餐廳有室內同半開式嘅座位，喺商場鋪嚟講真係算坐得幾舒服。
呢度同圓方嘅分店一樣會有薄餅烤爐，睇住師傅即刻整熱辣辣嘅Pizza出爐真係流晒口水。
坐低先整返杯冰凍嘅Slushies即係好似思X冰咁嘅嘢飲！我揀咗好特別嘅Panda Pina Colada，入口好冰爽仲有好香嘅斑蘭同埋椰子香味好飲喎，另外嗰兩杯係朋友同埋老婆大人嘅Green Cooler同Pink Mojito，佢哋都話呢兩杯味道唔錯㗎。
食意大利菜最正嘅前菜梗係凍肉啦！所以叫咗呢個意式芝士凍肉拼盤！
呢個拼盤入面有五樣唔同嘅凍肉，我就鍾意風乾牛肉貪佢夠濃味嘛！另外仲有兩款芝士其中一隻仲係Blue Cheese正呀。
之後嚟返碗龍蝦濃湯伴蟹肉嘆吓先，龍蝦湯煮得好香濃同埋冇苦澀味好飲喎。
老婆大人鍾意食沙律梗係要叫個俾佢嘆吓啦！佢揀咗煙三文魚海蝦沙律入面啲煙三文魚同海蝦都好有鮮味，加埋個胡蘿蔔薑汁食落好清爽。
跟住嚟呢個係雜錦小食拼盤，入面有豬腩肉串、香脆炸雞翼、香酥魷魚、烤甜粟米同埋蒜片蝦，每樣有少少可以同朋友一齊食係開心嘅。
見啲炸嘢整得唔錯叫多個香脆爆谷蝦蒜蓉食，外面脆卜卜入面嘅蝦肉好爽口得喎。
跟住呢個維也納薄雞扒估唔到煮得咁軟滑多汁，加埋個酸酸香香嘅醬汁真係幾好味㗎。
嚟到終於可以食即叫即做薄餅嘅時候！我哋揀咗口味特別嘅Carbonara，Pizza嘅配料好豐富有洋蔥、蘑菇、Pancetta同埋Mozzarella Cheese。
初時以為呢個卡邦尼味仲會好膩，但食落去唔漏之餘仲好香餅底又夠薄仲好鬼脆添真係唔錯。
記得上次喺圓方食過意大利雪糕好正，咁就再叫三球雪糕嚟嘆吓先！呢度伯爵茶、朱古力同埋榛子三隻味都好唔錯，不過一定要我揀嘅就最鍾意榛子味。
火車站內更增設扶手電梯讓客人直達商場，聽說就開業這幾日，便已有過萬人上落！
貪新鮮的友人相約踩場，逛畢後自不然在商場內覓食；早前在ELEMENTS也吃過這店，印象很不錯，又不妨一試另一分店的質素如何吧。
Menu和ELEMENTS一樣，差別在於沒有酒精類飲品(暫時未領有酒牌)，那就要Mocktail好了，這杯「PURPLE HAZAD」$68，加了檸檬，清新醒胃，Butterfly Pea的紫藍色很是特別；杯面躺著數顆鮮甜藍莓，視覺味覺同樣吸引。
今次的目標就是位於圍方商場二樓的Cafe Deco Pizzeria，上次在Elements店吃過黑松露二人餐後覺得挺不錯，今次一於試埋這間新店的其他美食。
餐廳設有室內及半開放式的座位，我們被安排坐於半開放的用餐位置環境很開揚坐得挺舒適。
跟Elements店一樣餐廳設置了昀火的薄餅烤爐，即叫即製可以新鮮熱辣送到新客人面前，所以來這兒必定要Order Pizza來品嚐喔。
甫坐下跟大家分別點來不同口味的特飲嘆嘆先！左邊是車爸爸像思樂冰的Slushies，他選上斑蘭味出衆的Panda Pina Colada＄58，而做不成迷人Pink Lady的我就選喝帶西柚和紅莓果香的Pink Mojito＄68，最後那杯則是好友A先生充滿青瓜香氣的Green Cooler＄68。
飲品有了那就來一個意式芝士凍肉拼盤＄208作餐前小食吧！一份有齊Parma Ham、Speck Ham、Salami、Chorizo、Beef Bresaola、Cheddar Cheese及Cambozola，另外還有醃酸瓜、葡萄、無花果、杏脯乾、合桃及Crusty Bread等真的非常豐富。
多款凍肉中我就最喜歡鹹香油潤的Parma Ham和香辣口味的Chorizo。
喜歡吃蔬菜的我當然要點一份沙律來品嚐啦！在衆多款式之中揀上了煙三文魚海蝦沙律＄152，上檯時看見足夠我們五人分享激大份量的沙律真的眼突了！沙律菜口感很鮮爽煙三文魚油潤不過鹹，配襯的胡蘿蔔薑汁味道也很清新不錯吃啊。
吃過冷盤後來碗熱騰騰的龍蝦濃湯伴蟹肉＄78暖暖胃先！濃湯熱度足之餘口感順滑味道鮮濃沒帶一絲苦澀水準相當不俗值得一喝，但細胃口的最好跟朋友分享否則很易吃不下其他美食。
再來一客雜錦小食拼盤＄248一碟內有五款美味小食最適合多人分享，當中包括有豬腩肉串、香脆炸雞翼、香酥魷魚、烤甜粟米及蒜片蝦。
烤甜粟米香甜多汁非常美味，蒜片蝦則爽口彈牙好惹味，酥香魷魚就香脆煙靭有鮮味很讚，炸雞翼永遠也是討人歡心的小食，不過我最喜歡還是那串肥瘦相間肉味香濃豬腩肉串。
在座有喜歡吃蝦的朋友所以點多一客香脆爆谷蝦＄108，勁香脆的外層包裹著彈牙的蝦肉，沾一點蒜蓉蛋黃醬吃味道更加吸引。
這件維也納薄雞扒＄248廚師將雞扒裹上麵包糠炸香，之後再鋪上Mozzarella Cheese、Sundried Tomato再配襯用新鮮車厘茄做的醬汁，雞肉外層索滿醬汁內裏的雞肉烹得非常嫩溜真的值得一吃。
接下來當然品嚐即叫即製的新鮮Pizza啦！我們選了非常特別的Carbonara Pizza＄182，薄身的餅底香脆不膩是我喜歡的口感，而薄餅上的材料則有清甜洋蔥、蘑菇、Pancetta及少不了Mozzarella Cheese，成件事就是將卡邦尼意粉整碟放入口中般這感覺挺特別。
來Cafe Deco Pizzeria甜品點意大利雪糕是常識吧！我們選了三球意式雪糕＄78一起開心Share，Gelato的口味分別是茶味濃郁的伯爵茶、甘醇的85%朱古力及果仁味重的榛子，雪糕吃下口感綿密層次豐富真的非常甜美好味道。
這天是平日的夜晚九時多場內仍然人頭湧湧新場果然魅力非凡！這兒還有很多新餐廳可試遲些再來發掘美食介紹給大家吧。
影片
