558
101
34
| 餐厅: | Chatterbox Café (K11 Musea) |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
开饭介绍
来自新加坡文华大酒店，被誉为海南鸡饭始祖，主打一系列新加坡地道菜式，并设有香港限定甜品。
继续阅读
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
以上资料只供参考，请与餐厅确认详情
相关文章
K11嘅餐廳普遍偏貴，如果要價錢相宜嘅，其實都唔係好多選擇。今次食呢間海南雞主打嘅餐廳，試過其他分店今次試吓呢一間。餐廳環境寬敞幾舒適，裝修幾唔錯，兩面入口，平日晚上嚟到啱啱有位。餐廳款式種類都幾多，除咗有主菜之外，仲有小食，沙律，蔬菜，甜品，飲品等等。海南雞飯 (⭐️⭐️⭐️⭐️⭐️)呢度就真係要點海南雞飯啦，賣相都唔錯，油飯可以改白飯。海南雞都幾滑幾鮮，煙靭適中，份量都唔少，仲有三款醬料，可謂正宗海南雞飯味道。海鮮炒貴刁 (⭐️⭐️⭐️⭐️⭐️)另一星馬菜就係海鮮炒貴刁，份量都幾多，唔算好鹹，好入味，有濃濃嘅醬油味。海鮮用料充足，有好多隻大蝦，有帶子等等，見到唔少人都點呢味菜。蒜香青菜(⭐️⭐️⭐️⭐️💢)希望食得健康啲，所以點左蔬菜。佢有青菜，蒜香青菜同埋蠔油青菜嘅選擇，我哋點咗蒜香青菜。份量都幾多，啲菜好大，如果切細啲更方便，但整體味道都唔錯。埋單人均唔使$200，都幾抵食，算係咁啦如果喺K11 Musea嘅水平嚟講，而且係飽肚嘅，下次有機會食埋個甜品就滿足啦。~~~~~~~ Chatterbox Café (K11 Musea) 尖沙咀梳士巴利道18號維港文化匯K11 Musea B1樓B110號舖👍星馬風味👍地點方便👍環境舒適
继续阅读
這天的晚餐，是和太太在這間名頭響亮，來自新加坡文華大酒店的 Chatterbox Cafe吃的。第一次幫襯這間來自新加坡的過江龍，當然要試試它的招牌「文華海南雞飯」（$138）。因為想吃好一點，所以加了十元要了髀位，這招牌海南雞飯的的確不錯，雞髀位皮光肉滑，三色醬汁也見地道，加上味香乾身的油飯和味道適中的例湯，已是水準之上的海南雞飯。「傳統甜蝦醬蔬果花生沙律」（$108）其實即是在星馬甚為常見的「羅惹沙律」Rojak，這裡的Rojak相當地道，以甜蝦醬調成的醬汁酸甜醒胃，配以蘋果粒、菠蘿粒等水果、青瓜粒、油條、芽菜仔和大量花生碎等材料，份量不少，也好味道。另一款小食正做特價，原價三十八元的「香脆薄餅（4件）配咖喱汁及蔬菜條」只售$28，雖然份量不多，也不算非常好吃，以這優惠價錢，淺嚐一下，還不錯。 其實這裡的數款盛夏冰爽特飲蠻吸引的，餐飲升級之後的價錢還不用三十元，更是十分可人，可惜我已甚少喝那麼甜的飲品，不然的話，真想吃它一杯消消暑呢！總的來說，這餐廳環境舒服，侍應服務態度亦好，再加上它的食物質素也挺不錯，怪不得這晚雖是平日，餐廳內的客人也十分多，幾近全場爆滿。其實這品牌除了幾間名為 Chatterbox Cafe的餐廳外，還有另一間名叫 Chatterbox Express的副線餐廳，有機會的話，我也可能會去試試呢！
继续阅读
正式踏入暑假☀️，阿媽又忙左，不過又多左時間孖住出去飲飲食食😋都係開心事黎既🥰今次我哋又去最熟悉既商場K11 Musea揾食，食左來自新加坡文華大酒店的Chatterbox Cafe，除左海南雞飯出名外，仲有其他新加坡地道菜式。🥢文華海南雞飯用了無骨雞脾肉，份量不少，吃起來啖啖肉好正，雞件嫩滑鮮味，配以甜醬油、薑蓉、酸辣汁三款醬料，我覺得乜都唔點都已經夠入味。套餐仲有雞油香飯和豆腐菜湯一碗，油飯好香好好味，湯清清地，配搭簡單有質素，好滿意。🥢星洲海鮮炒貴刁本以為有辣味，原來唔辣既，反而深得阿囡垂青，一口氣食左一大碗。貴刁炒得好乾身，每條表面都有薄薄嘅油光，條條分明，加埋香蔥蛋絲芽菜同配料，口感彈牙香滑。海鮮有大蝦、大帶子、鮮魷魚，用料矜貴又夠鑊氣，抵食。跟餐有多款飲品可選，有免費的，亦有些只要跟餐加錢。🍹椰子雪糕番石榴梳打跟餐加$28嘅特飲，椰子雪糕充滿熱帶感覺，蕃石榴梳打味道清甜可口，仲有一塊塊新鮮蕃石榴肉，清新消暑。☕️熱有機雜莓茶本以為會幾酸，原來又唔係，反而有清而不俗的苺香，飲落好順口好舒服。另外加$28點了🫓香脆薄餅4件配咖喱、蔬菜條。薄餅好薄好脆，本身都有少許胡椒味，沾上香辣咖喱汁更惹味，小朋友愛吃。餐廳口啤唔錯，人流都幾旺，價錢合理，份量又OK，上菜速度、服務態度都令人滿意，下次可以再食。
继续阅读
之前黎食過一次嘅Chatterbox，今日終於有時間再訪，而今次梗係繼續食佢最出色嘅🐓文華海南雞飯🐔。招牌文華海南雞飯HK$138- 呢度海南雞飯真係相當出色，真係新加坡傳奇之海南雞飯，無骨海南雞飯真係雞件嫩滑，油飯相當夠味同好味，米粒 粒粒分明，配以黑醬油，薑蓉，辣椒醬。不過我覺得就不點醬料了，咁先係最原汁原味嘅海南雞味道。仲有佢個雞湯，一份海南雞飯的重點就是在於雞湯，完全用鮮味去形容。 星洲海鮮炒貴刁 HK$128- 呢度炒貴刁同外面坊間唔同，佢配以海鮮去主理，乾身同好夠味，非常惹味。📌Chatterbox Café (K11 Musea)梳士巴利道18號維港文化匯K11 Musea B1樓B110號舖
继续阅读
Chatterbox除左係海南雞飯世一之外，其實佢個喇沙都超正!! 另外仲不時會有d期間限定優惠咁，今次哩個都幾抵!海南雞飯份雞肉真係好滑，連d皮都又香又滑好似食緊bb雞咁! Upgrade埋雞髀仲滿足，啖啖髀肉🤤油飯都香而唔油膩👍🏻難怪佢晚晚都人氣滿滿～哩度既喇沙湯式係我食過最最最rich既，好香既花生沙嗲味，米線同配料麵掛滿湯汁，特別係豆卜索到滿一滿，成配直程變左沾麵咁，超正😍有蛋有雞有豆卜魚片，加埋濃厚湯底食一碗都真係好飽下!!
继续阅读