Cha:rm

营业中

休息中

太和中心同翠怡花園呢面愈開愈多小店。如果要每一間都是晒嘅話。我諗都要食足一個月先食得晒。最近呢邊開咗啲裝修簡約，望落去味道唔錯嘅餐廳。韓國食物從來都唔係我嘅自愛。但係朋友想食嘅話咁就一於試吓啦。我哋叫咗唔係好多嘢。我哋淨係叫咗一個冷麵同一個壽司卷。冷面非常開胃。酸味味咁。而且食落有一種好清新嘅感覺。整體嚟講呢個冷麵。係有97.68分。自己個壽司卷。啲材料非常豐富。而且配搭出色。唔會有怪怪地咁。所以我都推薦大家嚟食

每次諗唔到食乜一定會食charm，大埔就有兩間，平時都食開另一間，令一間嘅環境會寧靜啲。如果想食charm嘅話一定要睇清楚自己想食邊間，因為兩間嘅Menu唔一樣，但都同樣好食呢一次嚟到就叫咗原味炸雞半份 $78炸雞一如以往幾好食，外皮炸得好脆，裏面嘅雞肉依然嫩滑，出面既炸衣唔會厚，食落啱啱好，配埋薯條真係好邪惡！男朋友叫咗芝士年糕泡面 $60我自己覺得中規中矩，就係一個普通嘅公仔麵😂😂韓式水冷麵 $60天氣熱熱地食返啲涼嘅面就最啱！酸酸甜甜嘅湯配上青瓜絲同埋雪梨，入口就覺得好清爽，好開胃！如果想再酸啲仲可以加醋，想辣嘅話可以食啲泡菜～一碗份量對一個女仔黎講有啲多，我就食唔晒！總括嚟講，charm嘅炸雞同埋水冷麵都值得推薦

呢個由細食到大😍正宗韓國菜🇰🇷真係韓國人打理😋試過各種不同食物後，麻煩你跟我叫包好食唔會伏！前菜泡菜件添唔嬲次次起碼refill兩三次！-原味炸雞🍗$148-次次食完半份都覺得唔夠喉！一份炸雞🍗都有10幾20舊，薯條🍟都炸到好脆口，炸雞🍗味道調配得好好，最重要係個炸粉味道好足！黃色個蜜糖芥末醬夠曬特別，點炸雞薯條一流！海鮮煎餅🦑$55-魷魚🦑同蔥煎成既餅脆卜卜，惹味！脆口小食之選😍韓式水冷麵🍜$60-呢味菜雖然普通！麵質地彈牙，有冰底🧊，半隻烚蛋🥚、少量酸白蘿蔔片、青瓜絲🥒、泡菜！另外附上韓式辣醬以及醋可以自己調配味道！芝士鯷魚飯卷🧀$65-鯷魚係韓國人常食既小魚乾🐟甜甜地脆卜卜，紫菜包飯配料豐富：黃色瓜、鯷魚🐟、Cream cheese🧀、紅蘿蔔絲🥕、青瓜🥒以及雞蛋！一份有成1️⃣2️⃣件！大份抵食之選！韓式芝士蛋卷🍳$88-6️⃣大件大大件，入面有紅蘿蔔絲🥕、洋蔥絲🧅以及超級大量Mozzarella拉絲芝士🧀，食一件保證即可飽肚！面頭毫不吝嗇擠上番茄醬番茄醬同蛋黃醬！

本來唔諗住寫食評，但食下食下，真係不吐不快！叫一個carbonara 年糕，只係得約十條年糕仔，仲加咗一半粉絲（以前冇粉絲），係個外賣盒嘅鋪密個低部（見相片）炸雞，得十數舊手指公咁大嘅雞塊仔！其實已經幫襯左好多年，以前一盒蜜糖炸雞外賣可比三個人食，而家只係一人分量！叫人以後點去幫襯你！嬲嬲地，煮咗個韓國carbonara pasta,竟然份量係個carbonara 年糕兩倍！

