影片
营业时间
今日营业
12:00 - 21:00
星期一
全日休息
星期二至日
12:00 - 21:00
以上资料只供参考，请与餐厅确认详情
相关文章
今天食Burger做Lunch，试咗一个都几特别嘅鸡扒汉堡，就以下呢个嘞。余均益辣椒酱鸡扒汉堡，块鸡扒好大晒，外皮炸都好脆，所以好香口，虽然落咗辣椒酱，但系又唔系真系好辣，不过佢用余均益辣椒酱，又真系令人嘅童年回忆返晒嚟。食burger点可以冇薯条同汽水呢？所以我就加咗$45转成餐，可以拣一个特色薯条同埋一个雪柜入面嘅饮品，虽然有纸包柠檬茶𠮶啲，不过我觉得食burger都系应该饮可乐嘅。至于个特色薯条就拣咗香辣薯条，唔算好辣，啲薯条好新鲜好好食。
继续阅读
用和牛去做burger唔系第一次食，不过burger个包用朱古力包就系第一次试，用和牛嚟做汉堡扒，有分会比较高，估唔到配朱古力包嘅味道都唔错，个朱古力包甜甜地加埋和牛嘅油分食嘅时候你又唔会觉得好油腻好滞。和牛可可汉堡叫佢出餐嘅时候切开一半，食嘅时候容易啲，因为佢呢度嘅burger都几大个，一啖咬唔晒，如果唔切开一半，食嘅时候真系有啲复杂。佢burger入面啲沙律菜都几新鲜同埋都几多。加45蚊要埋个特色薯条同饮品，美好的一餐。
继续阅读
听讲Cafe Whale专出一D新奇有趣嘅Burger，就以鱼柳包为例，佢地唔会甘心用普普通通嘅鱼柳黎整，反而用咗相对比较外间少见嘅龙趸开鱼柳黎做，除了高成本D之外，备料功夫亦都多D，真系一个有姿势又有实际嘅Burger。龙趸鱼析一D都无将价就货，食落去系几厚身，炸鱼嘅粉浆好薄，一啖咬落去啖啖鱼肉，食嘅时候不单止无雪藏味，而且仲食得出鱼嘅鲜味，佢个秘制酱汁唔系一般嘅沙律酱千岛酱，好似叫葱油他他酱，绿绿地色，估计就系D葱嘅颜色，美味度极高。加码跟餐叫多份特色香辣薯条，薯条系即叫即炸嘅，虽然叫香辣但系其实又唔会好辣，跟餐有一个罐装或纸包装饮品。
继续阅读
封门柳黑牛吐司，睇落去好似唔系好大份，实情就系超级饱肚，我觉得比汉堡包更饱肚，不过切开咗方便两个人share。选用竹炭吐司令到呢个菜式颜值加分。封门柳牛肉味浓，加上条条牛肉都呈现红红地色，生熟度掌握得唔错，无血水但系够嫩。加钱转特色薯条餐，而特色薯条就选择咗呢个火炙明太子薯条，呢个薯条真系有啲料到，第一次食到呢个配搭，喺几款特色薯条之中呢个性价比最高。跟餐饮品就可以喺雪柜任拣，除咗一般嘅汽水之外，竟然有纸包装乌龙茶或者茉莉花茶，健康啲嘅选择。
继续阅读
嚟呢间西湾河太安楼第三街嘅cafe除咗要食汉堡包之外，其实鱼汤乌冬系仲有炸鱼薯条系列都系一样咁精彩，所以今日就冇食汉堡包，反而叫咗一个鱼汤乌冬同埋一份炸鱼薯条。鱼汤乌冬有四款，我就拣咗最基本嘅鱼蛋鱼片鱼汤乌冬，$76一份，除咗个鱼汤乌冬之外仲有一份小食同埋饮品，小食成日都唔同嘅，最常见嘅就系话梅浸蕃茄仔，不过今次就有呢个腌萝卜，另外传说中做紧一个麻辣鱼扣。鱼汤乌冬最精彩嘅部分就系个鱼汤，饮落去就知道真材实料用新鲜鱼淆制，真系唔好嘥嘢个汤一滴都唔会净返。至于炸鱼薯条就要咗炸鱼仲，薯条仲可以唔使加钱转做番薯条，认真贴心。
继续阅读