Bugis@叻沙・海南雞飯

营业中

休息中

我今日終於食到人生食過最難食嘅海南雞飯！真係忍唔住要打返篇食評😭平時夜晚見到呢間餐廳好多人排隊，今日放工已經8點幾，見到唔洗排隊，當然要把握機會去試吓。餐牌上既一人套餐包括小食，主食及飲品($92)，但係我今日胃口一般，只單點左個新加坡海南雞飯。海南雞個賣相好差，甩皮甩骨咁，而且肉質勁鞋，完全無雞味，雞皮亦冇油香。其實雞件都唔係重點，醬汁先係靈魂，我真係未試過連醬汁都咁難食。我平時最鍾意黑豉油蘸雞同撈飯，因為甜甜地好開胃，但呢度個黑豉油有苦味，味道好奇怪。咁我唯有轉戰辣醬啦，但得個酸字，個味道都幾難接受。薑蓉就正正常常。油飯又係世界級難食，完全無油香，我寧願食白飯。真係太難食，食得好辛苦。好慶幸今日冇點到一人套餐，一個海南雞飯賣單承惠$73，完全唔值呢個價，今次係我唯一一次亦係最後一次食呢間餐廳。

今早上完課已經是下午一時了，於是在附近荷里活廣場充飢，之前去台北夜市吃過肉骨茶便念念不忘，所以到了這間餐廳吃飯了，午餐時間人不多，不稍一會便有位了，剛坐下店員已很快幫你order 食物，我當然選肉骨茶啦。不久，熱辣辣肉骨茶端上，裡面有三至四塊一字排，係我至愛，不肥，肉質又不會太硬，湯也濃，好似每一啖也很珍惜，彈牙既麵，忍不住把全部食哂，真係有d唔夠喉，心想：下次應該叫一客肉骨茶飯先夠皮，下次一定再來。

我和友人最愛日本菜,但有時都會食下其他菜，今次就去食下海南雞飯。海南雞飯這間價錢和出面差唔多，午餐$70左右，這間的海南雞全部去哂骨，啖啖肉，配上香口黃飯，都真係值得推薦。另叫了一個鰻魚飯，都係忍唔到口想食日本菜，但這個就失色很多了，差不多既價錢，但只吃到很細條既鰻魚。睇圖片就知道幾細了。所以下次都應該吃返海南雞飯。

本身很愛馬來西亞肉骨茶（藥材味重那款)，而且星期五晚飯時間也不算太多人等位（等十張檯），所以選了試試這間店。餐廳有一人餐，有小食,主菜及飲品-$92。 價錢算合理。今次兩個人，我們點了一個一人套餐，一個散叫。散叫：海南雞飯配迷你肉骨茶海南雞飯- 雞肉嫩滑，有雞味；油飯夠香且不肥膩。肉骨茶：湯頭香濃，未飲已聞到陣陣藥材味，可惜湯唔夠熱，排骨也有點「鞋」。套餐：米紙脆春卷+馬來椰汁咖哩牛腩飯配小魚椰漿飯+凍檸檬薏米水米紙脆春卷- 份量不少，而且上檯時還是又熱又脆。牛腩飯- 椰漿味道偏淡，咖哩香濃，但牛腩不夠腍。下次要再試喇沙！

如果大家想舒舒服服嘆美食的話就唔好黎食！點解？呢個係我慘痛+憤怒既經歷==============================今日6:45pm睇完戲諗住自己去享受下食物. waiter問我願唔願意搭枱我無所謂就入咗去坐==============================服務太惡劣忍唔住要開ac黎鬧鬧佢食食下我隔離張4人枱空咗+我對面位都走咗而我食咗30分鐘都差唔多食完有個waiter特登行到我面前 指住我 話有6人枱等緊都唔緊要 反正我食完未走lor點知佢見我無郁動就叫曬個6個人坐入黎呀！唔係！係逼埋黎！我覺得你同我講聲佢地坐我okay你坐咗4個人係隔離枱先都得你夾硬逼d人貼住我坐就太誇張了！==============================食物order咗個套餐有小食+主菜+飲品叻沙味道其實okay 都幾足料小食(米紙脆春卷)感覺上係新鮮炸出黎既飲品(凍檸檬薏米水)就普通==============================衛生坐我對面的女士飲過既茶杯無收走！好容易就會用咗上一手飲過既杯！==============================結論如果

