Cafe REVOL

营业中

休息中

Passed by this coffee shop one weekday and went in for lunch. It was just after noontime, and we were able to get a table easily. I ordered their “Sourdough w/ Slow CookChicken, Tofu” and a cappuccino (Artistic blend) ($111). They had some kind edamame spread on the sourdough slices and the slow cooked chicken was not tough with herbs on top. There were some tofu and cantaloupe pieces being placed around the sourdough with dollops of chilli oils. These pieces didn’t match the overall flavours of

📍 Cafe REVOL 早排約朋友食飯，佢講左嚟呢間，原來係傳說中嘅世一卡邦尼🧐聽講平時排好耐隊，嗰日平日點幾2點左右到就唔洗排隊，不過入面都坐滿曬！💡 如果想食都可以試吓平日嚟😉—————————————————————❣️ Revol 卡邦尼煙肉意粉 $108講真覺得佢係香港the best carbonara‼️ 一上嚟比隻蛋黃吸引！冇用忌廉，係傳統用蛋汁同Parmesan cheese煮，佢哋嘅卡邦尼唔係好多汁嗰種，但係每條意粉都掛到汁，仲有風乾豬頰肉同洋蔥！好好味唔會太膩，啖啖蛋香味✨仲可以+$10轉味蕾刺激版🌶️.❣️ Revol精選早餐 $108All day breakfast 🍳 可以揀煙三文魚或燒牛肉或牛油果，🐷就揀咗燒牛肉，仲有水果乳酪杯、香滑炒蛋、雜莓果仁多士、菲達芝士伴水里茄！個雜莓果仁多士好好食，有咬口得嚟又軟熟！只係價錢有啲高🫢.❣️ Americano (set跟)咖啡佢有得揀fruity 定係nutty.💬 Carbonara真係好推薦‼️😋 #chuchu推介—————————————————————不專業評分👅好味指數: 9/10 💰性價比: 8/10👍🏻

無定向既返工位置今日帶到我黎佐敦，揀左好耐無去既「Cafe Revol」Cappuccino Mocha Ginger LatteRevol卡邦尼煙肉意粉虎蝦青口魷魚圈風乾花枝茄醬意粉奶泡打得好綿滑，揀了nutty豆，整杯甜感唔算好重，carbonara係呢度招牌，味道係正宗carbonara 既做法，份量都唔少，而虎蝦青口魷魚圈風乾花枝茄醬意粉味道亦都不錯，一如既往呢度lunch time都係好多人，不過食到好既東西就咩都值得

喺佐敦上堂都上咗成個月，係要臨尾先扚起心肝，排隊等位試吓呢個卡邦尼意粉，睇吓佢有幾天花板。呢個卡邦尼意粉（$138）用傳統方法，冇用忌廉，而用蛋汁和Parmesan cheese製成，附有風乾豬頰肉和洋蔥。味道不算太濃郁但夠味，每口吃到蛋香味，意粉al dente，份量剛好不會太膩，Feel到係用心製作。但如果要排隊超過半個鐘，就唔係好建議啦。話晒都係Cafe，所以叫做杯生薑鮮奶咖啡（$45）。因為趕時間，所以我叫餐廳用咗外賣杯載住。我覺得呢杯幾好飲，奶味咖啡薑汁味都飲到，啲咖啡味都仲幾濃幾香添。飲品可以再encore，買走飲就唔使排隊等位。

🍝 Revol卡邦尼煙肉意粉 HK$138・味道：少有唔落忌廉芝士，用蛋黃整嘅正宗Carbonara，煙肉係主要嘅味道來源，鹹香滿滿，煎得好香逼晒啲油份出嚟，同時唔會煎到變晒乾柴煙肉，掂🥓！加埋黑椒同蛋黃好掛汁，幾夠Rich，不過如果面頭多少少芝士粉，味道會更豐富～・口感：意粉軟硬適中，但唔知點解整體冇第一次食咁驚艷～🐮 Revol Special Breakfast HK$118> Roasted Beef、Fruit Yogurt Cup・味道：提子酸種麵包軟熟，Yogurt杯加咗穀物同提子藍莓，甜甜地幾開胃。另外煙燻黑椒牛肉都唔柴口，同炒蛋一齊幾夾，整體正常發揮，不過不失。・口感：份量有點少欸～～☕️ 生薑鮮奶咖啡 HK$45・味道：生薑味幾香，但係可以再濃啲，本波鍾意辣啲嘅薑XD，又nutty幾暖胃～・口感：入口順滑，咖啡香都幾long lasting～・・・・・・・・・・・・・・・・・・・・🤰性價比：中～🤰9衝度：可試～🤰結論：人龍依舊咁長，但冇期待中咁好食，冇排隊先好去😂

