Cocolo Tokyo Cake Factory (朗豪坊) (已結業)

上次食完意粉嘆完杯咖啡就直接走黎呢到食甜品😂幾時都話食甜品係第二個胃啦我揀左青森蘋果批&紅茶奶油蛋糕蘋果批熱辣辣 金黃色酥皮有牛油香咬落一層層勁酥脆 啲碎都跌晒出嚟我有自己清理返嫁😆唔好鬧我爆漿蘋果餡仲食到有啲爽脆口感食食吓先知入面原來仲有吉士醬😍吉士醬唔會太多作為一個蘋果餡同酥皮之間嘅配搭❤️好鍾意食呢個蘋果批呢個紅茶奶油蛋糕係新產品我想講啲奶油超級滑‼️奶油滑嘅程度真心我好少食到👍大贊紅茶味海綿蛋糕綿密得黎有彈性淡淡紅茶味配上香滑奶油🥰好清澈嘅味道～好想飲番杯茶或者咖啡⚠️呢個唔係重口味蛋糕🍰會再encore🤤 誓要食晒全部野

之前喺灣仔都食過一次呢個蘋果批，覺得個味道好唔錯～經過朗豪坊先知原來呢度有🤣呢排冇晚市堂食，呢個企喺度食都方便，就決定買佢嚟食🤤我去嗰個時間做緊買四送一，其實都幾抵，不過我哋得兩個人，下次先幫襯佢個四送一😆批類方面佢都有鹹有甜，不過我哋都係叫咗個招牌嘅青森蘋果批 ($35)🍎外皮真係好酥脆，好有牛油香但又唔會覺得好heavy，入面嘅蘋果粒好好味，我覺得甜度適中，仲食到少少爽脆蘋果口感🤣另外我哋見佢蛋糕都幾靚，選擇都好多吓，所以叫咗件三層朱古力蛋糕 ($28)🍰呢個價錢都算幾抵，朱古力味好濃，忌廉亦都好軟滑，整體嚟講都好味😚下次再經過再做買四送一我都會買返屋企😋多啲人一齊share🤤

➡️食盡旺角之甜品 - Cocolo Cake Factory————————————————————今日經過朗豪坊，覺得有啲肚餓想搵野食，但係又唔想食咁多嘢🤔， 突然之間畀一個好大嘅招牌吸引咗我嘅視線👻舖頭位於朗豪坊B2樓層，行到去門口，見到店員話有新鮮出爐嘅青森蘋果批， 就一於試一試啦🤔佢嘅款式都幾多，有蘋果批，A5牛肉餡批，亦都有一啲唔同味既三角切嘅蛋糕新鮮出爐嘅青森蘋果批聞到都覺得好香😛而家做緊買四送一嘅優惠，都有唔少人係選擇買幾件拎返屋企食。下晝四點鐘已經有幾款口味賣曬啦！🤯最後選擇左北海道忌廉芒果蛋糕同啱啱出爐嘅青森蘋果批🥰🔸️ 青森蘋果批外型飽滿而且熱辣辣真係新鮮出爐，好香呀聞落！一咬落去嗰陣酥皮非常之鬆軟，再加埋蘋果餡，口感豐富得黎唔會過份甜係會食到啲蘋果餡流埋曬出嚟， 就知道係真材實料啦😆🔸️ 北海道忌廉芒果蛋糕芒果蛋糕非常鬆軟， 面層係一啲芒果醬， 忌廉打得幾滑，幾啖就食曬lu😋店內嘅風格都係簡約路線， 有5，6張細枱，每張枱上面都有紙巾可供使用，環境都幾乾淨企理🤗💭Overall comment：如果想食甜品又經過朗豪坊，不妨黎試一試佢招牌嘅青森蘋果批😋， 佢嘅酥皮餡真

🔺 Cocolo Tokyo Cake Factory (旺角)去朗豪坊行街行行下聞到好香蘋果批味，停阻係到望一望決定買2件返屋企慢慢嘆～🔻青森蘋果批（$35)買果陣仲係暖笠笠～外皮鬆脆，入面有吉士同蘋果醬蘋果粒，好有咬口，酸酸甜甜，唔錯～🔻三重朱古力蛋糕（$28)朱古力味濃之餘唔甜，蛋糕位夠鬆軟～慕絲香滑～🌟呢到有少數座位供客人坐低慢慢享受，可以即刻試到熱既批類，唔驚拎到返屋企凍晒～望落間鋪光猛乾淨～店員服務有禮親切～

又到食甜品既機會！原因係佢買4送一！不過我同朋友share所以就得青森蘋果批同芒果蛋糕。買四送一都幾抵，因為佢平均每樣都係30幾蚊，以最平嗰個價錢就會送嗰款蛋糕，同朋友夾，最尾每人差唔多$30就有一件高質蛋糕，唔知道佢優惠做到幾時所以大家都可以得閒去睇吓。外賣包裝就好靚啦，睇吓佢係咪真係咁好食😋青森蘋果批佢嘅蘋果批入面有吉士，而且蘋果好清甜，而且蘋果批有別一啲好厚嘅麵粉，佢係做到一層一層咁，我係返熱嚟食都覺得好好食。下次呢一個都會再試。芒果蛋糕芒果蛋糕就有一層芒果喺上面，個蛋糕就唔係好甜，所以食落罪惡感冇咁大。😂😂😂佢仲有個千層蛋糕我都想試，下次如果見到仲有買四送一優惠等我買埋先！