今朝好勤力, 晨早起身去睇早場, 梗要獎勵下自己食好D!BUGIS 個門口好吸引, 貼滿星加坡魚尾獅圖案, 睇到已經覺得好有風味.我12點半去到, 都多人等, 好彩有D人拎完飛行開左, 等左10鐘就有位.午市 MENU 吾算好多選擇, 好快就揀左個海鮮叻沙摻摻配熱咖啡, 加小食沙嗲雞肉串燒.沙嗲雞肉串燒先上, 老實講 ... ... 失望 ... ...雞肉OK林, 但個沙嗲醬吾得, 太稀 ... 吾夠味...我問 waitress 要左碟辣椒油嚟點, 點知 ... D辣椒油一D都吾辣, 只係油 ... 好左D辣椒籽仲OK ... 其實香港人都有人鐘意食辣架 ... 海鮮叻沙摻摻 ... 呢個好OK喎湯頭好正, 一上我幾乎飲左半碗湯, 哈哈, 超讚!佢嘅椰香叻沙味夾得好好, 又鮮甜, 微微辣, 好好味~摻摻係油麵+米粉, 軟硬適中.海鮮有連殼蝦, 蜆, 魚片, 再加D豆卜, 芽菜, 蛋... 算豐富嘅. 

之前在香港吃到的叻沙湯底都是淡而無味，那天經過這間叻沙專門店就進店裡試試看😛我點了這個店家推薦的海鮮叻沙摻摻，新加坡摻摻用兩款麵來做麵底，分別是油面跟米粉，油麵煙韌米粉綿綿的，一起吃口感很特別。叻沙湯底很濃郁～很香椰香味，有一點點微辣，碗裡的配料都吸了湯底的精華。豆卜和魚片好吃，反而海鮮配料就沒什麼鮮味。🔸海鮮叻沙摻摻

黎呢度最主要係睇到啲叻沙同海南雞飯嘅相非常之吸引，所以先想黎試試嘅首先係個叻沙其實一嚟到賣相已經覺得非常之吸引！飲落去，個湯底十分之香口！好重嘅椰香同蝦乾味，個湯底好惹味！好回味！麵方面，佢地加入左米粉同埋少少嘅油麵，咬落去唔單止咬口好好，同時可以索到個湯底嘅湯汁，呢個麵令人有驚喜！第二個係海南雞飯 個油飯味道算係ok，普普通通嘅味道，無咩好出色嘅油飯香。雞唔知點解有一半係好嫩滑，另外一半係好鞋口，有一兩件都仲有少少啫喱，味道都係普普通通，無咩特色。但不得不提，嗰三碟醬完全個味道就唔知點，豉油唔夠香，個辣嘅就唔夠酸辣，個薑蓉亦都唔夠薑味。 食後感：叻沙比海南雞飯味道好得多，如果係要食嘅話，我只會再返去食叻沙。順帶一提，下午茶係冇下午茶餐，係午餐嘅價錢

距離睇戲時間得1個鐘左右，只可以食啲簡單嘢，咁見到有叻沙食，諗都唔諗就入去試下啦我地叫左個海鮮叻沙摻摻同紐西蘭生牛肉摻摻叻沙，個叻沙湯底真係好好好味道，生牛肉好淋同好有牛味，同平時食越南嘢既生牛肉好唔同，值得一試 😋😋叫左杯芒果沙冰，唔知係咪個芒果本身有少少酸味，整體都好飲叻沙摻摻，「摻摻」既意思係油麵及米粉既混合，口感都幾特別 見到隔離枱既海南雞飯好吸引，下次一定要再黎試下即日戲飛飛尾可享9折優惠