好友提議到佐敦小店吃意粉，大意的沒預先留檯，到達始知已滿；轉戰附近的Cafe，下午一時左右人也不多，正好讓我們有個舒適的空間暢所欲言。Hojicha Latte咖啡拉花漂亮，入口順滑，茶味香濃又不過甜。Cafe Revol Breakfast炒蛋、酸種多士、蕃茄、煙三文魚、鮮果乳酪，美味簡單的早午餐組合。虎蝦青口魷魚圈．風乾花枝茄醬意粉8週年期間限定推出的意粉，一食好有驚喜，濃郁的海鮮味衝擊著味蕾，超級惹味！吃飽後散步到朗豪坊，沿途一直聊有夠過癮，要順利喔<3

食材新鮮，紅燒牛肋條雖然係港試蘿蔔燜牛腩但搭配的非常好，味道俾中餐蘿蔔燜牛腩仲要好味，慢煮雞胸非常嫩，一點都唔柴，搭配牛油果法包健康又有營養，適合减肥人士食用，咖啡香醇 ，會再嚟幫親

#胃在佐敦 傳說中嘅世一卡邦尼？👑排隊排咗差唔多20分鐘環境一般但意粉質感的確唔錯卡邦尼意粉可以一試裝甜品個冰櫃望落有啲污糟嘅感覺有冇去到世一就好似還好唔建議嗌佢嘅egg Benedict上菜冇耐就凍咗唔係特別好食成碟嘢凍得勁快咁樣加埋就賣100幾蚊都唔係平性格比較低完🩷Carbonara ($138)Egg Benedict ($118).📍Cafe REVOL (佐敦)佐敦德成街4-16號富裕臺地下5號舖

呢排IG係咁見到啲foodie po呢間嘢 個個都吹到上天咁 點知去到都真係幾失望嗌咗一個egg Benedict 一個bagel三文治 一個卡邦尼 可能我孤陋寡聞 我第一次食得一塊方包嘅egg Benedict 而唔係sourdough 啲牛肉肉碎少得可憐 另外個bagel又係三塊薄到冇得再薄嘅肉片 唯一擺得入口嘅係個卡邦尼 終於理解點解啲Foodie係咁po佢個卡邦尼 我諗應該因為除咗卡邦尼之外冇嘢攞得出手😂兩杯嘢飲又淡到好似奶水咁 最緊要係收錢個Staff都幾西 好似欠咗佢咁 最後兩個人食咗四百幾蚊 同價位嘅Cafe有唔少好過佢十萬倍 總之大伏真係。。。

#mochicouple佐敦搵食團1️⃣抹茶鮮奶($50)由上日本產山政小山園 松風的抹茶粉製成，抹茶鮮奶的味道稍顯淡薄，抹茶的香氣不夠濃郁，對於喜愛強烈抹茶風味的人來說可能有些失望好味指數：🍡🍡2️⃣revol卡邦尼煙肉意粉😋($138)期待已久既「世一」carbonara以傳統方法製作，冇用到忌廉而係用上風乾豬頰肉、厚切煙肉、西芹、洋蔥、香脆煙肉碎、巴馬臣芝士跟日本產卵，鹹香味濃烈意粉的口感彈牙好味指數：🍡🍡🍡🍡🍡3️⃣期間限定 - 伯爵戚風蛋糕($45)伯爵茶戚風蛋糕，溫婉嘅茶香，濕潤軟綿，蛋糕輕盈鬆軟，帶有淡淡的伯爵茶香氣好味指數：🍡🍡🍡📍 香港佐敦德成街4-16號富裕臺地下5號舖🚇佐敦站（Exit E) 行2分鐘🕒 8am–6pm (Mon - Sat) 9am-6pm (Sun)*last order 530pm#香港#佐敦#佐敦美食#香港cafe#卡邦尼意粉#佐敦cafe#HongKong#香港美食#香港打卡#cafehk

