Burger Land (已結業)

今次見到之前食開嗰間轉左手變咗依家依一間，同樣地佢都係買漢堡包嘅，外觀同裝修就冇咩分別㗎啦，不過咁啱想食漢堡包就試下今次我哋叫咗兩個漢堡包，一個係流心魚柳包，另一個係菇加牛肉包所有漢堡包都係新鮮整嘅，上菜嘅時候熱辣辣，個包係軟身嘅包，有烘到，個菇有點可惜，開頭以為係大啡菇，不過佢用依隻菇都有汁，整得幾好，如果用大啡菇嘅話會仲更加好食，另外個牛就唔太重牛味，總括來講係合格嘅另一個係蛋加魚柳包，個蛋都做到有流既，個個月都炸得幾好，同樣地個包係用咗軟包，兩面都有烘個，之前食過另外幾間，佢係用煎蛋半山熟蛋方法嚟整，我自己個人比較喜歡嗰啲，魚嘅調味我哋兩個都覺得可以再重手少少我哋兩個餐都叫咗薯條同埋薯角， 分量方便冇轉手前嗰間咁多，不過個人認為薯角好食啲，薯條佢係用粗薯條嘅，同樣地中規中矩啦

又一間店面細但裝修唔錯既小店。好中意佢既佈置,D報紙帶來懷舊既感覺,好似去返以前既年代咁。佢既包同一般BURGER 包有少少唔同,個沙律好清新。個包唔太大, 一個人都食得晒。價錢都唔太貴。不過用料可更新鮮。個餐跟杯野飲,叫左杯LEMON TEA,冇乜特別。可推出D特飲。呢間要先付錢先有野食,唔多SERVICE.不過下午唔多人,可靜靜咁食野。間鋪靜到有人係讀自修。如果再播下D音樂感覺會更好。下次會再黎。

心血來潮，lunch好想食burger, 於是搜尋一下，見呢個位置換了新店，但新店都係賣burger為重點，咁就試下啦lunch set有4~5款漢堡選擇，包飲品，薯條或沙律。價錢~$68，還算合理。今次揀左牛肉芝士漢堡: 牛肉夠jucy,唔乾，芝士，蕃茄足料。薯條熱辣辣，好脆口

貝羅雙重芝士牛肉漢堡 $98小編貪心想食菇又想食牛 見到特別推出既呢款漢堡有齊兩樣野即刻心心眼😍麵包表面鬆軟且帶牛油香 牛肉肉嫩多汁 牛味唔算太重 胡椒味較濃 原本以為貝羅菇會係成舊夾喺漢堡入面 但原來係切片鋪喺牛肉扒面 厚厚一層既芝士融喺牛肉面 加埋少少既洋蔥 勁juicy惹味🤩評分：8/10.軟殼蟹漢堡 $98平時食burger除左鐘情於牛肉 都幾鐘意食軟殼蟹 因為炸得好果啲好香脆 呢間都唔例外 唔算好厚肉 但都幾大隻 炸得岩岩好 酥脆得黎一啲都唔油 軟殼蟹有少少椒鹽喺面 食落帶點鹹香 好食🤤評分：8/10.+$32 配薯條&飲品漢堡可加配薯條同飲品 再加$38可轉做#手工啤酒 手工啤共有7款 嚐甜既可以選擇果味（熱情果、芒果）亦都有白啤或者唔同麥味程度既可以選擇 店員會喺你面前由樽裝倒落一個好似做實驗啲tube既器皿到 幾吸睛🤓薯條新鮮炸起熱辣辣 如果份量多啲就好啦🙆🏻‍♀️

幾次經過路德圍這一帶, 被這間漢堡包店吸引, 喜歡嘗試不同的小店, 漢堡包又比一般吃飯吃意粉來得特別, 沒那麼沉悶, 看看價錢合理, 就來這裡lunch。門口有外星人招呼, 很搞笑。餐廳座位分兩邊, 不知是不是因為冬天, 沒開冷氣, 但今天仍有點熱, 不開冷氣又不開門, 室內是零通風很焗的感覺。lunch包飲品除了檸茶外, 還有柚子茶選牛肉芝士漢堡$68: 牛肉有點乾, 不夠juicy, 薯條份量少, 薯條有很貴嗎? 沙律用了我們不喜歡的酸瓜醬汁, 奇怪, 建議用其他醬汁。美國豚肉菠蘿漢堡$68: 比起牛肉, 這個似乎比較好吃, 可能有菠蘿在和豬肉較薄片, 感覺很juicy, 和生菜, 番茄, 青瓜配合得剛好。

