CHIMAC (駿業街)

营业中

休息中

最近經常喺屋企食飯，食到悶悶地，決定出關覓食☺️今次介紹呢間炸雞店有幾間分店，而位於觀塘呢間主要外賣為主☺️不過佢哋都係有少少堂食位置可以俾客人坐低食😎餐廳食物以韓式為主，當中嘅炸雞就最出名👍味道又多，價錢又合理，非常抵食😋😋今日我點左個半半炸雞套餐，再另外加左一個泡菜炒飯😊😊半半炸雞🍗我今次揀咗蜂蜜焦糖味及蔥蒜醬油，每款都有六件。前者味道清甜香口，後者咸香帶甜，食落較濃味👍囗感方面外層勁香脆，內裹好juice,肉質又夠嫩🤤🤤雖然知道好邪惡，不過真係好食到停唔到🫣🫣泡菜炒飯唔好諗住炒飯平平無奇，但係愈食愈上癮😋😋炒飯炒到好有鑊氣，粒粒分明，我仲點左辣味炸腸，餸飯一流😙😙而家下截佢哋個App仲可以免費升級套餐,真係抵上加抵🥰🥰

放工心思思想食韓式炸雞，原來駿業街就已經有CHIMAC分店。叫左無骨炸雞套餐，炸雞都係即叫即炸，上枱熱辣辣。因為今日想享受炸雞脆卜卜既外皮，所以簡左半半口味（閃亮芝士粉同蜂蜜牛油粉），包唔會比d醬整濕個皮。芝士粉係落得極重手，滿滿咁覆蓋哂成個雞塊，雞肉調味齊剛好，不會死咸。如果你喜歡韓式甜甜地既芝士粉味，嗯個味道就岩你。而蜂蜜牛油味相對就輕手d，無咁濃味，能夠同時食得出雞味泡菜炒飯幾好食，面層鋪滿紫菜！輕輕鬆鬆送下炸雞可樂就食哂。炸薯條呢個無得事，有我最愛既粗薯條炸香腸，又係非常韓式，可能食慣左港式或者外國腸，所以未必咁岩口味。送既醃蘿蔔都幾清新，食咁多炸野，可以清一清口腔！埋單$191，咁多野食，真係好鬼抵！

在工業區的一間炸雞店 主要是做外賣特別適合上班族/ 在附近開派對嗌左個二人套餐 原味炸雞 + 蜜糖焦糖炸雞 揀左炸雞腿肉 另可選2款小食 + 2款迷你飯 + 2款飲品小食： 炸薯條 魚糕串 迷你飯： 韓式粉絲 辣炒年糕 飲品： 忌廉鮮奶 蘆薈樂 套餐原本就是一定要選原味炸雞 所以都沒得選擇😃個人真的不喜歡原味 因為一定非常乾身🤪🫢果然這個炸雞都是乾身的炸雞🍗但這個蜜糖味炸雞 真的很好吃😋甜甜的蜜糖 跟炸雞特別Match 👏🏻其他的小食 都沒有什麼特別 正正常常的味道🤭

好耐無食炸雞，買個外賣返屋企食先！半半炸雞(12件) $118炸薯條 & 醃蘿白 & 粒粒蜜桃汁 +$9今次揀咗之前未試過嘅蜂蜜牛油味丶白洋蔥醬味，蜂蜜牛油味係落調味粉，甜甜地，但唔覺有牛油味，雞皮較脆。而白洋蔥醬味，包喺外層嘅醬汁有一絲絲白洋蔥，都係屬於甜嘅口味，雞肉肉質都juicy。泡菜炒飯 $48辣味炸腸 +$15可樂 & 醃蘿白 +$5泡菜炒飯外賣拎到返屋企都仲夠熱，炒得夠乾身，粒粒分明，啖啖泡菜味，原來仲加咗腸仔粒，飯面加咗紫菜碎，又幾好味喎！辣味炸腸就偏辣咗少少，要食粒酸蘿白解辣

