Casa Luca (已結業)

去九展睇完展覽，順道食埋lunch先走，原來二樓有好多餐廳，想食西餐所以就揀左呢間試下。餐廳係自助形式，係收銀處落完餐，聽到叫號碼再自己出去拎，5分鐘左右就有嘢食喇青醬蝦仁意粉 $58 意粉份量都幾多，偏幼身，用橄欖油煮，好香口！蝦仁🦐都有好多粒，超碼有十幾粒超足料仲配有d洋蔥粒🧅 青醬食落幾fresh.. 好清新！意粉旁邊仲配有沙律🥗，配上芝麻醬，好味道！跟餐包熱飲，凍飲+$3凍檸茶叫左少甜少冰，點知勁甜等d冰溶到咁上下先飲到...

今日中午同同事去emax度食飯，我哋去咗一間叫做casa luca嘅餐廳。 餐牌上嘅食物 平均價都係六七十蚊 包一杯嘢飲（凍飲加3）。我叫咗一個B4 經典和牛漢堡加咗杯凍檸茶。 第一眼睇落去以為個漢堡好細會食唔飽， 點知原來都夠飽喎，佢塊和牛都幾厚， 食完個包已經開始飽飽地。 成個套餐屬於中上水準，塊和牛唔單止厚又有肉汁， 薯條係厚切嗰種，好有薯香味，凍檸茶就中規中矩啦。 同事話佢嘅招牌黑松露雜菌意粉都好好食，下次可以再去食多次

今日行暈所有九展餐廳，最後選咗呢間，我地點咗黑松露意粉同蒜蓉雞肉意粉，意粉偏硬身少少，黑松露意粉只有淡淡黑松露味，我個人覺得一般，蒜蓉味雞肉意粉就唔同蒜蓉味非常之重，配搭起黎超啱我口味，只係d雞肉只有3粒，少到一個點，不過我只係睇重蒜蓉味，總結應該都係3.5分，都可一食

九展內餐廳坐位比較寬敞，我同老公兩個人點了半隻燒春雞餐同一份雞扒漢堡餐，我就加左15蚊轉飲flat white。個漢堡包甜甜地，而且外面焗得脆脆地，好味。雞扒好大塊，唔咸而且有肉汁流出來。薯條就一般，好多而且大條size 。杯咖啡味道唔太濃，但唯一缺點係唔夠熱。燒春雞就味道偏淡，要點少少淮鹽。外皮我覺得可以再脆啲啲。沙律菜就多，我覺得份量都唔錯。50幾蚊個漢堡餐同70幾半隻雞餐唔算貴，整體來講，味道中規中矩。

好耐冇去九展，原來2樓有一層food court都幾多野食，多座位之餘，餐廳選擇都幾多，個日去見到有賣burger、台式食品、番茄湯麵等等，人流麵幾多.見到呢間menu幾吸引就決定試一試，有飯、意粉同漢堡，價錢約$60-70左右包埋野飲－－－－－－1. 洋蔥圈黑椒汁牛肉漢堡配薯條 $66薯條份量都唔少，不過唔係連皮炸，薯味唔係太出，但我鍾意佢唔係好咸，同埋炸得幾脆👍🏻洋蔥圈外型吸引，睇落好似好硬就切開都幾酥脆，而且帶有甜味，黑椒汁唔會搶過牛肉漢堡味道，有厚度有口感，整體不錯

自己在上面office 返工，之前都有耐唔耐幫襯，今次第一次叫炸春雞，叫了一隻炸春雞餐(全隻)，拿回office 後，發覺除表層外，裡面是生的。當天拿回單據溝通後，可以明天補回。第二天麻煩同事代取，打開看見由購買一隻春雞，變成補回半隻，(是因為我昨天有將表層熟的吃掉嗎？)，而且內裡並沒提供餐具(是因為昨天有給過我餐具，或者覺得春雞一定拿手吃)?連淮鹽也沒有。第一份雞未煮熟，我也覺得可能一時失手，但第二天那一份，也是肉帶粉紅(最後一張相)。

唔錯嘅，我食唔哂，太多。我食P3, 麵都好多，肉嘅口感都幾好，個人感覺個汁可以再改善。無諗到會食唔哂，好飽。大家嚟到九展都可以試下嘅，比其他餐廳好食好多。不過未去到話真係好正，非食不可

