California Pizza Kitchen (黃埔天地美食坊)

营业中

休息中

 適合朋友們大人和小朋友一起聚会食物豐富好味價錢合適有氣球給小朋友氣氛開心可以安排嬰兒高椅及放嬰兒車十分舒服飲品美味空間充足有升降機，洗手間，外面椅子環境好識合一班朋友

今次叫咗幾樣嘢嚟試下🍕，首先係宮保意大利粉 - 一試就愛上咗個惹味辣勁！啲花生咬落去脆卜卜，四川辣椒帶嚟嗰陣惊心動魄嘅後勁，真係夠晒kick！再轉戰埋意大利辣肉腸pizza🍕，薄批焗出嚟嘅芝士香味撲鼻，嗰啲辣肉腸真係配搭得嚟，咬落去好夾硬添！而且pizza香脆得嚟唔會太油膩，札實係我心水揀！旁邊嘅凍檸檬茶☕真係救星，解渴之餘又可以refill，咁辣口嘅食物之後，一杯涼快嘅檸檬茶真係perfect match！試完今次嘅菜式，啲味道真係夠晒正宗，地道又唔會太做作，帶咗一陣濃濃嘅港式街頭風味喺舌尖上翩翩起舞。一班朋友齊齊食得咁開心，下次我一定會再嚟，重溫嗰份天然嘅味道同美好嘅回憶👍！

以前有好多分店的California Pizza依加得返2間真係有點可惜。美式pizza，無太多花巧野，簡單但就係好食，service都唔錯的。二個人尼食晚餐叫咗個set menu，398$有頭盤+薄餅+主菜+餅品，價錢合埋，份量都大，食物質素比連鎖pizza店好得多。頭盤我地點咗墨西哥芝士粟米，粒粒粟米上面有d醬同芝士，帶少少辣，粟米夠甜，望落簡單但味道真係唔錯，有驚喜。薄餅點咗秘製鮮蘑菇、辣肉腸、肉腸薄餅，熱辣辣上枱真係好正，餅底都係揀咗正常款，但唔會厚，非常鬆軟，好香好惹味，窰烤薄餅就係唔一樣。主菜揀咗秘製醬燒豬仔骨，好大份喎，又有椰菜沙律同薯角。燒豬仔骨軟腍，一食就脱骨，醬料甜甜酸酸唔會膩。薯角食得出係新鮮薯仔炸出來，好鬆軟香脆。椰菜沙律亦都係mix咗沙律醬，一啲都唔hea，唔係一堆生菜放隔離。總括尼講真係好高汁，只係位置真係唔多方便。

I grew up eating CPK in the states and I can’t believe everything tasted just as I remembered. We ordered Thai crunch salad, Sicilian pizza, spicy cauliflower and Mexican street corn. The salad had a lot of different textures, crunch from toasted peanuts, freshness from the veg, sweet tangy goodness from the dressing. The pizza was thin crust and had few different types of sausages and meat. Slightly spicy but it was good! Lastly the appetisers, cauliflower was decent but too spicy for me. It wa

今日嚟到黃埔天地行街咁啱又想食西餐， 嚟到好耐冇食過嘅california pizza kitchen~ 餐牌都幾多選擇，價錢又唔高～ Pizza有唔同餅底，好多口味揀，總有一款啱口味～最後叫咗一個意大利辣肉腸薄餅同埋一個燒烤雞肉沙律. Pizza份量都算大個， 辣肉腸鋪滿成個餅面， 餅底烤得啱啱好， 皮脆內軟呀～ 配搭滿滿嘅芝士食得好滿足。 燒烤雞肉沙律係半份， 但非常足了係咪唔少。 燒烤醬雞肉帶有少少甜甜地嘅bbq汁 唔好過咸， 沙律在種類非常多， 口感豐富亦好有誠意呀～ 飲品叫咗冰紅茶，有無限refill,  好抵飲呀～ 糖漿係自己自由加落去，唔夠可以再叫。 總體嚟講食物美味，環境坐得舒服，喺少有空間咁寬敞cp值又西餐, 一家大細都好啱黎食～

今晚同朋友去左黃埔嘅California Pizza Kitchen食晚飯, 就朋友要喺正MTR一出就到嘅地點, 而又想食pizza嘅願望. 喺黃埔美食坊樓上, 地方都幾大, 坐得舒服.🍝特色蒜香蒜油意大利粉配雞肉我地聞到好香Garlic味呀, 意粉炒到乾身但唔係Dry, 啖啖都充滿蒜油香, 見意粉上面灑左勁多芝士粉仲好味; 足料嘅雞肉大件入味, 抵食👍🏻.🍕水牛香辣雞肉薄餅辣度係有嘅水牛城style雞肉, 有西芹但完全唔覺會怪, pizza批底係即拉嘅薄批底, 批邊好chewy好味. 我地以前點解會有碗咁細嘅湯？ 原來係一大碟Blue cheese醬點pizza, 想講係勁正勁夾架!🍹好似外國餐廳, 飲品大大杯, ice tea係free refill呢, 店員非常留心, 讚! 而且見到餐廳嘅枱櫈setting勁family friendly, 係Open Kitchen, 而家好有氣氛嘅Halloween佈置. 最緊要坐得舒服.