駿業街呢間外賣專門店舖頭有少量位置，出餐都好快，包得好整齊，單手拎返屋企絕對冇問題👍🏻半半炸雞腿肉 12件 $118全部都係炸雞髀肉冇骨啖啖肉，四四方方嘅外賣盒裝住件件差唔多size好方便食呢款12件炸雞可以揀兩個味，水原式牛肋骨醬唔會太鹹，好香肉醬味；另外大推白洋蔥醬，甜甜地勁香濃，夠杰身掛汁跟餐仲有薯條、醃蘿蔔同汽水泡菜炒飯 $48新出品試一試佢，炒飯用珍珠米粒粒圓滿分明，好多泡菜食落口感爽脆，但唔會太辣，面頭仲鋪咗好多紫菜同有隻雞蛋，撈埋一齊食好香加配小食辣味炸腸 $15佢係炸香腸切粒，唔係港式炸大腸🤣 但都幾好味，腸衣淋淋的，辣醬好入味

韓國炸雞🇰🇷真係會令人食到上癮😆，呢日放工又忍唔住去咗買炸雞餐外賣返屋企食🍗～今次食咗兩款口味嘅炸雞，分別係濃郁惹味嘅水原牛肋骨醬炸雞🍗&原味炸雞🍗，全部都係無骨炸雞腿肉🦴🤭，啖啖肉唔洗吐骨，岩晒我呢啲懶人😎～炸薯條🍟係粗薯條，外皮夠香脆又有滿滿薯肉😋充滿韓國🇰🇷風滿嘅魚糕串🍢，煙韌有鮮味～香蔥豬扒飯🐖，香蔥放喺飯面上面，蔥香滲透墊底嘅白飯👍🏻，豬扒大塊得嚟唔會硬～

CHIMAC 📍觀塘駿業街46號地下B號舖今晚想食炸雞🍗去左@chimac_hk 買外賣叫左份半半炸雞腿肉 $118 有成12件🤩份量好足😋仲可以多款口味可供選擇✅我簡左水原式牛肋骨醬炸雞 +招牌辣味炸雞炸雞係落單後即叫即炸🔥確保新鮮熱辣🔥同埋調味認真唔錯💯🍗買來做宵夜一流半半炸雞套餐跟埋汽水2罐😋😋炸薯條同酸蘿蔔加埋香蔥豬扒飯🤩😁都係$52有2塊好厚身香蔥豬扒～調味唔錯🩷大大份又飽肚～個飯底仲跟埋韓式配菜😋好味仲叫左魚糕串 12/串 大大串又抵食😁 #Chimac #韓國 #炸雞 #專賣店 #Korean #Chicken #外賣 #koreanfood #韓國美食 #香港美食 #韓國菜 #韓國餐廳

今日放假🏖唔想屋企煮飯，想hea一日🤣🤣上網睇外賣平台，發現左一間性價比極高嘅炸雞店🍗🤤🤤我哋點左一個炸雞套餐，加左一個飯同魚糕串，三個人食到好飽，超級滿足😍餐廳位於觀塘駿業街近海旁附近，地方唔算好大，只有數個座位，主要外賣為主，當日所見坐滿客人，亦有等待外賣🥡韓式炸雞套餐 呢個套餐可以揀兩款口味炸雞🍗餐廳有十款味道可以揀，我哋揀左蜂蜜焦糖同水原牛肋骨醬。不得不說，佢哋嘅炸雞份量都幾多，每款口味都有六大嚿🤩🤩外層勁香脆，入面嘅肉又勁juicy勁嫩滑🤤🤤蜂蜜焦糖屬於香甜清新；牛肋骨醬惹味香濃，兩款都出色👍如果多人仲可以食多幾款口味😋😋香蔥豬扒飯除咗炸雞，佢哋仲有飯類可以揀。份量都好足，有兩塊豬扒、煎蛋及配菜，另外仲配埋一大碗紫菜飯，而且飯菜分開，非常細心❤️豬扒食落唔會靭，口感幾正👍📍 CHIMAC (駿業街) (觀塘)觀塘駿業街46號地下B號舖#人氣美食 #炸雞 #美食推薦 #觀塘美食 #蜂蜜焦糖 #水原牛肋骨醬炸雞 #韓式炸雞 #chimac #yummy #香港美食 #takeaway #chicken #性價比高 #聚會一流

