Café&Meal MUJI

营业中

休息中

知道新開呢間Muji cafe , 點都要去潮食下，果然還境係好大好舒服 ，我和男朋友都各點了四餸餐，份量真是好健康7 ,8成飽 ，每份食物味道都唔錯，特別係紫薯青蘋果沙律好清新 ，炸雞亦脆脆，男朋友說牛肉味道不錯，可惜只得一小舊 ，想分享一下都唔得😂，整體都合格，雖然份量同價錢有少少不成正比，但間中去chill 下都算是不錯，特別要提提自家製無防腐劑麵包，我買咗一個果仁麥包，好軟熟，好好食，下次一定要再試試其他款式😋

喜歡這裡的高樓底，大空間，木色的簡約設計~ 平日午市都不難找位置，看著食材櫃再選食物，然後才到cashier俾錢，可加甜品同飲品。選了這個約$110的三餸飯套餐，價錢雖然偏貴，而且不是即叫即製，但食物的味道是不錯的 ， 份量也足夠。魚很肥美 ， 玉子菇，雜菇，都美味~這個芝麻雞真的喜出望外，香料嘅味道一流。其實有很多不同款嘅沙律可選，的確健康之選~

第一次食muji cafe!3個人食，對女仔黎講...份量8成飽，岩岩好....嬲仔黎講....應該得5成飽😂慢煮黑毛豬....睇相都知有幾細份！但堅係不得不讚，佢地選用左最頂級果種黑老豬，再加以慢煮方法，入面帶微粉紅色，多汁，肉質鮮美，好淋！磨菇汁都好濃，意外地好食！自選2冷2熱！大家睇到得一粒嘅份量😂一粒飯都唔會浪費...小cin我食曬先岩岩得7-8成飽😭明太子蛋好好食，好有層次同口感！酸甜汁豬肉唔好食，放得太耐...又唔脆...肉質又唔淋！紫薯蘋果沙律，個樣靚但味道冇驚喜！我覺得紫薯同蘋果根本唔match即係2隻味好分開嘅感覺！雪魚好好食，好夠味，連皮都好好味！面屎湯好味！飯都好好味！老公食紅酒牛肉飯！牛好淋好好味，但就係得lee幾粒要減肥嘅男士食會岩岩好掛

杯啡好酸好苦澀，冷盤ok 幾fresh. 重點係呢度d食物已經係細size, 放晒入盤我準備拎個阿姐都會叫個0靚過來拎番走我碟野畢走d沙律，感覺好差好小家咁，唔會再來

去完日本之後 一直對佢地細細碟既小菜好懷念今日就去開奧海城 見到muji cafe裝修好吸引即管試一試啦我自己叫左個4品料理既餐 ($108)個餐會包一個十穀飯 湯 4品就係2款熱食 兩款凍盤熱食我揀左芒果汁鯖魚同豬肋骨鯖魚酸酸甜甜 幾開胃 不過個汁可以多少少豬肋骨好入味 而且好林 好好食！凍食有豆腐同埋紫薯蓉豆腐幾有新鮮感 有粟米同菇等配料紫薯蓉甜得黎 中間有幾粒青蘋果 酸甜好平衡男朋友無我咁多心 叫左飽肚既咖哩飯咖哩唔太辣 偏甜 而且肉既份量算多 好香不過飯既分量對男士會算少另外個餐包個沙律 不過不失個湯唔係一般死咸既麵豉湯 有好多蘿蔔 好清甜一開始覺得價錢咁貴都係食環境 但意想唔到食物質素都好好 起碼覺得菜式設計上有落足心思我會推薦大家一試

讀書時期最喜歡到無印良品買文具, 之後就喜歡到無印買零食, 買茶包, 買香薰油。 生活細節總有無印的出現。無印8月頭於奧海城開設旗艦店, 佔地約一萬四千呎, 樓底高, 空間感十足。 除了售賣比其他分店種類多一點的貨品外, 還開設Muji Cafe & Meal, 更首度開設Muji Book 和Muji Green, 將舒適自然的無印風帶到另一生活概念的演繹方法。Muji BookMuji GreenMuji Cafe & Meal 位於店內左邊自成一角的Cafe, 提供輕食的菜式, 也有提供all day breakfast, 更有宇治抹茶甜品等。 正值星期六的下午, Cafe那邊人山人海, 等候的人數實在太多, 亦沒有耐性等上半句鐘, 直接走到隔離的Muji Bakery。散發烘焙麵包的味道, 彌漫小麥的香味, 麵包款式頗多, 有餡無餡, 全是新鮮製造。 玻璃櫃內的蔬菜麵包系列最為吸睛。 Cafe的精緻蛋糕, 蛋卷, bakery那邊也有提供外帶服務。味噌露筍軟包 $18 用上白味噌來調味, 令麵包很有日式風情。 不過白味噌鹽分較底, 而且味道偏清淡, 對於重口味的, 會覺得“到喉