餐廳標榜以美國火山石薄餅爐高溫烤焗透，Pizza即叫叫製，配料豐富，融合泰式以及美洲風味的薄餅，風味十足。餐廳環境闊落，充滿空間感，坐得舒服。全球已擁有多達200多間分店，所以今天過來一嚐美式手工pizza風味。原味燒烤雞肉Pizza經典皇牌之選！海量雞肉、紅洋蔥、芝士再配上燒烤醬及少量芫荽，以Pizza薄底襯托，Pizza餅底口感帶有嚼勁，配上燒烤醬味道帶鹹香酸甜，口感層次豐富特色蒜香欖油意大利粉配料超班，滿滿雞肉和炒蘑菇，意大利粉伴上橄欖油、香蒜、紅辣椒乾碎、帕爾馬芝士，味道非常惹味，不算太油膩California Pizza Kitchen📍黃埔天地美食坊(第8期)3樓302號舖

今日行開黃埔搵地方食晚飯,講起想食pizza,就 去有信心保證嘅california kitchen pizza~佢地二人餐四人餐 仲有啲特色甜品~坐低就梗係叫個返杯Ice lemon tea先, 因為可以無限refill我哋叫咗一個意粉一個薄餅~蒜香橄欖油意粉唔特別喜好醬汁嘅我哋, 蒜香意粉就係我地不二之選。 濃濃蒜香 ,意粉絕對係al dente既意粉再加少少辣,輕輕吊起個味雖然係蒜香意粉,不過佢係有肉嘅 加咗少少雞肉。出色之選,絕對係Garlic Lover既最愛。辣肉腸薄餅今日嘅戲肉當然係薄餅 中,叫返個經典嘅辣肉腸薄餅。 辣肉腸加埋濃濃嘅芝士底就係我心目中覺得最好食嘅經典薄餅。 鍾意呢度嘅薄餅個餅底, 剛出爐嘅手工餅底同預製冇得畀。

California Kitchen 係我其中一間最鐘意既親子友善餐廳。 地方闊落舒服, 有兒童餐又有兒童餐具。出門物品都帶少幾樣!兒童餐有得扭蛋每個小朋友都有一份 遊戲紙和顏色蠟筆仲有已經清潔好及包裝好的兒童餐具~❤Ice lemon tea 可以refill。正!今次叫咗個肉醬意粉, 平時我女都好鍾意食肉醬意粉,當然係講緊普通連鎖快餐。 今次嚟到食呢個,佢係咁話好食!梗係啦~~意粉有彈性 ,唔會淋哂,肉醬又足料!! 唔會淨係得一pat汁醬扮肉醬,佢真係肉碎做成既肉醬。 我女大愛,一個人掃哂咁濟。再加多個 原味烤雞薄餅烤雞薄餅個餅底係用燒汁, 不過其實最好食係個 薄餅底! 係有質素嘅包~類似法包質地但無咁硬身。配料有燒雞,洋蔥,芝士~~夠惹味!

今日去到黃埔行街街, 黃埔天地美食坊嘅“California Pizza Kitchen” 這裏裝修簡潔，座位寬敞，係聚會的好去處首先叫左健康的雞肉salad－完美的餐前或輕食選擇, salad入面有脆脆, 係taco, 豐富口感和多樣配料蕃茄粒, bbq sauce烤雞肉, 雞肉依然 嫩滑, 醬增添更多的風味層次。BBQ醬雞肉Pizza外觀非常吸引人。它採用了薄的披薩底，上面鋪滿了豐富的熟雞肉丁, 酥脆的披薩底和彈牙的烤雞肉丁相輔相成，為您帶來了令人愉悅的咀嚼感受。燒烤醬的味道濃郁而微辣，為整個披薩增添了一股獨特的風味, 烤雞肉的香氣和燒烤醬的濃郁相互融合，營造出一種令人垂涎欲滴的香味。每一口都充滿了獨特的風味，使您不禁想再來一口。洋蔥的清新口感平衡了肉的油膩感，為整體味道增添了一絲清爽。另外, 呢度全場最特色, 無限暢飲的凍檸茶－夏日必備的消暑良伴有在炎炎夏日，一杯清涼的凍檸茶, 無需計算杯數或顧慮限制, 可以慢慢同fd坐下

