CHickEN Storm (已結業)

買了團購，試下幾抵嘅$98二人餐。店舖位於佐敦，其實亦十分近尖咀，位置幾方便。所以食韓國野唔一定要去尖咀逼。本來以試下嘅心態，不抱期望，但質素確係令人喜出望外。有幾位侍應都係韓國人，而且在埸都有幾枱韓國客人，所以都應該唔差。有部大電視播韓國音樂，等緊野食期間睇下，好開心。在埸所見大部份嘅人都係團購嘅。個餐包一盤無骨炸雞同兩枝飲品。哩到嘅前菜比其他炸雞店多，除左酸蘿蔔，仲有泡菜、鹽焗花生同沙律通心粉。 沙律通心粉只係韓國食過，估唔到香港都有，佢甜甜地可以解下辣同膩。 值得一讚係前菜可以免費refill佢地雖然忙但都會主動幫你refill！喜歡食有骨炸雞多d,但團購只有無骨。 無骨炸雞分别有四款，分別係原味、調味、醬油同香辣。點左雙併調味同香辣，落單時侍應有好心提醒一下香辣味係好辣嘅，咁就更加要一試，哈哈！同所有炸雞店一樣，即叫即炸，望住其他人食緊，好想快d 食呀！ 終於嚟啦，半半炸雞加埋洋葱圈、薯條、薯角同炸年糕。薯條係粗身有口感，點上芥辣醬好配，炸年糕就點韓式辣醬。 香辣炸雞咬一口，係食到香味，期後數秒，辣味係口到湧出，仲要好耐都唔散！哇，真係勁辣，唔食得辣真係千祈唔好點！調味炸雞其實

前排團購買左109蚊ge炸雞套餐，有足足一隻雞同2枝真露，仲有小食無限供應 入到去覺得裝修幾特別，bk左枱所以唔洗等。 佢有幾隻味ge雞，我就揀左醬油同調味。 2隻雞都好好食，特別系調味個個，辣辣地又有小小酸！好好食小食有幾款，自己中意麻醬沙律 有得refill 真係幾正！

這是佐敦新開的韓式炸雞店，開張了一段時間才去試係怕佢未run好。點知今日去,人手還是不夠，啲客人叫了幾次才回應。我地三個女仔叫了炸雞配泡菜飯團，炒年糕配泡菜飯團同炸雞配吞拿魚飯團。炸雞的味道同質感令我想起KFC.....不是我食開的那種味道。炒年糕味道都幾好, 可惜怕辣的我食唔到, 再加上泡菜飯團, 辣到我流晒汗......怕辣的朋友要三思。再加上叫佢地攞杯水都係件困難既事.....吞拿魚飯團朋友話OK, 本人就冇食到。個餐有跟湯同前菜, 個湯有褔面個味精湯味道，前菜只係幾粒蘿蔔.........而且三個人一碟...呢度啲野其實唔難食, 有種韓式fast food既做法, 可惜啲野黎得唔fast, 中午時間有限, 咁等法下次好難再黎。

經過佐敦見到這間韓風小店連中文字也没有，應該是正宗韓主理，小店職員亦殷勤介紹就入去叫了雙雞拼盤，一款是蒜蓉味，另一款是韓式甜醬，甜醬方面亦帶辣，很怪，蒜蓉方面係一些生蒜蓉放雞上面，冇咩韓風feeI，價錢$158，食KFC比較好了

朋友相聚，又是時候食炸雞！呢間Chicken Storm係裝修期間已經見到等極都未開，先前仲見過d負責人坐係入面傾終於開業，仲要新開有九折，當然要試試啦:^)有點奇怪的是……我地入到去，佢地係冇俾餐牌我地莫講話係擺枱啦仲要之後落左單，佢地就送左前菜黎重點係……咩餐具都冇喎大佬！一時唔記得唔係大問題，我地都唔係harsh到咁就狂鬧既只係……佢地擺緊未有入座既枱喎！仲要係唔只一個人擺想講佢地人手都唔係多，仲要分咁多人去擺一張枱每次叫人既時候都要等到有職員過黎，有人望到先叫到下？環境感覺係幾舒服牆上有d位係俾人留言一見到個格局就諗起之前係韓國同個姐姐飲酒食煎餅吹水:^)餐牌選擇幾多，除左炸雞，仲有炸雞腎等本身想試個炸雞卷包，姐係好似片皮鴨咁，但用米紙包住只係當晚去到話已經冇哂:^(前菜有三款，都係免費添加既只係唔知點解有server無啦啦收走左佢……我地仲未食哂既，但佢又唔係拎去refill，係一去冇回頭咁-___>酸瓜咪係平時漢堡果d囉xdddd酸味唔會太刺激，仲有少許甜，爽口開胃醃蘿蔔夠水分，食落爽脆清新，酸度適中又冇青味通心粉沙律呢個我問好多人都話冇食過講真好多年前第一次去韓國

餐廳附送前菜有酸蘿蔔、野菜沙律，侍應說還可以再添加。炒年糕: 太辣，不適合港人口味。年糕質感太硬，難以咀嚼。招牌風暴醬油炸雞/ 蒜味炸雞 ($158): 炸雞可以選兩款口味雙併。其中一款招牌風暴醬油炸雞，味道是偏淡的甜酸味，上面灑滿開始變味的花生粒。蒜味炸雞的蒜味不突出，沒有醬汁的。雞的肉質不過不失，但份量太少，面層雞件細小，至於低層的雞件全是雞骨，有點受騙的感覺。味道跟其他韓式炸雞店有很大差別。飲品選了可樂和芬達橙汁，價錢同是$15，可樂是大支裝，芬達橙汁竟是細支裝。餐牌沒有註明亳升，有受騙的感覺。另外，目光兇惡的餐廳經理在食客前罵員工，令到餐廳氣氛有點壓力。

平時都成日食炸雞，果日見佢開張，就叫埋同事試新野。諗住多人等位啦，收工即去。點知竟然唔駛等位，我估地點有少少僻的關係。入到去即坐，看到果餐牌。。。叫左三樣新野，平時食開的炸雞店無的香脆香辣雞腎：好辣,但好爽(一路叫住辣，一路食)(不過，食得辣的同事就話辣得剛剛好)風暴招牌醬油炸雞：咸甜剛好，超JUICE(它應該用新鮮雞，否則點做到??)而且年糕形狀超CUTE，有星星、心心...風暴包炸雞：我超喜歡這個、又好玩、又好味，夠FRESH、無咁油膩(外形、食法都好似北京填鴨) 真係估唔到炸雞店有這味菜，讚P.S. 香港食炸雞，竟然無限時限刻，和同事勁吹水，真的好好。咁先係韓國炸雞店~~

有朋友介紹就黎左試下叫左一客炸雞同小食拼盤  呢到仲可以叫雙拼口味於是試左蒜香同香辣口味炸雞同個拼盤都好大份聽經理講炸雞原來係用原隻雞斬件炸架同K記啲雞好唔同  唔洗淨係食雞槌同雞胸蒜香好重蒜味 離遠就聞到香辣都有啲辣 我係會食辣既人都覺得幾辣 不過可以接受 辣得黎好香啲雞肉唔會好鞋 同埋炸到皮好脆 外脆內軟！小食拼盤擺得好靚  最好食係幾條腸！薯條都有粗有幼 口味幾好整體都好好食  不過份量太多啦同女朋友兩個食唔晒要打包....