適逢聖誕節,同埋朋友幾個女仔咁,去食個飯之後交換下禮物係荃灣行行下, 搵到呢一間值得推介既隱秘小店 (定係我唔識路xD)夜晚呢間Burger land 氣fun非常好~ 除左佢播一D特別既聖誕歌之外佢既裝潢都令人眼前一亮,好似有小小去左美國既感覺而牆壁就全部都係英文報紙貼成,相當有FeelBURGER方面 : 我點左 $69貝羅黑松露芝士漢仕堡貝羅黑松露芝士漢仕堡,望落去都幾令人流口水, 加上我係點黑松露,一索之下,更加等唔切要咬啖!麵包鬆軟好食, 新鮮熱辣,醬汁充足,雖然呢個BURGER係無用,但啖啖而且大大隻既貝羅姑會滿足到你食兩啖又配下啤酒, woooo~ 真係好正飲品方面: 手工啤酒(叫左白啤﹑熱情果﹑mango) 重有生啤,黑啤如果鐘意食貝羅姑又想食肉既你,就可以叫$89貝羅雙重芝士牛肉漢堡同我果個一樣咁好味...只不過係多左牛肉$89軟殼蟹漢堡好crazy真係完隻軟殼蟹,樣樣野食都係熱辣辣送上黎 (而呢個burger就要等耐小小,但係值得的) 最後我地叫完一個再叫左多一個軟殼蟹漢堡$69龍脷柳流心漢蛋堡朋友大讚, 大家都秒食晒自己個burger我地重叫左小食, 全部都係熱氣

今次1個人來happy hour, 加錢叫個餐。有包，薯條同飲品。飲品再加錢轉咗生啤。包今次都keep到水準。牛肉都仲係好juicy, 麵包香軟，汁很夾，小瑕疵係牛肉食到有啲根在裡面。原來薯條唔錯，粗身夠脆，裡面幼滑。老闆新入黑啤生啤，我平時唔多飲，但呢隻都幾易入口。有啲甘甘地味道，有啲當歸feel. 但比起歐洲品牌好飲，可能都係日牌，較易被東方人接受。(題外話，聽到後面枱2人是第一次來，2個都話好味。特別係女仔，佢應該係食魚手指之類，一路食一路大讚，大家下次都可以試試。)Anyway, 我下次還會再去的食店。

今日又想食burger網上搵到呢度有啲好評就過黎試下鋪頭好細，位置不多黎到好彩都有位有一張常設menu，一張限定menu可惜今晚無晒網上好評嘅蟹肉堡咁就試下流心蛋魚柳堡同經典牛堡外加個炸薯條，芝士醬另上漢堡熱辣辣！經典牛堡不過不失，但牛味不夠魚柳堡反而有驚喜，流心蛋做得剛好不用漏到周圍都係，有心思👍魚柳香脆嫩滑，但又幾夾！外加嘅薯條好香脆，有少少連皮嘅薯條，睇得出係自家製，薯蓉很多！配芝士醬好味！

在荃灣區四處遊走了個大圈，想食西餐似乎不容易。當想放棄時幸好遇見小店就跟朋友入去試試。店舖雖小且窄，但食物相當不錯。必食炸蠔和burger。炸蠔完全不“聲”，外皮很爽脆! 蠔肉多汁有鮮味! Burger 牛肉味濃，2個人share可叫多點小食。還叫了焗磨菇ok, 炸雞可接受。不過，小店有幾樣了得，再加上premium生啤，我們已經非常滿足了。 而且小店服務員非常nice, 也很熱情。這是很難得，希望大家可試試。原來隔來舖都是他們的，地方較闊，不是高櫈，看人數而開放。

