Cocolo Tokyo Cake Factory (朗豪坊) (已結業)

太耐冇去日本好掛住日本最好食嘅青森蘋果批，估唔到喺香港都可以食到日本嘅味道。有好幾間分店我哋揀咗最方便嘅旺角出咗地鐵站C出口穿過Market Place再行前少少就搵到依間Cocolo Tokyo came shop.細細間估唔到亦會有木枱等下次真係要坐定定食。今次因為上朋友屋企所以就叫咗啲批同埋蛋糕。 Takeaway啲包裝都幾靚好鍾意個蘋果盒色彩繽紛。 蘋果批真係好香甜。返到屋企焗熱佢一陣好清新嘅蘋果味已經喺廚房到傳出嚟入口清甜又唔漏， 外層鬆脆。非常推介👍🏼 牛肉批鹹點一樣係咁鬆脆香口。 綠茶天使蛋糕入口鬆軟朱古力天使蛋糕同樣地入口鬆軟比起綠茶嘅清新我比較鍾意朱古力味嘅香濃。cream唔算太多所以唔會太漏整體比較健康。

好正喎好少有店舖可以糖食，仲要喺朗豪坊入邊。啱晒喺旺角行完街攰攰地幫老婆攞到成手都係袋可以坐低同老婆二人世界食件批。 間嘢除咗有蘋果批話我批之外仲有其他甜品，仲有一啲特色嘅飲品。 必試青森蘋果批，香甜嘅清心蘋果同一般嘅蘋果係一啲都唔同嗰浸陣香味真係同喺日本青森食嘅一模一樣。如果加埋一杯青森果汁就好似去咗日本一樣。 鹹嘅都一樣咁香口入邊嘅和牛好軟滑加埋啲雜菜炆好左非常入味。 另外老婆想試吓嗰度嘅甜品見到佢嘅天使蛋糕唔會太多cream唔會太肥膩應該卡路里唔算太高揀咗綠茶味同埋朱古力味。個蛋糕底都幾軟身，入口鬆軟就好似天使蛋糕嘅質感。啲cream唔會太甜所以整體嘅但係唔會太漏，啱晒話要減肥嘅老婆，行旺角坐低兩個人食下又行吓街都唔錯。

今日去朗豪坊做facial 之前諗住食少少野先上去係旺角站C出口出就係朗豪坊B2 個層有好多甜品小食可以填肚因為想有得坐的關係 我穿過左馬莎有間食青森蘋果批的甜品店木條子的門面 已經有和式味道本黎諗住食一個蘋果批但係見到佢d cake 都幾靚 心郁郁叫埋馬卡龍我覺得下次都可以試埋🤣 可惜眼闊肚窄夜晚七點幾都多人外賣 反而堂食就少 可以搵到位坐下 仲好貼心有埋充電線🤣青森蘋果批 批的酥皮有層次 同脆口外賣的話都可以拎返去焗熱粒粒蘋果夾係中間 仲有少少蘋果蓉 滿足另外一個芝士橙味蛋糕係清新的味道 仲有橙皮係面食落都唔苦澀 輕芝士口感所以食曬兩樣野都唔會好飽濟兩樣甜品加埋六十蚊左右 又有位坐都係一個性價之選

呢間舖頭主打係日本直送， 如果你懷念日本嘅味道， 不妨嚟到呢間舖頭， 食佢嘅蛋糕 ，飲佢嘅飲品 因為全部都好有日本嘅風味，包你滿足。呢間蛋糕舖除咗賣各式不同嘅蛋糕之外，仲有埋特飲 ，仲有macaroon買， 選擇眾多， 適合不同口味嘅你。michael都好特別，又好靚。佢呢度出名嘅批，有蘋果批，牛肉批，日本蛋糕等等。呢度仲有好多京都抹茶特飲供選擇， 價錢都好抵飲， 幾十幾蚊就有杯， 佢嘅抹茶款式都好有心思。仲有日本獨有嘅靜岡抹茶蛋糕， 睇到都好想食。我叫咗一個呢度出名嘅蘋果批， 一食就愛上， 第一啖食得出好多嘅蘋果蓉， 嗶曬出嚟， 好有口感，個 批都好脆。另一個係叫咗抹茶蛋糕， 好有抹茶嘅香味， 蛋糕有口感， 入口即溶嘅感覺。

