Chill Sweet

营业中

休息中

食左呢間幾次第一次食啲芋圓覺得硬諗住一時失手姐第二次都係咁我自己煮得仲好食到底點樣煮到咁硬而入面好似未熟曬咁？呢個價錢真係接受唔到咁嘅質素極失望應該唔會再食呢間

初初新開張 買左幾款甜品試味道普通都正正常常但服務員態度認真差講野完全冇尾音🫠重點係 有款甜品明明餐牌寫有凍又熱但係買既時候冇熱 而個服務員比人既感覺係: 得凍食唔食呀 唔食就過住….😌😌應該以後都唔會再去….食甜品本身係一件好開心既事 但係唔想因為啲咁既服務質素令成件事變咗唔開心

今日買咗支$39嘅楊枝甘露諗住買番屋企飲但番到屋企一開 成支嘢飲好澀 好似壞咗咁跟住試吓飲一啖陣味好酸(;´༎ຶД༎ຶ`)真係搞吾掂跟住攞返落去店舖換個枝新嘅點知換番黎既都係就壞就壞既味大家買完記得要試吓味(;´༎ຶД༎ຶ`)

自問是個甜品控, 甜品令人有幸福的感覺。但通常我先生都是陪隊, 仲有兩次外賣俾佢鬧點解咁難食 😆, 其他好麻麻, 或者都會食剩。外賣app 見到青衣有新甜品鋪, 本來都唔知好唔好叫, 再睇下open rice 有谷友推介。我話有人推介話呢間新甜品鋪係青衣最好食, 我先生 答我 "係喎" 🤭🤣, 仲兩分鐘食哂。😆大家葵青想叫糖水甜品外賣, 推介不妨試下呢間小店, 應該有驚喜。🥰

我認識呢間糖水舖係用外賣app嗰陣時識既。嗰日試過之後，就一試難忘。我就跟佢嘅王牌點咗一個「椰皇雪燕桃膠鮮奶」。嘩，真係好食到呢 😱🥰🥰🥰 所以而家每次去呢間嘢買糖水，乜都唔使諗，淨係點呢一個椰皇雪燕桃膠鮮奶。 已經成為我嘅最喜愛甜品之一。 啲桃膠好煙靭，椰奶好香，再加埋個鮮奶底，簡直係一流絕配。🫶🏻 諗到一樣糖水嘅人真係要值得頒個獎俾佢。 👍🏻 就算唔加鮮奶，就咁椰皇雪燕都已經好好味，價錢就會平少少。呢間嘢喺外面好似可以堂食，不過我每次都係買返屋企食。夜晚返屋企慢慢品嚐。