荃灣數一數二嘅burger專門店，以前係Mr Burger, 依家改咗名叫Burgerland .裝修跟以前差唔多，但係就多咗個外星人喺門口看舖。食物質素保持水準，仲耐唔耐有新攪作，夏日特色芒果炸蝦漢堡非常出色！流心炸龍利柳魚煲非常香口。佢嘅粗薯條係非常之優質嘅，絕非一般快餐店可媲美。鍾意食芝士嘅記得叫佢加芝士醬！除咗好多款手工啤之外，依家仲多咗日本生啤，勝在夠凍夠新鮮！呢到係輕食暢飲又啱，良朋歡聚又啱嘅好地方！

今晚同朋友黎左食burger 其之前都有食過一次 但今次覺得真係有驚喜 我同朋友都係叫左 1號 classic 跟combo +38我叫左薯角加suntory beer (要再加 35)個薯角好好味 夠熱 唔係返炸 兩個人食左245 價錢ok 可惜唔記得左影相 真係值得一試

呢間位於荃灣路德圍嘅漢堡包店普通，餐廳有歐美復古嘅感覺，可見店主有用心佈置過我地點左個慢煮雞扒漢堡，小食洋蔥圈同芝士薯個，價錢都幾合理塊雞扒都ok，算juicy，都大塊，吾太乾。不過就唔太夠入味，吾太多醬汁。之後舊蕃茄同洋蔥有點大舊，有少少搶哂雞扒嘅味。至於個洋蔥圈就麻麻哋，個皮炸得太厚，入面洋蔥油好細，感覺好似淨係食緊啲咋嘅皮甘個薯條就好出色，啲芝士都夠同埋係粗薯條熱辣辣，啱啱炸好我就拎出嚟，好正

Friday night 約班老死們去食burgerland! 一去到打開門，嚇死，見到得幾個位，哦，原來仲有隔離鋪，大概有十幾個位。burgerland個環境不錯，乾淨坐得舒服！我地五個人叫咗幾款burgers同兩個小食share。有蘑菇漢堡，香芒蝦堡同牛肉芝士漢堡。三款漢堡包都好好食，好足料，麵包好軟綿， 個秘製醬汁又好野味！焗蘑菇好juicy!!好好味！芝士薯條就麻麻，我以為啲芝士會係焗嘅，會係好濃郁嘅醬喺啲薯條上面，點知係普通芝士醬，有啲失望！食漢堡包點少得啤酒，佢地個生啤正！好彩我哋早去食唔使排隊，我地走個時，鋪頭出邊排咗條龍出嚟！

一直都覺得呢間轉角小店好有特色，想試好耐，今次同友人去，評價認真不錯整體而言，價錢合理，而食物水準也頗不錯，如果想食burger, 呢一間是個不錯選擇令我特別喜歡的是店鋪裝修，非常具有美式風格，再加上小店位於街道轉角位，店面具有濃濃的美式漢堡餐廳風格。我地叫了兩個漢堡加上一個芝士薯條薯角，以三個女生而言，份量剛好照燒雞排漢堡，一致得到友人好評，雞肉滑，醬汁調味配搭不錯，以burger來說也有7分了！香芒炸蝦餅漢堡也很好食，蝦餅彈牙，加上甜芒，意外合拍最後還叫了這個芝士薯角薯條，熱辣辣同脆，很不錯

今日同朋友喺荃灣突然想食burger, 成日經開都冇試過，今日就一於入去試試先。我叫左一個beef burger, 個包好香脆，明顯用牛油煎過👍🏻蔬菜新鮮，牛有牛味👍🏻朋友食軟殼蟹burger, 佢話隻蟹好夠脆但我冇試就唔評論啦！ 另外薯條加左芝士醬，勁好味，可能我本身超鍾意入面充滿薯蓉嘅粗薯條，所以都覺得好味😂 仲有份炸魷魚圈，我怕胃痛只係食左一舊咁多🤭 最後仲有兩杯水果茶，唔太甜，啱晒我條脷，食完炸野飲覺得好fresh🙂一向喜歡小店多過大集團嘅我，今日確係食得幾滿足！