因為擔心疫情影響 會令屋企附近唯一正宗嘅韓國餐廳冇左所以疫情期間都幫襯左幾次但真係一次比一次差好失望..............................一直期望佢哋會有返以前水準今日只係嗌左個紫菜飯卷可能對於支持黎講微不足道可惜今次真係用難食黎形容以前放工間唔中都會買盒返屋企食而家飯粒已經跟以前唔一樣⋯好乾一粒粒分開牛肉又冇汁完全唔同曬⋯⋯希望佢地可以唔好放棄自己搵返當初嘅熱誠⋯生意一定會好番

每次寫〈往事只能回味〉系列個心都痛一痛....事源小女以前係附近讀書，成日捐窿捐罅搵食，認識左Cha:rm都有4年一直有回頭🙆🏻‍♀️呢間太和的地區人氣小店，雖然地點頗為吊腳但晚市都要排20分鐘以上。而且由韓國人打理十分地道，一直都keep到水準👍🏻.故事的背景咁美好劇情當然會急轉直下🤦🏻‍♀️畢業都有一年，早兩日同朋友去大埔踩單車順便dinner，行到門口見到成間變左黃色同以前黑白型格路線完全唔同已經大感不安.....記憶中以前連staff都係韓國人，點餐都要用英文，今次未入門口已經見到繁體字notice...🤔打開menu同以前都唔同哂😵大家可以對比返2019年前其他review的圖一場泥到都比次機會啦😂上菜速度都可以，我地開餐❗️.1️⃣卡邦尼年糕賣相好頹😂醬汁味道幾似罐頭湯頗無誠意，質地都太稀😅煙肉甚至冇煎香過同火腿差不多整體幾伏下😑2️⃣牛肉紫菜飯卷飯卷幾好味同一般韓國餐廳水準相若牛肉唔會dry味道都夠3️⃣韓式炒粉絲如圖睇到冇咩配料😂OK嘅food court水準小結💭老實講不至於難食對比起中價100蚊左右埋單嘅韓國餐廳就絕對below average😅Cha:rm只有食飽肚嘅功能好失望，食

飯卷份量都夠兩人食既，味道不過不失但年糕同炸雞份量真係太少，尤其辣炒年糕，配菜唔多，外賣送到黎黐埋一pat，計落真係唔抵😕蜜糖炸雞無骨，但係味道無乜特別，可以skip了

昨日在店內進食，客人流量不算多，亦無爆場，招呼ok , 進餐期間嚇見職員將外賣放在近大門旁，地下有一個離地不足一尺嘅層架，最底下更放了一碗鼠餌而這袋外賣就是放在這層架的上層，點解唔放無客人的檯面？點解唔放櫃檯？點解要放近同鼠餌相距同離地半尺、大門口出入位置？就等於將食物放在地下一樣，試問你會將自己的食物放在地下閒置，轉頭再食嘛？當然唔係講緊野餐？食物又唔係封口包裝...

雖然都唔唸住有咩期望，但都唔好咁差啦。今次外賣自取叫左兩味食物：海鮮煎餅，泡菜牛肉紫菜飯卷。返到家一打開外賣盒，賣相已經好普通，以為係阿媽整俾小學雞的飯盒便當，味道雖不至太差，簡單來講就好似食緊吉野家牛肉咁。海鮮煎餅仲慘，可能係外賣關係，餅已經林曬，所謂海鮮都只係得幾條魷魚鬚，仲要係手指尾咁幼，個餅仲好厚粉咁，好似食緊成口面團咁。最緊要既係性格比，有時覺得唔好食，但係收我30蚊，我都可能心甘情願。但如果我係付出較周邊餐廳相似既價錢，什至更高，係咪應該有啲期望呢算啦，冇下次架喇！

