Burger Land (已結業)

疾症下唔敢外出太多今次去左荃灣一間小店💜叫左個外賣張相影得唔靚🥺但個burger味道不錯💜好過m記好多以呢個價錢黎講，經過可以試下今次叫左貝羅菇黑松露芝士漢堡🤤睇得出餐廳落足料，菇唔係得一兩塊（連鎖店全部都係都偷功減料🙈你懂的），配埋芝士，味道好夾，漢堡唔可以話特別Juicy，但都算係厚身有牛味🤪不過黑松露味就食唔到🤔建議加錢試一試佢嘅薯條，厚薯條油膩感唔重，five guys嘅薯條都冇咁好食，好正😍🤤

Bookmark 左一陣子今日終於都試到!店鋪小小的但裝潢好有心思走懷舊風 坐喺度都有chill chill 的感覺不過因應疫情所以今天係外賣 無緣坐喺度慢活一下呢排節食中又口痕 午餐menu 嘅素漢堡Portebello Mushroom Burger 貝羅菇黑松露芝士漢堡🍔啱晒我！以juicy 嘅貝羅菇🍄代替漢堡肉配上BL 特製醬汁同鮮茄生菜都好好食!而且麵包係煎過嘅 又脆又溫暖!Side dish 可以選薯條/薯角/沙律今次選了薯角 應該係新鮮製嘅因為外賣拎回家過咗十幾分鐘拎到返屋企都仲熱同脆👍對小店好滿意 下次儲定quota 試埋肉類!

今（14-3-2020）日瞓到好晏至起身，咁索性唔食早餐，慢慢落荃灣搵漢堡包食，我記得從未幫趁過嘅呢間，就走嚟，但我哋早到咗，要等半個鐘至開門。我哋喺門口等嘅時候，就先睇睇menu，大致上諗定食咩嘢，佢哋準時開門喇，我哋入去喇。坐低後再睇menu，原來有set lunch同小食，最後老公揀咗$89.00嘅貝羅菇黑松露芝士漢堡餐，要水果茶。我要$99.00嘅all day breakfast，都要水果茶，不過要俾$25.00，因all day breakfast係冇飲品跟。等咗一段時間，兩杯水果茶到嚟，睇見有蘋果，橙同檸檬，重有百香果，呢個茶味唔算濃，味道就以百香果為主。味道:3分又等咗幾耐吓，all day breakfast到嚟，冇耐貝羅菇黑松露芝士漢堡都到嚟，我哋先各自各開動，all day breakfast有黑松露炒蛋，香草腸，蘑菇粒，烤番茄，茄汁焗豆，煙肉，多士同薯角，蘑菇粒同我喺City Café食到嘅一樣，黑椒味重咗啲(o個個食評: https://www.openrice.com/zh/hongkong/review/%E9%AC%BC%E4%BD%AC%E5%8F%A

今日黎荃灣幫襯黃店，差不多下午三點嚟到，計埋我得兩枱客，大家要多多幫襯。本身想叫牛肉芝士漢堡，問店主可唔可以走麵包轉菜，佢一開始唔明我講乜，我解釋完佢都好友善咁答應，但係今日餐廳竟然冇牛肉漢堡扒，我聽完真係呆一呆。漢堡包專門店竟然冇牛肉漢堡扒，所有牛肉漢堡都唔可以叫，點解會咁？非常令人失望。於是我改咗要龍脷柳沙律，飲凍檸檬茶少甜，盛惠$73，凍飲唔使加錢，呢點幾好。點完餐唔可以坐喺宜家呢個鋪面，要出門轉右行兩步去另一個鋪面，可能因為另一個鋪面大啲，舒服啲。餐具餐巾紙要自己拎，冇問題，但呢度冇洗手間，要去就要去公廁或商場廁所，比較麻煩。首先嚟嘅係凍檸茶，嗌咗少甜真係少甜，幾香茶味，檸檬俾得都好慷慨，飲落茶、檸檬、甜三種味夾得幾好，茶同檸檬都唔會苦澀。龍脷柳沙律賣相幾靚，蔬菜有生菜、青瓜、洋蔥、車厘茄，全部都好新鮮。沙律汁好酸，我個人鍾意甜啲嘅。龍脷柳熱辣辣，外皮香脆，內裏軟滑，而且冇雪藏味，幾好食。但份量比較細，我食量唔大，食完都唔算飽，如果一般食量或者男仔食係絕對唔夠飽。總括來講，呢度嘅食物好食，但性價比一般。

朋友之前一直介紹嘅間荃灣必試漢堡包店，今次終於試到啦~店舖嘅裝修好有心思好特別，但入面空間就比較細，如果晚飯時間黎可能要等好耐位了。係未入舖之前已經忍唔住影返幾幅相😂但因為夜晚差唔多9點先到，好多都售罄lu最後就叫左貝羅菇雙層芝士牛堡同洋蔥圈仲加錢轉埋套餐有1杯野飲同薯條~個漢堡包好厚😂嘗試過一啖咬曬咁多層~但有D難度😝個包好鬆軟仲係烤過架，熱熔芝士再加好多汁嘅蘑菇，啖啖juicy。洋蔥圈係每件都有好大條洋蔥係入面，令你每啖都咬到洋蔥👍

