CheckCheckCin 米水茶飲 (已結業)

少見的米水專門店，根據身體狀況選擇適合的飲料很多新奇的搭配，包裝粉粉嫩嫩的很可愛😻出門也能喝健康無負擔的飲料，另外還有米水和茶包可以買回家自己泡番石榴青檸米水梳打這杯的功能是減肥消滯，最近吃太多油膩食物適合來一杯梳打能增加飽足感，但又是一個不乏味的飲料因為是用米水做的，嘴裡會有米的餘味，很新奇番石榴和青檸味很天然，不會太甜👍🏽也和米水很搭，凍飲還會自動走冰很貼心100ml才25大卡，沒有罪惡感😽

中秋佳節,送下小禮物就緊係多個原因啦女生最愛既米水品牌襯住中秋節,推了一款叫賞月纖茶禮盒中秋食多左月餅,飲返杯皇牌草本茶,味清解油膩行氣活血,不含咖啡因雙層玻璃杯晶瑩通透可愛有賣點印上燙金CheckCheckCin招牌眼睫毛 茶杯有隔熱效果,唔會辣親手,茶泡5分鐘就可以喝了,味道清香,易入口$138 一套5包茶包加一隻玻璃杯CheckCheckCin銅鑼灣告士打道311號皇室堡地下G14號鋪#中秋節 #米水專門店 #CheckCheckCin

某日 , 到 銅鑼灣 行街街 .... 在 皇室堡 見到這一間專門賣 "米水茶飲" 的 Check Check Cin, 筆者深感好奇 , 於是就入內幫襯 ~經過一些單張的介紹 , 知道原來喝 "米水" 是男女老友均適合飲用 , 而且有保健的作用 , 不同的米水入不同功效 , 有的可以補充能量、有的可以補血安神、消暑去濕、潤肺生津、暖胃散寒、增強消化力、或是健脾養胎等 ....我點了 無花果百合茶 (凍) $34 : 這杯飲料的味道清香甜蜜 , 生津潤喉 ; 據資料單張所述，使用的材料有無花果、百合、蘋果、蜂蜜、雪耳 ~ 其功效可滋陰潤燥 , 所以適合皮膚乾燥，大便不暢，睡眠不安寧的人士飲用 ~本篇完 ~

茶寮、奶蓋，開到成行成市，但其實都係差唔多嘅嘢！今天阿女帶咗我嚟皇室堡一間新開嘅專門店，賣的有別其他食肆，專賣健康米水飲料，又幾特別喎！鋪面裝修得清新可愛，還有窩心貼士推介不同身體狀態飲不同配搭的飲料，原來米水係可以配搭不同的食材達至養生的效果！可以試試，出街都可以飲得健康D！

今日在銅鑼灣皇室堡買了杯 「招牌米水」真的覺得好嬲！！1. 杯身設計有問題，我買完攞住原來會溜「滾」的米水，搞到燙傷手指，落番樓下換杯，左右手都燙傷了⋯⋯2. 佢賣既係米水，有好多沉底的紅米，白米，生薏米，聲稱可以健脾，可以食/ 吸食但以環保為由，場內唔會提供飲管又冇匙，要食一係就買佢地既鐵管，飲完自己洗.....但我係街囉⋯⋯即係叫我唔好吸食養生的米，我覺得食物唔食晒都冇衣食同唔環保收$26 杯，坦白講價錢唔值

依排天氣好涷, 行入商場打算買杯咖啡取下暖恰巧見到有間check check cin 有熱飲平時已經見7仔有賣佢地的紙包飲品今次決定試下佢地的米水珍奶店開到成行成巿 , 米水可以係大家另一個選擇整間店裝潢顏色都好親切飲品標榜健康, 入面有茶包套裝供客人選購飲品價錢少貴, 拍得住珍珠奶茶同咖啡 唔派飲管 👍🏻大家記得自備呀或現場購買矽膠飲管 招牌米水唔算大杯, 入面都有好多米粒有清香米味不過始終是稀稀的米水好快就飲光了唔似珍珠奶茶or咖啡般飽肚整體來說體驗不錯 一試無防

朋友介紹，呢間鋪，本身以為係台灣店鋪，原來係香港中醫師開既，估唔到仲開了咁多分店，香港人近年真係注重健康左好多。店鋪有好多唔同款既米水同茶療，仲有杯裝飲品。買了一盒朝米水$120，一盒有15包，每包可以連續泡到無味。每包都有立真空包裝，包裝幾細心。一包米唔算多，成分好簡單，有紅米、薏米、白米。但泡左幾次之後，d米真是焗成左平日食既米。泡出黎飲落去真係米水，無甜味，好清，但連續飲左幾杯，會飽飽地，飲水飲到飽，哈哈！

早前係尖沙咀誠品買過一杯招牌米水，係健康既味道，唔太甜，所以諗諗下就想買一盒盒果啲，自己焗黎飲。買左一盒夕米水，盒上面有教點沖。焗起黎有陣黑芝麻味，好香。可以再焗再沖，重覆2-3次，但沖完兩三次之後，我開始猶豫啲料/湯渣洗唔洗吞埋佢呢🤔因爲啲渣已經淡，對我呢個重口味既人就係...不了之後我去checkcheckcin既Facebook page 問原來唔洗飲埋啲渣（勁興奮）總括黎講係健康，但我唔知自己捱唔捱到每日一杯（以往係珍珠奶茶當水飲）