突然好想食海南雞飯呢間bugis又咁岩出現左喺我面前話自己係主打海南雞飯喎又會咁岩既😂所以走左入去試試佢🤔....講真對成個set黎講有少少失望啲雞肉都唔算太嫩🙁但無乜骨勉強合格油飯都ok都食到少少黃彊味同埋唔會重椰奶味但果三碟醬真係完全唔得囉！彊蓉果碟無彊味究竟果pet係乜黎？！🤦🏻‍♂️泰式辣醬無辣味麥當勞果啲都好過佢甜豉油無佢應該有既甜淨係得個咸字扣晒分🤦🏻‍♂️但反而另外個海鮮叻沙就above average湯底雖睇落多油但唔算膩少少辣味加椰香唔錯啲配料都合格既反而個叻沙值得食過海南雞🤷🏻‍♂️.....不過最值得一提係啲侍應好似想趕人走咁話說我地唔係peak hour去食都無人等位我地食食下諗住撳下手機再食個侍應見我地停手就走埋黎收野要我地出聲話未食完先放番低之後就成日望實我地食完未好似催我地咁搞到食得唔自在有啲嬲嬲地囉😤

來了Bgis ,一定要試他們的皇牌，海南鷄及叻吵，正如乾隆微服出巡，要深入平民吃開的虎穴，吃出地道兼隱世美食！今次到了位於鑽石山的Hollywood plaza ,如地鼠般鑽入Bgis , 地方四四方方，以4人卡位為首，予人蠻有舒服感及喜悅感！馬上叫了兩個套餐，逐一品評，看我的皇帝舌如何試出真章！海鮮叻吵套餐: 有炸棒棒蝦兩條，好味！炸野最重要是炸粉不厚，一咬有清脆聲，也吃出蝦肉的鮮味，這個做到了！海鮮叻吵十足料，兩隻中蝦，三隻蜆，豆卜及其他配菜，最梗要是叻吵湯底，微spicy ,但十分香口，香料令我好像置身於新加坡的唐人街，好有快感，一段段住事從食物味道中找回，但好像昨日發生，不堪回首！海南雞飯: 有南乳chicken wings 做先鋒，濃濃的南乳與chicken wings 永不分開，做到南乳與鷄肉水乳交融了！海南chicken 也好味，yummy ,肉質柔軟又有淡淡鷄味，配上黃油飯，好似到了極樂了！新吃法正是一口飯包著沾滿特秘醬油的一口鷄，再一口吞進嘴裡，經過吊鍾，傳入食道，再到胃部，彷彿世界衹有我同海南鷄飯！等我！I Will be back !

本身幾期待去食佢嘅菜色，但第一次去，一家人4個人等左半個鐘，拎2人飛嘅入左5，6張枱，我地差一個no. 都入唔到座，keep住等一張枱等左半個鐘。問職員，我地等左半個鐘，可否切一個4人枱俾我地，佢竟然話一定要等4人枱，2人枱唔可以切俾我地。完全呆哂。但眼見全張得4張4人枱，我決定瀟灑咁放棄呢張等左半個鐘嘅4人枱。第二次再去試下，兩個人嘅，果然入到座。但食物都只係一般， 建議大家3個人或以上就唔好去喇，唔好浪費腳骨力。

鰻魚和配汁非常美味，新鮮！90分👍🏻（鰻魚雖然只有半條，好味不用多！）肉燥有🌶，也很不錯，送飯正！85分👍🏻蛋香，白飯也好食！90分👍🏻咖啡比預期中有驚喜，香，滑，港式口味！正！👍🏻

今日午餐同屋企人一齊去咗食呢間都算新開嘅餐廳睇佢其他食評最出名就係海南雞飯同埋喇沙所以同屋企人每樣都嗌左少少嚟食佢個餐仲配左一杯薏米水 係消腫去濕嘅嘢飲佢嘅海南雞飯同埋喇沙都係好有水準個裝修又好新淨 啲員工都好友善下次都會再食

第一次來俱LUNCH，叫左兩個餐，一個係叻沙摻摻，一個係小魚耶漿飯。叻沙摻摻賣相似樣，有蝦有魚(蛋)片，味道都似樣，不過米粉少左d，同油麵唔成比例。小魚耶漿飯有隻太陽蛋係飯上面，賣相幾好，飯亦有耶香。60幾蚊一個餐，唔算太貴，而且人在大商場，呢度似乎已經係唔錯既選擇。