本身想在假期去試一試附近的咖哩店，但一去到已見到十多人在排隊。因為趕時間去下一個約定，就去了隔離鋪的burger店。我點了一個牛肉芝士漢堡，整體來說非常滿意。首先是面包乾身香口，不少有名漢堡店是預先製作，到送給客人時，面包已經變濕。另外包入面的芝士溶化得剛好，咬下去不會流出。最後是漢堡牛排本身煎得不過火保留肉汁鮮嫩。用這個價位吃到這種質素的食物，可能只會在荃灣找到。

【黃店推介 - 荃灣漢堡小店 - BURGERLAND🍔】🐷🐷💭大家好!!今日又去荃灣搵好野食啦!! 自從戒左食金拱門之後, 🐷小朋友冇漢堡包薯條食又點能夠快樂健康咁成長呢!! 今次老豆就帶左我地去食小黃店 - Burger Land!!🍔🍔🍔🐷🐷🗯呢間喺眾多深黃店林立嘅情況下(佢喺龍門冰室同BABA's Station中間，附近仲有新記芝士麵、阿玉豆腐花等等等）（幸福荃灣豬🐷🐷🥰）好似略顯平凡, 但其實睇番佢FB IG都有唔少文宣, 而且有參與罷工, 只不過身邊啲小店太黃而略顯遜色😂🙈但佢其實都值得大家支持架!!🙌🏼💛🐷🐷💬芝士漢堡🧀🍔+薯角🍟+凍檸茶🍹$89呢個Set Lunch價錢算合理啦! Burger+薯條全部都係即叫即整架!! 所以等嘅時間都要耐少少，大約等左十幾分鐘有野食啦!! 塊包有煎過架所以特別香口！個質感亦好特別好似蛋糕咁！啲肉好多肉汁, 同女朋友食就要小心啲啦🤣!! 今次呢個芝士漢堡入面仲有埋塊煙肉, 更加惹味啊！至於薯角份量比較少，數埋得幾舊。不過佢都好大舊又夠熱辣辣同炸得好脆, 味道口感都唔差嘅!! 野飲可以揀可樂/咖啡/水果茶/檸茶等等!! 我

店舖外既<OPEN>霓虹燈牌仔，外星人既擺設同高枱既設計已經有美式餐廳既感覺鋪頭格局不算太大，但都算舒適，唔會覺得逼店亦主打好多唔同既手工啤酒係幾有特色既小店🤩🤩雙層牛肉芝士漢堡•麵包特登烘過，所以帶點脆身超足料，牛肉超厚又好juicy 👍🏻肉質都好嫩好中意burger Land 個秘製醬，唔會搶左牛既味道，配埋芝士好夾好惹味貝羅菇雙重芝士牛肉漢堡•另外尼款同樣十分足料一咬落去啲餡咇哂出黎，芝士同醬會爆漿😍肉一樣好嫩好多汁而尼款多左一塊塊細細既貝羅菇係面頭，菇既水份令口感清新d，中和整個漢堡的膩感，個人比較喜歡尼款😋奇脆蝦多士•賣相顏色已經炸得好靚，熱辣辣一咬啖啖蝦味都好出蝦肉好實在，肉質挺彈牙，好香口好好食尼款小食應該受歡迎，叫個陣已經係最後一份🙈水果茶&柚子茶•係想像到的正常味道吧，不過不失

店鋪裝修非常特別，好似外國風格，入型入格，入到去餐廳裏面雖然燈光較暗，配埋背景音樂，但更有氣氛～ 龍脷柳流心蛋漢堡係餐牌一見到流心蛋就已經揀定佢啦香炸龍脷柳大大舊，上面鋪左隻流心蛋，非常吸引一咬落去，流心蛋連龍脷柳既口感好正，雖然蛋汁流左出黎，但被麵包吸哂，更好食最特別係麵包有烤過，更加香口配上熱辣辣薯格，沾埋蕃茄醬，正但其實漢堡唔算大，男仔食可能未必夠飽啦下次可以試埋佢既牛，睇menu 都好似好好食咁

口痕痕想食漢堡，落到荃灣打開和你eat揾下。呢間burgerland個簡介好簡單，但感受到佢真係深黃，睇佢facebook就知佢由612開始罷市罷到好忙。舖頭無啲咩黃色記認，但有好真摯既店員，大多數都係大學生parttime。Lunch有set提供$73 美國豚肉菠蘿漢堡 + 沙律 + 水果茶漢堡好高質，個包乾身軟熟，菠蘿唔會太甜搶味，個汁分量岩岩好，唔會食到成手都係。水果茶既感覺好似去左一芳飲咁，少少酸唔太甜，又有唔同水果片。