踏入3月 天氣已經開始炎熱 在人山人海的銅鑼灣逛街 不禁感到有點口渴喝膩了台式手搖杯想起附近有一家主打健康養身飲料 便跟朋友走到平時甚少逛訪的皇室堡checkcheckcin位置很容易就找到就在出入口附近店鋪雖然不大 但裝修明亮點了一杯洛神花山楂花茶（冷） 無糖店員很親切體貼提醒我們若不要吸管能優惠$1杯子設計簡約可愛飲料喝下去 酸酸的 一解悶熱店鋪設有椅子數張跟朋友喝著清涼的飲料 聊聊天 歇歇腳小休了大半個小時 又繼續逛街 哈哈

飲品專門店五花百門，呢間以米水作主題的養生食療飲品店能否突圍而出呢？ 先睇睇裝修，以粉色為主感覺柔和舒適😄～ 牆上放滿產品，將功效和五行及時辰用插圖簡單標示出來， 包裝都睇得出下了很多心思 👍🏻 招牌米水$26～ 米水方面，飢詩覺得味道很適合自己，的確有很香的米味，但跟自己在家中煲的沒兩樣，未有那種像珍珠奶茶/奶蓋茶般想不停返飲的魔力 ， 賣點當然還是方便及養生吧～ 它的出現確實提供了多種選擇，超適合弱不禁風/m到的女士們 😆飢 point : 7 / 10#hungermarch #飢詩 #非飢詩

去完工展會吹住風睇完工展小姐，吹到頭暈暈咁，見到呢間健康飲品店，買返杯熱飲暖下身！唔知飲咩可以跟返自己嘅狀態黎揀。本身想滋潤下，想試新出嘅蘋果雪梨菊花茶，可惜賣晒，只好試返「我狀態ok」嘅熱招牌米水$28以白米、紅米及薏米煲出米水，稠身帶有米味，上面加左藜麥脆脆，功效係健脾益胃。我揀左少甜，入口係薏米水咁嘅味，好清淡，同我自己焗嘅薏米水味道差不多，$26黎講係有少少貴，不過都不失一個健康嘅選擇。P.S.現場所見全部顧客都係女仔，而且大部分都係揀熱飲，好養生。唔通呢類飲品吸引唔到男士？

天氣轉涼作感冒開始喉嚨痛，街上較健康的飲品只有幾間選擇。.走到銅鑼灣皇室堡試飲新式保健飲品飲品的配方，功用和包裝都十分吸引！.這次試飲了 柚薑米水混合柚子蜜加薑汁和米水薑汁分量剛好， 飲後感覺和暖又不會太辣是驅寒保暖神器！.

Check Check Cin最近開左愈嚟愈多舖頭，又係網上都見到好多廣告，經過銅記都忍唔住慕名而入去買返杯嚟飲返下。佢嘅手沖飲品分別有米水同茶嘅選擇，嚟到梗係試下佢哋最出名嘅米水啦，由於見佢啲野飲嘅價錢都唔太平，米水最貴嘅大概要$38一杯，咁唯有試返佢嘅最平$26嘅招牌米水。見到員店係一個煲湯咁嘅煲度「不」米水出嚟，都似係煮左好耐，米水聞落去嘅味道唔係會太好飲，而飲落去就淡淡地，會有啲味係入面，都算正算，但就唔係話會特別鐘意，而如果唔係特別有功能性就未必會再買嚟試啦。

以薏米水做主打嘅飲品，市場好少見！但岩哂我心意，因為我屬於熱底，唔忍口食少少熱氣野就會爆暗蒼嘅人，間唔使都會去涼茶鋪買乜乜加薏米嘅涼茶飲，見到呢間走新潮路線嘅飲品店，即刻去試！餐牌選擇唔算好多，主要以薏米水加其他味為主，因為想light light地，唔想飲太甜嘅野，所以揀左原味。店內有沖劑買，鐘意可以買走自己沖！我杯薏米水到左喇！一眼見薏米都唔少，不過其實佢地全部浮哂面，你見到有幾多就係咁多…味道偏淡，薏米味都有，不過唔算好濃味。原味係真係原味，佢無呃你，飲得出無乜加糖或其他味粉。整體：一個健康清新，出街想解喝，但又唔想飲太甜嘅野嘅好選擇！不過呢個價錢我就覺得偏貴…一杯薏米水要28蚊…

行街口渴，再唔係只有珍珠奶茶、Green Tea Latte、果汁啦！Check Check Cin 由香港註冊中醫梁尹倩創辦，我本來都有Follow佢係社交媒體分享既健康飲食小知識，到後來知道佢係銅鑼灣開鋪，近近地咪去幫襯下囉。品牌設計好Fresh好Young，同一貫老派涼茶鋪好唔同，粉紅粉藍既主色吸引年輕女客人，特別係注重健康，鍾意打卡既一群。個日我叫左熱粟米鬚梨茶，飲落去唔會話好甜，或好淡。野飲比我想像中大杯，我飲唔哂，所以攞走。個杯設計得幾岩我心。成個品牌設計整體真係唔錯，至少香港無類似既競爭對手，注重健康，又Buy 中醫個套既人應該會鍾意