can‧teen (已結業)

放飯時間成個商場人頭湧湧 食野都變得有困難 係canteen比較少人 叫左個焗豬飯 um..真心唔太好食 相比起大家樂真係好有改變地方 但環境坐得舒服 快脆食完就算 不過不失啦

原來呢度食評咁差，但我今次體驗又幾好喎。下午茶食個燒鴨瀨粉先係$22，加配一杯熱奶茶$6。由落單到攞食物，唔駛三分鐘，真係神速啲野食係熱的。 $22一個鴨瀨，喺普通快餐店或茶餐廳係食唔到架，仲要咁大碗，今次啲鴨仲要好多肉，鴨皮燒得好香口，睇個賣相就知唔錯啦! 當然都要睇彩數，唔同部位，都會有差別既~~ 而個奶茶，美心MX奶茶，邊度飲都係有返咁上吓水準，茶香奶滑，比例又啱啱好!! 某大型連鎖快餐店既鴨瀨，本身都已經好細份，而家仲要推出迷你鴨瀨，真係細無可細，仲要貴過美心

今日放假，中午落街食嘢醫肚。因為原本想去個間茶餐廳無位，又唔想行咁遠，所以去隔兩個舖位嘅美心Can-teen。見到餐牌上面有個「MX去骨海南雞」，跟油飯、冬瓜湯同柚子醋沙律，$49少少貴不過望落幾吸引（個人肚餓個腦就運作唔到，完全忘記咗「圖片只供參考」）。雖然有諗過$37食個燒味雙拼飯可以慳十幾蚊喎！不過自己貪新鮮又諗住燒味飯無跟餐飲海南雞飯有個湯噃～ 結果中伏。首先雞無雞味、油飯唔香已經預咗，見到d雞碎濕濕已經扣分，最震撼係個柚子醋沙律⋯⋯ 呢堆咪係出去打邊爐任食用嚟墊肥牛雞件個堆耶菜？你咪以為加咗柚子醋我就唔認得你喎！所謂沙律其實只係一堆生耶菜絲加汁，hea得你吖，我寧願你俾幾條白烚菜心好過。D耶菜咁生冷，飲啖冬瓜湯啦⋯⋯咦，乜同我去茶記食火腿湯通個湯一樣味嘅，即係雞粉水。$49唔係俾唔起，不過真係唔值囉！仲要加$9可以轉雞脾？No way!!一年多前係呢間 Can-teen食過出血水嘅切雞之後，我已經好少嚟呢度食嘢。我諗我以後都唔會再幫趁佢。

焗豬柳飯，其實食得快餐店，再加上係食焗飯，本身都唔會有乜要求，點知道佢連最低限度：【熱】都做唔到，啲飯只係微暖！同佢講都唔會有用，佢未又係喺同一個焗位度攞過另一件比你。

 自從舊年開始，間中都會嚟食吓車仔麵餐，雖然味道一般，但勝在夠平。今日嚟到，竟然冇咗車仔麵餐，失望！咁只好叫碗燒鴨瀨粉，到收銀處落order，收銀員木口木面無表情，都唔知聽唔聽到我要燒鴨濑，但又打咗張單出嚟喎！之後去到燒味部，問個斬燒味師傅係咪呢處取麵呀？ 問一次，冇反應，問第二次，又係木口木面，問第三次，只係手指指我去嗰便排隊，乜佢唔識講咩？？？排隊交order紙比個着套裝嘅女經理時，態度不友善，一眼都唔會望吓d客人，又好大力咁排叠d食物盤，其他嘅侍應都一樣，到取食物時多謝都唔講一句，我覺得客人似行乞多d囉！以前車仔麵部嘅侍應，態度都唔見得好好多，成日都係"哪口哪面"咁，真係真係好難受！講番碗燒鴨瀨粉($18/唔包飲品)，嘩！d燒鴨使唔使斬到咁細粒呀？份量又少！雖然味道都0K，瀨粉都OK多！食時中途出去拎酸梅醬，又係態度傲慢唔想做咁，究竟美心快餐點解今日會搞成咁架？？以前嘅美心出名好味，服務態度又唔錯，但今時今日，比起大家樂就差得遠啦！食完個人都好罄，下次味攪啦！

突然好想食永年車仔麵, 但奈何太遠...咁唯有食住美心先囉！ 其實之前都食過幾次，雖然味道一般，但勝在碗麵從來唔會太油腻，仲好大碗好抵食添！ 三餸一麵+飲品，只賣$26豬手/雞翼/蘿白-粗麵南乳豬手：其實應該係豬腳，所以係冇肉嘅，得一層外皮而已，亦冇濃濃嘅南乳味。滷水雞翼：好淋，味道普通。蘿白：夠淋。 牛腩/豬皮/大腸-油麵牛腩：切得太細粒，一食就知係急凍舖嘅所謂牛肋條，味道普通。豬皮：太淋，味道普通。大腸：份數多，味道可以接受。

今天去了太和商場的can-teen吃午餐,好奇之際便叫了焗豬排飯來吃…很可惜,味道好差…．　美心的焗豬排飯已大不如前了，令人失望的地方…飯太硬，蕃茄醬汁太鹹，只有豬排才　　ＯＫ，夠熟透、入味。吃了一半便不吃下去了，因為真的很差，雖然賣相不錯，但裡面　　的材料卻令人大打折扣…．　美心今期特飲，蜜桃紅茶。味道很好，喝下去後有種清新的感覺。而且不會太甜，是印　　象深刻的飲品。下次會再買的。希望美心有改善吧！