經過旺角朗豪坊口痕想食下甜品，見到有間甜品店，經過店員推介之下，就點了一件日本青森蘋果做的蘋果酥，同埋焦糖堅果奶油蛋糕。佢係日本製造的甜品，所以對於食材原料比較有信心，首先食一口焦糖堅果奶油蛋糕，雖然款式唔花巧，但將蛋糕做到好出色，做得好好食都唔容易㗎，呢個焦糖堅果奶油蛋糕係日本直送，但係都係非常之濕潤，蛋糕有彈性得來又綿密，有美味嘅蛋糕香味，配上外層的堅果，軟硬程度適中，非常好味。另外店員推介嘅青森蘋果批，問到店員蘋果酥有什麼分別，原來此店嘅蘋果酥係用青森蘋果肉和吉士做的，相對比較甜同濃郁，外皮的酥皮真係非常非常之脆，剛剛出爐，口感方面做得好出色，甜甜酸酸好開胃，個蘋果批勁鬆脆，暖笠笠，甜度適中，仲勁香蘋果味，中間爆出蘋果蓉，好足料，下次希望試吓其他蛋糕。

呢間係朗豪坊既cocolo，成日路過呢到都聞到好香，但係一次都無試過，今日路過終於忍唔住試下呢到有得堂食，亦可外賣，環境光猛夠靚勁多款cake同蘋果批，仲有野飲可以買。連套餐都有，食件cake飲杯野high tea一流隔住玻璃都見到啲批同蛋糕好靚，件件都想食，揀左好耐先決定到食咩。今次試左個栗子蓉批，外皮勁酥，有啲似叉燒酥咁，勁香口，不過係甜既。入面勁多栗子蓉，勁香濃栗子味，又唔會太甜，超級好食！北海道草莓忌廉蛋糕，面頭草莓味既gel好甜，忌廉有三層，所以食落味道好勻稱，唔會中間得蛋糕食落好dry咁蛋糕軟身好有口感今次試左呢個批同cake都好香好好味，見佢仲有個cake叫蒙布朗，又係好靚好creamy咁，下次一定要試！

疫情冇得周圍去唯有買啲甜品返屋企食睇住電影食甜品今次去咗朗豪坊試呢間見佢出名青森蘋果撻一於試試佢今次叫咗幾款唔同嘅甜品試一試包括有青森蘋果批 栗子批仲有朱古力蛋糕同紅莓朱古力蛋糕栗子批入面好多栗子鍾意食栗子嘅朋友一定唔好錯過仲有要試一試嘅係最多人叫嘅蘋果批呢個蘋果批唔算特別甜 係一種清新嘅口味都係一個唔錯嘅另外仲有兩款蛋糕呢兩款來講最鍾意係紅莓朱古力雖然係有少少酸 但會令更加開胃入口食咗咁多款最鍾意嘅都係蘋果批果然係呢度嘅大熱第一次嚟呢度食嘅朋友必試

心情好，買件cake 番去同女友開心下。唔係特別去的，經過朗豪坊，見依間野未試過，就入去睇睇唔算太多人。好多cake, 佢地d pie 都出名。朱古力樹莓蛋糕 $28三層朱古力蛋糕 $28朱古力樹莓蛋糕 好特別，好fresh 嘅感覺三層朱古力蛋糕 勁重朱古力味，同好滑嘅感覺。價錢唔算貴，經過可以買番去加餸。

今日朋友生日，平時都會買生日蛋糕慶祝，但近排朋友話要減肥唔食有忌廉既蛋糕，又想有啲新意，就係我周圍睇下買咩比佢個時就聞到呢間Cocolo勁香！呢到主打青森蘋果批，係門口已經聞到香味，當然亦有其他野食如蛋糕、馬卡龍、手作飲品就咁睇都覺得好靚，而家未到夜晚，蘋果批都已經差唔多比人買晒，睇黎真係好受歡迎蘋果批好酥脆，好香牛油味，咬落直頭有聲添呀入面見到有啲蘋果蓉，好清甜，唔會覺得係人工合成個啲香料味道，仲可以見到啲酥皮係勁多層，咬落勁有口感！淨係蘋果批又好似少左啲野咁，生日點都要買個蛋糕先得，所以就試埋佢個三層抹茶蛋糕。蛋糕唔會好甜，亦無乜忌廉，岩晒我個朋友呀取而代之係海綿蛋糕，勁軟身，抹茶味好出，高質