之前黎過幾次...印象中意粉同沙律都幾好味的今日試左 水牛城炸髀飯..味道非常一般...應該係話醬汁太辣，完全食唔到本身水牛城醬同炸髀既味...（平時譚仔食開5／10小辣）...結果為左飽肚而食...完全唔係享受的一餐

真好笑明明餐牌有Cappuccino 竟然落單個個人同我講唔識沖頂咩玩法？唔通個餐牌係裝飾 問其他咖啡都冇真係得啖笑真好笑明明餐牌有Cappuccino 竟然落單個個人同我講唔識沖頂咩玩法？唔通個餐牌係裝飾 問其他咖啡都冇真係得啖笑

我哋又去九龍灣啦，呢間餐廳除咗個燒春雞好味之外，佢哋嘅他他汁炸薯條魚柳包也很美味，而且都好多薯條，魚柳炸到恰到好處，平時去美式餐廳食呢類包，都非常重量級，好多時候都食唔晒，但這個魚柳包對於我來講份量啱啱好！午餐仲包一杯飲品添！

這一日因為要去展貿看電影，所以就同仔仔去食呢一個招牌燒春雞，這個燒春雞係朋友介紹，雞肉嫰滑，而且仲有可口嘅薯條及沙律伴碟，仔仔和我吃得津津有味！聽朋友講佢數量有限，有時到夜晚打算食晚餐的話，就已經售罄，所以今次見到lunch time有，吃飽早餐也想吃，注意原來星期一至星期五到這裏吃午餐係比較人多要走位坐但也不困難找位坐，因為地方也非常之大！

Today, I came to the second floor of E-MAX during lunchtime. There are many restaurants here. Casa Luca’s menu has a variety of choices, rice, spaghetti, hamburgers, sandwiches, and salads. There is a salads bar, which can freely choose the ingredients. And the price is acceptable, okay, I just try it!Casa Luca is an open kitchen design, that is, order first, take the meals later, and choose your own seat. The environment is big, comfortable to sit and very modern.I ordered a chicken steak burge

去九龍灣做d野，順便係九展食埋lunch! 見到二樓有條食街叫very food, 一上去就見到間cafe! 門面仲好吸晴，即時搵位坐低。自肋式去櫃枱叫完野食等扲..c6食香草醬雞粒意粉，我叫磨菇雞扒飯！ 等左一陣就有，佢個擺盤都幾靚！ 香草醬意粉好味！ 我份雞扒就正常但欣賞有沙律菜係碟感覺都健康！ 最重要係佢杯奶茶好夠份量仲要好飲！ 下次可以再黎P.S係點餐時，職員同我地講可以一人扲一個口罩，食完可以替換，好甜心呀

好抵食！去屋企附近的EMAX過聖誕節，晚上餐廳冇乜人，一定要早去，否則好多餐賣哂，我哋二人加一小B才hk160元吃到大燒雞同好味漢堡包，原隻燒雞好吃過好多大型快餐店同西餐水準，而且好多肉又脆皮！調味吾太鹹，佢薯條可能近收工，好多好多，食吾曬！加上沙律菜好新鮮伴千島汁。而且好抵食，午餐同晚餐竟然一樣餐牌及價錢。漢堡牛肉的牛肉，好厚，好有牛味同洋蔥粒，漢堡包芝麻皮好脆又暖，我嫌棄出面啲漢堡包皮唔夠脆。

星期六去九龍灣行下，晏晝12點左右搵野食，本身想食麵下下見到呢間，偏離左咁多次都冇食就試吓，結果後悔一世。食物質素不佳，叫鐵板芝士咖哩軟殼蟹，但無落芝士，要返轉頭後加，仲要係冰箱拎出黎加，無再覆焗同張相完全唔同，大佬呀，差唔多成百蚊㗎，個賣相又唔得，個咖喱汁稀到水咁，落單又慢唔知自己想下有乜，真係好難再食。環境喺路口又多人又嘈，廚房出餐混亂，等好耐先有得食。本身想食隔離其他鋪頭，見未食過咪試吓，最後結論係極度後悔，無下次。