之前喺灣仔試過Cocolo嘅青森蘋果批，一直都念念不忘，難得喺旺角開咗分店，今日路經附近，呢期又咁興食apple pie，就買幾個返屋企。原來依家已經發展到有配送服務，做散水餅都唔錯喎！其實呢度除咗有青森蘋果批做主打之外，仲有好多唔同種類嘅甜品，不過今日嚟到已經比較晏，好多都已經售罄。雪櫃內仍有唔同款式嘅蛋糕。連Macarons都有，真係幾吸引。買咗幾件蘋果批返屋企，連包裝盒都一樣咁精美。每件青森蘋果批都會有一張紙包住，方便進食。青森蘋果批係一個千層酥，入面包含着青森蘋果醬，仲有粒粒蘋果肉，非常有咬口，甜度亦適中。老公鍾意食cheesecake，所以我仲買咗一件香橙鮮芝士蛋糕。芝士蛋糕好香滑，充滿芝士香味之餘又唔會覺得太溜，配合微微嘅橙香非常清新。

朋友講有間食蘋果批不錯而且近地鐵站就來買外賣回家吃，朗豪坊 地庫十分方便，沒想到仲有坐位和充電，下次都嚟坐下飲杯嘢食件蛋糕岩晒。批有粟子（新返）同日本直送 蘋果批，朋友推介所以今次試這個先，仲有不同件裝蛋糕選擇比心目中多，而且仲有飲品。蘋果批回到家再用焗爐低溫焗一焗更脆口，入面蘋果粒大大粒，不太甜剛好❤️朋友沒有介紹錯，晚上再試香橙芝士蛋糕 🍰上面有橙片幾吸引又食到，橙味幾香芝士味保持到，如果少點甜就更加好。

今日經過旺角朗豪坊, 見開左新既CAKE FACTORY,主打日本直送青森蘋果批,又聞到勁香蘋果批味,咁當然要買反個試試佢。入到去見到個甜品櫃,又忍唔住買多左件抹茶焦糖MOUSSE 蛋糕杯1)青森蘋果批HKD 33青森蘋果批是呢間鋪主打招牌, 強調日本直送。除左青森蘋果批,佢仲有忌廉吉士批, 和風牛肉批。講反個森蘋果批先,佢係熱辣辣香噴噴。就咁睇已然見到佢好多層酥皮, 酥皮入口酥脆,配上清甜既青森蘋果,成個感覺一D 都唔油膩,令你一啖接一啖,絕對係食唔停口,好後悔冇買多一個2)抹茶焦糖慕絲蛋糕杯HKD 25相比之下, 呢個抹茶焦糖慕絲蛋糕杯就冇青森蘋果批咁驚喜。呢個抹茶焦糖慕絲蛋糕杯食落去可以感受到多重口感, 頂層係抹茶蛋糕, 之後就係主角抹茶慕絲, 口感細滑輕盈,但略微甜左一點。

同朋友去行朗豪坊，行行吓都覺得有啲攰，不過仲未到午膳時間，於是朋友建議去食個甜品頂住肚先。經過Market Place附近，見到有間寫住係日本直送嘅甜品舖， 見到佢嘅主打係蘋果批，朋友都覺得賣相唔錯幾吸引，於是決定去試吓。我哋分別叫咗個抹茶蛋糕切餅同一個蘋果批，價錢都唔貴，加埋大約$60。先講個抹茶蛋糕切餅，佢賣相同市面一般售賣嘅蛋糕切餅冇太大分別，不過味道就突出好多啦。抹茶味十分之濃，不過啲cream又中和一下苦中帶甘嘅抹茶味，可以話係Perfect match蘋果批更加係意料之外嘅好食，本身我同朋友唔係特別鍾意食蘋果批嘅人，只係見呢間舖頭嘅主打係蘋果批於是想試吓。點知一食就不得了，外皮十分之脆，批皮底下嘅蘋果又甜又多汁，不過又唔會太甜，強烈建議大家去試食蘋果批！