午飯時間本身想去食龍門冰室食飯，點知遲左出發，去到已經排哂長龍但亦都因為咁先試到係龍門冰室隔離既依間好食漢堡店環境方面，裝修都幾舒適而且唔會好逼，坐得幾舒服。要提提大家，雖然BurgerLand 既食客雖然無龍門咁多，但都算係多人，如果想食既朋友記得都要早小小去如果唔係就要排隊等位啦野食我叫左經典牛肉芝士漢堡午餐set，跟沙律或者薯條同一杯野飲。因為我鐘意食菠蘿所以額外再叫多左塊加去漢堡到味道方面漢堡頭尾兩塊包整得非常鬆軟，完全唔會乾，十分好食！塊漢堡肉煮得岩岩好，又厚又多汁BurgerLand 特製醬汁同成個包好夾，唔會太咸又或者遮過哂其他配料既味道再加埋我額外加個塊菠蘿，成個包又足料又多汁，啖啖肉，好正鐘意多汁既朋友可以試下加塊菠蘿，包你唔後悔最後埋單89蚊，高質漢堡唔係到到有，咁既價錢有依個味道我覺得幾抵，喜歡漢堡既朋友可以黎試下依間，認真唔錯

星期六五六點去食，唔洗等位，不過過左一陣已經排哂長龍。叫左兩個burger 試下，上面果個係牛肉burger,下面係期間限定香芒蝦堡。兩個個包都令人喜出望外。個包好淋，又烘過，好好食。香芒蝦堡味道好fresh, 食到入面有一粒粒蝦肉，口感不錯，下次可以再encore

有經過或者食過嘅人應該都會對佢門口嘅外星人👽好深刻🤣牛肉芝士漢堡 (+薯角、柚子茶) $69夾住嘅餡超足料 煙肉🥓芝士🧀牛肉🐮生菜🥬蕃茄🍅夾到個飽好厚 咬嘅時候都幾困難🤨要提嘅係佢個包唔係平時食開嗰隻 亦唔係m記嗰隻 而係超軟法包(?)超軟熟嘅包 而且有輕輕烘過 加分🤩塊煙肉煎到好香口 雖然油得有啲邪惡 但好味就夠😛個牛又超juicy 一咬啲汁就流😂咬第一啖要小心薯角即時炸起 又熱又脆 好味😋佢炸嘅油溫應該幾夠 炸得幾乾身 又冇拖到啲炸物好油 唔怕食完成手油👍🏻

又係漢堡喇，今次呢間都真心幾高質，同嘉寶一得fight！💛仲有手工啤飲，環境又chill，少少昏暗咁😏😏😏—————————————————🔹香芒手打蝦堡 ($89)🔹貝羅菇雙重芝士牛堡 ($89)..先講麵包，係十分柔軟個type！唔係普通黃油麵包，上面仲灑咗啲麵包粉，外表烤至邊位微脆，入面好軟熟，一摸上手暖笠笠，食落第一啖就知呢到出品有啲料到👍🏻.又係要mark大個口先可以一啖食哂所有料！個口好易甩骹嘅唔好去食🤪 熱熔雙重車打芝士勁香濃，夾住嘅菇都好多汁，有d似Burger king既菇🤣，安格斯牛扒juicy到一咬滴哂d汁落手，成個包好有層次，係生洋蔥辣咗啲～.重點係手打蝦堡真係痴晒線，佢落埋帶子！係帶子落去打，爽口彈牙不在話下，一咬落去外脆內嫩😳夾埋新鮮芒果、青瓜同秘製芥末醬，原來可以咁夾！好有心思好有口感😭🤙🏻: 呢個質素加上復古美式裝修，仲要冇加一，絕對超值啊！

今晚去荃灣食野，荃灣其實好多餐廳揀，有時就係想食下漢堡薯條。喺openrice度搵兩搵就搵到呢個burger land，喺海霸街，近南豐又近荃新天地同荃灣廣場，其實兩步路就到。個鋪面好易認，招牌做得好靚，好有美國feel，早啲去等冇甘多人排隊嗰陣影張相打個卡都心情靚番晒每個漢堡都係獨立一個漢堡包，另外加錢配薯條同野飲，通常食薯條我都會配啤酒，加錢可以升級至手工啤。我比較鍾意食牛堡嘅，所以揀左個special meun嘅「貝羅菇雙重芝士牛肉漢堡」+薯角+手工啤柔軟嘅面包，配上貝羅菇同雙重芝士，牛肉又唔韌，我覺得都好juicy。成個漢堡包都食得好開心 同滿足。薯角炸得啱啱好，入面又多薯肉，我就鍾意配茄汁，唔錯唔錯。朋友叫左黑牛飲品，好似係可樂加雪糕，我興趣不大。我揀左其中一款手工啤叫Kwak，呢個酒杯都好特別，啱晒鍾意打卡嘅我。個味道一開始甜甜地，之後會愈飲愈有一種甘甘地嘅味道。呢間鋪地方細，但員工都快手。我就幾鍾意佢地嘅裝潢，好特別，好舒服，有時候食野除左味道，服務同環境互相配合就一定加分。