CHICKEN FACTORY (新達廣場)

营业中

休息中

之前見同事介紹呢間烤雞專門店「Chicken Factory 」 ，話$68買隻雞跟薯菜同野飲做lunch好抵食。終於大埔新達都開咗啦！今日收工就見到有好多人排緊隊，原來7點做特價，當時仲有3分鐘，我都排埋一份，我哋一家三口，買咗一隻雞再要多一份「皇牌二人餐」，加埋都係$166，3個人食一定足夠。「百里香烤雞」，真係超香，除咗外皮酥脆焦香，雞肉都非常嫩滑仲入晒味，完全冇雪藏味！另外，要讚的是跟餐嘅烤雜菜，非常豐富，一杯包括幾款蔬菜：豆角，椰菜花，紅蘿蔔，雜菇，全部都索左烤雞嘅精華，勁入味❤️焗薯也是非常吸引，連薯皮都可以一齊食！仲有其他招牌特色美食還有海南雞 、 無骨口水雞同米線套餐😍全部都想試！原隻烤雞於指定時段特價$48/隻 (原價$68 /隻 )，大家唔好錯過！

Chicken factory😊聽落個名好得意咁，餐廳名字目標明確，一聽就知係食雞。由於喺公司附近開咗所以我食過好多次了，真係好抵食，$48，有半隻雞然後可以選兩份配菜。薯仔/飯/雜菜 (冇睇錯係可以選兩份)，由於唔想食太多野，所以我每次都會選擇雜菜，雜菜唔係就咁白烚，而加咗芝士粉落去焗，好惹味，好好食。雜菜有紅蘿蔔、椰菜花、豆角同菇，種類豐富唔會覺得單調。而雞方面足足半隻，一個人未必食得晒。可以選擇牛肝菌汁/咖喱汁/麻辣汁。自己比較鍾意食麻辣味，辣辣地，酸胃又唔肥膩。

係大埔呢頭返工，已經食到唔知食咩好最近新達廣場開咗好多新鋪頭，包括呢間chicken factory，所以同同事一齊試下以價錢嚟講真係好抵食啊$48有半隻雞，有三隻汁簡，我簡咗麻辣汁真係好正，其他汁同事試過，都係覺得麻辣汁最正$48除咗半隻雞，仲配兩個配菜可以簡雜菜、雞飯、薯角呢三個配菜都好正另外都包埋飲品的不過提提佢鋪頭比較細，堂食坐位唔多，最好都係外賣