好耐無行過朗豪坊，吃完晚飯，見時間尚早，決定過去逛逛。冇嚟一排，場內開了不少新商舖，好多間都做緊優惠，真係令人花多眼亂。喺 B2 層見到開左間甜品店，走近一看，原來係日本人氣過江龍「Cocolo Tokyo Cake Factory」。之前喺灣仔幫襯過，店舖的甜批同芝士蛋糕都好搶手，反正甜胃有空，一於坐低食返件 Pie。餐廳主打青森蘋果批，據知所用嘅食材均由日本直送，並以全人手製造，所以質素絕對有保證。餅櫃內放滿了各式甜批，另外仲有芝士蛋糕、蒙布朗、慕絲杯等，琳瑯滿目，令人目不暇給。款款都好吸引，心大心細，最後揀左青森蘋果批 ($33) 同 三層朱古力蛋糕 ($25)。先嚐蘋果批，外皮酥脆鬆化，拿上手時仍熱辣辣，咬開見到入面塞滿了粒粒蘋果肉同吉士醬。蘋果粒不會太酸，吉士醬軟滑香甜，味道清新，完全不膩。另外件朱古力蛋糕，水準亦甚高，用上了三層朱古力海綿蛋糕夾住中間嘅朱古力忌廉，層次分明，糕身濕潤鬆軟，入口帶可可香，絕對值得一試。

呢間舖頭最出名食蘋果批！之前同事請食散水餅食過一次，一直都好掛住隻味！除咗有蘋果批之外原來呢間舖頭仲有好多唔同嘅蛋糕選擇！例如有三層蛋糕🍰、唔同口味嘅蒙布朗蛋糕！入邊都有啲位置俾人買嚟堂食！😜😜而且簡約嘅日式裝修都幾適合打卡嘅！🤩🤩🤩🤩✨青森蘋果批青森蘋果出晒名清甜！用來做蘋果批就係最適合不過！食嘅時候蘋果批仲係熱！蘋果批嘅表皮有啲似牛角包！好鬆化！🤩🤩🥳🥳😎😎而且蘋果粒切得正正方方，而且軟熟得來又有口感！入邊都有啲吉士醬！唔算好甜！超級抵讚！✨焦糖堅果奶油蛋糕🍰蛋糕係用咗海綿蛋糕？中間啲奶油都有啲焦糖味！同埋海綿蛋糕都做得好鬆軟！上邊啲堅果包括有果仁！杏仁碎片！雖然入咗雪櫃，但係估唔到的果仁同埋杏仁脆片冇比雪櫃嘅濕氣影響到搞到唔脆！

喺旺角行街行到好攰 本身諗住落去搭地鐵返屋企🚇 點知就喺朗豪坊地庫通去地鐵站嗰一層 俾呢間甜品店吸引咗 佢個餐紙design好可愛 於是入咗嚟食件cake🥰門口有宣傳佢地人氣no.1嘅青森蘋果批 本身都想試架喇 不過最後我揀咗佢地新登場嘅栗蓉批🌰 栗蓉批外層好酥脆 栗蓉餡就啱啱好 唔會太甜 如果唔係太甜加上酥皮一定好heavy😻 而家就恰到好處另外再叫多咗件香橙鮮芝士蛋糕 店員同我地講蛋糕係日本直送㗎😗 呢件芝士蛋糕保留返一般芝士蛋糕嘅味道 而上面酸酸甜甜嘅香橙片就為個蛋糕加上一啲點綴 不過可能係我地影得太耐相 但蛋糕底嗰度有少少出水🍰😅 值得一提佢嘅座位有提供手機差電線 入嚟嘆件cake可以為自己差差電 又可以差埋電話嘅電 食完個人同電話都充滿energy啦⚡️