黎佐敦求其揾左間cafe坐下 諗住假日下晝3.30 一定可以悠悠閒冇咩人 點知要等位🥲 Bagel with cream cheese 💰45果然一分錢一分貨🥲唔差嘅 不過個presentation 方式同我想像中唔太一樣🥹 我想像係英國係間好chill嘅cafe咁叫個salmon cream cheese bagel 係走左salmon咁 呢個就咁食有少少乾🥲 煙三文魚牛油果醬及煙肉蛋沙律配多士 💰82呢個唔差嘅 多士係有配埋牛油🧈咁先叫多士 ok! 正正常常cafe價位韓式慢燉牛頰面太陽蛋多士 ～💰118/138牛頰面係幾林嘅😋 太陽蛋煎得岩岩好唔會過熟 用黎沾多士食岩岩好 更有少量沙律伴碟 有助解膩☺️ 不過呢間cafe咖啡豆唔錯 咖啡嘅種類都比較多 落單時可選擇偏果酸或者偏nutty口味 Sunrise 晨曦 💰45Cafe latte macchiato with honey, 最得意嘅係佢係用類似香檳杯咁上碟🤩 飲落去好易入口 蜜糖份量岩岩好 唔會搶左咖啡口味 中和左咖啡嘅苦味

難得約到friend食飯，揀咗公司附近Cafe Revol，friend搵位，午餐🥣選擇都多，㨂回左出名既卡邦尼$107，加辣加$10，轉latte加$6。出收銀俾錢先落單，所以冇收加一，不過唔知點解每個餐加$1😅。等咗15分鐘先有餐，卡邦尼有隻生蛋，蛋味濃，想影相📸自己爆咗，意粉🍝都彈牙，汁ok，但冇網民般大讚，真心辣，辣到出汗🥵，咖啡☕️唔錯👍🏻，讚👍🏻。坐得迫d

\世一卡邦尼煙肉意粉🍝/係卡邦尼意粉群組被大家推舉為世一卡邦尼煙肉意粉，一間好出名嘅cafe 睇落唔覺得有咩特別，但意粉食落好似有無盡嘅煙肉碎、豬面肉同厚切煙肉，鐘意食肉嘅人岩曬😋 成個意粉好香肉嘅鹹香味，而且意粉口感好彈牙！唯獨係撈埋面頭隻日本蛋，會越食越膩，最後食唔晒🥺

聞名已久嘅Cafe Revol聽講係全香港最好食嘅Carbonara，終於可以嚟試吓！兩個人叫左一個韓式醬燒手撕牛頰肉慢煮蛋benedict，一個Carbonara同一杯Americano。Egg Benedict個底係一件toast，牛頰肉酸酸甜甜都幾入味，中間再夾住左啲椰菜食落口感幾特別。黎到重點嘅Carbonara，賣相已經見到啲意粉幾乾身，而且啲豬肉咸香味撲鼻，撈埋隻半熟蛋落去意粉嘅濕度啱啱好！真係冇誇大，可以話係香港數一數二嘅Carbonara，我鍾意佢每一粒豬肉都有厚度，每一啖咬落去都會散發出豬肉嘅鹹香，唔會好似一般用煙肉咁薄同無口感。咖啡方面，雖然見到佢哋好似攞晒獎，但係朋友就表示比較淡咗啲，唔算特別出色。總括而言，Carbonara係值得再試，下次就再試吓其他意粉睇吓係咪一樣咁出色。

佛誕假期同朋友約好左去佐敦食Lunch依間餐廳由朋友推介🐲話肯定排長龍叫我地都係早啲去～去到已經見到有10個人排隊由於用餐時間90分鐘最後排左20分鐘就可以入座我就食左個羽衣甘藍大啡菇意粉🥬塊羽衣甘藍非常惹味 似孜然味🔥🔥🔥燕麥奶味就無食得出 不過Creamy既質感好厚意粉偏硬身比堆醬包圍著食得都幾飽肚🤰想試紅絲絨蛋糕都唔夠quota@@🍰小資女無飲到野飲 亦只係點左一個意粉（另一份breakfast係朋友既，選左烤牛肉）朋友表示：配搭ok，難得一份食得曬既all day