CHICKEN FACTORY (V Walk)

营业中

休息中

之前食過幾次都OK嘅，但係尼次真係離晒大譜。買咗個海南雞飯外賣，返到屋企一打開，真係咩食欲都冇晒。先唔講啲配菜（真係冇眼睇），雞肉超韌，咬到牙痛，啲飯又硬，呑都呑唔落！冇食過啲禁難食嘅海南雞飯!!!!!!!!!!!!!!!!!!!!!!!!!!!!!!

今日喺Chicken Factory食左海南雞飯，同時叫左一支洛神花茶，整體體驗頗為滿意。海南雞飯嘅雞肉質地嫩滑，啖啖肉多汁，雞皮爽滑而不油膩，配上少許蔥花同姜蓉，味道更加豐富。飯粒煮得剛好，濕潤但不黏，帶有淡淡嘅雞油香氣，入口即溶。配菜有酸辣嘅泡菜，清新爽口，能夠解膩，非常搭配。洛神花茶係一大亮點，茶色深紅，透出陣陣酸甜香氣。入口酸中帶甜，清涼解渴，唔會過份甜膩，非常適合搭配海南雞飯呢種較重口味嘅食物。洛神花茶仲有助消化，飲完之後感覺唔會太飽滯。整體來講，Chicken Factory嘅海南雞飯同洛神花茶組合係一個值得推薦嘅選擇。不論係雞肉嘅質感，飯嘅香氣，定係茶嘅清爽，都令人印象深刻。價錢合理，性價比高，係一個休閒同享受美食嘅好地方。下次有機會，一定會再嚟品嚐其他菜式。

#chickenfactory#南昌行過v walk 突然之間想食雞 於是入左去chicken factory外賣多 堂食既都會有幾張枱凳叫左隻百里香烤雞 肉質鮮嫩手撕烤雞 肉汁滿滿雖然有黑椒汁附送 但我覺得本身烤雞既調味已經足夠 抵食又唔柴 兩個人食推介1/2隻 已經夠另外仲叫左個海南雞飯 都唔錯👍🏻#深水埗#南昌#烤雞#海南雞#instadaily#instafood#foodporn#foodphotography#18區美食#美食日記

今晚一個人吃飯，去咗Chicken Factory 買外賣回家吃，因為餐廳堂食地方比較細，吧枱大約可以坐六個人，見大部人都係外賣拎走。餐廳有好多選擇有烤雞餐，海南雞餐。揀咗A餐百里香烤雞餐，有半隻烤雞，雞皮烤得香脆，雞肉加入香草，咬落嫩滑多汁，任選兩款配菜，可以揀油飯，白飯，焗薯或烤蔬菜，要咗烤菜同焗薯，感覺比較健康啲，醬汁有三選一有牛肝菌汁、黑椒汁、咖哩汁，要咗牛肝菌汁，飲品有冷泡茶、低糖檸檬水同罐裝汽水，呢個餐超值低食

今日試下食西式叫左1/4雞配牛肝菌汁焗薯同烤菜$46仲包飲品我個人唔算大食，1/4雞已經覺得好飽，而且雞肉好厚，配上牛肝菌汁， 十分好味。不過我反而覺得配菜更加好味，焗薯同雜菜已調味。如果怕唔夠飽，配菜可轉白飯或油飯，或者可以加錢，轉½雞或者大雞😋😋另外再照咗半隻海南雞飯，配例湯$88反而依個味道不太好，但份量好足夠總括來講，烤雞較為出色，而且好抵食🥰🥰

冷冷的人情，嫩嫩的雞健身嘅朋友們都可以去食，走醬就得喇，連雞胸都係好嫩，唔好同我講慢煮雞胸有幾好有幾好，事實係唔夠呢間雞工廠好燒出嚟嘅雞吳加任何醬料，依然好香除去皮根本冇油，而整隻雞都係嫩嘅鍾意食惹味嘅朋友可以揀麻辣醬、雞油飯、雜菜，麻辣雞食到你返唔到轉頭從此 我和雞並不孤單～

好耐之前行過已經想試，咁啱今日收工經過見到剛好係特價烤雞出爐時間，立即買返隻返屋企加餸，滿懷希望咁返到屋企仲大大聲同娘親講我買咗隻燒雞加餸，開飯前仲入廚房叫娘親斬雞出嚟，點知娘親話乜呢隻係雞咩，佢大過隻乳鴿少少咋喎！我話$48你仲想有幾大呀？好食咪得囉！隻雞一放上砧板，把菜刀只係輕輕掂到佢一下，佢就成隻散晒，當時果情況就好似你切舊百福滑豆腐咁，hi一hi就成舊四分五裂咁散開晒，娘親話咁既雞都有人買？我都係果句：好食咪得囉～如是者，食飯果陣我第一時間食件雞髀先，點知一入口，味道不似預期，咩味都冇，又淋，食咗一舊已經唔想再食～之後佢就投入左垃圾筒既懷抱～以後都唔會再見👋🏻完～

偶然路過... 等了半小時... 7點出爐🐤~比想像中好食 + size都ok外賣回家做晚餐~門口有指示排隊位置，不過如可改善夠鐘有🐤賣時主動叫人過去更好... 因夠鍾開賣時，前面排頭位那位仍戇居居等，搞到後面成條龍一齊白等

諗住預早叫外賣自取，去到餐廳唔使等，結果去到餐廳都未接單。之前新開都試過，以為開咗一段時間會學識接單，點知都仲係咁，去到問個阿姐佢又唔得閒睬我，最後我都係cancel左張單去第二間買外賣算，冇下次啦😓

This shop was a surprise when it opened in this mall with largely local flavours. The roast chicken is well-made, succulent and comparable to those from your Western supermarkets at Elements/ Pacific Place etc. The more pleasantly surprising element however was the side dishes! The roast potatoes are made to a very high standard, very well seasoned and the mixed vegetables come sauteed with cumin - all bursting with flavour and wholesomeness. The sauces to choose from are also excellent whether

新開又咁岩下午茶見佢有海南雞飯$28就試下，仲包野飲仲好大支，幾抵哦。係個雞唔係好夠滑之外，其他都唔錯，個蘿蔔好夠味，又爽，酸酸甜甜好開胃，個汁都好夠味野飲仲要冷泡茶不太甜非常解渴消暑