Muji文具都真係由中學用到而家，要令業務多元化，真係要做得好先好做。入到去就俾張menu紙揀食物，我感覺係好唔環保，因為只係一張紙，無得reuse。之後坐位同food counter又離得遠，不過侍應好細心，會放一個“reserved”嘅鐵座係枱面，令你放心行去買野食之後，唔會無左個位。一心試新店嘅心態，肉食嘅選擇又唔太吸引，所以就叫左個素食，因為menu都介紹個豆腐係高野（其實我都唔知係咩，忘記影相）。第一啖好重芝士味，之後就覺得無咩特別。以為「千層」係千層麵，點知只係芝士面，下面就放菇、蕃茄醬、豆腐就為千層，有點單調，而且無咩驚喜。之後再order甜品，本身想食一碟三甜品嘅set，但其實佢個甜品櫃，只有個酥係最吸引。叫左一個白桃、一個菠蘿，白桃果個除左賣相吸引之外，都真係好味，桃下係吉士，打得滑而甜度岩岩好，正！可惜，一比之下，菠蘿就欠佳，有dd酸，只係dd，而下面個蛋糕又硬又實，我估有放nuts，所以就真係麻麻。或者麵包好食，但試左三樣野，只有一樣好味，有d失望⋯⋯⋯⋯

想嚟好耐，兼今日落雨想搵一個好舒服既環境食tea!諗住有得儲埋Muji passport分⋯⋯⋯點知冇。講番食嘢先，咖啡OK啦，個特濃朱古力蛋糕就有朱古力味但係又唔算好甜，啱哂我！😋😋會再嚟試埋其他сake！

個咖喱雞飯得三粒雞肉 (冰粒size), 加細細碗湯同一小碟小食就要98蚊。咖喱味道一般，同大x樂差唔多。 環境同food court 一樣。。。另外見到啲餐仲唔抵，四個小食加飯同湯就百幾蚊。 真係好唔抵囉。以後唔會食

之前中咗openrice封神榜嘅戲票！已經就來落畫！趁明天放假同肥髀睇！但換票證唔可以訂位！所以今晚去換定明天嘅戲票！再食晚飯！見到無印cafe新開！就去試下！商店連餐廳好大！樓底高，淺木傢俬醒目！門口按票等位！大約5分鐘入等！店員比咗一張4人圓枱我！桌椅幾迫！我要其他食客讓位先過到！而店員亦好有禮提醒我會安排其他客人搭枱！之後就叫我去櫃檯落單！攞到食物就去到櫃檯尾比錢！牛油雞肉雜菜咖哩飯（$98）本來想叫燒汁牛肉，可惜賣晒！咖哩汁多又濃，日式咖哩咖辣，雞肉唔多，肉質唔嚡，瓜爽口，薯仔炆得入味！好味！雜菜湯（跟餐）紙杯上！蔬菜主要係椰菜同蘿蔔！味道清爽！夠熱！好味！鱈魚馬鈴薯沙律（跟餐）薯仔撈沙律醬，清爽好味！鱈魚肉唔腥，不過比較硬！特濃朱古力蛋糕（跟餐$30）蛋糕比較實（尤其外圍）不過朱古力味幾濃，仲夾雜朱古力碎！香濃兼好飽肚！店員有禮，包括櫃檯及帶位嘅員工！好斯文！簡單又好味嘅一餐！$128

由今年年頭己見到奧海城地下原本FOOD COURT 位置己圍起圍板，圍板上寫上MUJI coming soon. 一早聽聞會開Cafe.等佐8個月，今日終於開啦！！當然第一時間去朝聖啦！！想不到地方少少，選擇竟那麼多⋯⋯「多餸飯」的選擇都有幾十款，還有咖哩飯、西式飯、甜品、飲品⋯⋯⋯選擇困難症頓時又發作！！第一次來，試佐佢門口Show 出來的招牌菜先！！「多品料理」同「咖哩飯」多品料理已包飯同湯；可選二品(一冷一熱）、三品（二冷一熱）、四品（二冷二熱）、五品（二冷三熱）⋯⋯⋯原本只想選三品，但又只可選一個熱盤，所以點了結四品⋯⋯⋯這兒的食物很適合食量小的女生！！套餐可以加＄20要特飲！！最後真係唔夠飽！！所以Order 多個甜品

Caramel custard, creamy and not too sweet. I love the texture and flavor. Highly recommended. Butter Chicken Curry, came with a choice of cold dish. I chose tofu with okra. The cold dish was quite interesting. A bit of soy sauce for flavour. Quite pleasant. Okra wasn't runny. Very well done. Curry was quite good. Needs a bit more meat to make it worth my while. Excellent and satisying.

今年8月1日Muji無印良品正式進駐奧運站二期地下，位置方便，提供麵包糕點同時亦設有cafe。小貼士是進入cafe前先拿票等候，餐廳職員叫號碼後會為客人在枱上放置留座牌，之後客人再去點餐付款。餐牌選擇甚多，全日早餐、沙律，麵條、凍盤、熱盤如炸雞，薯餅甚至冬瓜等都應有盡有。值得一提的是餐廳除了提供白飯外亦提供健康的十殼米以供選擇。凍盤的選擇也不少，我個人喜歡薯仔沙律、厚燒玉子和紫薯青蘋果沙律，特別開胃美味。薯仔沙律也不會太膩，感覺清新。甜點包括不可缺少的綠茶芭菲、不同口味的卷蛋、布甸和鮮果撻，甜點簡單但充滿日本感，味道也不會太甜！我點了的五品料理套餐包括三款凍盤和兩款熱盤，另外再點了一杯蘋果果醋玫瑰特飮，清香健康。甜品雜莓果撻賣相吸引也非常美味，朱古力蛋糕也不會過甜。最後，餐廳的職員都很有禮貌，態度親切，值得一讚。總括而言，由食物質素到員工招呼或者餐廳環境，都令我有置身日本cafe的感覺！