朋友介紹pizza出色！黃埔又啱放工順路🤣價錢合理！唔貴！人均都～$200內！· 特色蒜香欖油意大利粉配雞肉 $112意粉份量都好多，蒜同欖油味好重，同埋係有少少辣椒，所以係香口好多~雞肉就好似係雞胸但又唔會好硬，另外仲有少少嘅蘑菇，成個就唔會太過單調~不錯！· 意大利辣肉腸薄餅 $122Pizza底係鬆軟得嚟又有咬口，係煙煙韌韌咁，好鍾意呢種pizza😋個pizza邊又有少少脆，唔會硬哂！加上芝士都好多，簡單嘅配搭但好出色☺️pizza記得要趁熱食！· 檸檬茶 $33個檸檬係一舊係上面自己處理🤣幾特別，另外自己再加糖~🍽 California Pizza Kitchen | 紅磡📍 紅磡黃埔天地美食坊(第8期)3樓302號舖

我經常去黃埔行街食飯，但很少上去「黃埔美食坊」3樓，原來3樓有間很大間的「California Pizza Kitchen」，座位寛闊，燈光光猛，有很多款pizza 選擇，食材新鮮，味道還很不錯呢！真是後悔發現得太遲。「原味燒烤雞肉薄餅」$132這個招牌菜薄餅果然名不虛傳，滿滿的雞肉條加上秘製的燒烤醬、煙高打芝士、紅洋蔥和芫茜，配合手拉的薄餅皮，批底厚薄適中，非常好吃。「肉醬意粉」$119意粉軟硬適合，配合超多的肉醬混合一起吃，好好味難得有可以添飲的檸檬茶

California Pizza Kitchen 係我食 Pizza 其中一間喜愛嘅的餐廳。黃埔分店地方好大，坐得幾舒服。原味燒烤雞肉薄餅  $132Pizza 賣相吸引，餅底是傳統手拉薄餅底，餅底烘得頗香脆。 餡料有烤雞肉、煙高打芝士和紅洋蔥配上秘製燒烤醬，材料豐富，十分惹味。用上煙高打芝士，熱辣辣有拉絲。香味肉醬意大利粉  $119意粉煮得剛好，煙煙韌韌。以慢火煮理傳統香濃肉醬，配上冬菇、蕃茄。醬汁味道酸酸地，好開胃。凍檸檬茶 $33無限添飲，好抵。

多年前已經食過好多次California Pizza Kitchen， 後期退出香港市場， 近年又再捲土重來，在紅磡黃埔天地美食坊(第8期)3樓302號舖開旗艦店。 店內環境舒適， 闊落開揚， 餐廳是一間美國人氣pizza餐廳， 融入東南亞風情。🔸原味燒烤雞肉薄餅🍕 ～ 食材有秘製燒烤雞肉、 煙高打芝士、新鮮芫茜和紅洋蔥， 燒烤醬味道甜甜地， 餅底偏薄， 餅的邊位口感煙韌， 整體香濃好味。 🔸中式宮保意大利粉配雞肉🍝 ～ 中西合璧的一道菜式， 中式的宮保雞肉， 配上西式的意大利粉， 香辣開胃又惹味。 🔸凍檸檬茶 ～ $33 一杯 ，可以無限添飲。薄餅和意粉的質素依舊幾好， 價錢親民。 🏷️溫馨提示～ 整個用餐體驗均屬個人分享意見， 只作參考😊。

想當年家樂坊有分店個陣好中意去，遺忘左既pizza今日先知黃埔仲有, 仲好大間下。檸茶可以無限refill，店員仲自動波走黎添飲👍🏻兩個人叫左個意粉同pizza😋蒜香欖油意大利粉配雞肉，蒜香味突出又好香，意粉口感爽彈，連d雞肉都好香👍🏻平時好中意食buffalo Wings, 見到哩個水牛香辣雞肉薄餅即刻嗌左♥️真係pizza版本既水牛城雞翼黎，材料豐富有哂buffalo wings既元素係度，雞肉，西芹絲，仲有藍芝士! 再加埋微酸香辣既醬，超惹味🤤仲有個重點係跟左個blue cheese sauce, 酸忌廉mix左blue cheese，點埋仲好食左👍🏻咁耐無食依然高質，希望佢開番多d分店🙏🏻