近排多左用網上平台叫外賣，除左一般茶記都想食下韓國菜，所以就試左呢間🙆🏻‍♀️當日叫左一個飯卷同埋韓式拌飯，簡簡單單，岩曬同屋企人share 🙆🏻‍♀️飯卷份量正常，款式可以揀泡菜、辣炒豬/雞等等既材料，當日想清淡啲就揀左蔬菜，包括青瓜、醃蘿蔔、紅蘿蔔、玉子🤓拌飯既賣相就一般，但係都包含曬青瓜絲、蘿蔔絲、紫菜同埋蛋，仲包埋牛肉，味道都可以的👍🏻

係屋企附近搵食 行過見到呢間韓國野好干淨 就試下啦 唔洗等位， 兩個人坐4人位。叫左甜酸炸雞併薯條（ 可惜呢個甜酸味冇得單叫， 呢到要扣少少分了， 因為唔想食薯條）雞炸得幾脆， 個甜酸味都好食，薯條就麻麻地喇，因為比對醬整到林林地。叫左個海鮮豆腐湯配個白飯既 （好味正宗👍🏽👍🏽料都幾多)總叫左個芝士牛肉紫菜卷， 味道正常啦野食唔錯有70分， 不過價錢偏貴。 兩個人叫三樣野都超飽。如果住附近想食韓國野都可以一試既。

韓式芝士蛋卷冇芝士味道，簡單又少的材料但價錢略貴！味道冇誠意，牛肋骨湯冇味，牛肉咬唔開的！又完全唔入味！最後個白飯加前菜送的泡菜撈飯食，食物質素差劣價錢唔值！浪費食材的餐廳！

係大埔踩完單車好想食韓國野於是就黎左太和Charm！一行四人，叫左紫菜包飯、炒年糕、石頭鍋飯、蛋卷 & 炸雞... 因為餐廳無酒牌，食炸雞無得配啤酒係爭啲！不過重點都唔係呢度，個炸雞$118/碟 只有8粒炸雞柳，仲要有啲好細粒！個碟都算大，同啲雞嘅份量黎比真係好寒酸！我地有問過店員個份量問題，佢話係得咁多！咁我地唯有食啦～ 味道係ok嘅，係個份量同價錢黎比真心唔值，如果有下次唔會再叫！ 到個炒年糕，味道同以往出面餐廳食嘅一樣，但配料無乜好似得啲醬同年糕咁！其他菜式都正正常常！唯一好就係泡菜可任添～ 完！

太和多嘢食就係人都知，新潮韓式餐廳呢間係數一數二，試過幾次都覺得唔錯，價錢合理👍🏻👍🏻佢嘅泡菜係任加的Order了三款食物：📌牛肉泡菜飯卷🍙牛肉飯卷總共有10件，飯卷配料充足，一啖食唔晒啲料會跌晒出嚟，食落都幾飽肚，喜愛壽司人士都可以選擇！👅📌 牛肋骨湯🍲天氣凍，想飲番啲暖粒粒嘅湯，呢個湯比較清淡，亦有牛肋骨肉帶出甜甜鮮味。📌蜜糖炸雞🍗本身對呢個炸雞都有啲期望但係食落覺得好一般，首先佢嘅蜜糖令到咬炸雞嘅時候太痴牙，搞到每食一啖都會覺得個口腔唔係幾舒服。其次，佢炸雞嘅份量又細又少，唔係幾抵食！🥴🥴想食炸雞可以試吓其他味道！

這天來到了一間小小的韓式餐館吃午餐，說是韓式也不如說也是挺港式的偽韓料理。Openrice的相片是挺吸引的，果然也是如comment所說的飯卷的選擇很多，我也是很喜歡吃韓國的紫菜包飯，這次點了午餐肉紫菜包飯試試，還可以，不算太特別，感覺沒有紫菜包飯那種充滿麻油香的感覺，我沒有太深的印象。然後也點了一蜜糖炸雞和薯條，其實也炸得外表很脆，不差的，但我本來就不太喜好甜類炸雞，一般般，價錢其實也不貴，可能我要求有點高