今日係旺角食完飯，有D想買甜品返屋企食，經過朗豪坊見到呢間日式蛋糕店就比佢吸引左入黎。呢度最出名係日本青森直送既蘋果批，我地買左外賣返屋企慢慢食。-青森蘋果批$33我地返到屋企輕輕叮返熱少少，果然熱辣辣最好食，外脆內軟，外面既酥皮好香脆，裡面嘅吉士醬加埋蘋果蓉好多，味道好夾，中和返蘋果酸酸甜甜，係我地食過最好食嘅蘋果批，食完好想再食！-香橙芝士蛋糕$28除左蘋果批，我地仲揀左呢個香橙芝士蛋糕，芝士蛋糕好鬆軟香濃，仲有微微嘅香橙味，味道好夾，而且一啲都唔膩，雖然個蛋糕有少少細件，但一件細細地岩岩好。呢度除左蘋果批同芝士蛋糕，仲有其他味道嘅奶油蛋糕、蒙布朗蛋糕、慕絲蛋糕杯，樣樣都好精美好想試下，不過一定要encore個好味蘋果批！

今日去咗朗豪坊行街,無意中俾我見到一間主打做蘋果批嘅舖頭,舖頭食物全部日本直送，而且賣相都係好吸引，所以試下，cocolo tokyo Cake Factory 👍鋪頭裝修得好整潔，望落去感覺好乾淨，原來佢呢度可以坐低堂食，每張枱都有叉電線同埋紙巾提供真係好細心而且店員都好有禮貌，值得一讚除咗有幾款主打嘅批之外，入邊仲有好多款蛋糕可以選擇，亦都有飲品提供選擇，行街行到攰攰地，係呢度休息下真係唔錯青森蘋果批蘋果批嘅size都算大個，賣相好吸引，啱啱整好香噴噴熱辣辣外邊嘅酥皮炸到金黃色一啖咬落去非常鬆脆，帶點牛油嘅香味最鍾意就係食酥皮，真係好好味。蘋果批入邊嘅餡料係日本直送青森蘋果製造蘋果蓉同蘋果粒味道非常清甜可口，食到啲蘋果肉好香，好有口感估唔到個蘋果批咁好食朋友就試咗個特濃雙層朱古力蛋糕蛋糕賣相都好吸引朱古力味道好香濃而且唔會太甜蛋糕非常之鬆軟，都係出色之作 Tiramisu 蛋糕 🍰蛋糕有香濃嘅咖啡味，而且有一層cream食落去都係好鬆軟而且甜度啱啱好，可能自己鍾意飲咖啡所以覺得好好食

唔知點解寫咗食評，但消失了，所以又再寫過今次食這間店舖是在十月的時候，這間店舖剛開張， 店舖喺 朗豪坊茶狼隔離，買完嘢飲再食再買蘋果批非常夾店舖嚟嘅款式都幾多， 除咗焗嘅批之外，仲有好多款冷凍蛋糕，我自己最鍾意食布朗尼，睇見佢布朗尼都有7隻味, 而且係28蚊一件，唔係貴所以就揀咗一個栗子布朗尼再加一個出名嘅青森蘋果批， 布朗尼栗子蓉幼滑裏面有蛋糕亦都好濕潤蘋果批外皮鬆脆，裏面蘋果分量好多，青森蘋果有蘋果味食到青森蘋果的爽脆整體嚟講經過可以下次再買過

禁堂食後，吃貨們冇左人生好大嘅樂趣。 係放工後， 冇啖好食，一份好嘅甜品絕對係life saver。經過朗豪坊，聞到好想嘅牛油味，跟隨個味搵到呢間日本甜品鋪，原來咁啱佢地嘅蘋果批新鮮出爐。咁就當然買翻件試試。青森蘋果批 $35因為我外賣緣故， 翻到屋企自己拎去焗焗先。 焗完外層酥脆，好重牛油香，成家即刻過黎望望咩名堂。 佢裡面有蘋果粒同吉士醬，份量剛剛好，又唔會太甜。蘋果粒keep住爽嘅口感，令成個批層次豐富。三層抹茶蛋糕 $28見佢有唔同口味嘅蛋糕就整翻件試試。 比起上面個批就掙d, 唔係好夠抹茶味。 不過蛋糕都鬆軟嘅，cream都唔會好膩。佢其實都有得堂食，環境都唔錯，安靜都幾chill。 如果堂食都可以考慮叫杯嘢飲嘆件餅relax下。

番工咁辛苦，宜家又冇得夜晚出去食好西，唯有去買d甜品獎勵下自己🥲經過朗豪坊，見到呢間源起於日本池袋嘅甜品店就決定食番屋企享受下🤓🌟青森蘋果批🥧（＄35）蘋果批原個由日本整好直送到香港，用嘅都係日本材料🇯🇵食之前放入焗爐整番熱，一邊焗一邊聞到陣陣香氣酥皮帶牛油香，夠曬酥脆🧈蘋果餡好足料，而且甜度適中，亦夠濕潤有咬口🍎吉士醬相對唔太多，令成個蘋果批唔會太膩🌟三重朱古力蛋糕🍰（＄28）朱古力一直都係我嘅all time favourite❤️Mousse口感幼滑，甜而不膩而海綿蛋糕夠濕潤，朱古力味亦夠香🍫甜品店仲有幾款批同好多蛋糕選擇見到雪櫃仲有原個蛋糕出售添🎂下次生日都要試下先🤤