低糖凍綠茶清清哋 , 唔錯 , 好過飲水公司三文治有幾條粗粗的炸薯條 , 炸得不太過 , 外層唔會好硬 , 裡面仲係幾稔的件三文治味道一般 , 冇乜特別整體係大家樂的好食d , Can-teen 的份量多少少環境 & 服務裝修唔錯 , 比一般的茶餐廳好 & 闊落一d缺點就係要等幾耐吓 , 大約10分鐘比大家樂的耐

今日係呢到買左個breakfast因為見佢d粥好似好平咁$12一碗pay蛋瘦肉粥+$3 cold drinks同個年輕d既收銀員話想走pay蛋佢竟然黑面答我話"已經撈雲晒架喇wor~冇得咁走架wor!!!"態度超差!!!!!有d常識既人都知道係客人叫左先將d料放係碗到~再倒d粥入去架啦~~好彩~有個老少少~有返咁上下經驗既收銀員~過黎同我解釋返係可以咁做既~年輕d既收銀員即刻冇聲出~~~~~um~講下瘦肉粥先~~~粥有d淡~~太多水了~~冇咩粥既香味~~只係平平~~瘦肉正正常常~~~不過勝在加左花生~~令成碗粥既味道提升了!!!!整體黎講ok啦~~不過有得choose都唔會再食了~

之前見canteen都是開在高檔的商場，價位好貴，想都想不到會在自己樓下開間CANTEEN...最近去八下個餐牌，發現唔是貴，同大家樂差不多咪去試下啦，點知出事!!我同朋友去，一人叫左一個下午茶的雞脾餐+紅豆冰....真是吃到一肚氣!!那隻雞脾細過人都算，付帶的沙律只是得兩荼匙的份量....不如唔如給我好過啦...多謝晒!!我朋友是雞脾配薯條...薯條得8條.....又是多謝....紅豆冰先死....成杯野是冇味....一D甜都冇...紅豆又少....最後我朋友將我們2杯拎番去水巴加甜，都是得少少甜味.....食物的質素差得好緊要.....唔會再幫襯，行多兩步去大家樂好過.....

以前在太和食飯經常都會幫襯大家樂!方便、快捷、又飽~最近太和商場發達了....多了很多間食店!於是就逐一試試.....這天媽媽出去打牌...家裡沒人煮飯!就和弟弟、爸爸到Can-ten開飯~一進到店內就有一種好新鮮的感覺...可能是新店!都很舒適!然後叫了一個咖哩雞翼飯、一個牛腩飯、和一個西冷扒餐+個白飯...咖哩雞翼飯 - 味道尚可,有濃濃的咖哩味而又不辣...牛腩飯 - 淡而冇味! 唔掂...西冷扒餐飯 - 相比起大家樂差點吧.....總括而言....如果可以選擇,寧願繼續做大家樂的粉絲

星期日太太打完麻將回來, 當然不燒飯而在外面食, 試吓新開的can-teen吧.7:00pm人客不算多, 搵了個卡位坐下, 買了兩客鐵板西冷及一客焗肉腸肉醬意粉並$133, 肉醬意粉即取即食, 焗得太過乾身了, 連肉醬都結成一塊塊, 相對連鎖快餐水平來說屬不好吃, 兩客西冷隨後上檯, 換上新款鐵板連套裝汁盅, 賣相討好, 配菜是炒什菜, 牛油粟米及粗薯條, 還有酥皮湯, 以快餐而論食物恰如其分, 當然不能用量度餐廳的尺來衡量, 售價及貨源都不是蘋果對蘋果, 可是新裝潢下的環境是舒適的, 再不像以往的快餐廳般, 幾個互不相識的人在你旁邊或對面同你及家人食飯, 無私隱又不自在, 除非你一支公去就作別論了.

因為5/1 是公眾假期, 本想去新裝修還改了名『美心皇宮』食晚飯, 外面排隊人龍非常長,轉向左是新的一間『鄉土風情』一樣是人龍最後到同是美心集團 Canteen(其實不知道是美心集團, 今天看到OR的食評才知)menu 都好似同大家樂一樣的, 價錢也相差不多, 因為這個商場也有大家樂扒餐好似好少少, 因為是海鮮酥皮湯, 大家樂就是蕃茄湯1. 秘制洋蔥鴨 $39.5 是預先炆好的, 只是客人叫就加熱(其實是暖),可以要爐保持加熱 有一大個洋蔥墊底, 洋蒽好入味及淋, 鴨也不肥也有6件, 可以用炆鴨汁撈飯 有一碟卓生菜, 份量也多, 一個中湯也有少少料, 一杯中國茶2. 意式鮮茄牛柳絲意大利幼麵 $35 (其實個名好長, 好似有的東西都寫出來) 要等好耐, 因為是即炒, 原來真的, 因為上桌是熱辣辣 份量大, 還有一杯飲品, 可以食飽 同大家樂比 藍冰青口意大利麵是多好多料, 現在多了這間店, 可以同大家樂搶客呀, 因為以前只有大家樂, 無得選,