平時食炸雞個量永遠都好多🥺有時仲會食唔曬男朋友媽媽知我成日出現呢情況就介紹間係佢公司附近嘅炸雞店曾經存在過我嘅list 但第一間分店開張位置勁唔就我🥲而家多左分店方便勁多💕😙🙌🏼加上佢地炸雞細細份唔洗擔心食淨❣️韓式炸雞套餐 $118 (連炸薯條🍟)食韓式炸雞我點都一定會叫半半因為揀唔到食邊款就決定想食嘅味都要曬😎🥕仲配埋酸蘿蔔中和油膩感依舊甜辣都係我嘅最愛💁🏻‍♀️雖然帶少辣🔥但個份酸甜酸甜好令人開胃而水原式牛肋骨醬炸雞係佢地全新味道🌟見個名幾得意就等我試試 醬汁會帶點牛肉香氣同微微辣同甜辣都真係好大分別同對比😜幾新奇嘅味道😌😌雖然係唔同味道 但咬落都係脆口每舊都係外脆內軟 肉質夠曬嫩滑🐥❣️魚糕串 $12早排食過有啲魚糕帶腥味就嚇怕左🫠但男朋友話想食就叫下再試多啖 係無事的除左無魚腥味 仲帶有韓國魚糕嘅煙韌同彈牙🦷❣️泡菜炒飯 $65聽男朋友媽媽話個炒飯都唔錯就順便叫埋🙈真係同韓國一樣有雞蛋嘅出現🥚可能就返香港人口味🇭🇰唔會好辣泡菜嘅酸辣同炒飯完美融入🍚🥬幾乎每啖都帶有香口嘅泡菜味

呢間《CHIMAC》嘅分店有好多間，佢除咗主打唔同口味嘅韓國炸雞🍗之外，仲有多款主食、小食同飲品，抵食又好味😋╰☆ 魚糕串必食嘅韓國街頭小食魚糕串，口感彈牙╰☆ 半半炸雞腿肉可以一次過叫兩款唔同口味 (水原式牛肋骨醬炸雞 +蜂蜜蕉糖)即叫即炸，熱辣辣🔥外皮香脆，雞肉鮮嫩又多汁，牛肋骨醬好濃郁，入口微辣惹味😋而蜂蜜蕉糖味第一啖食落有啲似爆谷🍿️味道甜甜哋幾正╰☆ 泡菜炒飯韓式美食除咗炸雞又點可能冇泡菜😍沾滿泡菜嘅炒飯，酸中帶甜好開胃🤤╰☆忌廉鮮奶｜粒粒蜜桃🍑汁

今日有兩個鐘頭食晏時間，所以諗住去遠啲，就去咗觀塘，搵嘢食搵搵下見到有間炸雞店，頭入邊得幾個位，主要做外賣生意🤔本來抱住試吓la嘅心態，點知真係超乎預期好食！😍😍😍首先我哋叫咗一份半半炸雞腿肉 (水原式牛肋骨醬炸雞 + 蔥蒜醬油炸雞)❤️牛肋骨醬炸雞第一次試，非常驚喜，甜甜地配上炸雞非常解膩😋蔥蒜醬油炸雞都帶有甜味，就算食多咗都唔會好油😍而且炸雞炸得非常出色，外皮酥脆內裏亦帶有肉汁🤤第一啖咬落去爆汁辣親個咀🤣🤣🤣超級正另外仲有兩串魚糕，煙煙韌韌唔會浸到林晒👍🏻仲有炸雞配薯條，表妹話係佢食過最好食嘅薯條，又脆又肥嘟嘟🤣🤣🤣🤣另外最驚喜嘅竟然係泡菜炒飯，開頭驚會好辣，但係識落發現炒飯仲有酸蘿蔔，非常開胃，仲有半隻雞蛋，撈埋一齊非常好味！飲品方面竟然有桃肉汽水😱😍超級清爽！總括嚟講，即使喺觀塘都係性價比極高嘅餐廳，下次可以再食！

