Châteraisé

营业中

休息中

.焦糖咖啡朱古力蛋糕🍰Coffee Chocolate Cake with Caramel & Nuts.$47 就有兩件🤩2️⃣.Buy 1 get 1 free.都唔太甜好濃朱古力🍫味底餅好soft & puffy Cream layer 有兩倍厚.朱古力碎都有好多.Nut 🌰 有烤過 都好香.就係抵👍🏻😌

竹炭皮宇治抹茶紅豆鯛魚燒$17價錢日產絕對吸引去試買回家仲有小乾冰，very nice打開包裝會有啲失望，因為個鯛魚樣不好看。初初諗住日本野會有返咁上下，又可能買個時沒有細心睇過包裝/display顯示嘅樣子竹炭皮，竹炭味好輕微，餅皮也不脆，失望，點解唔用chocolate脆皮搽餅底分隔餡同餅皮保持餅皮鬆脆，又可以為雪糕減緩熔掉。抹茶雪糕味道above average. 但唔算好濃，甜度同一般日式偏甜味道差不多，未致於死甜。紅豆餡可以都食到佢嘅味道。整體講一句以$17價錢係值嘅。可以一試，但唔會令你想常常食

官網見到做優惠5送1，布甸用雞蛋、牛奶、砂糖及焦糖醬整，100%無添加，食用期短，買左盡快幾日內食完！🎂 經典焦糖布甸 $80 6件 新年優惠 原價 $16/件(9/10)布甸份量輕盈，大概100g一個，口感好滑好creamy，有蛋味，有微徵奶香，焦糖好香唔甜，仲帶少少微苦，整體係蛋味濃唔甜，冇諗過包裝布甸咁好食！真心推薦！推薦指數: 8/10真心食落同出面甜品鋪自家製一樣好食🤤價錢唔算貴，做優惠更抵食，幾唔錯！

紅豆和抹茶本來就是絕配！只是沒想過它們會出現在一條魚狀的雪糕中 還有「黑蜜風味粒」作餡，意思即是北海道紅豆餡，配宇治抹茶雪糕，外層是薄薄又脆脆的竹炭餅皮，正老實講，這個價值，有這樣的質素，其實真不多。所以，我認為好抵，超抵食！而且，不會擔心裡面的成份，日本人好講求養生，衛生，很守規矩，未見都感受到安全，有保證！只是一個人如果怕太甜，或者不想肥的話，最好找多個朋友仔一齊分享，正所謂「少食多滋味，多食堅易肥！」

🎂草苺梳乎厘芝士蛋糕 $150 (9/10)士多啤梨酸酸甜甜，忌廉好香甜好重奶香，好細密，底層係海綿蛋糕，上面係疏乎厘芝士，芝士味好香濃，比較輕盈，好好食😋推薦指數: 9/10真心呢個價錢有呢個質素，真係好高質，百零蚊做生日蛋糕得體得來又好食！

老闆話happy holiday 前要請大家食野。咁佢就叫左個朋友買左個cake. 呢間蛋糕唔係成日食，但次次食感覺都幾唔錯👍🏻今次佢係整左兩款唔同味道cake放埋一個cake, 咁都幾好，同時可以試到兩款味道。重點係佢微甜，creamy 好soft，好柔軟咁令你不停繼續食。佢d cream 唔會好油膩，入口即溶。不過今次d 士多啤梨有點帶酸。朱古力有脆脆，每口食都爽爽聲。原味就係奶油味濃d, 用士多啤梨果肉jam食💕食完係空氣感，又唔會話好滯好飽肚，飯後食都ok~

/ 行街經過見到Chateraise，一直都覺得呢間舖頭既蛋糕同埋瑞士卷好好食，而突然間好想試下丸子🍡⋯結果⋯點知原來自己發雞盲😭，以為係唔甜，但其實人地已經寫住「香甜」⋯📍香甜丸子🍡 ($18)💬入面有四小串，每串有兩粒丸子，而另外有個醬汁俾你點黎食，雖然都有日本既風味，不過就唔太岩我心水😭，丸子d粉唔彈，好鬆，味道一般般！所以下次都係食返蛋糕/瑞士卷穩陣d⋯

今年在Chateraise買了生日蛋糕🎂，在觀塘APM分店， 平時都有食開這間品牌的蛋糕， 今次試下這款期間限定的日本產不知火柑 x 草莓公主 12cm $135。 日本產不知火柑清甜多汁，帶有果酸味， 蛋糕的質感軟綿， 有幾層香軟的忌廉， 甜度適中， 味道不錯。 之前最喜歡吃這裏的鮮果千層蛋糕😋， 原來期間限定的款式都幾好，下次又再試下其他款。   Chateraise地址: 觀塘觀塘道418號創紀之城五期apm UC層 UC-49號舖

