Canteen II

营业中

休息中

叫左個雞脾下午茶，成本三十幾蚊一個，但真係好唔抵食首先，我ORDER油脾，佢就比左隻炸脾比我，一睇隻雞脾都覺得好細，個SALAD就仲過份，以前都大大碟，宜家放左落隻杯仔度，我真係數過，少過10粒生果係入面，全部都係得個SOURCE。隻雞脾好采都係熱熱地，咁食落去都OK，但講真真係好細隻，我諗我用左少過5分鐘就食完一份下午茶要成三十幾蚊，雖然係有杯凍綠茶送，但一D都唔值。但講返宜家係先進左，拎餐有個電子器俾你，都佢有燈你先出去拎，唔洗塞爆晒，係OK既，不過如果就係將呢D COST放左係D市民度，我寧願用返傳統方式等好過。

其實係學校食Canteen, 過廿五蚊都已經算好貴. 今次我見倒個滑蛋牛肉飯賣廿六個半, 感覺上都算係中上級嘅價錢, 咁我就滿心歡喜一於食餐豪嘅, 點咗呢個飯.個飯上得唔算快, 我估係”即叫即整”掛. 咁等咗幾分鐘黎到, 個飯大大碟, 都一定包肚啦. 之不過一囉個插入堆飯, 我發現個飯質好痴立立, 唔多妥. 之後個茨汁仲結Tut tut . 成碟飯整到好似泡飯咁嘅texture. 不過, 牛肉就唔老, 軟lum lum 易入口. 撈下撈下整到好似碗粥咁. 感覺上有少少貨不對版.如果只追求咁嘅質素, 我真係情願食番21蚊嘅兩餸飯算啦.

$20 食到有湯有飯嘅晚餐，對我哋打工一族嚟講，當然係超值啦！既然一場嚟到科技大學，行吓行吓唔經唔覺都 6:30，天就快黑！唔爭在响度食番個平價晚餐！難得有呢個機會，點會放過？我的選擇： 鮮茄焗豬柳飯 $19 + $1 例湯 ( 赤小豆煲豬骨湯 )飯：紅色嘅鮮番茄跟三大件豬柳配炒飯！ 豬柳炸過，肉質夠腍；飯唔太油，唔夠鑊氣！但以一分錢一分貨，已經唔錯！湯：一飲就知係味精湯，因為咸咗少少！朋友的選擇： 脆皮燒腩仔飯 $18 + $1 例湯 ( 同上 ) + $1 熱檸水/ $2 凍檸水可能大家下午茶食唔到燒腩仔嘅關係，而家實行 1 人 1 碟，食番夠本。有朋友俾咗舊燒腩仔我食，真係好好味呀！皮脆肉嫩，半肥半瘦！唔好睇少呢碟飯 $18 ，有成差唔多10舊咁多，仲有好多黃芽白菜伴碟，佢哋完全值回票價啦！唔知大家有無其他大學嘅下午茶及晚餐推介？( 中西均可 ) 價錢不拘！Thank you!

科大每個非中菜飯堂都有焗飯供應,但每間既價錢不一其中Lg1應該係最平個間,19蚊,飯+汽水,實屬慳錢首選去左Lg1度試左佢地大部分既焗飯,配搭不外乎1+2,1係汁類,有茄汁,白汁,葡汁,黑椒汁,2係肉類,牛肉,豬肉,雞肉,吞拿魚...明明個個配搭都固定架,點解可以好似車仔麵咁?答案就係係個標題度....係魔術!每種肉類,都只經過一個部驟處理,就係白灼....味道絕不添加...因為根本冇味,食邊種肉都一樣!至於汁,亦都係呢個魔術既最高潮,居然可以做到同味唔同色,無論個汁係白,黃,紅,黑都好,係完全一樣味道,真係好野!!!當然,佢都知個魔術太厲害,所以免費送你一杯有甜味既汽水俾你,真係唔話得la,有魔術睇,又有免費野飲,先19蚊,邊度搵到?夫復何求!!!

某日見到美心有超抵茶餐食蛋撻加熱飲一共$7咁我梗係即刻去試LA飲品叫左熱奶茶蛋撻係新鮮出爐的,食落熱辣辣酥皮夠鬆,亦都好香.呢個價錢有咁既質素真係食得過可惜奶茶出現了一陣茶酸味,如果唔係就PERFECT 喇

今日中午在baguette II 食點心時, 老媽突然說想食燒味小炒之類的東西, 於是老姊便去了canteen II 買了碗半肥瘦义燒飯回來. 聽說canteen 的义燒和燒肉也不錯, 可惜燒肉已經賣完, 所以只可試义燒. 半肥瘦义燒飯的义燒其實應該叫"瘦义燒飯"比較正確, 因為真的很瘦! 味道方面卻不見得有甚麼特別, 普通水準而已. 另外, 送了一碗青紅蘿蔔例湯, 味道方面, 當然是"例水"的水平, 淡而無味啦!雖然這碗义燒飯味道一點也不出色, 不過, 就是因為它, 加上其他點心, 吃完後十分飽肚!

本來諗住食點心嘆茶! 點知食完呢一餐我超級後悔lor!果日我叫了4款點心1. 牛柏葉: ok2. 牛肉球: ok，但腐竹硬左少少3. 燒賣: 好硬，同埋d肉既味道好怪，我覺得好唔新鮮4. 煎腸粉: 外面是好怪既豉油味、入面好實、好似一舊粉團咁雖然價錢好平，但係味道咁差，已經足以嚇死人!所以，我以後唔會再去LG1的點心部食嘢了!

Canteen II，是美心集團的其中一員，而其名字是阿茂都明的，中文解作飯堂二，其出品又會是如何呢？這個飯堂由於是美心集團的，順理成章化也有星記的爪牙，今天快快的買了一個焗飯，配一杯咖啡，另買了些蛋撻跟同事分享，又是一餐。先說那焗飯，是茄汁焗魚飯，茄汁不鮮不香，像極外邊一些焗豬扒飯的茄汁，只是有點酸有點鹹的汁罷了，整盒飯只有數粒小型的蕃茄粒，小得可憐，飯粒也是濕濕的，未能做到焗飯的要訣，而另外的魚塊，肉質鬆散，沒有咬勁，幸好份量都還可以，有大概四塊中型的，而且盒飯夠熱，也未至於難吃，當填飽肚子就是了。一心想着有星記的咖啡喝，總好過沒有，但是今天喝到的，是比星記的更難喝，有咖啡的味道，沒有咖啡的香，十足十似即沖咖啡，甜身有奶色，但沒有奶味，這杯咖啡，真的要命。最後來個新出品蛋撻，看看又如何，一口咬下，是尚有微溫的，我跟同事在未買的時候已告知他們會不是太熱辣的了，因為看其售賣蛋撻的餅櫃，是以塑膠盤盛着蛋撻的，就知熱極有限，再評其口感及味道，酥皮咬下很乾，完全沒有酥皮應有的油香味，而且鬆化程度也只是尚可，另外的蛋餡算是最好的一項了，有蛋香而挺滑身的，以三元一個來說，口痕吃一個也還可以。最後