去左食🔸Chimac炸雞店🔸點左個水原式牛肋骨醬炸雞➡️這道炸雞給我留下了深刻的印象。真有牛肋骨的味道，好特別😍😍內裡肉質鮮嫩多汁，炸雞愛好者的好選擇。蔥蒜醬油炸雞➡️外層酥脆，內裡肉質嫩滑。蔥蒜醬油為這道菜提供了豐富的風味。這道菜適合那些喜歡簡單口味但又不希望失去美味的人。魚糕串➡️有魚糕的鮮味，而且不會油膩。泡菜炒飯➡️這道炒飯有大量的香腸粒及紫菜。好好味😋初頭以為佢得泡菜。仲要好大盒。抵食

經過見到餐牌幾吸引，就買左兩個野食。一個係蜂蜜牛油炸雞，一個係炸醬麵。未試過食咁難食既野蜂蜜炸雞，甜到嘔，完全唔知食緊乜嘢，薯條不過不失，冇乜特別但係炸醬麵，真係伏到一個點，完全唔係韓國嘅正宗炸醬麵勁似一堆肉碎，再撈公仔麵食咁樣😓😓😓女收銀員，服務態度惡劣，好似唔憂做咁雖然我知外賣舖係冇乜服務可言，但係真係唔需要態度惡劣到咁囉，呼呼喝喝咁，買個外賣好似得罪佢咁仲聽到佢勁大聲喺度講粗口🥴🥴🥴真係唔會再幫襯，無下次

家姐仔勁中意食韓式炸雞，今日就嚟到觀塘近期超hit 主打多種韓式風味即叫即炸雞，除咗經典甜辣、仲有洋蔥芝士、蜂蜜焦糖+蔥蒜醬油等8種口味任你揀，總有一款啱你～🍗二人特攻炸雞盒🍗跟餐會有12件炸雞腿（6件原味 / 6件自選口味）🍗自選口味揀咗「招牌辣雞粉」，辣雞粉有少少甜、少少辣、少少咸，即叫即炸，每啖都勁爆汁！每一啖都係係一種享受😏 you know （家姐仔話唔算辣）食得揀可以揀「火山醬炸雞」✨小食7揀2款小食✨🍗魚糕串（4串）魚糕彈牙，魚湯夠濃味🍗炸紫菜卷 （4條裏面有韓式粉絲，炸到外脆內軟，家姐仔大愛✨主食6揀2🤣🍗韓式牛肉飯（細）牛肉夠厚身大塊，唔係勁多肥膏又薄果種，有誠意，味道唔太咸，啱啱好🍗辣炒年糕（細）入面有紅蘿蔔絲、椰菜、魚糕，味道偏辣，夠惹味！✨飲品9揀2✨🍗韓國檸7/蘆薈樂Overall嚟講勝價比高，2個人食絕對夠飽！炸雞口味選擇都多，而且仲有芝士排骨鍋、豬肉泡菜鍋⋯⋯到店落單等咗10分鐘都唔洗就拎得👍🏽私心推介中意食炸雞嘅你同朋友一齊眾樂樂👯如果大家中意俾個like支持下🤟🏽 𝗖𝗶𝗮𝗼🍗CHIMAC (駿業街) (觀塘)🍗觀塘駿業街46號地下B號舖

呢間炸雞一直都有食開佢既一人set 餐好抵食今日買左二人特攻炸雞盒可以試多d 唔同口味同試多d 小食原味炸雞香脆可口每件份量都唔細今次要了無骨的雞腿肉炸雞吃落去啖啖肉感到十分滿意甜辣炸雞每件炸雞都沾滿甜辣醬少少辣好惹味香甜更加添上風味泡菜豬肉飯泡菜夠酸用黎炒豬肉豬肉係一層肥一層肉超級好送飯辣炒年糕每條年糕好軟糯仲有胡蘿蔔絲、洋蔥絲和魚片做配料好友韓式風味炸紫菜卷炸得好穌脆入邊係冬粉有個特別吃法就係沾上炒年糕既湯汁同起韓國當地一樣食法魚糕串好濃郁既魚味魚糕彈牙