平時去Chateraise多數都係買千層蛋糕切件食🥴今次見到有期間限定有焙茶蛋糕，就抱住半試伏嘅心態買返嚟🤫（之前試其他連鎖店出品小中伏🥲）-🔻加賀棒焙茶蛋糕 $40蛋糕嘅層次意外地多，有焙茶忌廉、焙茶海綿蛋糕、北海道紅豆、蕃薯蓉。味道唔寡之餘仲好夾😚面頭仲有焙茶末，令焙茶香非常突出🥰✨-👅食後感:最近食過最有驚喜嘅甜品🥰推薦大家一試！-👀個人喜愛度：9/10-🚩 Chateraise-

原味千層蛋糕 ($38)賣相：🐧🐧🐧🐧🐧味道：🐧🐧🐧🐧賣相方面，蛋糕表面淋上一層焦糖漿，色澤金黃亮麗，非常吸引。蛋糕每層蛋皮和忌廉的分佈尚算平均。值得一讚，即使只買一件蛋糕，也會免費奉上紙盒和餐具，不用擔心蛋糕被壓垮變形。味道方面，焦糖漿香濃甜蜜，千層蛋糕忌廉蛋皮層次頗為鮮明，蛋皮忌廉比例平均，蛋皮味濃蛋香、忌廉滑順，整體蛋糕甜而不膩。唯一有點不滿是底層採用了普通海綿蛋糕，雖然蛋糕尚算柔軟濕潤，但跟上層的千層有一點格格不入之感。外賣等候時間：🐧🐧🐧🐧🐧服務：🐧🐧🐧🐧🐧由於在平日3點幾4點購買，並非䌓忙時段，因此無需輪候、即叫即有。職員態度有禮，會主動詢問是否需要餐具蠟燭，並會先展示蛋糕外表，讓你確認沒問題後，再進行包裝。🐧❤️結語：性價比高的千層蛋糕，尤其適合討厭太重忌廉、愛吃千層蛋糕蛋皮的人士（包括我🐧❤️）

每次經過都會俾佢個樣吸引，食咗好多次，次次都保持水準，千層蛋糕好出色。今次仲買咗聖誕嘅蛋糕，個聖誕樹都好有驚喜，唔係太甜，好食。2000層蛋糕方面，每次一罐水準，好有層次唔會太甜。士多啤梨蛋糕方面，奶油味好重而且食落真係好香。

經過apm見到呢間蛋糕店寫住材料係日本直輸入，咁就試下啦🔸脆皮朱古力蛋糕 $35四層海綿朱古力蛋糕，蛋糕好軟身，兩層鮮忌廉及兩層朱古力牛奶忌廉好滑好香，忌廉中間有朱古力薄片，可以增加口感，朱古力味充足，唔太甜，稍嫌d cream多左d，整體都幾好味，可以一試🔸朱古力千層蛋糕 $38千層蛋糕個皮唔夠薄，d cream 好滑唔太甜，朱古力味唔夠濃，呢個感覺一般

今日經過apm見到諗住買件蛋糕，咁就排下隊啦，排到我個陣佢叫我等等，之後行咗去整嘢，返嚟竟然同下一個人落order😕skip 咗我，我企喺度望住都唔知講乜好😂咁我叫另一個staff，可能呢度係咪無staff training section ，另一個一聽完我講就黑晒面咁拎比我😂個個moment我直頭想唔買。😂我個人覺得蛋糕係正常，cream重奶味，但諗返d staff 既表現，我完全blacklist 呢度，如果大家想比人黑面可以去下😂

最近唔知點解食左兩次朱古力蛋糕(明明我唔特別鍾意🤪)，因為我係高可可濃度嘅朱古力，所以呢兩次食嘅蛋糕我都唔特別鍾意🙈-🔻 鮮忌廉朱古力蛋糕(12cm) $135蛋糕結構只有忌廉(內含朱古力脆脆)同海綿蛋糕，朱古力忌廉隻味好似雀巢杯裝朱古力雪糕(童年回憶🏃‍♀️🏃‍♂️)，就係無乜朱古力味同得甜味😂海綿蛋糕就算連埋忌廉食都係偏乾🤨-👅食後感：如果話La Famille嗰個係低可可成分嘅朱古力，呢個係極低🧐不過呢個價錢要求都唔可以太高😂同埋之前有食過士多啤梨蛋糕，海綿蛋糕都係幾乾，我諗我唔會再喺呢間買海綿蛋糕🤧-👀個人喜愛度：5.5/10-🚩Chateraise觀塘觀塘道418號創紀之城五期apm UC層 UC-49號舖

Chateraise係一個日本牌子。佢個忌廉蛋卷好好味！個cream勁香牛奶味，質地好滑。蛋糕又夠鬆軟🎂，夾埋一齊食簡直係perfect match!✌🏻✌🏻😋足以令我買夠三個！