同老公食完飯，梗係要去食返個甜品，平時有好多唔同嘅cake shop進駐，今日呢間都唔例外全部蛋糕都係日本直送，如果鍾意食cake嘅呢間真係要試吓，呢間日本品牌所有蛋糕同蘋果批都經由日本當地製作再空運來香港🇭🇰主打係直送嘅蘋果批喺香港都可以食到日本當地嘅原味不止朗豪坊有分店，西貢同灣仔都有今日試咗個日本甜薯批，熱辣辣外面敲到金黃色又有啲牛油味酥皮又焗到啱啱好甜薯好甜，軟綿綿香噴噴另一樣我推介大家嘅就係草莓芝士蛋糕都係日本直送㗎草莓十分香滑，咬落去啲芝士味又好突出，非常美味，蛋糕軟綿綿的日本甜薯批，$35 熱辣辣外面烤到金黃色，又有啲牛油味酥皮又焗到啱啱好甜薯好甜軟綿綿香噴噴呢間cake shop嘅招牌就係青林蘋果批，外表香脆，好似一個手掌咁大，味道清甜，咬落去仲有粒粒果肉，酸酸甜甜夠晒足料，難怪店主話呢個係最受歡迎👏🏻

第一次食呢間小店嘅青森蘋果批係喺西貢，簡直一試難忘❤️所以見到朗豪坊開咗分店咁方便梗係要再品嚐下啦。可能撞唔啱佢新鮮出爐，所以今次冇之前咁鬆脆，不過入面依然啖啖蘋果肉再配吉士醬，酸酸甜甜，都算好味同埋唔會好膩👍店內仲有其他唔同種類嘅甜品，甜品控嘅我就嗌多個雙重鮮奶芝士蛋糕，芝士蛋糕分上下兩層，使用日本北海道鮮奶芝士製作，一層軟芝士、一層滑芝士，口感軟滑，唔會好甜，但如果平時食開New York cheese cake 嘅你就可能略嫌味道唔夠濃郁唷😆

行完朗豪坊打算返屋企途中，比店鋪門口既青森蘋果批吸引左，即刻走去望２眼有幾款既批可以選擇，另外仲有好多款式既Cake當然即刻買返2件返屋企同男朋友share啦青森蘋果批就算拎到返屋企都仲保持酥脆，酥皮食落都應該有好多層！一咬開入面既蘋果醬同吉士醬就湧出黎，超好味呀！每一啖都充滿住香濃既青森蘋果味！甜而不膩果然係店鋪既重點推介，超正！焦糖堅果奶油蛋糕賣相好精緻～食落口海錦蛋榚非常鬆軟，焦糖味好突出，而且鋪滿住堅果 每一啖都會食到Cream同朱古力醬都唔會太甜～恰到好處～好味！順帶一提，佢地外賣既包裝好靚好得意！！睇得出店鋪各方面都好細心另外除左外賣，鋪頭仲有擺放幾張枱可供堂食

🍰焦糖堅果奶油蛋糕 💵25🍀🍀🍀🍀🍀🍀🍀🍀🍀 面頭有好多nuts🌰食落好重焦糖味，同時亦有咖啡味☕️因為有咖啡味嘅關係，所以食落都唔會好膩，不過cream可以打得綿再滑啲🤪🍏青森蘋果批 💵33🍀🍀🍀🍀🍀🍀🍀🍀🍀 果然係No.1人氣王🤩外面既邊位脆卜卜，入面就有吉士醬同埋蘋果蓉🍏加埋一齊食有種好溶化嘅感覺😆係幸福嘅感覺😚味道酸酸甜甜，正正因為有蘋果嘅關係，所以食落都唔會好膩🤤真係好食😋食一個都好飽～☀️整體而言，Cocolo 分店都多，商場🏢或者地鐵站🚉都搵到，十分方便👍🏻店員服務亦好好，雖然戴咗口罩但係都感受到佢哋嘅笑容😁客人可以選擇外賣或者店內用餐，客人可以坐低傾偈同影下相📸️不過座位有少少窄，價錢有少貴，但絕對值得買黎食🤤