味道不錯，份量亦超級的大。跟餐會送斑蘭檸檬薏米水，可揀凍熱。我揀咗凍。斑蘭味冇我想像中咁濃，不過檸檬味幾香，而且薏米都煮得剛好熟透，口感不錯。唯一缺點係冰塊多咗少少。雖然過百蚊埋單，但我覺得質素都幾好，絕對系值得嘅！

是日晚飯算係意外驚喜，食得好滿足，樣樣美食都色香味俱全，真係大愛呀！唔係擦鞋妹，係真心話，唔單止好美味，價錢都ok，先會咁講㗎咋！今晚揀咗個4人套餐，真係樣樣都有，份量仲唔止4人添，稍為細食一D都食唔晒，所以好想同大家分享：柚子蝦沙律：雖然個碗細細，但份量都好多，佢無用好多生菜放低下，一人唔係得一舊嗰種，全碗都係柚子嚟㗎，講真，我寧願係咁，都唔鐘意別的食店放得靚靚，但份量得小小。小食拼盤：真係一個開心拼盤，難得今日無熱氣可以食盡煎炸嘢！原隻棒棒脆蝦：好香脆，蝦有蝦味，熱熱的。脆炸蝦餅：一款見襯都會叫嘅小食，都彈牙，香口好味。米紙脆春卷：唔會太硬，都幾好，我本身唔好LEE款食物，所以味道OK啦！沙嗲雞肉串燒：比較乾咗小小，同埋我自己比較鐘意泰國舖嘅串燒汁多D。新加坡海南雞：如果10分係滿分嘅話，我會比9.5分，真係好好味，雞肉質地好滑好滑，LEE碟食得最多個個就係我，真係唔停得口。馬來咖喱牛腩煲配油酥餅：咖喱汁好濃配埋牛肉味好正，一件油酥餅加一匙咖喱汁點滿嚟食真係一流，加上份量十足，不止有牛腩，仲有埋牛筋添！蝦頭油炒飯：LEE個就比較清一D，睇到張相就知，哈哈有DISPLAY嘅感覺，但係

昨晚去這間餐廳食飯，食到一肚氣，簡直就係趕客，小食拼盤未到，就有五六個店員，輪流幫你收碗筷，我哋已經同個店員講，我哋仲有小食未到，不到5分鐘就已經有五六個員工又走來收碗筷，😡😡😡😡

荷里活廣場的這間 Bugis 開業不久已經經常大排長龍，見它取名自星加坡的 bugis 這個地方，吃的應該挺地道的吧，而鑽石山一帶又沒很多星加坡菜餐廳，午飯時段便一個人來這裡試試～<斑蘭檸檬薏米水>感覺比較健康的飲品，而且不用加錢便可以跟配套餐～味道其實是挺甜的，薏米也可以再多一點，嚐不到斑蘭的味道。<香茅豬頸肉干撈麵>這個整體的撈麵和豬頸肉都比較乾身，配料只有豬頸肉和豆卜，顯得有點遜色了。<沙嗲雞肉串燒>這個串燒勝在夠多沙嗲醬，醬入面更有一些花生粒，令醬汁吃落較有質感，而且雞肉也很入味。