影片
相关文章
个FD上次话马鞍山游泳池旁边有间西餐唔错所以夜晚去试下,睇睇个餐牌都几多野食一个人唔知食咩好就叫左个沙津同黑椒西冷5成熟。个沙津D菜同好新鲜 D烟三文鱼包到成个花咁非常靓 食落都好好味。西冷扒我叫5成但出黎都有6,7成,不过都OK既 个人觉得唔洗咁熟我都系钟意食5成拎上枱时仲保有牛的肉汁牛肉软身亦不会多根，可能我好彩，块排的脂肪分布得好平均，所以啖啖都好juice。 不过个意粉就有少少失望 因为个意粉乜味。但个蕃茄同个黑椒汁就好有水准。个芝士炸鸡，芝士和鸡肉非常夹鸡肉嫩滑多汁，真心系好食嘅，芝士非常香口而且经过烤一烤， 肉嫩滑juicy, 皮脆香脆但唔干,鸡翼皮脆个身竟然都可以咁嫩口，好滑身，非常好！芝士味几特别几香口，好新鲜配搭。仲份量好多TIM个汤黎到我个人觉得淡左少少,但个包就好松软。洋葱汁肉眼6成熟, 都几大块几厚身个汁都唔错意粉都几好味。如果下次黎我会食埋另外果几种炸鸡。
继续阅读
难得有朋友黎马鞍山揾我食饭，要揾间坐得耐，环境又好嘅，系美食沙漠真系唔易揾～醒起之前有人介绍过泳池隔离有间餐厅，环境好似唔错，就一于同朋友去试下～我哋星期五晚去食，唔算好多人，但真系好正，难得有个地方可以静静地同朋友倾计，又冇用餐时限！最紧要地方够大，每张枱都有距离，唔会听到隔离讲紧咩，保持私隐度～玻璃出面就系泳池，唔知系咪单面反光嘅呢？如果唔系，游水嘅人都好似有啲尴尬😝讲到食物，味道真系唔算好好，但份量够哂～我哋叫咗两个餐，首先黎咗个餐汤先。罗宋汤好似用茄膏加罐头汤就咁沟出黎，唔知系咪落多咗糖，味道偏甜。朋友嗌咗个黑松露海鲜焗饭，但个黑松露汁完全无咸味，得阵黑松露味，唔通无落盐？最后朋友都食唔落😶依个就系我叫嘅烧春鸡配黑松露意大利饭，今次个饭就唔错，仲有半只春鸡系饭上面，真系好大份～不过可能烧得耐咗少少，啲鸡肉都有啲鞋，最后都系食唔哂。仲有两杯餐饮就正常质素，最后我哋仲嗌咗两个甜品，一个焦糖炖蛋，一个芝士蛋糕，不过唔记得影相。芝士蛋糕份量有啲细，芝士味唔浓；但焦糖炖蛋就唔错～整体黎讲，食物质素一般，但环境的确唔错，服务亦ok，所以有机会都会考虑再黎～
继续阅读
沙律卖相吸引，烟三文鱼加新鲜青苹果和蔬菜，配酸甜油醋汁，口味清新，价钱$48元。加$18可有是日餐汤及热饮一杯。餐厅位于泳池旁，而装修以简约在主，坐位舒适，餐厅内播著轻快的英文歌，感觉悠闲舍意，下午茶不错的选择。
继续阅读
今日试左呢间餐厅，谂住喺呢区排名都几高，点知完全系中晒伏！我叫左2个餐，再加份薯仔沙律。薯仔沙律份量唔少，我谂都有成个薯仔。不过味道好一般，切得太大粒，沾得好少酱，有烟肉嘅咸味，冇沙律味⋯跟餐有个牛角包，佢冇呃你㗎，佢唔系一个牛角酥，所以唔好期望会有一层层嘅酥皮，佢只剩返最深底果层包。餐汤系南瓜汤，正正常常普通货，系衰在有好多一pat pat嘅cream/粉。黎到主菜喇，叫左个肉眼扒，我叫5成熟，结果黎左块煎得好唔平均嘅扒俾我⋯重点系呢块扒起码8成熟，其中一边更加系全熟。我唔想浪费食物，所以都照样食左佢，不过大厨真系要恶补一下，通常去d街坊餐厅，叫5成变7成都算，差唔多全熟真系好过份。谂住扒类失手，意粉应该ok喇，点知呢个先系最伏！呢个意粉带住淡淡嘅罗勒清香～冇错呀！真系淡淡！呢个意粉系冇味㗎！我谂除左果少量嘅罗勒酱，大厨真系连盐都冇落！虾又用雪藏虾，加上冇调味，我咬落去时完全唔知自己食紧乜⋯结论系，唔会有下次！
继续阅读
炎炎夏日去游水晒太阳，其实可以去马鞍山泳池，而开饭都可以系泳池附近。间嘢仲可以望到泳池里面的。有十多种午餐，结果叫咗份十安士六成熟嘅肉眼扒，跟汤同冻饮盛惠150蚊。汤其实真系麻麻，有尐稀又无乜味咁，不过总好过无。冻咖啡就真系估佢唔到啦，又几有啡味，呢个扺赞。主菜六成熟牛扒系落单不足十分钟内就可以上枱，绝对系光速煮食，又谂住咁快有得食，肯L定一切开件扒就成碟肉汁，结果又无㖞，仲原全锁得死尐肉汁兼做到六成熟嘅肉质。系食落有小小炭味，又有小小𡁻头，又有小小牛味，同埋有尐凉。就系夹夹埋埋晒以上之后就变成「唔系太好」。
继续阅读